കന്നുകാലികളിലെ രോഗങ്ങളും പ്രതിരോധ മാര്‍ഗങ്ങളും: പരിശീലന പരിപാടികള്‍

Monday, 6th February 2023

തൃശ്ശൂര്‍ കൃഷി വിജ്ഞാന കേന്ദ്രത്തില്‍ ഡിസംബര്‍ 15, 16, 17 തീയതികളില്‍ രാവിലെ 10 മണി മുതല്‍ കന്നുകാലികളിലെ രോഗങ്ങളും പ്രതിരോധ മാര്‍ഗങ്ങളും’ എന്ന വിഷയത്തില്‍ പരിശീലന പരിപാടികള്‍ സംഘടിപ്പിക്കുന്നു. കൂടുതല്‍ വിവരങ്ങള്‍ക്കായി 9400483754 എന്ന ഫോണ്‍ നമ്പറില്‍ ബന്ധപ്പെടുക

Also read:

പശുവളര്‍ത്തല്‍: മാര്‍ഗനിര്‍ദ്ദേശങ്ങള്‍

ബി.വി 380 ഇനത്തില്‍പ്പെട്ട കോഴിക്കുഞ്ഞുങ്ങള്‍ വില്പനയ്ക്ക്

പേവിഷബാധാവിമുക്ത കേരളം

ഗ്രാമശ്രീ പിട കോഴിക്കുഞ്ഞുങ്ങള്‍, പൂവന്‍ : വില്‍പ്പനയ്ക്ക്

Leave a Reply Cancel reply

കാര്‍ഷിക നിര്‍ദ്ദേശങ്ങള്‍
* ചേന, ചേമ്പ്, കാച്ചില്‍ തുടങ്ങിയ കിഴങ്ങുവര്‍ക്ഷവിളകളുടെ നടലിന് അനുയോജ്യമായ സമയമാണിപ്പോള്‍. ഇതിനായുള്ള വിത്ത് ശേഖരണവും നിലമൊരിക്കലും ഇപ്പോള്‍ ആരംഭിക്കാവുന്നതാണ്. കുമ്മായം ചേര്‍ത്ത് നിലമൊരുക്കി 10 ദിവസത്തിന് ശേഷം ട്രൈക്കോഡെര്‍മ സമ്പുഷ്ടീകരിച്ച ചാണകപ്പൊടിയും ചേര്‍ത്ത് വേണം കുഴികള്‍ തയാറാക്കാന്‍. നടീലിനായി തിരഞ്ഞെടുക്കുന്ന വിത്തുകള്‍ ചാണക വെള്ളത്തില്‍ മുക്കി തണലത്തു വെച്ച് ഉണക്കിയ ശേഷം നടാന്‍ ഉപയോഗിക്കുക. ചേനയില്‍ വരാന്‍ സാധ്യതയുള്ള നിമാ വിരകളെ അകറ്റുന്നതിന് മുന്‍കരുതലായി ബാസില്ലസ് കള്‍ച്ചര്‍ 3 ഗ്രാം ഒരു കിലോഗ്രാം വിത്തിനു എന്ന കണക്കില്‍ വിത്ത് പരിചരണത്തിനായി ഉപയോഗിക്കുക. ഇപ്പോള്‍ നിലമൊരുക്കലും വിത്ത് പരിചരണവും ചെയ്ത് ഫെബ്രുവരി പകുതിയോടെ ഇവയുടെ നടീല്‍ നടത്താവുന്നതാണ്. നട്ടശേഷം ചപ്പുചവറുകളോ കരിയിലകളോ ഉപയോഗിച്ച് പുതയിടയിലും അനുവര്‍ത്തിക്കുക. * അന്തരീക്ഷ ഊഷ്മാവ് കൂടിവരുന്നതിനാല്‍ പച്ചക്കറി വിളകളിലും മറ്റും നീരൂറ്റിക്കുടിക്കുന്ന പ്രാണികളുടെ ആക്രമണം വര്‍ധിച്ചു വരുന്നതായി കാണുന്നു. മുഞ്ഞ, വെള്ളീച്ച തുടങ്ങിയ നിരൂറ്റി കുടിക്കുന്ന പ്രാണികളെ നിയന്ത്രിക്കുന്നതിനായി ആഴ്ചയില്‍ ഒരിക്കല്‍ ജൈവ കീടനാശിനികളായ രക്ഷ 6 ഗ്രാം ഒരു ലിറ്റര്‍ വെള്ളത്തില്‍ ചേര്‍ത്ത് തളിക്കുക. അല്ലെങ്കില്‍ വേപ്പിന്‍ സോപ്പ് 10 ഗ്രാം ഒരു ലിറ്റര്‍ വെള്ളത്തില്‍ ചേര്‍ത്ത് തളിക്കുക. ആക്രമണം രൂക്ഷമാണെങ്കില്‍ ഇമിടാക്ലോപ്രിഡ് 3 മില്ലി 10 ലിറ്റര്‍ വെള്ളത്തില്‍ ചേര്‍ത്ത് തളിക്കുകയും ചെയുക.
വൈഗ 2023 : അഗ്രിഹാക്കത്തോണ്‍ സംഘടിപ്പിക്കുന്നു.
കൃഷി വകുപ്പ് സംഘടിപ്പിക്കുന്ന വൈഗ 2023 അന്താരാഷ്ട്ര ശില്‍പശാലയും, കാര്‍ഷിക പ്രദര്‍ശനങ്ങളോടും അനുബന്ധിച്ച് അഗ്രിഹാക്കത്തോണ്‍ സംഘടിപ്പിക്കുന്നു. ഉന്നത വിദ്യാഭ്യാസ മേഖലയിലെ വിദ്യാര്‍ഥികള്‍, സ്റ്റാര്‍ട്ടപ്പുകള്‍, പൊതുജനങ്ങള്‍ (പ്രൊഫഷണലുകള്‍, കര്‍ഷകര്‍) എന്നിവരെ പങ്കെടുപ്പിച്ചുകൊണ്ട് നടത്തപ്പെടുന്ന കാര്‍ഷിക രംഗത്തെ ഏറ്റവും വലിയ ഹാക്കത്തോണ്‍ ആണ് വൈഗ അഗ്രി ഹാക്ക് 23. കാര്‍ഷിക രംഗത്തെയും, കാര്‍ഷിക ഭരണ നിര്‍വഹണ രംഗത്തെയും പ്രധാന പ്രശ്‌നങ്ങള്‍ക്ക്, സാങ്കേതികമായ പരിഹാരങ്ങള്‍ കണ്ടെത്തുവാന്‍ വൈഗ അഗ്രി ഹാക്ക് കൊണ്ട് ലക്ഷ്യമിടുന്നു. കാര്‍ഷിക മേഖലയിലെ പ്രധാന പ്രശ്‌നങ്ങള്‍ കണ്ടെത്തി അവ പ്രോബ്ലം സ്‌റ്റേറ്റ്‌മെന്റ്കള്‍ ആയി അവതരിപ്പിക്കുകയും, അഗ്രിഹാക്കില്‍ പങ്കെടുക്കുന്നവര്‍ക്ക് ഇവയില്‍ അനുയോജ്യമായവ തെരഞ്ഞെടുത്തുകൊണ്ട് ഫലപ്രദമായ പരിഹാര മാര്‍ക്ഷങ്ങള്‍ കണ്ടെത്താനുള്ള അവസരവും നല്‍കുന്നു. 36 മണിക്കൂര്‍ നീണ്ടുനില്‍ക്കുന്ന പ്രശ്‌നപരിഹാര മത്സരത്തില്‍ സോഫ്റ്റ്‌വെയര്‍, ഹാര്‍ഡ്‌വെയര്‍ വിഭാഗങ്ങള്‍ ഉണ്ടായിരിക്കും. ഉന്നത വിദ്യാഭ്യാസ മേഖലയിലെ വിദ്യാര്‍ഥികള്‍, സ്റ്റാര്‍ട്ടപ്പുകള്‍, പൊതുജനങ്ങള്‍ (പ്രൊഫഷണലുകള്‍, കര്‍ഷകര്‍) എന്നീ മൂന്നു വിഭാഗങ്ങളിലായാണ് മത്സരം നടത്തുന്നത്. 3 മുതല്‍ 5 പേര്‍ അടങ്ങുന്ന ടീമുകള്‍ക്ക് മേല്‍പറഞ്ഞ വിഭാഗങ്ങളില്‍ അപേക്ഷിക്കാവുന്നതാണ്. ഹാക്കത്തോണില്‍ പങ്കെടുക്കാന്‍ ആഗ്രഹിക്കുന്ന ടീമുകള്‍ 2023 ഫെബ്രുവരി 12 ന് മുമ്പായി അഗ്രി ഹാക്ക് പോര്‍ട്ടല്‍ www.vaigaagrihack.in വഴി രജിസ്റ്റര്‍ ചെയ്യേണ്ടതും തെരഞ്ഞെടുത്ത പ്രശ്‌നങ്ങളുടെ പരിഹാരമാര്‍ക്ഷങ്ങളും സമര്‍പ്പിക്കേണ്ടതുമാണ്. തെരഞ്ഞെടുക്കപ്പെടുന്ന മികച്ച 30 ടീമുകള്‍ക്ക് 2023 ഫെബ്രുവരി 25 മുതല്‍ 27 വരെ തിരുവനന്തപുരം, വെള്ളായണി കാര്‍ഷിക കോളേജില്‍ നടക്കുന്ന അഗ്രി ഹാക്കില്‍ പങ്കെടുക്കാന്‍ കഴിയും. വൈഗ അഗ്രി ഹാക്ക് 23-ല്‍ വിജയികളാകുന്ന ടീമുകള്‍ക്ക് ക്യാഷ് പ്രൈസ്, മെഡല്‍, സര്‍ട്ടിഫിക്കറ്റുകള്‍ എന്നിവ സമ്മാനിക്കുന്നതാണ്. കൂടാതെ പ്രസ്തുത പരിഹാര മാര്‍ക്ഷങ്ങള്‍ നടപ്പില്‍ വരുത്തുന്നതിനും, പ്രചരിപ്പിക്കുന്നതിനുമുള്ള നടപടികള്‍ സംസ്ഥാന കൃഷി വകുപ്പ് കൈക്കൊള്ളുന്നതാണെന്ന് കൃഷിഡയറക്ടര്‍ അറിയിച്ചു. കൂടുതല്‍ വിവരങ്ങള്‍ക്ക് (www.vaigaagrihack.in, www.vaigakerala.com) എന്നീ സൈറ്റുകള്‍ സന്ദര്‍ശിക്കുകയോ 9383470061, 9383470025 ല്‍ ബന്ധപ്പെടുകയോ ചെയ്യുക.
ബോട്ടില്‍ ആര്‍ട്ട് മത്സരം
കേരളകര്‍ഷിക സര്‍വ്വകലാശാല പിലിക്കോട് പ്രാദേശിക കാര്‍ഷിക ഗവേഷണ കേന്ദ്രത്തില്‍ വച്ച് ഫെബ്രുവരി 20 മുതല്‍ മാര്‍ച്ച് ഒന്നു വരെ നടക്കുന്ന സഫലം ആര്‍ എ ആര്‍ എസ് ഫാം കാര്‍ണിവല്‍ 2023 ന്റെ ഭാഗമായി ഈ മാസം 10 ന് (10.02.2023) രാവിലെ 10 മണിക്ക് ബോട്ടില്‍ ആര്‍ട്ട് മത്സരം സംഘടിപ്പിക്കുന്നു. താല്പര്യമുള്ളവര്‍ ഈ മാസം ഏഴിന് മുന്‍പായി പേര് രജിസ്റ്റര്‍ ചെയ്യേണ്ടതാണ്. കൂടുതല്‍ വിവരങ്ങള്‍ക്ക് 7907741584 എന്ന നമ്പറില്‍ ബന്ധപ്പെടാവുന്നതാണെന്ന് പിലിക്കോട് കേരള കാര്‍ഷികസര്‍വ്വകലാശാല പ്രാദേശിക കാര്‍ഷിക ഗവേഷണ കേന്ദ്രം അസോസിയേറ്റ് ഡയറക്ടര്‍ അറിയിച്ചു.
പരസ്യലേലം
ഉളളൂര്‍ സ്റ്റേറ്റ് സീഡ് ഫാമില്‍ നില്‍ക്കുന്ന 3 തെങ്ങുകള്‍ ഇന്ന് (ഫെബ്രുവരി 3 ന് ) പകല്‍ 11 മണിക്ക് പരസ്യലേലം വഴി വില്‍പ്പന നടത്തുന്നു. പങ്കെടുക്കാന്‍ താല്‍പര്യമുളളവര്‍ അന്നേ ദിവസം രാവിലെ 10.30-നു മുമ്പായി പേര് രജിസ്റ്റര്‍ ചെയ്യേണ്ടണ്ടതും 100 രൂപ നിരതദ്രവ്യം കെട്ടി വയ്‌ക്കേണ്ടണ്ടതുമാണ്. കൂടുതല്‍ വിവരങ്ങള്‍ക്ക് 0471 2530035 എന്ന ഫോണ്‍ നമ്പരില്‍ ബന്ധപ്പെടുക.
കാര്‍ഷിക നിര്‍ദ്ദേശം
* പച്ചക്കറികളിലെ സൂക്ഷ്മ മൂലകങ്ങളുടെ കുറവ് പരിഹരിക്കുന്നതിനായി പച്ചക്കറിയുടെ സമ്പൂര്‍ണ്ണ 5 ഗ്രാം ഒരു ലിറ്റര്‍ വെള്ളത്തില്‍ കലക്കി തളിച്ചു കൊടുക്കാവുന്നതാണ്. * മുളകില്‍ ഇലപ്പേനിന്റെ ആക്രമണം കണ്ടാല്‍ 2% വീര്യമുള്ള വേപ്പെണ്ണ വെളുത്തുള്ളി എമല്‍ഷന്‍ തളിക്കുക. അല്ലെങ്കില്‍ 2ഗ്രാം തയോമെതോക്‌സാം 10 ലിറ്റര്‍ വെള്ളത്തില്‍ കലക്കി തളിക്കുക
ക്ഷീരവികസന വകുപ്പ് പടവ് 2023 പോസ്റ്റൽ സ്റ്റാമ്പ് പുറത്തിറക്കി
ക്ഷീരവികസന വകുപ്പിന്റെ സംസ്ഥാനക്ഷീരസംഗമം “പടവ് 2023” ന്റെ പ്രചരണ പരിപാടിയുടെ ഭാഗമായി പോസ്റ്റൽ സ്റ്റാമ്പ് റിലീസ് ഇന്ന് തിരുവനന്തപുരം നിയമസഭാ മന്ദിരത്തിൽ വച്ച് മൃഗസംരക്ഷണ-ക്ഷീരവികസന വകുപ്പ് മന്ത്രി ജെ ചിഞ്ചുറാണി നിർവഹിച്ചു. ചടങ്ങിൽ ക്ഷീര വികസന വകുപ്പ് ജോയിന്റ് ഡയറക്ടർമാരായ ബീന, സിൽവി മാത്യ, മൃഗസംരക്ഷണവകുപ്പ് ജോയിൻറ് ഡയറക്ടർ റെനി ജോസഫ്, ക്ഷീര വികസന വകുപ്പ് ഡെപ്യൂട്ടി ഡയറക്ടർമാരായ ശ്രീരാം ഗോപാൽ ആർ, ശാലിനി ഗോപിനാഥ്, രജിത ആർ, അസിസ്റ്റൻറ് ഡയറക്ടർ ജാക്വിലിൻ ക്ഷീര വികസന ഓഫീസർ ഷാജു ചന്ദ്രൻ, ഷീജ ആർ നായർ എന്നിവർ പങ്കെടുത്തു.
കോട്ടയം ഉദയനാപുരം പഞ്ചായത്തിൽ മാതൃകാ ഗ്രാമ പഞ്ചായത്ത് പദ്ധതി തുടങ്ങി
മൃഗസംരക്ഷണ വകുപ്പ് കോട്ടയം ജില്ലയിൽ മാതൃകാ ഗ്രാമപഞ്ചായത്ത് ആയി തിരഞ്ഞെടുത്ത ഉദയനാപുരം ഗ്രാമപഞ്ചായത്ത് പദ്ധതിയുടെ ഉൽഘാടനം വൈക്കം എംഎൽഎ സി.കെ ആശ നിർവഹിച്ചു . മൃഗസംരക്ഷണ വകുപ്പ് 5 ലക്ഷം രൂപയാണ് പദ്ധതിക്കായി ചിലവഴിക്കുന്നത്. തിരഞ്ഞെടുത്ത പതിനാല് സ്കൂൾ കുട്ടികൾക്ക് കറവയുള്ള ആട്, പഞ്ചായത്തിലെ പതിനേഴ് ബി.പി.എൽ വനിതാ ഗുണഭോക്തക്കൾക്ക് എരുമ കിടാവ്, തീറ്റ എന്നിവ നൽകുന്നപദ്ധതിയുടെ വിതരണോദ്ഘാടനമാണ് സി.കെ ആശ എം.എൽ. എ നിർവ്വഹിച്ചത്. പഞ്ചായത്ത് പ്രസിഡൻ്റ് ആനന്ദവല്ലി സ്വാഗതവും ചീഫ് വെറ്ററിനറി ഓഫീസർ ‍ഡോ.മനോജ് കുമാർ പദ്ധതി വിശദീകരണവും നടത്തി . ബ്ലോക്ക് പഞ്ചായത്ത് പ്രസിഡൻ്റ് അഡ്വ. കെ.കെ രഞ്ജിത്ത് എരുമ കിടാവ് വിതരണോദ്ഘാടനം നിർവഹിച്ചു. ജില്ലാ പഞ്ചായത്ത് മെമ്പർ പുഷ്പ മണി ആടുകൾക്കുള്ള തീറ്റ വിതരണം ചെയ്ത. ആട് വളർത്തൽ, എരുമ വളത്തൽ എന്നിവയെക്കുറിച്ച് തലയോലപ്പറമ്പ് മൃഗ സരക്ഷണ പരിശീലന കേന്ദ്രം ഫാക്കൽറ്റി ഡോ.പി.കെ ദാസൻ (റിട്ട. അസിസ്റ്റൻ്റ് ഡയറക്ടർ) ക്ലാസെടുത്തു. ഡോ. ശരത് കൃഷ്ണൻ കൃതജ്ഞത രേഖപ്പെടുത്തിയ പരിപാടിയിൽ ഗ്രാമപഞ്ചായത്ത് ബ്ലോക്ക് പഞ്ചായത്ത് അംഗങ്ങൾ മൃസംരക്ഷണവകുപ്പ് ഉദ്യോഗസ്ഥർ, ക്ഷീരകർഷകർ എന്നിവർ പങ്കെടുത്തു.
മട്ടുപ്പാവ് കൃഷി
പച്ചക്കറികൃഷി വീടുകളില്‍ തുടങ്ങുവാന്‍ ആഗ്രഹിക്കുന്ന പലരും ഉന്നയിക്കുന്ന ഒരു ചോദ്യമുണ്ട്. ഞങ്ങളുടെ വീട്ടില്‍ വേണ്ടത്ര സ്ഥലമില്ല. അല്ലെങ്കില്‍ ഫ്‌ളാറ്റിലാണ് ജീവിക്കുന്നു. ഒരു പ്രശ്‌നവുമില്ല. 300 മുതല്‍ 400 സ്‌ക്വയര്‍ഫീറ്റ് തുറന്ന ടെറസ്സ് ഉണ്ടെങ്കില്‍ നല്ലരീതിയില്‍ പച്ച ക്കറി കൃഷി ചെയ്യാം. ചെടിച്ച ട്ടികളിലോ പ്ലാസ്റ്റിക് ചാക്കുക ളിലോ, പഴയ ടയറിലോ ഒക്കെ മട്ടുപ്പാവില്‍ പച്ചക്കറി നടാം. പച്ചക്കറികള്‍ കൃഷിചെയ്യുന്ന തിലൂടെ നമ്മുടെ വീട്ടിലുണ്ടാവുന്ന അടുക്കള മാലിന്യങ്ങള്‍ നമുക്ക് ഉപകാരപ്രദമായ രീതിയില്‍ സംസ്‌ക്കരിക്കാനും സാധിക്കുന്നു. നഗരപ്രദേശങ്ങളില്‍ മട്ടുപ്പാവില്‍ പച്ചക്കറി കൃഷിചെയ്യുന്നതിനായി വിവിധ സര്‍ക്കാര്‍ ഏജന്‍സികള്‍ സഹായം നല്‍കിവരുന്നു. കൃഷി വകുപ്പിന്റെ നഗരത്തില്‍ ഒരു നാട്ടിന്‍പുറം, വെജിറ്റബിള്‍ ആന്റ് ഫ്രാട്ട് പ്രമോഷന്‍ കൗണ്‍സി ലിന്റെ ഹരിതനഗരി തുടങ്ങിയ പദ്ധതികള്‍ ഇതില്‍ ഉള്‍പ്പെടുന്നു. ഈ പദ്ധതികള്‍ വഴി വീട്ടിലോ ടെറസ്സിലോ കൃഷി ചെയ്യുന്നതിന് സാമ്പത്തികസഹായവും സാങ്കേതിക ഉപദേശവും ലഭി ക്കുന്നു. വിത്ത്, തൈ, ചെടി ച്ചട്ടികള്‍, വളങ്ങള്‍, മണ്ണിരക്ക മ്പോസ്റ്റ് യൂണിറ്റ് എന്നിവയും ഈ പദ്ധതികളില്‍ ലഭ്യമാക്കുന്നുണ്ട്. വി.എഫ്.പി.സി.കെ.യുടെ ഹരിതനഗരി പദ്ധതി എല്ലാ ജില്ലകളിലും നടപ്പിലാക്കിവരു ന്നുണ്ട്. ടെറസ്സില്‍ പച്ചക്കറികൃഷി നടത്തുമ്പോള്‍ ഒട്ടേറെ കാര്യങ്ങള്‍ ശ്രദ്ധിക്കാനുണ്ട്. ചെടിച്ചട്ടികള്‍, പ്ലാസ്റ്റിക് ചാക്കുകള്‍, പഴയ ടയര്‍ എന്നിവയെല്ലാം പച്ചക്കറികള്‍ വളര്‍ത്തുന്നതിനായി ഉപയോഗ പ്പെടുത്താം. ഏതിലാണെങ്കിലും മണ്ണ്, മണല്‍, ചാണകപ്പൊടി എന്നിവ തുല്യ അളവിലെടുത്ത് ഇവയില്‍ നിറയ്ക്കണം. ചട്ടിയാ ണെങ്കില്‍ ഏറ്റവും കുറഞ്ഞത് ഒരടി വലിപ്പമുള്ളവയെങ്കിലും എടുക്കണം. പ്ലാസ്റ്റിക് ചാക്കു കളാണെങ്കില്‍ മണ്ണു നിറയ്ക്കു മ്പോള്‍ അതിന്റെ മൂലകള്‍ ഉള്ളിലേക്ക് കയറ്റിവച്ചാല്‍ ചാക്ക് മറിഞ്ഞുവീഴാതിരിക്കാന്‍ നല്ലതാണ്. സാധാരണ പ്ലാസ്റ്റിക് ചാക്കുകള്‍ക്കു പുറമേ ചെടികള്‍ നടാന്‍ മാത്രമായി ഉണ്ടാക്കിയ ചാക്കുകള്‍ അഥവാ ഗ്രോബാഗു കള്‍ ഇന്നു ലഭ്യമാണ്. അവയ്ക്ക് കൂടുതല്‍ ബലം ഉണ്ടെന്നതിനു പുറമേ വശങ്ങളില്‍ ജൈവവള ക്കൂട്ടുകള്‍ നിക്ഷേപിക്കാനുള്ള പോക്കറ്റുകളുമുണ്ട്. ടെറസ്സില്‍ കൈവരിയോടു ചേര്‍ത്ത് അടിയില്‍ ചുവരു വരുന്ന ഭാഗത്തിന് മുകളിലായും വരിയായി ചട്ടികളോ ചാക്കുകളോ വയ്ക്കാവു ന്നതാണ്. ഇവ നേരെ തറയില്‍ വയ്ക്കുന്നതിനുപകരം രണ്ട് ഇഷ്ടികകള്‍ വെച്ച് അതിനുമുകളില്‍ വച്ചാല്‍ മഴവെള്ളത്തിന്റെ ഒഴുക്ക് തടസ്സപ്പെടാതിരിക്കുന്നതിനും ചെളി കെട്ടാതിരിക്കുന്നതിനും സഹായിക്കും. തുടര്‍ച്ചയായി നാലോ അഞ്ചോതവണ ചാക്കു കളില്‍ പച്ചക്കറി നടാം. എന്നാല്‍ ചട്ടികള്‍ കൂടുതല്‍ തവണ ഉപയോഗിക്കാം. ഓരോ തവണ കൃഷി ചെയ്തശേഷവും നന്നായി മണ്ണിളക്കിക്കൊടുത്ത് ജൈവവളം ചേര്‍ത്ത് വീണ്ടും കൃഷിയിറക്കാം. ഒരേ കുടുംബത്തില്‍പെട്ട വിള കളോ ഒരേയിനം വിളകളോ തുടര്‍ച്ചയായി ഒരു ചട്ടി/ചാക്കില്‍ കൃഷിചെയ്യുന്നത് ഒഴിവാക്കണം. ടെറസ്സില്‍ വളര്‍ത്തുന്ന പച്ചക്കറികള്‍ക്ക് മിതമായ നന മാത്രമേ പാടുള്ളൂ. അമിതമായി നനച്ചാല്‍ വളം ഒലിച്ചുപോകുന്ന തിനിടയാക്കും. കുറച്ചു ദിവസ ങ്ങള്‍ തുടര്‍ച്ചയായി വീട്ടില്‍ നിന്നു മാറിനില്‍ക്കേണ്ടിവരുന്ന അവസര ങ്ങളില്‍ ചെടിച്ചട്ടികളില്‍ ചെറിയ പ്ലാസ്റ്റിക് കവറില്‍ വെള്ളം നിറച്ച് മൊട്ടുസൂചികൊണ്ട് ചെറിയ ദ്വാരമിട്ട് ചെടിയുടെ ചുവട്ടില്‍ വച്ചുകൊടുത്താല്‍ നിയന്ത്രിതമായ തുള്ളിനനയുമായി. ഇത് ചെടി യുടെ ചുവട്ടില്‍ ഈര്‍പ്പം നിലനിര്‍ത്തുന്നതിന് നല്ലതാണ്. അമിതമായ നനയെപ്പോലെ രാസ വളപ്രയോഗവും ടെറസ്സിലെ പച്ചക്കറികൃഷിക്ക് ഒട്ടും നല്ലതല്ല. അവ ടെറസ്സിനു കേടുവരുത്തു ന്നതോടൊപ്പം ചെടിയുടെ നൈസ ര്‍ഗ്ഗികമായ വളര്‍ച്ചയെ തടസ്സ പ്പെടുത്തും. ടെറസ്സില്‍ പച്ചക്കറിച്ചെടികളെ ക്രമീകരിക്കുമ്പോള്‍ നന്നായി സൂര്യപ്രകാശം ലഭിക്കുവാന്‍ കഴിയുന്ന സ്ഥലങ്ങളാവണം തെരഞ്ഞെടുക്കേണ്ടത്. അല്ലെങ്കില്‍ വളര്‍ച്ച കുറയുകയും ചെടികള്‍ സൂര്യപ്രകാശം ലഭിക്കു ന്നിടത്തേക്ക് വളഞ്ഞുവരുകയും ചെയ്യും.
കാലാവസ്ഥാ വ്യതിയാനത്തെ പ്രതിരോധിക്കാം, കാപ്പികൃഷിയില്‍ വിളവ് വര്‍ദ്ധിപ്പിക്കാം.
കാലാവസ്ഥാ വ്യതിയാനത്തിന്റെ ബുദ്ധിമുട്ടുകള്‍ക്കിടയിലും കാപ്പികര്‍ഷകര്‍ക്ക് പ്രതീക്ഷയായി വില വര്‍ദ്ധിക്കുന്നുണ്ട്. ഉല്‍പാദന വര്‍ദ്ധനവ് കൂടി ലക്ഷ്യമിട്ട് കോഫി ബോര്‍ഡ് പുതിയ പദ്ധതികള്‍ ആവിഷ്‌ക്കരിച്ച് വരികയാണ്. ഇതിന്റെ ഭാഗമായി കോഫി ബോര്‍ഡിന്റെ ആഭിമുഖ്യത്തില്‍ കല്‍പ്പറ്റ ഓണിവയലിലുള്ള കാപ്പിത്തോട്ടത്തില്‍ വെച്ച് ഫീല്‍ഡ് ഡേ നടത്തുകയാണ്. 25 വര്‍ഷത്തിന് ശേഷം ആദ്യമായാണ് ഫീല്‍ഡ് ഡേ നടത്തുന്നത്. എസ്റ്റേറ്റ് സന്ദര്‍ശനം, കാപ്പികൃഷിയുമായി ബന്ധപ്പെട്ട വിവിധ സെഷനുകള്‍ എന്നിവയാണ് വിഭാവനം ചെയ്തിട്ടുള്ളത്. കാപ്പികൃഷി മേഖലയില്‍ പുതിയ കൃഷിരീതികളും സാങ്കേതിക വിദ്യകളും പ്രയോഗിച്ച് ഉന്നത നേട്ടം കൈവരിക്കുകയാണ് പരിപാടിയുടെ ലക്ഷ്യം. കോഫി ബോര്‍ഡ് സെക്രട്ടറിയും സി.ഇ.ഒ.യുമായ ഡോ.കെ.ജി. ജഗദീശ ഐ.എ.എസ്. വിശിഷ്ടാതിഥിയായി പരിപാടിക്കെത്തും. വയനാട് ജില്ലാ കലക്ടര്‍ എ.ഗീത, സി.സി.ആര്‍.ഐ. റിസര്‍ച്ച് ഡയറക്ടര്‍ ഡോ. എം.സെന്തില്‍ കുമാര്‍, കോഫിബോര്‍ഡ് ജോയിന്റ് ഡയറക്ടര്‍ ഡോ. എം.കറുത്തമണി, കോഫി ബോര്‍ഡ് മെമ്പര്‍മാരായ ഇ.ഉണ്ണികൃഷ്ണന്‍, സിബി വര്‍ഗ്ഗീസ്, കെ.കെ.മനോജ്കുമാര്‍, മുന്‍ വൈസ് ചെയര്‍മാന്‍മാരായ അഡ്വ. വെങ്കിടസുബ്രഹ്മണ്യം, അഡ്വ. മൊയ്തു, എം.ആര്‍.ഗണേഷ്, പ്രൊഫ. കെ.പി.തോമസ്, മോഹനന്‍ മാസ്റ്റര്‍, വയനാട് കോഫി ഗ്രോവേഴ്‌സ് അസോസിയേഷന്‍ പ്രസിഡന്റ് അനൂപ് പാലുകുന്ന്, സൗത്ത് ഇന്ത്യന്‍ കോഫി ഗ്രോവേഴ്‌സ് അസോസിയേഷന്‍ പ്രസിഡന്റ് കെ.ജെ.ദേവസ്യ, കോഫി ബോര്‍ഡ് റിസര്‍ച്ച് വിഭാഗം ജോയിന്റ് ഡയറക്ടര്‍ ഡോ. ജെ.എസ്. നാഗരാജ്, എം.എസ്.എസ്.ആര്‍.എഫ്. ഡയറക്ടര്‍ ഡോ. വി. ഷക്കീല, നബാര്‍ഡ് ഡിസ്ട്രിക്ട് മാനേജര്‍ വി.ജിഷ, ബ്രഹ്മഗിരി ഡവലപ്‌മെന്റ് സൊസൈറ്റി ചെയര്‍മാന്‍ പി.കെ.സുരേഷ് തുടങ്ങിയവര്‍ സംബന്ധിക്കും. മികച്ച കാപ്പികര്‍ഷകരായ മുട്ടില്‍ പാറക്കല്‍ അശോക് കുമാര്‍, മേപ്പാടി റോസ് ഗാര്‍ഡന്‍ കുരുവിള ജോസഫ്, മേപ്പാടി ഹോപ്പ് എസ്റ്റേറ്റ് സീനിയര്‍ പ്ലാന്റര്‍ ജോര്‍ജ് പോത്തന്‍, ചോലപ്പുറം മാധവന്‍ നായര്‍, വനമൂലിക ഹെര്‍ബല്‍ സിലെ പി.ജെ.ചാക്കോച്ചന്‍, ബയോവിന്‍ ചെയര്‍മാന്‍ ഫാ. ജോണ്‍ ചൂരപ്പുഴ തുടങ്ങിയവരെ ചടങ്ങില്‍ ആദരിക്കും. ടെക്‌നിക്കല്‍ സെഷനില്‍ കാപ്പി കൃഷിയിലെ വൈവിധ്യവത്ക്കരണം എന്ന വിഷയത്തില്‍ ഡോ. രാജേന്ദ്രനും, പോസ്റ്റ് ഹാര്‍വെസ്റ്റ് ടെക്‌നോളജി എന്ന വിഷയത്തില്‍ ഡോ. ജെ.എസ്.നാഗരാജും കോഫി കള്‍ട്ടിവേഷന്‍ എന്ന വിഷയത്തില്‍ ജോര്‍ജ് ഡാനിയലും, കാപ്പി സംസ്‌ക്കരണത്തില്‍ എഫ്.പി.ഒ. എഫ്.പി.സി. പങ്കിനെക്കുറിച്ച് കേരള എഫ്.പി.ഒ. കണ്‍സോര്‍ഷ്യം സ്റ്റേറ്റ് സെക്രട്ടറി സി.വി.ഷിബുവും, കാപ്പികൃഷി വ്യാപന പദ്ധതികളെക്കുറിച്ച് ഡോ. എം.കറുത്തമണിയും സംസാരിക്കും.
പേവിഷബാധ പോലുള്ള വാക്‌സിനേഷന്‍ നടപടികള്‍ തുടര്‍ന്നും ശക്തമാക്കും: മന്ത്രി ജെ.ചിഞ്ചുറാണി.
സംസ്ഥാനത്ത് നടന്നു വരുന്ന പേവിഷബാധ പോലുള്ള വാക്‌സിനേഷന്‍ നടപടികള്‍ തുടര്‍ന്നും ശക്തമാക്കുമെന്ന് മൃഗസംരക്ഷണ വകുപ്പ് മന്ത്രി ജെ.ചിഞ്ചുറാണി. മൃഗങ്ങളോട് സമൂഹത്തിന്റെ അനുകമ്പയോടെയുള്ള ഇടപെടല്‍ മാത്രമാണ് ജന്തുക്ഷേമം ഉറപ്പിക്കാനുള്ള നടപടികളിലൊന്ന് എന്നും മന്ത്രി അറിയിച്ചു. മൃഗങ്ങളോട് മനുഷ്യത്വപരമായി പെരുമാറുന്നതിനായി പൗരസമൂഹത്തില്‍ അവബോധം സൃഷ്ടിക്കുക, മൃഗപരിപാലനത്തിനും മൃഗക്ഷേമത്തിനും വേണ്ടി രൂപീകരിച്ചിട്ടുള്ള നിയമങ്ങളെക്കുറിച്ചും ചട്ടങ്ങളെക്കുറിച്ചും വിപുലമായ ബോധവല്‍ക്കരണം നടത്തുക, മൃഗങ്ങളോടുളള ക്രൂരത വര്‍ദ്ധിച്ചുവരുന്ന സാഹചര്യം തടയുന്നത് വഴി അവയുടെ അവകാശങ്ങളും ക്ഷേമവും ഉറപ്പാക്കുക, എന്നീ ലക്ഷ്യങ്ങളോടെ എല്ലാ വര്‍ഷവും ജനുവരി മാസം 15 മുതല്‍ 31 വരെ സംസ്ഥാന മൃഗസംരക്ഷണ വകുപ്പ് ആചരിച്ചു വരുന്ന ജന്തുക്ഷേമ ദ്വൈവാരത്തിന്റെ സമാപന സമ്മേളനം തിരുവനന്തപുരം മഹാത്മാ അയ്യങ്കാളി ഹാളില്‍ വെച്ച് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.

കന്നുകാലികളിലെ രോഗങ്ങളും പ്രതിരോധ മാര്‍ഗങ്ങളും: പരിശീലന പരിപാടികള്‍

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives