കൃഷി പാഠശാലയിൽ നാളെ ഓൺലൈൻ ക്ലാസ്സ് : “കുരുമുളക് കൃഷി”

Saturday, 18th September 2021

Also read:

ഒരു വയസ്സുള്ള നായകുട്ടിക്ക് വിജയകരമായി നേത്ര ശസ്ത്രക്രിയ നടത്തി.

വാഴയുടെ വളർച്ചക്ക് ഏഴിന് നിർദ്ദേശങ്ങൾ: ദേശീയ വാഴ മഹോത്സവം സമാപിച്ചു.

കൂര്‍ക്ക കൃഷിയും പരിപാലനവും

വയനാട്ടിൽ നന്മയുടെ പാലൊഴുകുന്നു; Donate A Cow പദ്ധതിക്ക് തുടക്കം.

Leave a Reply Cancel reply

കുറ്റ്യാടി തെങ്ങിന്‍തൈകള്‍ വില്‍പ്പനയ്ക്ക്
കൊല്ലം ജില്ലയിലെ കരുനാഗപ്പളളി കോക്കനട്ട് നഴ്സറിയില്‍ അത്യുല്‍പാദന ശേഷിയും രോഗപ്രതിരോധ ശേഷിയുമുളള ഡബ്ല്യു സി റ്റി ഇന്‍ പോളിബാഗ്, കുറ്റ്യാടി തെങ്ങിന്‍ തൈകള്‍ തൈ ഒന്നിന് 130 രൂപയ്ക്കും ഡബ്ല്യു സി റ്റി, ആദിനാട് തേക്ക് തൈ ഒന്നിന് 100 രൂപയക്കും വില്‍പ്പനയ്ക്ക് ലഭ്യമാണ്.
ഹോര്‍ട്ടികോര്‍പ്പിന്‍റെ നേതൃത്വത്തില്‍ പച്ചക്കറികള്‍ വിലക്കുറവില്‍
ഹോര്‍ട്ടി കോര്‍പ്പിന്‍റെ വേങ്ങേരി, ചേവരമ്പലം, കക്കോടി, എലത്തൂര്‍ എന്നീ സ്റ്റാളുകള്‍ വഴി പച്ചക്കറി കിറ്റ് വിലക്കുറവില്‍ നല്‍കുന്നു. ഇളവന്‍, മത്തന്‍, പടവലം, ചുരയ്ക്ക, വെള്ളരി എന്നീ പച്ചക്കറികള്‍ അടങ്ങിയ അഞ്ചു കിലോ ഗ്രാം തൂക്കമുള്ള കിറ്റിന് അറുപത് രൂപയാണ് വില. ഓഫര്‍ സ്റ്റോക് തീരുന്നതുവരെ സ്റ്റാളുകള്‍ വഴി കിറ്റ് ലഭ്യമാണ് എന്ന് ഹോര്‍ട്ടി കോര്‍പ്പ് കോഴിക്കോട് ജില്ലാ മാനേജര്‍ അറിയിച്ചു.
മഴക്കാലത്തിനുശേഷം കാപ്പിത്തോട്ടങ്ങളില്‍ ചെയ്യേണ്ട വളപ്രയോഗ ശുപാര്‍ശകള്‍
മിയ്ക്കവാറും കേരളത്തിലെ എല്ലാ കാപ്പിമേഖലകളിലും തെക്കു പടിഞ്ഞാറന്‍ കാലവര്‍ഷം താരതമ്യേന നന്നായി ലഭിച്ചത്, കാപ്പിയുടെ ശാഖകളുടെയും, കായ്കളുടെയും വളര്‍ച്ചക്ക് സഹായകരമായിട്ടുണ്ട്. മഴക്കാലത്തിനു ശേഷമുള്ള വളപ്രയോഗം കാപ്പിയുടെ ശാഖകളുടെയും, വേരുകളുടെയും വളര്‍ച്ചക്കും, ഇലകള്‍ പൊഴിയാതെ കൂടുതല്‍ കാലം ചെടിയില്‍ നിലനില്‍ക്കാനും, പരിപ്പിന്‍റെ ഗുണമേന്‍മ മെച്ചപ്പെടുവാനും, ചെടിയുടെ കരുത്ത് നിലനിര്‍ത്തുന്നതിനും സഹായിക്കുന്നു.മണ്ണ് പരിശോധന ഫലത്തിന്‍റെ അടിസ്ഥാനത്തില്‍ വള പ്രയോഗം ചെയ്യുന്നതാണ് അഭികാമ്യം. മഴക്ക് ശേഷമുള്ള വള പ്രയോഗത്തില്‍ അതായത് സെപ്റ്റംബര്‍ ആദ്യ പകുതിക്കുള്ളില്‍ ഫാക്റ്റംഫോസ് (20:20:0:13) ഉള്‍പെടുത്തുന്നത്, മണ്ണിലെ സള്‍ഫറിന്‍റെ അളവ് മെച്ചപ്പെടുത്തുന്നതിനും, കാപ്പിയുടെ രുചി കൂടുന്നതിനും സഹായിക്കുന്നു. മണ്ണ് പരിശോധന നടത്താത്ത കര്‍ഷകര്‍ക്ക് വിളവിന്‍റെ അടിസ്ഥാനത്തില്‍ നല്‍കുന്ന വള പ്രയോഗ ശുപാര്‍ശകള്‍റോബസ്റ്റയില്‍ ഏക്കറിന് ശരാശരി 500 കിലോഗ്രാം പരിപ്പ് ലഭിക്കുകയും, വര്‍ഷത്തില്‍ രണ്ടു തവണ വളപ്രയോഗം നടത്തുകയും ചെയ്യുന്ന തോട്ടങ്ങളാണെങ്കില്‍ 17 കിലോഗ്രാം യൂറിയ,138 കിലോഗ്രാം ഫാക്റ്റംഫോസ്, 59 കിലോഗ്രാം പൊട്ടാഷ് എന്നിവ മിശ്രിതമാക്കി ഇട്ടു കൊടുക്കുക. ഇതിനു പകരമായി കോംപ്ലക്സ് വളങ്ങളായ 19:19:19 – 184 കിലോഗ്രാം അല്ലെങ്കില്‍ 17:17:17- 206 കിലോഗ്രാം അല്ലെങ്കില്‍ 15:15:15 -233 കിലോഗ്രാം എന്ന തോതില്‍ ഇട്ടു കൊടുക്കാവുന്നതാണ്.റോബസ്റ്റയില്‍ ഏക്കറിന് ശരാശരി 1000 കിലോഗ്രാം പരിപ്പ് ലഭിക്കുകയും,വര്‍ഷത്തില്‍ മൂന്നു തവണ വള പ്രയോഗം നടത്തുകയും ചെയ്യുന്ന തോട്ടങ്ങളാണെങ്കില്‍ 21 കിലോഗ്രാം യൂറിയ,150 കിലോഗ്രാം ഫാക്റ്റംഫോസ്,67 കിലോഗ്രാം പൊട്ടാഷ് എന്നിവ മിശ്രിതമാക്കി ഇട്ടു കൊടുക്കുക. ഇതിനു പകരമായി കോംപ്ലക്സ് വളങ്ങളായ 19:19:19 – 210 കിലോഗ്രാം അല്ലെങ്കില്‍ 17:17:17- 235 കിലോഗ്രാം അല്ലെങ്കില്‍ 15:15:15 -267 കിലോഗ്രാം എന്ന തോതില്‍ ഇട്ടു കൊടുക്കാവുന്നതാണ്.അറബിക്ക തോട്ടങ്ങളില്‍ ഏക്കറിന് ശരാശരി 400 കിലോഗ്രാം പരിപ്പ് കിട്ടുന്നുവെങ്കില്‍ 13 കിലോഗ്രാം യൂറിയ,120 കിലോഗ്രാം ഫാക്റ്റംഫോസ്,51 കിലോഗ്രാം പൊട്ടാഷ് എന്നിവ മിശ്രിതമാക്കി ഇട്ടു കൊടുക്കുക.ഫാക്റ്റംഫോസ് ലഭ്യമല്ലെങ്കില്‍ കോംപ്ലക്സ് വളങ്ങളായ 19:19:19 – 158 കിലോഗ്രാം അല്ലെങ്കില്‍ 17:17:17- 177 കിലോഗ്രാം അല്ലെങ്കില്‍ 15:15:15 -200 കിലോഗ്രാം എന്ന തോതില്‍ ഇട്ടു കൊടുക്കാവുന്നതാണ്.ഉത്പാദനം ആരംഭിക്കാത്ത ചെറിയ ചെടികളില്‍ എന്‍.പി.കെ. കോംപ്ലക്സ് വളങ്ങളായ 20:20:0:13 അല്ലെങ്കില്‍ 19:19:19 അല്ലെങ്കില്‍ 17:17:17 ഇവയിലേതെങ്കിലും ഒന്ന് അറബിക്കയില്‍ ചെടിയൊന്നിനു 50-75 ഗ്രാം വരെയും,റോബസ്റ്റയില്‍ ചെടിയൊന്നിന് 100 മുതല്‍ 125 ഗ്രാം വരെയും മണ്ണിലെ ഈര്‍പ്പത്തിനനുസരിച്ചു സെപ്റ്റംബര്‍ ആദ്യ പകുതിക്കുള്ളില്‍ ഇട്ടു കൊടുക്കാവുന്നതാണ്.വള പ്രയോഗം ചെയ്യുന്നതിന് മുന്‍പായി തായ്ത്തടിക്കു ചുറ്റും ഒന്നര അടി അകലത്തില്‍ ചപ്പുചവറുകള്‍ നീക്കം ചെയ്ത് ഫോര്‍ക്കോ, മരക്കമ്പോ ഉപയോഗിച്ച് മണ്ണ് ഇളക്കി കൊടുക്കുക. പിന്നീട് വളം ഒരേപോലെ തുല്യമായി തായ്തടിക്കു ചുറ്റും ഇട്ടുകൊടുത്തതിന് ശേഷം മണ്ണും, ചപ്പും ഉപയോഗിച്ച് മൂടുക.ഈ രീതിയില്‍ വളപ്രയോഗം ചെയ്യുമ്പോള്‍ പോഷകം പരമാവധി ചെറുവേരുകള്‍ക്ക് വലിച്ചെടുക്കുവാന്‍ കഴിയുന്നു. ഈ രീതിയിലുള്ള വളപ്രയോഗം വളരെ കാര്യക്ഷമമാണെന്ന് പഠനങ്ങള്‍ തെളിയിച്ചിട്ടുണ്ട്.കൂടാതെ ഇട്ടു കൊടുക്കുന്ന വളത്തിന്‍റെ ബാഷ്പീകരണം, ഒലിച്ചു പോക്ക് എന്നിവ തടയാനും ഈ രീതി സഹായകരമാണ്.കൂടാതെ പോഷക മിശ്രിതങ്ങളും, ഹോര്‍മോണ്‍ ലായനികളും ഇലകളില്‍ സെപ്റ്റംബര്‍ ആദ്യ പകുതിയില്‍ തളിച്ച് കൊടുക്കുന്നത് കായ് വളര്‍ച്ചയെ ത്വരിതപെടുത്താനും, കായ് പൊഴിച്ചില്‍ നിയന്ത്രിക്കാനും, അടുത്ത സീസണിലേക്ക് കൂടുതല്‍ പൂ മൊട്ടുകള്‍ ഉണ്ടാകുവാനും സഹായിക്കുന്നു. 50 മില്ലി പ്ലാനോഫിക്സിന്‍റെ കൂടെ 1 കിലോഗ്രാം 19:19:19, 1 കിലോഗ്രാം സൂപ്പര്‍ ഫോസ്ഫേറ്റ്, 500 ഗ്രാം സിങ്ക് സള്‍ഫേറ്റ്,100 ഗ്രാം ബോറിക് ആസിഡ് അല്ലെങ്കില്‍ 250 ഗ്രാം ബോറാക്സ്, 250 ഗ്രാം മെഗ്നീഷ്യം സള്‍ഫേറ്റ്, 50 ഗ്രാം അമോണിയും മോളിബ്ഡേറ്റ് എന്നിവ 200 ലിറ്റര്‍ വെള്ളത്തില്‍ 70 മില്ലി അപ്സ എന്ന പശയോ അല്ലെങ്കില്‍ 200 മില്ലി മറ്റേതെങ്കിലും പശയോ ചേര്‍ത്ത് ഇലകളില്‍ തളിക്കുക.
അറിയിപ്പുകള്‍
നെല്‍പ്പാടങ്ങളില്‍ നെല്‍ച്ചെടിയെ ബാധിക്കുന്ന പോളരോഗം കാണാന്‍ സാധ്യതയുണ്ട്. പാടങ്ങളില്‍ നെല്‍ച്ചെടിയുടെ കടഭാഗത്തു നിന്ന് തുടങ്ങുന്ന പൊളളിയ പോലുളള പാടുകളാണ് ഈ രോഗത്തിന്‍റെ ലക്ഷണം. ഓലയുടെ പോളയുടെ മുകളില്‍ കാണുന്ന ഈ പാടുകള്‍ രോഗം അധികരിക്കുമ്പോള്‍ ഇലകളിലേക്കു വ്യാപിക്കുകയും ഇലകള്‍ കരിഞ്ഞു പോകുകയും ചെയ്യുന്നു. ഈ രോഗം ബാധിക്കാതിരിക്കാനുളള മുന്‍കരുതലായി ട്രൈക്കോഡെര്‍മ ഏക്കറിന് ഒരു കിലോ എന്ന കണക്കില്‍ ഞാറു പറിച്ചുനട്ടു ഒരാഴ്ചക്ക് ശേഷം ജൈവവളവുമായി കലര്‍ത്തി പാടത്തു ഇട്ടുകൊടുക്കാം. കൂടാതെ പറിച്ചു നട്ടു ഒരു മാസത്തിനുശേഷം ഇത് 10 ഗ്രാം ഒരു ലിറ്ററിന് എന്ന തോതില്‍ തളിച്ച് കൊടുക്കുക. രോഗം അധികരിക്കുന്ന സാഹചര്യത്തില്‍ പ്രൊപികോണസോള്‍ ഒരു മില്ലി. ഒരു ലിറ്റര്‍ വെളളത്തില്‍ എന്ന തോതില്‍ തളിച്ചുകൊടുക്കാവുന്നതാണ്.വെണ്ടയില്‍ കാണപ്പെടുന്ന തണ്ട് തുരപ്പന്‍റെ ആക്രമണം നിയന്ത്രിക്കുന്നതിനായി അഞ്ച് ശതമാനം വീര്യമുളള വേപ്പിന്‍കുരു സത്ത് 10 ദിവസം ഇടവിട്ട് തളിച്ചുകൊടുക്കാവുന്നതാണ്. അല്ലെങ്കില്‍ ബാസ്സിലസ് തുറിഞ്ചിയന്‍സിസ് ഫോര്‍മുലേഷനുകള്‍ ശര്‍ക്കര കൂടി ചേര്‍ത്ത് ഉപയോഗിക്കാവുന്നതാണ്.
ഓണ്‍ലൈന്‍ പരിശീലനം
റബ്ബര്‍ബോര്‍ഡിന്‍റെ കീഴിലുള്ള നാഷണല്‍ ഇന്‍സ്റ്റിറ്റ്യൂട്ട് ഫോര്‍ റബ്ബര്‍ ട്രെയിനിങ് (എന്‍.ഐ.ആര്‍.റ്റി.) ഷീറ്റുറബ്ബര്‍സംസ്കരണം, തരംതിരിക്കല്‍ എന്നിവയില്‍ നാളെയും മറ്റെന്നാളുമായി (സെപ്റ്റംബര്‍ 09, 10) തീയതികളില്‍ രാവിലെ 10.00 മുതല്‍ ഉച്ചയ്ക്ക് ഒരു മണി വരെ ഓണ്‍ലൈന്‍ പരിശീലനം നടത്തുന്നു. റബ്ബര്‍പാല്‍സംഭരണം, ഷീറ്റുറബ്ബര്‍നിര്‍മ്മാണം, പുകപ്പുരകള്‍, ഗ്രേഡിങ് സംബന്ധിച്ച څഗ്രീന്‍ബുക്ക്چനിബന്ധനകള്‍ എന്നിവയാണ് പരിശീലനവിഷയങ്ങള്‍. പരിശീലനം സംബന്ധിച്ച കൂടുതല്‍ വിവരങ്ങള്‍ക്ക് 0481 2353127 എന്ന ഫോണ്‍ നമ്പറിലോ 0481 2353201 എന്ന വാട്സ്ആപ്പ് നമ്പറിലോ ബന്ധപ്പെടുക.
അപേക്ഷ ക്ഷണിച്ചു
പള്ളിക്കുന്ന് മൃഗാശുപത്രി മുഖേന കണിയാമ്പറ്റ ഗ്രാമപഞ്ചായത്ത് നിവാസികള്‍ക്കായി നടപ്പിലാക്കുന്ന ജൈവമാലിന്യം വളമാക്കുന്ന പദ്ധതിയില്‍ യൂണിറ്റിനായി അപേക്ഷ ക്ഷണിച്ചു. ചുരുങ്ങിയത് പത്ത് ക്യൂബിക് മീറ്റര്‍ വ്യാപ്തിയില്‍ മേല്‍ക്കൂരയോട് കൂടിയ ചാണക ശേഖരണ സംവിധാനമാണ് ഒരുക്കേത്. ഇരുപത്തിഅയ്യായിരം രൂപ നിര്‍മ്മാണച്ചിലവ് പ്രതീക്ഷിക്കുന്ന യൂണിറ്റിന് പന്ത്രായിരത്തി അഞ്ഞൂറ് രൂപ ധനസഹായം ലഭിക്കും. അപേക്ഷകള്‍ സ്വീകരിക്കുന്ന അവസാന തീയതി ഈ മാസം 13 (സെപ്റ്റംബര്‍ 13). അപേക്ഷയുടെ മാതൃകയും കൂടുതല്‍ വിവരങ്ങളും പള്ളിക്കുന്ന് മൃഗാശുപത്രിയില്‍ നിന്നും ലഭിക്കും. കൂടുതല്‍ വിവരങ്ങള്‍ക്ക് 04936 284309 എന്ന നമ്പരില്‍ ബന്ധപ്പെടുക.
കൃഷി വികസന പദ്ധതികള്‍ക്ക് അപേക്ഷ ക്ഷണിച്ചു
കല്‍പറ്റ ബ്ലോക്ക് പഞ്ചായത്ത് പരിധിയിലെ കൃഷിഭവനുകള്‍ വഴി നടപ്പിലാക്കുന്ന വിവിധ കൃഷി വികസന പദ്ധതികള്‍ക്ക് അപേക്ഷ ക്ഷണിച്ചു. വിശദവിവരങ്ങള്‍ കൃഷിഭവനുകളില്‍ ലഭ്യമാണ്. പ്രൊജക്റ്റുകള്‍, അപേക്ഷ എന്നിവ കൃഷിഭവനുകളില്‍ ഈ മാസം 10നു (സെപ്തംബര്‍ 10) മുമ്പായി സമര്‍പ്പിക്കണമെന്ന് കല്‍പറ്റ കൃഷി അസിസ്റ്റന്‍റ് ഡയറക്ടര്‍ അറിയിച്ചു.
സെപ്തംബര്‍ മാസത്തില്‍ തെങ്ങിനും മാവിനും രണ്ടാം വളപ്രയോഗം നടത്താം
കായ്ച്ചുതുടങ്ങിയ മാവിന് ശിപാര്‍ശയുടെ പകുതി രണ്ടാം ഗഡുവായി വളം നല്‍കാവുന്നതാണ്. പത്ത് വര്‍ഷത്തിന് മുകളിലുള്ള മാവുകള്‍ക്ക് 550 ഗ്രാം യൂറിയ, 900 ഗ്രാം രാജ്ഫോസ്, 625 ഗ്രാം പൊട്ടാഷ് എന്നിവ രണ്ടാം ഗഡുവായി നല്‍കാം. 4-5, 6-7, 8-10 വര്‍ഷം പ്രായമായവയ്ക്ക് യഥാക്രമം 100, 90, 80 എന്നീ തോതില്‍ യൂറിയയും 250, 425,170 എന്നീ തോതില്‍ രാജ്ഫോസും, 430,610,335 ഗ്രാം എന്ന തോതില്‍ പൊട്ടാഷും ചേര്‍ക്കണം. മരത്തില്‍ നിന്ന് 3 മീറ്റര്‍ അകലത്തിലായി ഒരടി ആഴത്തില്‍ ചാലുണ്ടാക്കി രാസവളമിട്ട് മണ്ണിട്ട് മൂടണം. മണ്ണിന് ഈര്‍പ്പമുള്ള സമയത്ത് മാത്രമേ വളമിടാന്‍ പാടുള്ളൂ.തെങ്ങിന് രണ്ടാംവളപ്രയോഗത്തിന് സമയമായി. 720 ഗ്രാം യൂറിയ, 1.5 കിലോഗ്രാം രാജ്ഫോസ്, 1.5 കി.ഗ്രാം മ്യൂറിയേറ്റ് ഓഫ് പൊട്ടാഷ് എന്നിവ രണ്ടാംഗഡുവായി നല്‍കുക. കഴിഞ്ഞമാസം ജൈവവളം ചേര്‍ത്തിട്ടില്ലെങ്കില്‍ 25-50 കി.ഗ്രാം കാലിവളമോ പച്ചിലവളമോ ചേര്‍ത്ത് രണ്ടാഴ്ചകഴിഞ്ഞശേഷം രാസവളപ്രയോഗം നടത്തിയാല്‍ മതി. 500 ഗ്രാം മഗ്നീഷ്യം സള്‍ഫേറ്റ് നിര്‍ബന്ധമായും രാസവളത്തോടൊപ്പം നല്‍കേണ്ടതാണ്. ജൂണ്‍-ജൂലൈ മാസങ്ങളില്‍ മഴയ്ക്ക് വിതറിയ പച്ചിലവളച്ചെടികള്‍ മണ്ണില്‍ ഉഴുത് ചേര്‍ക്കണം. ഓലചീയലിനെതിരെ കരുതല്‍ മാര്‍ഗമായി ഒരുശതമാനം വീര്യമുള്ള ബോര്‍ഡോമിശ്രിതം തെങ്ങിന്‍ മണ്ടയിലും ഓലയിലും പ്രത്യേകിച്ച് തുമ്പോലകളിലും തളിക്കുക. കൊമ്പന്‍ചെല്ലിക്കെതിരെ വേപ്പിന്‍പിണ്ണാക്ക് തുല്യ അളവില്‍ മണലുമായി ചേര്‍ത്ത് ഓലക്കവിളുകലില്‍ ഇടണം.
കോളിഫ്ളവര്‍, കാബേജ്, കാരറ്റ്, ബീറ്റ്റൂട്ട്, റാഡിഷ്, ബ്രോക്കോളി കൃഷികള്‍ ഇപ്പോള്‍ തുടങ്ങാം.
ശീതകാല പച്ചക്കറികൃഷി ഇപ്പോള്‍ തുടങ്ങാം. 10 വര്‍ഷത്തോളമായി കേരളത്തിലെ മിക്ക സ്ഥലങ്ങളിലും കൃഷിചെയ്തുവരുന്നുണ്ട്. കോളിഫ്ളവര്‍, കാബേജ്, കാരറ്റ്, ബീറ്റ്റൂട്ട്, റാഡിഷ്, ബ്രോക്കോളി എന്നിവ കൃഷിചെയ്യാം. കോളിഫ്ളവര്‍, കാബേജ്, ബ്രോക്കോളി എന്നിവയുടെ വിത്തുകള്‍ കിളിര്‍പ്പിച്ച് തൈകളാണ് നടുന്നത്. പ്രോട്രേയിലെ തൈകളോ, പേപ്പര്‍ കപ്പുകളില്‍ വിത്ത് മുളപ്പിച്ച് 25 ദിവസം പ്രായമായ തൈകളാണ് നടേണ്ടത്.ഒക്ടോബര്‍ ആദ്യംമുതല്‍ നടാവുന്നതാണ്. മണ്ണൊരുക്കം, തൈപാകല്‍ എന്നിവ ഇപ്പോള്‍ ചെയ്യാം. തൈകളെ ബാധിക്കുന്ന കടചീയല്‍ അസുഖത്തെ നിയന്ത്രിക്കുന്നതിനായി വിത്തില്‍ ബാസില്ലാസ് സബ്ടിലിസ് പൊടി വിത്തില്‍ ചേര്‍ത്ത് നന്നായി ഇളക്കിയതിന് ശേഷം നടാവുന്നതാണ്.കാരറ്റ് കൃഷി30 സെ.മീ. ഉയരത്തില്‍ 1 മീറ്റര്‍ വീതിയില്‍ വാരമെടുത്ത് നന്നായി കിളച്ച് ഒതുക്കിയശേഷം സെന്‍റിന് 100 കിലോ ജൈവവളം 1.5 കിലോ റോക് ഫോസ്ഫേറ്റ് എന്നിവ വാരത്തില്‍ ചേര്‍ക്കുക. നനച്ച ശേഷംമാത്രമേ വിത്ത് വിതക്കാന്‍ പാടുള്ളൂ. സെന്‍റിന് 25 ഗ്രാം വിത്തെടുക്കുമ്പോള്‍ 10 ഗ്രാം ബാസില്ലാസ് സബ്ടിലീസ് ചേര്‍ത്ത് 15 മിനിറ്റ് വെച്ചതിന് ശേഷം അരിച്ച് മേല്‍മണ്ണിനോടൊപ്പം വിതറുക. 7 ദിവസംകൊണ്ട് വിത്തുകള്‍ കിളിര്‍ത്ത് തുടങ്ങും. മൂന്ന് മാസത്തിനുള്ളില്‍ വിളവെടുക്കാം. ഈര്‍പ്പം നിലനിര്‍ത്താന്‍ തവാരണയില്‍ പുതയിടുക.ബീറ്റ്റൂട്ട്25 സെ.മീ. ഉയരമുള്ള വാരങ്ങളെടുത്ത് സെന്‍റിന് 100 കി.ഗ്രാം ജൈവവളം, 750 ഗ്രാം റോക്ക് ഫോസ്ഫേറ്റ് എന്നിവ ചേര്‍ത്തിളക്കുക. ബീറ്റ്റൂട്ടിന്‍റെ വിത്തുകള്‍ തയ്യാറാക്കിയ വാരത്തില്‍ 20 സെ.മീ. അകലത്തില്‍ രണ്ട് വരികളിലായി നടാവുന്നതാണ്. നനവുള്ള മണ്ണില്‍ സെന്‍റിന് 2 ഗ്രാം എന്ന തോതില്‍ വിത്തിടാം. വിത്ത് വിതച്ചശേഷം ഈര്‍പ്പം നിലനിറുത്തുന്നതിനായി പുതയിടുന്നത് നല്ലതാണ്.
മുരിങ്ങ, കറിവേപ്പില, ശീമചക്ക എന്നിവ കൃഷിചെയ്യുവാന്‍ ധനസഹായം
ശീമചക്ക, കറിവേപ്പില, മുരിങ്ങ എന്നിവ കൃഷി ചെയ്യുന്നതിന് കൃഷിവകുപ്പ് ധനസഹായം നല്‍കുന്നതാണ്.ഈ മൂന്നിനം തൈകള്‍ അടങ്ങിയ കിറ്റിന് സബ്സിഡി നിരക്കില്‍ 50 രൂപയ്ക്കാണ് നല്‍കുന്നത്. കൂടുതല്‍ വിവരങ്ങള്‍ക്ക് അടുത്തുള്ള കൃഷിഭവനുകളില്‍ ബന്ധപ്പെടാം

കൃഷി പാഠശാലയിൽ നാളെ ഓൺലൈൻ ക്ലാസ്സ് : “കുരുമുളക് കൃഷി”

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives