കാപ്പി കൃഷിയിൽ നൈട്രജൻ, ഫോസ്ഫറസ്, പൊട്ടാസ്യം എന്നിവ പ്രധാന പോഷകങ്ങളായി കണക്കാക്കപ്പെടുന്നു. കാൽസ്യം, മഗ്നീഷ്യം, സൾഫർ എന്നിവ ദ്വിതീയ പോഷകങ്ങളായിരിക്കുമ്പോൾ ഇരുമ്പ്, മാംഗനീസ്, ചെമ്പ്, സിങ്ക്, മോളിബ്ഡിനം, ബോറോൺ, സോഡിയം, ക്ലോറിൻ എന്നിവ മൈക്രോ പോഷകങ്ങളായി ഉപയോഗിക്കുന്നു. ഒരു നിശ്ചിത ബ്ലോക്കിന് നൽകേണ്ട നൈട്രജൻ, ഫോസ്ഫറസ്,പൊട്ടാസ്യം എന്നിവയുടെ അളവ് കഴിഞ്ഞ മൂന്ന് മുതൽ അഞ്ച് സീസണുകളിലെ സസ്യങ്ങളുടെ ഉത്പാദനം , മണ്ണ് പരിശോധന  ഫലം എന്നിവയെ ആശ്രയിച്ചിരിക്കുന്നു.

Ø  ഒരു ഏക്കറിന് ഒരു ടണ്ണിൽ കവിയാത്ത വിളവ് ലഭിക്കുന്ന റോബസ്റ്റ തോട്ടങ്ങളിൽ   20:20:20 കിലോഗ്രാം അളവിൽ  നൈട്രജൻ ഫോസ്‌ഫറസ്‌, പൊട്ടാസ്യം എന്നിവ  പ്രതിവർഷം അടിസ്ഥാന വളമായി നൽകണം.      ഉൽ‌പാദന നില 1.5 ടൺ കവിയുന്ന തോട്ടങ്ങളിൽ 30:30:30 കിലോഗ്രാം ആയി  ഇത് വർദ്ധിപ്പിച്ചു  നൽകേണ്ടതുണ്ട്.ഓരോ 100 കിലോ അധിക കാപ്പി പരിപ്പ് ഉൽപാദനത്തിനും, 10:7:10 കിലോഗ്രാംഅളവിൽ നൈട്രജൻ ഫോസ്‌ഫറസ്‌,  പൊട്ടാസ്യം  പ്രയോഗിക്കേണ്ടത് അത്യാവശ്യമാണ്.   

 ഓരോ മെട്രിക് ടൺ റോബസ്റ്റ കാപ്പി പരിപ്പിനും 20 മുതൽ 25 കിലോഗ്രാം വരെ സൾഫർ ആവശ്യമാണ്. അതിനാൽ മണ്ണിന്റെ വിളവും പോഷക നിലവാരവും അനുസരിച്ച് സൾഫർ അളവ് ക്രമീകരിച്ച് മൺസൂണിനു ശേഷമുള്ള എൻ പി കെ വള പ്രയോഗത്തോടൊപ്പം  ഒരൊറ്റ അളവിൽ വിതരണം ചെയ്യേണ്ടതുണ്ട്.

Ø  അമോണിയം സൾഫേറ്റ്, കാൽസ്യം അല്ലെങ്കിൽ മഗ്നീഷ്യം സൾഫേറ്റ്, മൂലക സൾഫർ, പൊട്ടാസ്യം സൾഫേറ്റ് അല്ലെങ്കിൽ സിംഗിൾ സൂപ്പർ ഫോസ്ഫേറ്റ് എന്നിവയുടെ രൂപത്തിൽ സൾഫർ പ്രയോഗിക്കാം.

Ø  ജല സേചന സൗകര്യമുള്ള തോട്ടങ്ങളിൽ ശുപാർശ  ചെയ്ത അളവിലുള്ള രാസവളം, നാല് തവണക്കയി നൽകണം. (പൂക്കുന്നതിന് മുൻപോ ശേഷമോ / കാലാവര്ഷത്തിനു മുൻപോ /കാലവര്ഷത്തിനിടയിലോ / കാലവര്ഷത്തിനു ശേഷമോ ).നനക്കാത്ത തോട്ടങ്ങളിൽ രണ്ടു മൂന്ന് തവണകളായി ഇടുന്നത് ആണ് അഭികാമ്യം. 

 Ø  ഏക്കറിന് പ്രതിവർഷം നൽകേണ്ട ഡോസ് ചെറുതാണെങ്കിൽ, ഒരു വർഷത്തിൽ രണ്ട് റൗണ്ട് എന്ന രീതി  പിന്തുടരാം.

Ø  മൺസൂൺ ഇടവേളയിൽ ഏക്കറിന് 50കിലോഗ്രാം യൂറിയ പ്രയോഗിക്കുന്നത് വളരെ പ്രയോജനകരമാണ്. ഇതിലൂടെ കാപ്പിയിലെ ഇലപൊഴിച്ചിലും കായ് പൊഴിച്ചിലും തടയാനും ചെടിയുടെ വളർച്ചയെ ത്വരിതപ്പെടുത്തുന്നതിനും  സഹായിക്കുന്നു.

Ø  കാപ്പി പൂവിടുമ്പോൾ ഫോസ്ഫറസ് ആവശ്യകത കൂടുതലാണ്.

Ø  പോഷകങ്ങളുടെ ആവശ്യത്തിന്റെ ഏറ്റവും ഉയർന്ന കാലഘട്ടം പൂവിടുന്ന സമയത്താണ്.

Ø  മൺസൂണിനു ശേഷമുള്ള കാലഘട്ടത്തിൽ പൊട്ടാസ്യം വളങ്ങൾ   കാപ്പി പരിപ്പിന്റെ വളർച്ചയ്ക്ക്           അനിവാര്യമാണ്.

Ø  കമ്പോസ്റ്റ് അല്ലെങ്കിൽ മറ്റേതെങ്കിലും ജൈവവളം രണ്ടു മൂന്നു  വര്ഷത്തിലൊരിക്കലെങ്കിലും തോട്ടങ്ങളിൽ പ്രയോഗിക്കേണ്ടതാണ് പോഷകങ്ങളുടെ കാര്യക്ഷമമായ പ്രയോഗത്തിന് 2 മുതൽ 3 വർഷത്തിൽ ഒരിക്കലെങ്കിലും മണ്ണ് പരിശോധന നടത്തണം.

Ø  വളം പ്രയോഗിക്കുന്നതിന് മുമ്പ് മണ്ണിന്റെ ഈർപ്പം ഉറപ്പാക്കണം.

Ø  ചെടികൾക്ക് താഴെയുള്ള ചവറുകൾ നീക്കി, തണ്ടിൽ നിന്ന് ഒരടി അകലെ മണ്ണിനെ വടിയോ ഫോർക്കുകളോ ഉപയോഗിച്ച് ഇളക്കി വൃത്താകൃതിയിലുള്ള ബാൻഡിൽ രാസവളം ഒരേപോലെ തുല്യമായി പ്രയോഗിച്ചു  ചവറുകൾ ഉപയോഗിച്ച് വീണ്ടും മൂടുക.

Ø  കുത്തനെയുള്ള സ്ഥലത്ത് വളങ്ങൾ അർദ്ധവൃത്താ കൃതിയിൽ  തണ്ടിന്റെ മുകൾ ഭാഗത്ത് നിന്ന് ചരിവിലൂടെ പ്രയോഗിക്കാം