കൊച്ചി: യന്ത്രമുപയോഗിച്ച് ഞാറുനട്ടു കൊണ്ട് വാരപ്പെട്ടി ഗ്രാമപഞ്ചായത്തിന്റെ ഈ വര്‍ഷത്തെ നെല്‍ കൃഷിക്ക് തുടക്കമായി. കാര്‍ഷിക കര്‍മ്മ സേനയുടെയും കര്‍ഷക കൂട്ടായ്മയുടേയും നേതൃത്വത്തിലാണ് ഞാറുനട്ടത്. ജപ്പാന്‍ നഴ്‌സറി അഥവാ മാറ്റ് നഴ്‌സറി സമ്പ്രദായത്തിലൂടെ ഉത്പാദിപ്പിച്ച ആറു ദിവസം പ്രായമായ ഞാറുകളാണ് നട്ടത്.
തൊഴിലാളികളുടെ ലഭ്യതക്കുറവു കാരണം വിവിധ കൃഷിഭവനുകളെ കൂട്ടിയോജിപ്പിച്ചു കൊണ്ട് കാര്‍ഷിക കര്‍മസേനകള്‍ രൂപീകരിച്ചിട്ടുണ്ട്.
