വിള ഇന്‍ഷുറന്‍സ് വാരാചരണം

Sunday, 29th January 2023

ആസാദി കാ അമൃത് മഹോത്സവത്തിന്റെ ഭാഗമായി കേന്ദ്ര സംസ്ഥാന സര്‍ക്കാരുകള്‍ ഡിസംബര്‍ ഒന്നു മുതല്‍ ഏഴ് വരെ വിള ഇന്‍ഷുറന്‍സ് വാരാചരണം സംഘടിപ്പിക്കുന്നു ഇതിന്റെ ഭാഗമായി കേന്ദ്രാവിഷ്‌കൃത വിള ഇന്‍ഷുറന്‍സ് പദ്ധതികള്‍ ആയ പ്രധാനമന്ത്രി ഫസല്‍ ബീമാ യോജന കാലാവസ്ഥാ അധിഷ്ഠിത വിള ഇന്‍ഷുറന്‍സ് പദ്ധതി എന്നിവയില്‍ കര്‍ഷകര്‍ക്ക് അംഗത്വം എടുക്കാം. കൂടുതല്‍ വിവരങ്ങള്‍ക്ക് 180-425-7064 എന്ന നമ്പരില്‍ ബന്ധപ്പെടുക. രജിസ്‌ട്രേഷനുള്ള അവസാന തീയതി 2022 ഡിസംബര്‍ 31 .

Also read:

കോവിഡിനും തകർക്കാനാകാത്ത നാട്ടിപ്പെരുമയും കൂട്ടായ്മയും : എടത്തന മോഡൽ കമ്പള നാട്ടി.

വസന്തമൊരുക്കി അന്താരാഷട്ര ഓര്‍ക്കിഡ് ഫെസ്റ്റിവലിന് തുടക്കമായി

കാര്‍ഷിക നിര്‍ദ്ദേശങ്ങള്‍

കേരള ആഗ്രോ പ്രോ 2019 വെള്ളിയാഴ്ച മുതൽ കൊച്ചിയിൽ

Leave a Reply Cancel reply

ശാസ്ത്രീയമായ പശുപരിപാലനം”: പരിശീലനം
ക്ഷീരവികസന വകുപ്പിന്റെ തിരുവനന്തപുരം പട്ടത്തുള്ള ക്ഷീരപരിശീലന കേന്ദ്രത്തില്‍ വച്ച് 2023 ജനുവരി 23 മുതല്‍ ജനുവരി 30 വരെ ‘ശാസ്ത്രീയമായ പശുപരിപാലനം’ എന്ന വിഷയത്തില്‍ പരിശീലന പരിപാടി നടത്തുന്നു. പരിശീലന പരിപാടിയില്‍ പങ്കെടുക്കാന്‍ താല്പര്യമുള്ളവര്‍ക്ക് 2023 ജനുവരി 21 നു മുമ്പായി നേരിട്ടോ, പരിശീലന കേന്ദ്രത്തില്‍ ഫോണ്‍ മുഖേനയോ രജിസ്റ്റര്‍ ചെയ്യാവുന്നതാണ്. രജിസ്‌ട്രേഷന്‍ ഫീസ് 20/- രൂപ. പരിശീലനത്തില്‍ പങ്കെടുക്കുന്നവര്‍ക്ക് ദിനബത്തയും, യാത്രാബത്തയും നല്‍കുന്നതാണ്. പരിശീലനാര്‍ത്ഥികള്‍ ഫോട്ടോ പതിച്ച തിരിച്ചറിയല്‍ കാര്‍ഡ്, ബാങ്ക് പാസ്സ്ബുക്ക് എന്നിവയുടെ ഓരോ പകര്‍പ്പ് സമര്‍പ്പിക്കേണ്ടതാണ്. കൂടുതല്‍ വിവരങ്ങള്‍ക്ക് ബന്ധപ്പെടേണ്ട ഫോണ്‍ നം. 0471 2440911 മേല്‍വിലാസം: ക്ഷീരപരിശീലന കേന്ദ്രം പൊട്ടക്കുഴി റോഡ്, പട്ടം, പട്ടം പി.ഒ. തിരുവനന്തപുരം – 695004. ഇമെയില്‍ ഐ ഡി: principaldtctvm@gmail.com
കാര്‍ഷിക നിര്‍ദ്ദേശങ്ങള്‍
ഇഞ്ചി, മഞ്ഞള്‍ തുടങ്ങിയവയുടെ വിളവെടുപ്പ് കാലമാണ്. വിളവെടുക്കാന്‍ പാകമായവയുടെ ഇലകള്‍ മഞ്ഞളിച്ചു തുടങ്ങുന്നതായി കണ്ടാല്‍ ജലസേചനം നിര്‍ത്തുകയും സസ്യങ്ങള്‍ പൂര്‍ണമായും ഉണങ്ങിയ ശേഷം വിളവെടുക്കുകയും ചെയ്യാവുന്നതാണ്. വിളവെടുക്കുമ്പോള്‍ വിത്തിനായുള്ളവ മുളകള്‍ക്ക് കേടുകൂടാത്ത രീതിയില്‍ പറിച്ചെടുക്കുകയും ഇവ മൂന്നു ഗ്രാം മാംഗോ സേബ് ഒരു മില്ലി മാലത്തയോണ്‍ എന്നിവ കലര്‍ത്തിയ ലായനിയില്‍ 30 മിനിറ്റ് മുക്കി വയ്ക്കുകയും ശേഷം തണലുള്ള തറയില്‍ നിരത്തിയിട്ട് തോര്‍ത്തിയെടുക്കുകയും ചെയ്യുക. ഇവ സൂക്ഷിക്കുന്നതിനായി തണലുള്ള പ്രദേശത്ത് കുഴിയെടുത്ത് മണലോ അറക്കപ്പൊടിയോ കുഴിയില്‍ നിരത്തിയ ശേഷം വിത്തിനായുള്ള കിഴങ്ങുകള്‍ അതില്‍ അടുക്കി വയ്ക്കാം. കുഴിയില്‍ പാണലിന്റെ ഇല ഇടുന്നത് കീടാക്രമണം നിയന്ത്രിക്കാന്‍ സഹായിക്കും. മുകളിലായി വായു സഞ്ചാരം ലഭ്യമാകുന്ന രീതിയില്‍ ഓലകൊണ്ട് മൂടുകയും ചെയ്യണം. മാസത്തിലൊരിക്കല്‍ രോഗസാധ്യതകള്‍ പരിശോധിച്ചു കേടുവരുന്നവ നീക്കം ചെയ്യുകയും ചെയ്യണം.
ഞങ്ങളും കൃഷിയിലേക്ക് : കൃഷിദര്‍ശന്‍
ഞങ്ങളും കൃഷിയിലേക്ക് പദ്ധതിയുടെ ഭാഗമായി കൃഷി വകുപ്പ് മന്ത്രിയും വകുപ്പിലെ ഉദ്യോഗസ്ഥരും കാര്‍ഷിക ബ്ലോക്കുകള്‍ കേന്ദ്രീകരിച്ച് വിവിധ കാര്‍ഷിക മേഖലകളിലെ കര്‍ഷകരോട് സംവദിച്ച് കര്‍ഷകരുടെ പ്രശ്‌നങ്ങള്‍ നേരിട്ട് മനസ്സിലാക്കുകയും പരിഹരിക്കുകയും ചെയ്യുന്നതിനായി വിഭാവനം ചെയ്തിട്ടുള്ള കൃഷിദര്‍ശന്‍ എന്ന പരിപാടി ജനുവരി മാസം തിരുവനന്തപുരം ജില്ലയിലെ നെടുമങ്ങാട് ബ്ലോക്കില്‍ ആരംഭിക്കുകയാണ്. പ്രസ്തുത പദ്ധതി നെടുമങ്ങാട് ബ്ലോക്കില്‍ 2023 ജനുവരി 24 ന് തുടക്കം കുറിക്കുകയാണ്. പരിപാടിക്ക് മുന്നോടിയായി കര്‍ഷകര്‍ക്ക് അവരുടെ പരാതികള്‍ ഓണ്‍ലൈനായി സമര്‍പ്പിക്കാവുന്നതാണ്. കൃഷിവകുപ്പിന്റെ എയിംസ് (അഗ്രികള്‍ച്ചര്‍ ഇന്‍ഫര്‍മേഷന്‍ മാനേജ്‌മെന്റ് സിസ്റ്റം) പോര്‍ട്ടലിന്റെ പുതിയ പതിപ്പിലൂടെയാണ് കര്‍ഷകര്‍ പരാതികള്‍ സമര്‍പ്പിക്കേണ്ടത്. 2023 ജനുവരി 16 മുതല്‍ 20 വരെയാണ് പരാതികള്‍ ഓണ്‍ലൈനായി സമര്‍പ്പിക്കേണ്ടത്. എഴുതി തയ്യാറാക്കിയ പരാതികള്‍ ഓണ്‍ലൈനായി അപ്‌ലോഡും ചെയ്യാവുന്നതാണ്. കര്‍ഷകര്‍ക്ക് നേരിട്ടോ, അതത് കൃഷിഭവനുകള്‍ വഴിയോ പരാതികള്‍ സമര്‍പ്പിക്കാവുന്നതാണ്.
ക്ഷീരസംഗമം 2022-23
ക്ഷീരവികസന വകുപ്പിന്റെ ആഭിമുഖ്യത്തില്‍ 2023 ഫെബ്രുവരി മാസത്തില്‍ തൃശൂരില്‍ വച്ച് നടത്തപ്പെടുന്ന 2022-23 വര്‍ഷത്തെ സംസ്ഥാന ക്ഷീരസംഗമത്തോട് അനുബന്ധിച്ച് ക്ഷീരോല്പാദന മേഖലയിലെ മാധ്യമ ഇടപെടലുകള്‍ കൂടുതല്‍ ശക്തമാക്കുന്നതിന് മാധ്യമ പ്രവര്‍ത്തകര്‍ക്കായി ക്ഷീരമേഖലയുമായി ബന്ധപ്പെട്ട സൃഷ്ടികള്‍ക്ക് പുരസ്‌കാരങ്ങള്‍ നല്കുന്നു. ക്ഷീരവികസനവുമായി ബന്ധപ്പെട്ട് പുരസ്‌കാരങ്ങള്‍ക്കായി അപേക്ഷകള്‍ ക്ഷണിയ്ക്കുന്നു. പൊതുവിഭാഗത്തില്‍ മികച്ച പത്ര റിപ്പോര്‍ട്ട്, മികച്ച പത്ര ഫീച്ചര്‍, മികച്ച ഫീച്ചര്‍/ലേഖനം (കാര്‍ഷിക മാസികകള്‍), ക്ഷീരമേഖലയിലെ മികച്ച പുസ്തകം, മികച്ച ശ്രവ്യ മാധ്യമ ഫീച്ചര്‍, മികച്ച ദൃശ്യ മാധ്യമ റിപ്പോര്‍ട്ട്, മികച്ച ദൃശ്യ മാധ്യമ ഫീച്ചര്‍, മികച്ച ദൃശ്യ മാധ്യമ ഡോക്കുമെന്ററി/മാഗസിന്‍ പ്രോഗ്രാം, ‘ഗ്രാമീണ സ്പന്ദനം ക്ഷീരവൃത്തിയിലൂടെ’ എന്ന വിഷയത്തില്‍ മികച്ച ഫോട്ടോഗ്രാഫ് എന്നിവയ്ക്കും ക്ഷീരവികസന വകുപ്പ് ഉദ്യോഗസ്ഥര്‍ക്ക് മികച്ച ഫീച്ചര്‍ – ദിനപ്പത്രം, ആനുകാലികം, മികച്ച ഫോട്ടോഗ്രാഫ് എന്നിവക്കുമാണ് അപേക്ഷകള്‍ ക്ഷണിച്ചിട്ടുള്ളത്. എന്‍ട്രികള്‍ 2022 ജനുവരി 01 മുതല്‍ 2022 ഡിസംബര്‍ 31 വരെ ഉള്ള കാലയളവില്‍ പ്രസിദ്ധപ്പെടുത്തിയതായിരിക്കണം. മത്സരം സംബന്ധിച്ചുള്ള നിബന്ധനകളും അപേക്ഷാഫാറത്തിന്റെ മാതൃകയും വകുപ്പിന്റെ വെബ്‌സൈറ്റില്‍ നിന്നും (www.dairydevelopment.kerala.gov.in) ലഭ്യമാണ്. വിജയികള്‍ക്ക് 25,000/- രൂപ ക്യാഷ് അവാര്‍ഡും ഫലകവും പ്രശസ്തി പത്രവും നല്‍കുന്നതായിരിക്കും. 28.01.2023 വൈകിട്ട് 5 മണി വരെ അപേക്ഷകള്‍ സ്വീകരിക്കുന്നതാണ്. അപേക്ഷകള്‍ അയക്കേണ്ട വിലാസം-രാംഗോപാല്‍.ആര്‍, ഡെപ്യൂട്ടി ഡയറക്ടര്‍ (എക്‌സ്റ്റന്‍ഷന്‍) ക്ഷീരവികസന വകുപ്പ് ഡയറക്ടറേറ്റ് പട്ടം പി.ഒ, തിരുവനന്തപുരം – 695004 കൂടുതല്‍ വിവരങ്ങള്‍ക്ക് ബന്ധപ്പെടേണ്ട ഫോണ്‍ നമ്പര്‍ – 62356611, 9497782824.
പോത്തുകുട്ടി പരിപാലന പദ്ധതി
കൊല്ലം ജില്ലയിലെ കരുനാഗപ്പള്ളി മുനിസിപ്പാലിറ്റി, ഓച്ചിറ, ക്ലാപ്പന, തഴവ, കുലശേഖപുരം, തൊടിയൂര്‍, ആലപ്പാട് , മൈനാഗപ്പള്ളി, ശൂരനാട് നോര്‍ത്ത്, ശൂരനാട് സൗത്ത് തേവലക്കര പന്മന, ചവറ, തെക്കുംഭാഗം, നീണ്ടകര ഗ്രാമ പഞ്ചായത്തുകളില്‍ മൃഗസംരക്ഷണ വകുപ്പും ഓണാട്ടുകര വികസന സമിതിയും ചേര്‍ന്ന് 2022-23 സാമ്പത്തിക വര്‍ഷം നടപ്പിലാക്കുന്ന പോത്തുകുട്ടി പരിപാലന പദ്ധതി യുടെ ഗുണഭോക്താക്കളെ തെരഞ്ഞടുക്കുന്നതിന് ടി പഞ്ചായത്ത് മുനിസിപ്പാലിറ്റിയില്‍ നിന്നും അപേക്ഷ ക്ഷണിക്കുന്നു. ഈ പദ്ധതി പ്രകാരം 334 കര്‍ഷകര്‍ക്കാണ് ആനുകൂല്യം ലഭിക്കുന്നത്. മേല്‍പ്പറഞ്ഞ പഞ്ചായത്ത് മുനിസിപ്പാലിറ്റികളിലെ താത്പര്യമുളള കര്‍ഷകര്‍ ബന്ധപ്പെട്ട പഞ്ചായത്ത്/മുനിസിപ്പാലിറ്റി പരിധിയില്‍പ്പെടുന്ന മൃഗാശുപത്രികളില്‍ 20/01/2023 -നകം അപേക്ഷ നല്‍കേണ്ടതാണെന്ന് കൊല്ലം ജില്ലാ മൃഗസംരക്ഷണ ഓഫീസര്‍ അറിയിച്ചു.
ജന്തുജന്യരോഗങ്ങളെ പ്രതിരോധിക്കാൻ സംസ്ഥാനത്തിനകത്തെ സംവിധാനങ്ങൾ സജ്ജമാക്കുമെന്ന് മന്ത്രി ജെ.ചിഞ്ചുറാണി
ചർമ്മമുഴ വാക്സിനേഷൻ ജനുവരി 18 മുതൽ ആരംഭിക്കും പക്ഷിപ്പനി, ആഫ്രിക്കൻ പന്നിപ്പനി തുടങ്ങി മനുഷ്യരിലേക്ക് പടർന്നു പിടിച്ചേക്കാവുന്ന കന്നുകാലികളിലെ ചർമ്മ മുഴയ്ക്കെതിരെ, ഒരു മാസം നീണ്ടു നിൽക്കുന്ന സൗജന്യ പ്രതിരോധ കുത്തിവെയ്പ് ക്യാമ്പയിന്റെ സംസ്ഥാനതല വിതരണോദ്ഘാടനം കൊല്ലം ജില്ലാ വെറ്ററിനറി കേന്ദ്രത്തിൽ വെച്ച് നിർവ്വഹിച്ചു സംസാരിക്കുകയായിരുന്നു മന്ത്രി. രോഗങ്ങൾ പൊട്ടിപ്പുറപ്പെടുമ്പോൾ തന്നെ രോഗനിർണ്ണയം നടത്താനും വാക്സിൻ പരീക്ഷണങ്ങൾക്കുമുള്ള അനുമതി കേന്ദ്രത്തോട് ആവശ്യപ്പെട്ടിട്ടുണ്ടെന്നും മന്ത്രി ജെ. ചിഞ്ചുറാണി പറഞ്ഞു. നിലവിൽ പേവിഷബാധയ്ക്കെതിരെയുള്ള വാക്സിനുകൾ സംസ്ഥാനത്ത് തന്നെ ഉല്പാദിപ്പിക്കുവാനുള്ള നടപടികൾ പുരോഗമിക്കുന്നുണ്ട്. ഇതിനായി വെറ്ററിനറി ബയോളജിക്കൽ ഇൻസ്റ്റിറ്റ്യൂട്ടിൽ എല്ലാ സൗകര്യങ്ങളും ഏർപ്പെടുത്തും. കാലികളിൽ പടരുന്ന ചർമ്മ മുഴ നിയന്ത്രിക്കുവാനായി ഇന്നു മുതൽ ഒരു മാസക്കാലത്തേക്ക് സൗജന്യ പ്രതിരോധ കുത്തിവയ്പ് ക്യാമ്പയിനായി സംസ്ഥാനത്ത് 10 ലക്ഷം ഡോസ് വാക്സിൻ സംഭരിച്ചിട്ടുണ്ടെന്നും മന്ത്രി കൂട്ടിച്ചേർത്തു. സംസ്ഥാനത്തു ഇത് വരെ 9548 കന്നുകാലികളെയാണ് ചർമ്മ മുഴ രോഗം ബാധിച്ചത് എന്നാണ് മൃഗസംരക്ഷണ വകുപ്പിന്റെ കണക്കുകൾ. അതിൽ 232 എണ്ണം ചത്തു. ചർമ്മ മുഴ ബാധിത പ്രദേശങ്ങളിൽ ഇത് വരെ 49159 കൺടൈൻമെന്റ് വാക്സിനേഷൻ നടത്തിയിട്ടുണ്ട്. സംസ്ഥാന വ്യാപകമായി ചർമ്മ മുഴ സൗജന്യ പ്രതിരോധ കുത്തിവെയ്പ്പുകൾക്കായുള്ള 10 ലക്ഷം ഡോസ് വാക്സിൻ വിതരണം ജനുവരി 18 മുതൽ 30 പ്രവൃത്തി ദിവസങ്ങളിലായി നടക്കും. പത്തനംതിട്ട ജില്ലയിൽ റേഡിയോ ഫ്രീക്വൻസി ഐഡന്റിഫിക്കേഷൻ ചിപ്പ് ഘടിപ്പിക്കുന്ന പ്രവൃത്തി നടക്കുന്നതിനാൽ 20 ദിവസത്തിനുള്ളിൽ കുത്തിവെയ്പ്പ് പൂർത്തീകരിക്കുമെന്നും മൃഗസംരക്ഷണ വകുപ്പ് ഡയറക്ടർ എ.കൗശിഗൻ ഐ എ എസ് അറിയിച്ചു.
താമരക്കുളം കേരഗ്രാമം പദ്ധതി ഉദ്ഘാടനം
താമരക്കുളം കേരഗ്രാമം പദ്ധതി ഉദ്ഘാടനം ജനുവരി 18 ന് വൈകിട്ട് 5 മണിയ്ക്ക് താമരക്കുളം വാഴവിളയില്‍ ഓഡിറ്റോയിയത്തില്‍ വച്ച് ബഹു. കൃഷി വകുപ്പ് മന്ത്രി ശ്രീ. പി. പ്രസാദ് അവര്‍കള്‍ നിര്‍വ്വഹിക്കുന്നു. അതോടനുബന്ധിച്ച് രാവിലെ 10 മണി മുതല്‍ സ്റ്റാളുകളുടെ പ്രദര്‍ശനവും ഉച്ചയ്ക്ക് 2 മണിയ്ക്ക് തെങ്ങു കൃഷി പരിപാലനം, രോഗകീട നിയന്ത്രണം എന്നീ വിഷയങ്ങളില്‍ സെമിനാര്‍ നടക്കുന്നു.
കാര്‍ഷിക നിര്‍ദ്ദേശങ്ങള്‍
വെളളരിവര്‍ഗ്ഗപച്ചക്കറികളില്‍ കായീച്ചയുടെ ആക്രമണം തടയുന്നതിനായി കേടുവന്ന കായകള്‍ പറിച്ച് നീക്കം ചെയ്ത് നശിപ്പിക്കുക. പച്ചക്കറികളിലെ കായീച്ചകളെ നിയന്ത്രിക്കാനുള്ള പ്രത്യേകമായ ഫിറോമോണ്‍ കെണിയായ ക്യൂലൂര്‍ 6 എണ്ണം ഒരു ഏക്കറിന് അല്ലെങ്കില്‍ പാളയംകോടന്‍ പഴക്കെണികള്‍ ഉപയോഗിക്കുക. എന്നിട്ടും കുറവില്ലെങ്കില്‍ രണ്ടു മില്ലി സയാന്‍ഡ്രനീലിപ്രോള്‍ ഒരു ലിറ്റര്‍ വെള്ളത്തില്‍ കലക്കി തളിക്കുക.
ജന്തുജന്യ രോഗങ്ങളെ നേരിടാൻ സംസ്ഥാനത്തെ സുസജ്ജമാക്കും: മന്ത്രി ചിഞ്ചു റാണി
പക്ഷിപ്പനി, ആഫ്രിക്കൻ പന്നിപ്പനി തുടങ്ങി മനുഷ്യരിലേക്ക് പടർന്നു പിടിച്ചേക്കാവുന്ന ജന്തുജന്യരോഗങ്ങളെ പ്രതിരോധിക്കാൻ സംസ്ഥാനത്തിനകത്തെ സംവിധാനങ്ങൾ സജ്ജമാക്കുമെന്ന് മന്ത്രി ജെ.ചിഞ്ചുറാണി . കന്നുകാലികളിലെ ചർമ്മ മുഴയ്ക്കെതിരെ, ഒരു മാസം നീണ്ടു നിൽക്കുന്ന സൗജന്യ പ്രതിരോധ കുത്തിവെയ്പ് ക്യാമ്പയിന്റെ സംസ്ഥാനതല വിതരണോദ്ഘാടനം കൊല്ലം ജില്ലാ വെറ്ററിനറി കേന്ദ്രത്തിൽ വെച്ച് നിർവ്വഹിച്ചു സംസാരിക്കുകയായിരുന്നു മന്ത്രി. രോഗങ്ങൾ പൊട്ടിപ്പുറപ്പെടുമ്പോൾ തന്നെ രോഗനിർണ്ണയ നടത്താനും വാക്സിൻ പരീക്ഷണങ്ങൾക്കുമുള്ള അനുമതി കേന്ദ്രത്തോട് ആവശ്യപ്പെട്ടിട്ടുണ്ടെന്നും മന്ത്രി ജെ. ചിഞ്ചുറാണി പറഞ്ഞു. നിലവിൽ പേവിഷബാധയ്ക്കെതിരേയുള്ള വാക്സിനുകൾ സംസ്ഥാനത്ത് തന്നെ ഉല്പാദിപ്പിക്കുവാനുള്ള നടപടികൾ പുരോഗമിക്കുന്നുണ്ട്. ഇതിനായി വെറ്ററിനറി ബയോളജിക്കൽ ഇൻസ്റ്റിറ്റ്യൂട്ടിൽ എല്ലാ സൗകര്യങ്ങളും ഏർപ്പെടുത്തും. കാലികളിൽ പടരുന്ന ചർമ്മ മുഴ നിയന്ത്രിക്കുവാനായി ഇന്നു മുതൽ ഒരു മാസക്കാലത്തേക്ക് സൗജന്യ പ്രതിരോധ കുത്തിവയ്പ് ക്യാമ്പയിനായി സംസ്ഥാനത്ത് 10 ലക്ഷം ഡോസ് വാക്സിൻ സംഭരിച്ചിട്ടുണ്ടെന്നും മന്ത്രി കൂട്ടിച്ചേർത്തു. അടുത്തിടെ പന്നിപ്പനിയും പക്ഷി പ്പനിയും നിയന്ത്രിക്കുവാൻ വേണ്ടി കൊന്നൊടുക്കിയ വകയിലുള്ള പൂർണ്ണ നഷ്ടപരിഹാരം കർഷകർക്ക് നൽകിയതായും മന്ത്രി പറഞ്ഞു. പക്ഷിപ്പനി നഷ്ടപരിഹാരം ആയി നാല് കോടിയും പന്നിപ്പനി നഷ്ടപരിഹാരം ആയി 86 ലക്ഷം രൂപയും ഇത് വരെ നൽകിക്കഴിഞ്ഞു. നഗരത്തിലെ കർഷകർക്കായി നൽകുന്ന കോഴിയും കൂടും നൽകുന്ന പദ്ധതിയുടെ ഉദ്ഘാടനവും മന്ത്രി നിർവ്വഹിച്ചു. ജില്ലാ പഞ്ചായത്ത് പ്രസിഡണ്ട് സാം കെ ഡാനിയൽ അധ്യക്ഷനായ ചടങ്ങിൽ വികസന സ്ഥിരം സമിതി അധ്യക്ഷ നജിബത്ത്, കൗൺസിലർ ബി.ഷൈലജ, ജില്ലാ മൃഗസംരക്ഷണ ഓഫീസർ ഡോ.കെ.അജിലാസ്റ്റ്, പ്രോജക്ട് കോ_ ഓഡിനേറ്റർ ഡോ. സിന്ധു.എസ്, ഡോ.എസ്.പ്രിയ, ഡോ. ഡി. ഷൈൻ കുമാർ, ഡോ.ആർ.ഗീതാ റാണി, വി.സുകമാരൻ നായർ എന്നിവർ സംസാരിച്ചു.
വൈഗ 2023
കൃഷിവകുപ്പിന്റെ ആഭിമുഖ്യത്തില്‍ വൈഗ 2023 അന്തര്‍ദേശീയ പ്രദര്‍ശനവും ശില്പശാലയും ഫെബ്രുവരി 25 മുതല്‍ മാര്‍ച്ച് 02 വരെ തിരുവനന്തപുരത്ത് വച്ച് സംഘടിപ്പിക്കുന്നു.

വിള ഇന്‍ഷുറന്‍സ് വാരാചരണം

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives