Day: January 9, 2021

Wednesday, 27th January 2021

പഴവര്‍ഗ്ഗ തോട്ടം പദ്ധതിയയിലേക്ക് അപേക്ഷിക്കാം

Published on : January 9, 2021January 9, 2021 Published by : Dasan Meppadi

സംസ്ഥാന കൃഷി വകുപ്പിന്റെ പഴവര്‍ഗ കൃഷി വികസന പദ്ധതിയുടെ ഭാഗമായി ജില്ലയില്‍ 1750 ഏക്കര്‍ സ്ഥലത്ത് വിവിധ പഴവര്‍ഗ്ഗങ്ങളുടെ തോട്ടങ്ങള്‍ വച്ചു പിടിപ്പിക്കുന്നതിനുള്ള പദ്ധതിയിലേക്ക് കര്‍ഷകര്‍ക്ക് ജനുവരി 20 വരെ അപേക്ഷിക്കാം. റംബുട്ടാന്‍, മാംഗോസ്റ്റിന്‍, പുലാസാന്‍, ലിച്ചി തുടങ്ങിയ പത്തോളം ജനപ്രിയ ഇനങ്ങളാണ് പദ്ധതിയുടെ ഭാഗമായി വച്ചു പിടിപ്പിക്കുന്നത്. വയനാട്ടിലെ സമശീതോഷ്ണ കാലാവസ്ഥയും മണ്ണും ഇവയുടെ …

കുട്ടനാട്ടിലേക്ക് വിത്ത് നൽകി വയനാട്ടിലെ നെൽകർഷകർ
കേരളത്തിൻ്റെ നെല്ലറയായ കുട്ടനാട്ടിലേക്ക് ജൈവീക ഗുണങ്ങൾ ഏറെയുള്ളതും ഗുണമേന്മയുള്ളതുമായ നെൽവിത്ത് നൽകി വയനാട്ടിലെ കർഷകർ. മുത്തങ്ങയിലെ വനാതിർത്തിയിലാണ് 50-ലധികം വ്യത്യസ്ത ഇനം നെല്ല് കൃഷി ചെയ്ത് കുട്ടനാട്ടിലെ കർഷകർക്ക് എത്തിച്ചു നൽകുന്നത്. കുട്ടനാട്ട് ഐമനത്തെ ആറുപറയിൽ എ.കെ. സേവ്യർ എന്ന പാപ്പച്ചൻ്റെ നേതൃത്വത്തിലാണ് മുത്തങ്ങയിലെ കൃഷിയിടത്തിൽ നിന്നുള്ള നെൽവിത്തുകൾ കുട്ടനാട്ടിലെത്തിച്ചത് . 18 ഏക്കർ സ്ഥലത്താണ് മുത്തങ്ങയിൽ 50 ലധികം ഇനം കൃഷി ചെയ്തത്. ഒറ്റാൽ പോലെ വംശനാശ ഭീഷണി നേരിടുന്ന നെൽവിത്തിനങ്ങളും ക്ലീരോ പോലെ ഏറെ പ്രിയമുള്ള ഇനങ്ങളും ഇവിടെ കൃഷിയിറക്കിയിട്ടുണ്ട് . മൈക്കര പാടശേഖര സമിതിയുടെ നേതൃത്വത്തിൽ നടത്തുന്ന കൃഷിയിൽ മൈക്കര ആദിവാസി കോളനിയിലെ പത്തിലധികം പേരും പങ്കാളികളായി. വയനാട്ടിൽ 125 ദിവസത്തിലധികം മൂപ്പുള്ള പല ഇനങ്ങളും കുട്ടനാട്ടിൽ കൃഷി ചെയ്തപ്പോൾ 60 ദിവസം കൊണ്ട് കതിരുടകയും 90 ദിവസം കൊണ്ട് മൂപ്പെത്തി കൊയ്യാനും കഴിയുന്നുണ്ടന്ന് സേവ്യർ പറഞ്ഞു. വനമേഖലയോട് ചേർന്നുള്ള കൃഷിയായതിനാലും ജൈവ രീതിയിൽ മാത്രം കൃഷി ചെയ്യുന്നതിനാലും വിത്തിന് ഗുണമേന്മയും രോഗ പ്രതിരോധ ശേഷിയും ഉല്പാദന ക്ഷമതയും കൂടുതലാണ്. 64 ഇനം പച്ചിലകളും പഞ്ചഗവ്യം ചാണകം തുടങ്ങിയവ ചേർത്തുള്ള മിശ്രിതം കൊണ്ടുണ്ടാക്കിയ ചിറ്റുണ്ടയിൽ മുളപ്പിച്ച ശേഷമാണ് നാട്ടി നടത്തുന്നത്. അതു കൊണ്ട് തന്നെ, പെട്ടന്ന് ഞാറ് വളരുകയും നെല്ലിൻ്റെ ചുവിടന് കരുത്ത് കൂടുകയും ചെയ്യുന്നുണ്ട്. വന്യ മൃഗ ശല്യവും വെള്ളപ്പൊക്കവും കാരണം ഏറെ പ്രതിസന്ധികളെ മറികടന്നാണ് മൈക്കര പാടശേഖരത്തിൽ കർഷകർ നെൽകൃഷിയിറക്കിയത്.ആറുപറയിൽ റൈസ് പാർക്ക് കാണാനും നെൽ വിത്ത് വാങ്ങാനും ധാരാളം പേർ മുത്തങ്ങയിൽ എത്തുന്നുണ്ട്.
കാര്‍ഷിക വ്യവസായ സംരംഭങ്ങളുടെ വിവരശേഖരണം നടത്തുന്നു.
കേരള കാര്‍ഷിക വികസന കര്‍ഷക ക്ഷേമ വകുപ്പ് കാര്‍ഷികോല്പന്നങ്ങളുടെ സംസ്കരണം, മൂല്യ വര്‍ദ്ധനവ്, കയറ്റുമതി എന്നിവ പ്രോത്സാഹിപ്പിക്കുന്നതിനായി പ്രസ്തുത മേഖലയില്‍ പ്രവര്‍ത്തിക്കുന്ന വ്യവസായങ്ങളുടെ വിവരശേഖരണം നടത്തുന്നു. അഗ്രോ പ്രോസസ്സിംഗ്, വാല്യൂ അഡിഷന്‍, മാര്‍ക്കറ്റിംഗ്, എക്സ്പോര്‍ട്ട് എന്നീ മേഖലകളില്‍ നൂതന പദ്ധതികള്‍ ആവിഷ്കരിക്കുന്നതിനും പ്രസ്തുത മേലെകള്‍ അഭിമുഖീകരിക്കുന്ന പ്രശ്നങ്ങള്‍ക്ക് പരിഹാരം കാണുന്നതിനും, കയറ്റുമതി, വിപണന രംഗത്തു പ്രവര്‍ത്തിക്കുന്ന വിവിധ സ്ഥാപനങ്ങളുമായി ബിസിനസ് ടു ബിസിനസ് മീറ്റുകള്‍ നടത്തുന്നതിനുമായാണ് വിവര ശേഖരണം ലക്ഷ്യമിടുന്നത്. താല്പര്യമുളള സംരംഭകര്‍ 8547641200 എന്ന വാട്ട്സാപ്പ് നമ്പരിലോ https://forms.gle/64A93jGiu12bMgR36 എന്ന ലിങ്കിലോ രജിസ്റ്റര്‍ ചെയ്യേണ്ടതാണ്.
ഉല്പാദക കമ്പനികളുടെ ഉത്പന്നങ്ങളുടെ വിപണനം: ഫാംശ്രീ അഗ്രോമാർട്ട് തുറന്നു
കാർഷികോല്പന്നങ്ങളുടെ നേരിട്ടുള്ള വിപണനവും, വിഷരഹിതമായ ഉല്പന്നങ്ങളിലൂടെ പുതിയൊരു ഭക്ഷ്യ സംസ്ക്കാരവും ലക്ഷ്യമിട്ട് നബാർഡിന്റെ സഹകരണത്തോടെ കേരളത്തിൽ തുടക്കം കുറിക്കുന്ന ആദ്യത്തെ കാർഷിക വിപണ കേന്ദ്രം ഫാംശ്രീ അഗ്രോമാർട്ട് എന്ന പേരിൽ കാക്കനാട് പ്രവർത്തനം ആരംഭിച്ചു. . കർഷകരുടെ കൂട്ടായ്മയായ ഫാർമേഴ്‌സ് പ്രൊഡ്യൂസേഴ്‌സ് ഓർഗനൈസേഷനും, വിവിധ കാർഷിക സഹകരണ സംഘങ്ങളും ജൈവ രീതിയിൽ ഉൽപ്പാദിപ്പിക്കുന്ന ഗുണമേന്മയുള്ള ഉൽപ്പന്നങ്ങൾ ഇടനിലക്കാരെ പൂർണ്ണമായും ഒഴിവാക്കി മിതമായ വിലയിൽ പൊതുജനങ്ങൾക്ക് ലഭ്യമാക്കുക എന്നതാണ് ഫാംശ്രീയിലൂടെ ലക്ഷ്യമിടുന്നത്. നബാർഡിനു പുറമേ കാർഷിക സഹകരണ സംഘങ്ങളുടെ അപ്പെക്സ് സ്ഥാപനമായ കേരള ബാങ്കിന്റെ കൂടി സഹായത്തോടെ എറണാകുളം ഡിസ്ട്രിക്റ്റ് കോ- ഓപ്പറേറ്റിവ് ബാങ്ക് എംപ്ലോയീസ് സഹകരണ സംഘമാണ് വിപണകേന്ദ്രം നടത്തുന്നത്. കാക്കനാട് തൃക്കാക്കര മുനിസിപ്പാലിറ്റിക്ക് എതിർവശത്തുള്ള കേരള ബാങ്കിന്റെ കെട്ടിടത്തിലെ താഴത്തെ നിലയിലാണ് നിലവിൽ ഫാംശ്രീ പ്രവർത്തനം ആരംഭിച്ചത്. . ജൈവരീതിയിൽ ഉൽപ്പാദിപ്പിച്ചിട്ടുള്ള പച്ചക്കറികൾ, പഴവർഗ്ഗങ്ങൾ,സുഗന്ധ വ്യഞ്ജനങ്ങൾ, വയനാടൻ തേൻ, തൊണ്ടി അരി, തവിടുള്ളതും ഇല്ലാത്തതുമായ മട്ട അരി, ഗന്ധകശാല അരി, ഇടിയിറച്ചി, ഈന്തങ്ങപ്പൊടി, കൂവപ്പൊടി, പനംപൊടി, വയനാടൻ വിൻകോഫി, അറബിക്ക, റോബസ്റ്റ, സ്പെഷ്യൽ ഗ്രീൻ ടീ, വടകര വെളിച്ചെണ്ണ തുടങ്ങി സവിശേഷമായതും, സാധാരണ പൊതുവിപണിയിൽ ലഭ്യമാകാൻ ബുദ്ധിമുട്ടുള്ളതുമായ ഉല്പന്നങ്ങൾ ഫാംശ്രീയിലൂടെ ലഭ്യമാകും. ഫാംശ്രീ അഗ്രോമാർട്ടിന്റെ ഉദ്ഘാടനം നബാർഡ് കേരളാ റീജിയൻ ചീഫ് ജനറൽ മാനേജർ .പി.ബാലചന്ദ്രൻ നിർവ്വഹിച്ചു.
ഫാംശ്രീ അഗ്രോമാർട്ട് തിങ്കളാഴ്‌ച തുറക്കും: കർഷകരിൽ നിന്നുള്ള ഉല്പന്നങ്ങൾ ഇടനിലക്കാരില്ലാതെ നേരിട്ട് വാങ്ങാം
കാർഷികോല്പന്നങ്ങളുടെ നേരിട്ടുള്ള വിപണനവും, വിഷരഹിതമായ ഉല്പന്നങ്ങളിലൂടെ പുതിയൊരു ഭക്ഷ്യ സംസ്ക്കാരവും ലക്ഷ്യമിട്ട് നബാർഡിന്റെ സഹകരണത്തോടെ കേരളത്തിൽ തുടക്കം കുറിക്കുന്ന ആദ്യത്തെ കാർഷിക വിപണ കേന്ദ്രം ഫാംശ്രീ അഗ്രോമാർട്ട് എന്ന പേരിൽ കാക്കനാട് പ്രവർത്തനം ആരംഭിക്കുന്നു. കർഷകരുടെ കൂട്ടായ്മയായ ഫാർമേഴ്‌സ് പ്രൊഡ്യൂസേഴ്‌സ് ഓർഗനൈസേഷനും, വിവിധ കാർഷിക സഹകരണ സംഘങ്ങളും ജൈവ രീതിയിൽ ഉൽപ്പാദിപ്പിക്കുന്ന ഗുണമേന്മയുള്ള ഉൽപ്പന്നങ്ങൾ ഇടനിലക്കാരെ പൂർണ്ണമായും ഒഴിവാക്കി മിതമായ വിലയിൽ പൊതുജനങ്ങൾക്ക് ലഭ്യമാക്കുക എന്നതാണ് ഫാംശ്രീയിലൂടെ ലക്ഷ്യമിടുന്നത്. നബാർഡിനു പുറമേ കാർഷിക സഹകരണ സംഘങ്ങളുടെ അപ്പെക്സ് സ്ഥാപനമായ കേരള ബാങ്കിന്റെ കൂടി സഹായത്തോടെ എറണാകുളം ഡിസ്ട്രിക്റ്റ് കോ- ഓപ്പറേറ്റിവ് ബാങ്ക് എംപ്ലോയീസ് സഹകരണ സംഘമാണ് വിപണകേന്ദ്രം നടത്തുന്നത്. കാക്കനാട് തൃക്കാക്കര മുനിസിപ്പാലിറ്റിക്ക് എതിർവശത്തുള്ള കേരള ബാങ്കിന്റെ കെട്ടിടത്തിലെ താഴത്തെ നിലയിലാണ് നിലവിൽ ഫാംശ്രീ പ്രവർത്തനം ആരംഭിക്കുന്നത്. ജൈവരീതിയിൽ ഉൽപ്പാദിപ്പിച്ചിട്ടുള്ള പച്ചക്കറികൾ, പഴവർഗ്ഗങ്ങൾ,സുഗന്ധ വ്യഞ്ജനങ്ങൾ, വയനാടൻ തേൻ, തൊണ്ടി അരി, തവിടുള്ളതും ഇല്ലാത്തതുമായ മട്ട അരി, ഗന്ധകശാല അരി, ഇടിയിറച്ചി, ഈന്തങ്ങപ്പൊടി, കൂവപ്പൊടി, പനംപൊടി, വയനാടൻ വിൻകോഫി, അറബിക്ക, റോബസ്റ്റ, സ്പെഷ്യൽ ഗ്രീൻ ടീ, വടകര വെളിച്ചെണ്ണ തുടങ്ങി സവിശേഷമായതും, സാധാരണ പൊതുവിപണിയിൽ ലഭ്യമാകാൻ ബുദ്ധിമുട്ടുള്ളതുമായ ഉല്പന്നങ്ങൾ ഫാംശ്രീയിലൂടെ ലഭ്യമാകും. ഫാംശ്രീ അഗ്രോമാർട്ടിന്റെ ഉദ്ഘാടനം തിങ്കളാഴ്ച ഉച്ചകഴിഞ്ഞ് 3 മണിക്ക് നബാർഡ് കേരളാ റീജിയൻ ചീഫ് ജനറൽ മാനേജർ പി.ബാലചന്ദ്രൻ നിർവ്വഹിക്കും.
ശീതകാല പച്ചക്കറി കൃഷി
വയനാട് കൃഷി വിജ്ഞാന കേന്ദ്രവും ആത്മ വയനാടും സമയോചിതമായി ബ്ലോക്ക് തല കാർഷിക വിജ്ഞാന കേന്ദ്രങ്ങൾക്കും വയനാട്ടിലെ കർഷകർക്കുമായി സംഘടിപ്പിക്കുന്ന കൃഷി പാഠശാലയിൽ “ശീതകാല പച്ചക്കറി കൃഷി ” എന്ന വിഷയത്തിൽ ഓൺലൈൻ ആയി കർഷകർക്ക് പരിശീലനം നൽകുന്നു.
കാർഷിക മാധ്യമരംഗത്തെ കുലപതി ആർ. ഹേലിയ്ക്ക് വിട : കൃഷി എഴുത്തുകൾ അനശ്വരമായി നിൽക്കും
സംസ്ഥാന കാർഷിക മേഖലയുടെ ഗുരുസ്ഥാനീയനും കാർഷിക മാധ്യമരംഗത്തെ അധികായനുമായ ആർ ഹേലി (86) ഞായറാഴ്ച രാവിലെ 8. 45 ന് വിടവാങ്ങി. കഴിഞ്ഞ 6 പതിറ്റാണ്ടോളം കേരളത്തിന്റെ കാർഷിക മേഖലയ്ക്ക് സമഗ്രമായ സംഭാവനകൾ നൽകിയ വ്യക്തിയാണ് ആർ. ഹേലി. 1934 ൽ തിരുവനന്തപുരം ജില്ലയിലെ ആറ്റിങ്ങലിലായിരുന്നു ജനനം. കാർഷിക കോളേജിലെ ബിരുദ പഠനത്തിനുശേഷം 1955 ൽ റബ്ബർ ബോർഡിൽ കൃഷി ഉദ്യോഗസ്ഥനായാണ് ഔദ്യോഗിക പ്രവർത്തനമാരംഭിക്കുന്നത്. സംസ്ഥാനത്തെ കാർഷിക മാധ്യമരംഗത്തെ ചാലകശക്തിയായ ഫാം ഇൻഫോർമേഷൻ ബ്യൂറോയുടെ ശില്പികൂടിയായിരുന്നു അദ്ദേഹം. 1968 വരെ കൃഷി, മൃഗസംരക്ഷണം എന്നീ വകുപ്പുകളിൽ പ്രത്യേക ഇൻഫർമേഷൻ സർവീസുകളാണ് നിലവിലുണ്ടായിരുന്നത്. ഇവ സംയോജിപ്പിച്ചുകൊണ്ട് ഫാം ഇൻഫർമേഷൻ ബ്യൂറോ ആരംഭിക്കുന്നത് 1969 ജനുവരി ഒന്നിനാണ്. ഭക്ഷ്യോല്പാദനവുമായി ബന്ധപ്പെട്ട വിവിധ വകുപ്പുകൾ ഏകോപിപ്പിച്ച് ഒരു കുടക്കീഴിൽ കൊണ്ടുവരണമെന്ന അന്നത്തെ കൃഷി മന്ത്രിയായിരുന്ന എം എൻ ഗോവിന്ദൻ നായരുടെ ദീർഘദൃഷ്ടി ആണ് ബ്യൂറോയുടെ രൂപീകരണം എന്ന ആശയത്തിൽ ചെന്നെത്തിയത് . കാർഷിക വിജ്ഞാനവ്യാപനത്തിന് നിസ്തുല സംഭാവനകൾ നൽകിക്കൊണ്ടിരുന്ന ആർ ഹേലിയെ ആയിരുന്നു ബ്യൂറോയുടെ പ്രഥമ പ്രിൻസിപ്പൽ ഇൻഫർമേഷൻ ഓഫീസറായി ചുമതലപ്പെടുത്തിയത്. 1969 ജനുവരി ഒന്നു മുതൽ 1983 ജനുവരി 20 വരെ അദ്ദേഹം ഫാം ഇൻഫർമേഷൻ ബ്യൂറോയുടെ പ്രിൻസിപ്പൽ ഇൻഫർമേഷൻ ഓഫീസർ ആയിരുന്നു. നെൽകൃഷിയിലെ ഗ്രൂപ്പ് ഫാമിംഗ്, മലയാള ദിനപത്രങ്ങളിൽ കാർഷിക പംക്തികളുടെ ആരംഭം, ആകാശവാണിയിലെ കാർഷിക വാർത്ത, കേരളകർഷകൻ മാസികയുടെ നവീകരണം തുടങ്ങി ഒട്ടനവധി ആശയങ്ങളുടെ ശില്പി കൂടിയായിരുന്നു ആർ ഹേലി. 1989 ൽ കൃഷി ഡയറക്ടറായി വിരമിച്ച ശേഷവും മൂന്ന് പതിറ്റാണ്ട് അദ്ദേഹം കാർഷികമേഖലയുടെയും കർഷകരുടേയും സ്പന്ദനം തന്നെയായിരുന്നു. മികച്ച ഫാം ജേർണലിസത്തിനുള്ള ആദ്യത്തെ കർഷക ഭാരതി അവാർഡ്, പ്രസ് അക്കാദമി അവാർഡ് എന്നിവ അദ്ദേഹം കരസ്ഥമാക്കിയിട്ടുണ്ട്. കേന്ദ്ര സർക്കാരിന്റെ നിരവധി കമ്മിറ്റികളിലും ജൂറികളിലും അംഗമായിരുന്നു. നിരവധി വിദേശ രാജ്യങ്ങളിലും അദ്ദേഹം പര്യടനം നടത്തിയിട്ടുണ്ട് . കാർഷികമേഖലയ്ക്ക് നൽകിയ സമഗ്ര സംഭാവനകളുടെ അടിസ്ഥാനത്തിൽ 2019ൽ ഫാം ഇൻഫർമേഷൻ ബ്യൂറോയുടെ സുവർണ ജൂബിലി ആഘോഷവേളയിൽ മുഖ്യമന്ത്രി പിണറായി വിജയൻ അദ്ദേഹത്തെ പ്രത്യേകം ആദരിക്കുകയുണ്ടായി.
ക്രിസ്തുമസ് പുതുവത്സരത്തിന് വയനാട്ടിൽ നിന്ന് ചക്ക കേക്ക് : കോവിഡിനെ മറികടന്ന് കർഷക കൂട്ടായ്മ.
ബാസ അഗ്രോ ഫുഡ് പ്രൊഡക്ടറ്റ് യൂണിറ്റിന്റെ തുടക്കം. കാർഷിക വിളകൾ കൊണ്ട് സമ്പന്നമായ വയനാടിന്റെ മണ്ണിലെ തൃക്കൈപ്പറ്റയിൽ ഏകദേശം ഒരു വർഷത്തോളമായി പ്രവർത്തിച്ചു വരുന്ന സ്ഥാപനമാണ് ബാസ അഗ്രോ ഫുഡ് പ്രൊഡക്ടസ് . 2019 ഡിസംബറിൽ പ്രവർത്തനം ആരംഭിച്ച ഈ സ്ഥാപനത്തിന്റെ പിന്നിൽ ഏഴ് പേർ അടങ്ങുന്ന കർഷകരുടെ കൂട്ടായ്മയുണ്ട് . കൂടാതെ അഞ്ച് തൊഴിലാളികളും , ഇവർ ഒരോരുതരും ഈ സ്ഥാപനത്തിന്റെ ഉയർച്ചയുടെ പ്രധാന കണ്ണികളാണ്.കർഷകനും പത്രപ്രവർത്തകനുമായ സി .ഡി സുനീഷ് ആണ് ഈ സ്ഥാപനത്തിന്റെ ഇപ്പോഴത്തെ മാനേജിംഗ് ഡയറക്ടർ, പ്രൊഡക്റ്റ് മാനേജറായി മോഹന ചന്ദ്രനും ബാക്കി അഞ്ചു പേർ ബോർഡ് അംഗങ്ങളുമാണ് . ബാസ യൂണിറ്റിന്റെ ലക്ഷ്യം . ഗ്രാമത്തിലെ ആദിവാസികളിൽ നിന്നും കർഷകരിൽനിന്നും മാർക്കറ്റ് വിലയെക്കാൾ കൂടിയ വിലയ്ക്ക് കാന്താരി, ഇഞ്ചി, പച്ചമുളക് എന്നീ അഞ്ചിനം സാധനങ്ങൾ വാങ്ങി.കൃഷിക്കാർക്ക് അധിക വരുമാനം ഉണ്ടാക്കി കൊടുക്കുക, ഗ്രാമീണരായിട്ടുള്ള സ്ത്രീകൾക്ക് ജോലി ഉറപ്പാക്കുക എന്നി ലക്ഷ്യങ്ങൾ മുന്നോട്ട് വെച്ചാണ് ബാസ യൂണിറ്റ് പ്രവർത്തനം ആരംഭിച്ചത് . ബാസ അഗ്രോ ഫുഡ് പ്രൊഡക്റ്റ് ഉൽപ്പന്നങ്ങളും ഉൽപ്പദന രീതിയും. നമുക്ക് ചുറ്റും സുലഭമായി ലഭിച്ചിരുന്ന ഇഞ്ചി, കുരുമുളക്, കറിവേപ്പില , കാന്താരി , ചക്ക എന്നി അഞ്ച് ഇനം കാർഷിക വിളകൾ ഉപയോഗിച്ച് വിവിധ തരം ബിസ്ക്കറ്റ് നിർമ്മിച്ചു നൽകുന്നു . അതു തിർത്തും ജൈവ രീതിയിൽ . ജൈവ രീതിയിലുള്ള ഉൽപ്പന്നങ്ങൾക്ക് മുൻതുക്കം നൽകുന്ന ഈ സ്ഥാപനത്തിലെ ബിസ്ക്കറ്റ്, ബന്ന്, ബ്രഡ് എന്നീ ഉൽപ്പനങ്ങൾക്ക് കേരളത്തിന് അകത്തും പുറത്തും ആവശ്യക്കർ ഏറെയാണ്. വയനാട് ജില്ലയിലെ മിക്ക ബേക്കറി കളിലും ഈ ബിസ്ക്കറ്റുകൾ ലഭ്യമാണ്.കർഷകർക്ക് ഒരു കൈത്താങ്ങ് എന്ന ആശയം മുന്നോട്ട് വെയ്ക്കുന്ന ഈ സ്ഥാപനം മൈദ പൂർണമായും ഒഴിവാക്കി ഗോതമ്പ് കൊണ്ടാണ് ബിസ്ക്കറ്റും കേക്കും മറ്റ് ഉല്പന്നങ്ങളും ഉണ്ടാക്കുന്നത്. ബാസ അഗ്രോ ഫുഡ് പ്രൊഡക്റ്റ്സ് അന്വേഷിച്ച് കേരളത്തിനകത്തും പുറത്തും നിന്നും നിരവധി പേരാണ് എത്തുന്നത്. അതിനു കാരണം ഇവർ ഉണ്ടാക്കുന്ന ജൈവ ഉൽപ്പന്നങ്ങളുടെ ഗുണമേന്മ തന്നെയാണ്. അതുതന്നെയാണ് ഈ യൂണിറ്റിനെ വേറിട്ട് നിർത്തുന്നതും. മറ്റു പ്രവർത്തനങ്ങൾ . വളരെ അധികം ജന ശ്രദ്ധ ആകർഷിച്ച ചക്ക മഹോത്സവം ഇവരുടെ കൂട്ടായ പരിശ്രമത്തിന്റെ ഫലമാണ് . കൂടാതെ ബാസ യൂണിറ്റ് കൃഷി വകുപ്പും വ്യവാസയ വകുപ്പുമായും ചേർന്ന് പ്രവർത്തിക്കുന്ന ഈ യൂണിറ്റാണിത് . കോവിഡ് മഹാമാരി ഈ സ്ഥാപനത്തെയും പ്രതികൂലമായി ബാധിച്ചെങ്കിലും അതിനെ പ്രതിരോധിച്ച് മുന്നോട്ട് നീങ്ങുകയാണ് ബാസ അഗ്രോ ഫുഡ് പ്രൊഡക്റ്റ്സ് . ഈ ക്രിസ്മസിന് ചക്ക കേക്ക് കോവിഡിന് ശേഷം വിപണി ഉണർന്നത് തങ്ങൾക്കനുകൂലമാക്കാനാണ് ബാസയുടെ അണിയറ പ്രവർത്തകരുടെ ശ്രമം. ക്രിസ്തുമസ് – പുതുവത്സര വിപണി ലക്ഷ്യമിട്ട് പുതിയ ഇനം കേക്ക് വിപണിയിലിറക്കി കഴിഞ്ഞു. കൃത്രിമ ചേരുവകൾ ഇല്ലാതെ ചക്ക ഉപയോഗിച്ചുള്ള കേക്കാണ് പ്രധാനമായും നിർമ്മിക്കുന്നത്. 150 രൂപ വിലയുള്ള 400 ഗ്രാം കേക്കുകൾക്ക് ഇപ്പോൾ തന്നെ നല്ല ഓർഡർ ലഭിച്ചു കഴിഞ്ഞു. അതുകൊണ്ട് തന്നെ ബാസയുടെ തൃക്കൈപ്പറ്റയിലെ ഭക്ഷ്യ സംസ്കരണ കേന്ദ്രം ഇപ്പോൾ മുഴുവൻ സമയ പ്രവർത്തനത്തിലാണ്. www.kerala.shopping എന്ന ഓൺലൈൻ ഷോപ്പിംഗ് പോർട്ടൽ വഴി ബുക്കിംഗ് സ്വീകരിച്ച് ഓൺ വിപണനമാണ് കൂടുതലായും ലക്ഷ്യമിടുന്നത്
മണ്ണിന്റെ ജീവൻ നിലനിർത്തൂ മണ്ണിലെ ജൈവ വൈവിധ്യം സംരക്ഷിക്കൂ : ഇന്ന് ലോക മണ്ണ് ദിനം
വയനാട് കൃഷി വിജ്ഞാന കേന്ദ്രം ആത്മ വയനാട്, കല്പറ്റ, നിലമ്പൂർ, തൂണേരി, പേരാമ്പ്ര, കുന്നമംഗലം എന്നീ ബ്ലോക്ക് തല കാർഷിക വിജ്ഞാന കേന്ദ്രങ്ങളുമായി സഹകരിച്ചു കർഷകർക്കായി ഒരു ഓൺലൈൻ കൃഷിപാഠശാല സംഘടിപ്പിച്ചു. പരിപാടിയുടെ ഔപചാരിക ഉദ്ഘാടനം പടന്നക്കാട് കാർഷിക കോളേജ് അസോസിയേറ്റ് ഡീൻ ഡോ. സുരേഷ് പി. ആർ നിർവഹിച്ചു. “മണ്ണിന്റെ ആരോഗ്യ പരിപാലനം” എന്ന വിഷയത്തിൽ പരിശീലന ക്ലാസ്സ്‌ നയിച്ചത് പടന്നക്കാട് കാർഷിക കോളേജ് മണ്ണ് ശാസ്ത്ര വിഭാഗം അസ്സിസ്റ്ററ്റ് പ്രൊഫസർ ഷമീർ മുഹമ്മദ്‌ ആണ്. പരിപാടിയിൽ കൃഷി വിജ്ഞാന കേന്ദ്രം പ്രോഗ്രാം കോർഡിനേറ്റർ ഡോ അലൻ തോമസ്, അസിസ്റ്റന്റ് പ്രൊഫസർമാരായ ഡോ. ഇന്ദുലേഖ വി. പി., ഡോ. അപർണ രാധാകൃഷ്ണൻ എന്നിവർ സംസാരിച്ചു. കർഷകർക്ക് തങ്ങളുടെ സംശയനിവാരണത്തിന് അവസരമൊരുക്കിയാണ് പരിശീലനം സംഘടിപ്പിച്ചത്. മനുഷ്യരാശിയെ സംബന്ധിച്ചിടത്തോളം അതിപ്രധാനമായ ഒരു പ്രകൃതി വിഭവമാണ് മണ്ണ്. സസ്യങ്ങളെ മണ്ണിൽ ഉറപ്പിച്ചു നിർത്തുക എന്ന ധർമ്മം മാത്രമല്ല മണ്ണിനുള്ളത്. വളർച്ചക്കും നിലനിൽപ്പിനും ആവശ്യമായ പോഷകഘടകങ്ങൾ, ജലം എന്നിവ സസ്യങ്ങൾക്ക് ലഭിക്കുന്നത് മണ്ണിൽ നിന്നുമാണ്. ഭൂമിയിലെ സകല ജീവജാലങ്ങളുടെയും ജീവന്റെ ആധാരം മണ്ണാണ്. മണ്ണിൽ വസിക്കുന്ന കോടാനുകോടി സൂക്ഷ്മ- സ്ഥൂല ജീവികൾ ഭക്ഷ്യചങ്ങലയുടെ പ്രധാന കണ്ണികളായി വർത്തിച്ചു കൊണ്ട് ആവാസവ്യവസ്ഥയുടെ സന്തുലനത്തിന് സഹായിക്കുന്നു. ഈ സന്തുലനാവസ്ഥക്ക് ഭംഗം സംഭവിച്ചാൽ അത് ജീവന്റെ നിലനിൽപ്പിനെ തന്നെ പ്രതികൂലമായി ബാധിക്കും. ആഗോള തലത്തിൽ മണ്ണിന്റെ പ്രാധാന്യവും മണ്ണ് പരിപാലനത്തിന്റെ ആവശ്യകതയെ കുറിച്ചും ജനങ്ങളെ കൂടുതൽ ബോധവാന്മാരാക്കുന്നതിനായാണ് ഐക്യരാക്ഷ്ട്ര സഭ 2012 മുതൽ ഡിസംബർ 5 ലോക മണ്ണ് ദിനമായി ആചരിച്ചു വരുന്നത് ‘ എന്നതാണ് ഈ വർഷത്തെ ലോക മണ്ണ് ദിനത്തിന്റെ മുദ്രാവാക്യം.
വയനാട് കൃഷി വിജ്ഞാന കേന്ദ്രം അന്താരാഷ്ട്ര മണ്ണ് ദിനാചരണവുമായി ബന്ധപ്പെട്ട് ബ്ലോക്ക് തല കാർഷിക വിജ്ഞാന കേന്ദ്രങ്ങൾക്കും വയനാട്ടിലെ കർഷകർക്കുമായി സംഘടിപ്പിക്കുന്ന കൃഷി പാഠശാലയിൽ “മണ്ണിന്റെ ആരോഗ്യ പരിപാലനം” എന്ന വിഷയത്തിൽ ഓൺലൈൻ ആയി കർഷകർക്ക് പരിശീലനം നൽകുന്നു.

M	T	W	T	F	S	S
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

M	T	W	T	F	S	S
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

പഴവര്‍ഗ്ഗ തോട്ടം പദ്ധതിയയിലേക്ക് അപേക്ഷിക്കാം

Most read in a month

Most read in a year

Navigate

Date

Trending this month

Archives