പയറിലെ മൂഞ്ഞയുടെ ആക്രമണം നിയന്ത്രിക്കാം

Saturday, 25th March 2023

പയറില്‍ മൂഞ്ഞയുടെ ആക്രമണം കണ്ടാല്‍ രണ്ട് ശതമാനം വീര്യമുളള വേപ്പെണ്ണ എമള്‍ഷെന്‍ തളിക്കുക. അല്ലെങ്കില്‍ ലെക്കാനിസീലിയം ലെക്കാനി എന്ന മിത്രകുമിള്‍ 20 ഗ്രാം ഒരു ലിറ്റര്‍ വെളളത്തില്‍ എന്ന തോതില്‍ 10 ദിവസം ഇടവിട്ട് തളിക്കുക. കീടബാധ രൂക്ഷമാണെങ്കില്‍ 3 മി.ലി ഇമിഡാക്ലോപ്രിഡ് അല്ലെങ്കില്‍ 2 ഗ്രാം തയാമെതോക്‌സാം 10 ലിറ്റര്‍ വെളളത്തില്‍ എന്ന തോതില്‍ തളിക്കുക.

Also read:

പുത്തൂർ വയൽ ബോട്ടാണിക്കൽ ഗാർഡൻ ഏഴ് കോടി രൂപ ചിലവിൽ നവീകരിക്കും

പ്രളയാനന്തര അതിജീവനത്തിന് കൂൺകൃഷി നല്ല മാർഗ്ഗം

സെക്രട്ടറിയേറ്റ് അങ്കണത്തിലെ പച്ചക്കറിത്തോട്ടം :നടീല്‍ ഉദ്ഘാടനം മുഖ്യമന്ത്രി നാളെ നിര്‍വ്വഹിക്കും

പ്രാദേശിക കാര്‍ഷിക വിലയിരുത്തല്‍ യജ്ഞം

Leave a Reply Cancel reply

കോഴിയിറച്ചി വില വരുതിയിൽ നിർത്താൻ വൻ പദ്ധതി വരും : മന്ത്രി ജെ.ചിഞ്ചു റാണി
അന്യസംസ്ഥാന ലോബികൾ കയ്യടക്കി വെച്ചിരിക്കുന്ന ഇറച്ചിക്കോഴി രംഗത്ത് വലിയ മാറ്റങ്ങൾ വരുത്താൻ പദ്ധതി തയ്യാറാക്കിക്കഴിഞ്ഞുവെന്ന് മന്ത്രി ജെ.ചിഞ്ചുറാണി പറഞ്ഞു. കൊല്ലം ജില്ലാതല മൃഗസംരക്ഷണ രംഗത്തെ കർഷക അവാർഡുകൾ കൊട്ടിയത്ത് വിതരണം ചെയ്തു സംസാരിക്കുകയായിരുന്നു മന്ത്രി. കോഴിയിറച്ചിയുടെ വില തോന്നും പോലെ കയറിയും ഇറങ്ങിയും പോകുന്നു. കോയമ്പത്തൂരും നാമക്കല്ലും പല്ലടത്തും ദിണ്ടിഗല്ലുമൊക്കെയുള്ള കുത്തകകളാണ് കേരളത്തിലെ ഇറച്ചി വില തീരുമാനിക്കുന്നത്. ആ സ്ഥിതിയ്ക്ക് മാറ്റം വരും. ആദ്യഘട്ടത്തിൽ ആയിരത്തോളം ഇറച്ചിക്കോഴി ഫാമുകൾ കേരളത്തിൽ സ്ഥാപിക്കും. ഇറച്ചി സംസ്കരണ പ്ലാൻ്റുകൾ, അവശിഷ്ടങ്ങൾ മൂല്യവർദ്ധിത ഉല്പന്നങ്ങളാക്കുന്ന യൂണിറ്റുകൾ, ബ്രോയ്ലർ ബ്രീഡിംഗ് ഫാമുകൾ കുടുംബശ്രീയുടെ വിപണന കേന്ദ്രങ്ങൾ എന്നിവയുൾപ്പെടെ കേരള ബ്രാൻറിൽ ചിക്കൻ പുറത്തിറക്കും. ഇതിനായി 65.82 കോടിയുടെ പദ്ധതി ഉടൻ ആരംഭിക്കുമെന്ന് മന്ത്രി പറഞ്ഞു. ജില്ലയിൽ കൂടുതൽ ക്ഷീരഗ്രാമങ്ങൾ സ്ഥാപിക്കും. പുറത്തു നിന്നു വരുന്ന കാലികളെ പാർപ്പിക്കാൻ പത്തനാപുരത്തെ പന്തപ്ലാവിൽ ക്വാറൻ്റൈൻ കേന്ദ്രവും കന്നുകുട്ടികൾക്ക് തീറ്റ നൽകുവാൻ കർഷകർക്ക് ധനസഹായവും നൽകുമെന്ന് മന്ത്രി കൂട്ടിച്ചേർത്തു. മികച്ച ക്ഷീരകർഷകയായി തെരഞ്ഞെടുത്ത പൂതക്കുളം കാവേരിയിൽ പി. പ്രമീളയ്ക്ക് 20,000 രൂപ പുരസ്കാരവും മികച്ച ജന്തുക്ഷേമ സംഘടനയായ നിലമേൽ അഹിംസയ്ക്ക് 10,000 രൂപ പുരസ്കാരവും മന്ത്രി സമ്മാനിച്ചു. ജില്ലാ പഞ്ചായത്ത് പ്രസിഡണ്ട് ഡോ. പി.കെ.ഗോപൻ മുഖ്യപ്രഭാഷണം നടത്തി. പഞ്ചായത്തംഗം രേഖ ചന്ദ്രൻ അധ്യക്ഷയായ ചടങ്ങിൽ ജില്ലാ പഞ്ചായത്തംഗം ശ്രീജ ഹരീഷ്, ജില്ലാ മൃഗസംരക്ഷണ ഓഫീസർ കെ.അജി ലാസ്റ്റ്, ചീഫ് വെറ്ററിനറി ഓഫിസർ ഡോ.സി.പി.അനന്തകൃഷ്ണൻ, അസി.ഡയറകടർ ഡോ.ഡി. ഷൈൻ കുമാർ, ഡോ.എസ്. പ്രിയ, ഡോ.കെ.മോഹനൻ, ഡോ.ബി.അജിത് ബാബു എന്നിവർ സംസാരിച്ചു
റബ്ബര്‍തൈകള്‍ക്ക് ഇന്‍ഷ്വറന്‍സ് പദ്ധതി
റബ്ബര്‍ബോര്‍ഡ് യുണൈറ്റഡ് ഇന്ത്യ ഇന്‍ഷ്വറന്‍സ് കമ്പനിയുമായി ചേര്‍ന്ന് റബ്ബര്‍തൈകള്‍ക്ക് ഇന്‍ഷ്വറന്‍സ് പദ്ധതി നടപ്പിലാക്കുന്നു. ഇത് സംബന്ധിച്ചുള്ള ധാരണാപത്രത്തില്‍ റബ്ബര്‍ബോര്‍ഡ് എക്‌സിക്യൂട്ടീവ് ഡയറക്ടര്‍ ഡോ. കെ.എന്‍. രാഘവന്‍ ഐ.ആര്‍.എസും യുണൈറ്റഡ് ഇന്ത്യ ഇന്‍ഷ്വറന്‍സ് കമ്പനിയുടെ കൊച്ചി റീജിയണല്‍ മാനേജര്‍ കെ.പി. അലക്‌സാണ്ടറും ഒപ്പുവെച്ചു. വടക്കുകിഴക്കന്‍ മേഖലയിലെ എന്‍.ഇ. മിത്ര പദ്ധതിയില്‍ ഉള്‍പെടുന്ന തോട്ടങ്ങള്‍ക്കും പരമ്പരാഗതമേഖലയിലെ തോട്ടങ്ങള്‍ക്കുമാണ് ഈ പദ്ധതിയിലൂടെ ഇന്‍ഷ്വറന്‍സ് പരിരക്ഷ നല്‍കാന്‍ കഴിയുക. മരമൊന്നിന് രണ്ടു രൂപയാണ് പ്രതിവര്‍ഷ പ്രീമിയം. അപക്വകാലഘട്ടത്തില്‍ (ഒന്നു മുതല്‍ ഏഴു വരെ വര്‍ഷം പ്രായമായ തൈകള്‍) ഉള്ള തൈ ഒന്നിന് പരമാവധി 300 വരെ രൂപയും ടാപ്പുചെയ്യുന്നതിന് പാകമായ ഒരു മരത്തിന് പരമാവധി 1000 വരെ രൂപയും നഷ്ടപരിഹാരം ലഭിക്കുന്നതാണ്. കൂടുതല്‍ വിവരങ്ങള്‍ക്ക് റീജിയണല്‍ റബ്ബര്‍ബോര്‍ഡ് കോള്‍സെന്ററുമായി (04812576622) ബന്ധപ്പെടുക.
ഹരിതോത്സവ് 2023
കോട്ടയം ജില്ല എലിക്കുളം ഗ്രാമപഞ്ചായത്ത് ജനകീയ ആസൂത്രണ പദ്ധതിയുടെ ഭാഗമായി ഹരിതോത്സവ് 2023 ഈ മാസം 23ന് വൈകിട്ട് 4 മണിക്ക് ഇളങ്ങുളം ശ്രീധര്‍മ്മശാസ്ത്ര ഓഡിറ്റോറിയത്തില്‍ വച്ച് കൃഷിവകുപ്പ് മന്ത്രി പി. പ്രസാദ് ഉദ്ഘാടനം നിര്‍വഹിക്കുന്നു. ഇതോടനുബന്ധിച്ച് കാര്‍ഷിക വിപണന മേളയും സംഘടിപ്പിച്ചിട്ടുണ്ട്.
കാര്‍ഷിക നിര്‍ദ്ദേശങ്ങള്‍
* തക്കാളിയില്‍ കാല്‍സ്യത്തിന്റെ അഭാവംമൂലം തക്കാളിയുടെ കായുടെ അഗ്രഭാഗം കറുത്ത് കാണപ്പെടാം. കാല്‍സ്യത്തിന്റെ അഭാവം കായ് വളര്‍ച്ചയെ സാരമായി ബാധിക്കുന്നതിനാല്‍ സെന്റിന് 3 കിലോഗ്രാം എന്നതോതില്‍ കുമ്മായം മണ്ണൊരുക്കുമ്പോള്‍ തന്നെ ചേര്‍ത്ത് കൊടുക്കുന്നതിലൂടെ വിളകള്‍ക്ക് ആവശ്യമുള്ള കാല്‍സ്യം നല്‍കാനാവും. രൂക്ഷമായ കാല്‍സ്യത്തിന്റെ അഭാവം കാണുന്നുണ്ടെങ്കില്‍ കാല്‍സ്യം നൈട്രേറ്റ് 2 ഗ്രാം ഒരു ലിറ്റര്‍ വെള്ളത്തില്‍ ചേര്‍ത്ത് തളിക്കാവുന്നതാണ്. * വേനല്‍ക്കാലത്ത് മേല്‍മണ്ണ് ചെറുതായി ഇളക്കിയിടുന്നത് ബാഷ്പീകരണ തോത് കുറയ്ക്കാനും ജല ആഗിരണ ശേഷി വര്‍ധിപ്പിക്കുന്നതിനും സഹായിക്കും. കാര്‍ഷിക വിളകള്‍ക്ക് കൃത്യമായ ഇടവേളകളില്‍ ജലസേചനം ഉറപ്പാക്കുക. ജൈവ വസ്തുക്കള്‍ ഉപയോഗിച്ച് വിളകളുടെ ചുവട്ടില്‍ പുതയിടീല്‍ അനുവര്‍ത്തിക്കുക. ചകിരി ചോര്‍ കമ്പോസ്റ്റിന്റെ ഉപയോഗവും ഈര്‍പ്പം പിടിച്ചു നിര്‍ത്താന്‍ സഹായകമാണ്. വൃക്ഷ തൈകള്‍, പച്ചക്കറി തൈകള്‍ തുടങ്ങിയവയ്ക്ക് തെങ്ങോല ഉപയോഗിച്ച് തണല്‍ നല്‍കുക റബ്ബര്‍,കവുങ്ങ്, തെങ്ങ് തുടങ്ങിയ വൃക്ഷ വിളകളുടെ തായ്തടിയില്‍ കുമ്മായം പൂശി സൂര്യാഘാതത്തില്‍ നിന്നും സംരക്ഷിക്കുക.
തേനീച്ചപരിപാലന സര്‍ട്ടിഫിക്കറ്റ് കോഴ്‌സ്
റബ്ബര്‍ബോര്‍ഡിന്റെ കീഴിലുള്ള നാഷണല്‍ ഇന്‍സ്റ്റിറ്റ്യൂട്ട് ഫോര്‍ റബ്ബര്‍ ട്രെയിനിങ് (എന്‍.ഐ.ആര്‍.റ്റി.)-ന്റെയും റബ്ബറുത്്പാദകസംഘങ്ങളുടെയും സംയുക്താഭിമുഖ്യത്തില്‍ 2016-17 മുതല്‍ നടത്തിവരുന്ന, ഒരു വര്‍ഷക്കാലം നീണ്ടുനില്‍ക്കുന്ന തേനീച്ചപരിപാലന സര്‍ട്ടിഫിക്കറ്റ് കോഴ്‌സ് ഈ വര്‍ഷവും തുടരുന്നതാണ്. തേനീച്ചവളര്‍ത്തലിന്റെ വിവിധഘട്ടങ്ങളിലെ കാലാനുസൃതമായ പരിപാലനമുറകളും പ്രായോഗികപരിശീലനവും ഉള്‍പെടുന്നതാണ് രണ്ടാഴ്ചയില്‍ ഒരുദിവസം എന്ന കണക്കില്‍ നടത്തുന്ന ഒരുവര്‍ഷം നീണ്ടുനില്‍ക്കുന്ന ഈ പരിശീലനപരിപാടി. തേനീച്ചവളര്‍ത്തല്‍ പരിശീലകരായി ജോലി നേടുന്നതിനും റബ്ബര്‍തോട്ടങ്ങളില്‍ തേനീച്ചകളെ വളര്‍ത്തി അധികവരുമാനമുണ്ടാക്കുന്നതിനും ഈ കോഴ്‌സിലൂടെ ലഭിക്കുന്ന പ്രായോഗികപരിചയം സഹായിക്കും. താല്‍പര്യമുള്ളവര്‍ക്ക് വിശദവിവരങ്ങള്‍ക്കായി അതതു പ്രദേശത്തെ റബ്ബര്‍ബോര്‍ഡ് ഓഫീസിലോ 04812353127, 7306464582 എന്നീ ഫോണ്‍ നമ്പറുകളിലോ ബന്ധപ്പെടാവുന്നതാണ്.
കാര്‍ഷിക വായ്പകള്‍: ആനുകൂല്യത്തിനായി ജൂണ്‍ 30 വരെ അപേക്ഷിക്കാം
കേരള സംസ്ഥാന കടാശ്വാസ കമ്മീഷന്‍ മുഖേന കാര്‍ഷിക വായ്പകള്‍ക്ക് നല്‍കിവരുന്ന ആനുകൂല്യത്തിനായി കര്‍ഷകര്‍ക്ക് ജൂണ്‍ 30 വരെ അപേക്ഷിക്കാവുന്നതാണെന്ന് കൃഷിമന്ത്രി പി പ്രസാദ് പറഞ്ഞു. കടാശ്വാസ കമ്മീഷന്‍ മുഖേന കാര്‍ഷികവായ്പകള്‍ക്കു നല്‍കിവരുന്ന കടാശ്വാസത്തിന് പരിഗണിക്കാവുന്ന വായ്പാ തീയതി ഇടുക്കി, വയനാട് ജില്ല ഒഴികെ മറ്റു എല്ലാ ജില്ലകളിലെയും പ്രളയബാധിത പ്രദേശങ്ങളിലെ കര്‍ഷകര്‍ക്ക് 2016 മാര്‍ച്ച് 31 വരെയും ഇടുക്കി വയനാട് ജില്ലകളിലെ കര്‍ഷകര്‍ക്ക് 2020 ആഗസ്റ്റ് 31 വരെയും ആയി ദീര്‍ഘിപ്പിച്ച് ഉത്തരവ് പുറപ്പെടുവിച്ചിരുന്നു. മേല്‍ ആനുകൂല്യം കര്‍ഷകര്‍ക്ക് ലഭ്യമാക്കുന്നതിനായി 2023 ജനുവരി 1 മുതല്‍ ജൂണ്‍ 30 വരെ കേരള സംസ്ഥാന കടാശ്വാസ കമ്മീഷനില്‍ കര്‍ഷകര്‍ക്ക് കടാശ്വാസത്തിന് അപേക്ഷ നല്‍കാവുന്നതാണ്. കര്‍ഷകര്‍ സഹകരണ ബാങ്കുകളില്‍/സംഘങ്ങളില്‍ നിന്നും എടുത്ത വായ്പകള്‍ക്ക് കേരള സംസ്ഥാന കര്‍ഷക കടാശ്വാസ കമ്മീഷന്‍ മുഖേന നിലവില്‍ പരമാവധി രണ്ട് ലക്ഷം രൂപ വരെയാണ് കടാശ്വാസം അനുവദിച്ചു വരുന്നളത്.
കാര്‍ഷിക നിര്‍ദ്ദേശങ്ങള്‍
കുരുമുളകിന്റെ കൊടിത്തലകള്‍ മുറിച്ചു വേരുപിടിപ്പിക്കുന്നതിനു അനുയോജ്യമായ സമയമാണിപ്പോള്‍. കൊടിയുടെ ചുവട്ടില്‍ നിന്നുണ്ടാകുന്ന ചെന്തലകളുടെ നടുവിലെ മൂന്നിലൊന്നു ഭാഗമാണ് ഇതിനായി ഉപയോഗിക്കുന്നത്. ഇല ഞെട്ട് തണ്ടില്‍ നില്‍ക്കത്തക്കവിധം രണ്ടോ മൂന്നോ മുട്ടുകളുള്ള കഷണങ്ങളാക്കി മുറിച്ച് തണ്ടുകള്‍ പോട്ടിങ്്മിശ്രിതം നിറച്ച കവറുകളിലോ തവാരണയിലോ നടാവുന്നതാണ്. നേരിട്ടുള്ള സൂര്യപ്രകാശം ഏല്‍ക്കാതെ തണ്ടുകളെ തണല്‍ നല്‍കി സംരക്ഷിക്കുകയും ദിവസവും 2 – 3 നനയും നല്‍കുക. ഇങ്ങനെ വേരുപിടിപ്പിക്കുന്ന തൈകള്‍ ജൂണ്‍ – ജൂലൈ മാസങ്ങളില്‍ നടീലിനായി ഉപയോഗിക്കാവുന്നതാണ്. എല്ലാവര്‍ഷവും മാര്‍ച്ച് – ഏപ്രില്‍ മാസങ്ങളില്‍ കുരുമുളക് തോട്ടത്തിലെ താങ്ങുമരങ്ങള്‍ കോതി ഒതുക്കി അവയുടെ വളര്‍ച്ച ക്രമീകരിക്കണം. താങ്ങുമരങ്ങളുടെ ഉയരം 6 മീറ്ററായി നിലനിര്‍ത്താനും ശ്രദ്ധിക്കുക. പൊതുവെ വരണ്ട അന്തരീക്ഷസ്ഥിതി തുടരുന്നതിനാല്‍ കുരുമുളകിന് നനയും പുതയിടീലും വളരെ അത്യാവശ്യമാണ്. വേനല്‍ കഴിയുന്നത് വരെ ഇളം തൈകളെ മുഴുവനായും കവുങ്ങിന്‍പട്ട കൊണ്ടോ തെങ്ങിന്‍പട്ടകൊണ്ടോ ചെറിയ ചില്ലകള്‍ കൊണ്ടോ പൊതിഞ്ഞു സംരക്ഷിക്കണം. കുരുമുളകിന്റെ തടത്തില്‍ അറക്കപ്പൊടി, അടയ്ക്കാത്തൊണ്ട്, ഉണങ്ങിയ ഇലകള്‍ എന്നിവ കൊണ്ട് പുതയിടുന്നത് വളരെ ഫലപ്രദമാണ്.
കർഷക പുരസ്‌കാര വിതരണവും മികച്ച ജന്തു ക്ഷേമ പ്രവർത്തനങ്ങൾക്കുള്ള അവാർഡ് വിതരണവും
മൃഗ സംരക്ഷണ മേഖലയിലെ 2021 -22 വർഷത്തെ വയനാട് ജില്ലാ തല കർഷക പുരസ്‌കാര വിതരണവും മികച്ച ജന്തു ക്ഷേമ പ്രവർത്തനങ്ങൾക്കുള്ള അവാർഡ് വിതരണവും നടക്കുന്നു. വയനാട് ജില്ലയിലെ 2021 -22 വർഷത്തെ ജില്ലാ തല കർഷക പുരസ്‌കാര വിതരണവും മികച്ച ജന്തു ക്ഷേമ പ്രവർത്തനങ്ങൾക്കുള്ള അവാർഡ് വിതരണവും ജില്ലയിലെ പന്നി കർഷകർക്കുള്ള ധന സഹായ വിതരണവും നാളെ രാവിലെ 10 മണിക്ക് മാനന്തവാടി ക്ഷീര സംഘം ഹാളിൽ വച്ച് ബഹു മാനന്തവാടി എം എൽ എ ഓ ആർ കേളു നിർവഹിക്കുന്നു. പ്രസ്‌തുത പരിപാടിയിൽ മാനന്തവാടി ബ്ലോക്ക് പഞ്ചായത്തു പ്രസിഡന്റ് ജസ്റ്റിൻ ബേബി അധ്യക്ഷത വഹിക്കും.ചടങ്ങിൽ മാനന്തവാടി നഗരസഭാ ചെയർപേഴ്സൺ സി കെ രത്നവല്ലി വിശിഷ്ടതിഥി ആയി പങ്കെടുക്കും .രാജ്യത്തെ ക്ഷീര മേഖലയിലെ പരമോന്നത ബഹുമതിയായ ഗോപൽ രത്‌ന ദേശിയ പുരസ്‌കാരം ലഭിച്ച മാനന്തവാടി ക്ഷീരോത്പാദക സഹകരണ സംഘത്തിന് സ്‌നേഹാദരവും വയനാട് ജില്ലാ മികച്ച ക്ഷീര കർഷക അവാർഡ് ലഭിച്ച ബിന്ദു വി പി കവലയ്ക്കൽ തൃക്കയപെറ്റ, മികച്ച ജന്തു ക്ഷേമ പ്രവർത്തക വയനാട് ജില്ലാ ഷൈല എസ് പി ശങ്കരാലയം അമ്പലമുക്ക് കൽപ്പറ്റ എന്നിവർക്കുള്ള പുരസ്‌കാര വിതരണം മാനന്തവാടി എം എൽ എ ഓ ആർ കേളു നിർവഹിക്കും.ജില്ലാ മൃഗ സംരക്ഷണ ഓഫീസർ വയനാട് ഡോ സീന ജോസ് പല്ലൻ പദ്ധതി വിശദീകരണം നടത്തും.ഇതോടനുബന്ധിച്ചു കർഷകർക്കായി ശാസ്ത്രിയമായ പശു ,പന്നി പരിപാലനത്തെ കുറിച്ച് ബോധവത്കരണ സെമിനാറും സംഘടിപ്പിക്കും .
അപേക്ഷകൾ ക്ഷണിക്കുന്നു
തിരുവനന്തപുരം ജില്ലയിലെ ചെമ്മരുതി ഗ്രാമപഞ്ചായത്ത് ജനകീയ ആസൂത്രണ പദ്ധതി 2022-23 പ്രകാരം കറവപശു വളർത്തൽ,ആടു വളർത്തൽ പദ്ധതിയിലേക്ക് അപേക്ഷകൾ ക്ഷണിക്കുന്നു ചെമ്മരുതി ഗ്രാമപഞ്ചായത്ത് ജനകീയ ആസൂത്രണ പദ്ധതി പ്രകാരം പട്ടികജാതി വിഭാഗക്കാർക്കുള്ള ( പ്രോജക്ട് നമ്പർ 205/23 ) കറവപശു വളർത്തൽ- ജനറൽ വിഭാഗക്കാർക്കുള്ള ( പ്രോജക്ട് നമ്പർ 163/23) ആടു വളർത്തൽ പദ്ധതി(പ്രോജക്ട് നമ്പർ 143/23) എന്നീ പ്രോജക്ടകൾ പ്രകാരം പഞ്ചായത്ത് അംഗീകരിച്ച ഗുണഭോക്തൃ പട്ടികയിൽ ഉൾപ്പെട്ടിട്ടുള്ള ഉരുക്കളെ വാങ്ങാൻ താൽപര്യം ഉള്ള ഗുണഭോക്താക്കൾ 20/03/2023 തിങ്കളാഴ്ചക്ക് മുൻപായി അടിയന്തരമായി ചെമ്മരുതി വെറ്ററിനറി ഡിസ്പെൻസറിയിൽ തന്നിരിക്കുന്ന ഫോൺ നമ്പറിൽ (+91 85477 44240; +91 94963 88714;0470 2995520 )കൂടുതൽ വിവരങ്ങൾക്കായി ബന്ധപ്പെണ്ടതാണ് .
കര്‍ഷക ക്ഷേമനിധി പെന്‍ഷന്‍ ലഭിക്കുന്നതിനായി അപേക്ഷിക്കാം.
സംസ്ഥാനത്ത് കാര്‍ഷിക അനുബന്ധ പ്രവര്‍ത്തനങ്ങള്‍ കൊണ്ട് ഉപജീവനം നടത്തുന്ന എല്ലാ കര്‍ഷകരുടെയും ക്ഷേമവും ഉന്നമനവും ലക്ഷ്യമിട്ട് കര്‍ഷക ക്ഷേമനിധി പെന്‍ഷന്‍ ഉള്‍പ്പെടെയുള്ള ക്ഷേമ ആനുകൂല്യങ്ങള്‍ ലഭിക്കുന്നതിനായി അപേക്ഷിക്കാം. 5 സെന്റില്‍ കുറയാതെയും 15 ഏക്കറില്‍ കവിയാതെയും വിസ്തീര്‍ണ്ണമുള്ള ഭൂമി കൈവശം വെച്ചിരിക്കുകയും, മൂന്ന് വര്‍ഷത്തില്‍ കുറയാത്ത കാലയളവില്‍ കൃഷി- കൃഷി അനുബന്ധ പ്രവര്‍ത്തനങ്ങള്‍ പ്രധാന ഉപജീവനമാര്‍ഗം ആയിരിക്കുകയും വാര്‍ഷിക വരുമാനം 5 ലക്ഷത്തില്‍ കവിയാതെയുളള 18-നും 65 വയസ്സിനും ഇടയില്‍ പ്രായമുള്ള ഏതൊരാള്‍ക്കും അപേക്ഷിക്കാം. ഈ പദ്ധതിയുടെ പ്രതിമാസ അംശാദായം 100 രൂപയാണ്. അംഗമായി രജിസ്റ്റര്‍ ചെയ്യുന്നതിനുള്ള അപേക്ഷകള്‍ കര്‍ഷകര്‍ ക്ഷേമനിധി ബോര്‍ഡിന്റെ https://kfwfb.kerala.gov.in/ എന്ന പോര്‍ട്ടല്‍ വഴിയാണ് നല്‍കേണ്ടത.് പദ്ധതിയുടെ ഗുണഭോക്താവ് ആകുന്നതിന് പദ്ധതിയില്‍ നിര്‍ദ്ദേശിക്കുന്ന പ്രകാരമുള്ള രേഖകളും (കര്‍ഷകന്റെ സത്യപ്രസ്താവന, ഫോട്ടോ, കാര്‍ഷിക അനുബന്ധ പ്രവര്‍ത്തനവുമായി ബന്ധപ്പെട്ട ഉദ്യോഗസ്ഥന്റെ സാക്ഷ്യപത്രം) വില്ലേജ് ഓഫീസറില്‍ നിന്നും ലഭിക്കുന്ന അപേക്ഷകന്റെ വാര്‍ഷിക വരുമാന സര്‍ട്ടിഫിക്കറ്റ്, ബാങ്ക് പാസ്ബുക്ക്, ആധാര്‍ കാര്‍ഡ,് വയസ് തെളിയിക്കുന്ന രേഖ, ഭൂമിയുടെ കരം അടച്ച രസീതോ/ഭൂമി സംബന്ധിച്ച രേഖകളോ, എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ അപ്‌ലോഡ് ചെയ്യേണ്ടതാണ്. രജിസ്‌ട്രേഷന്‍ ഫീ ആയി 100 രൂപ ഓണ്‍ലൈന്‍ ആയി അടയ്‌ക്കേണ്ടതാണ്.

പയറിലെ മൂഞ്ഞയുടെ ആക്രമണം നിയന്ത്രിക്കാം

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives