Tuesday, 30th November 2021

കേരള കാര്‍ഷിക സര്‍വകലാശാലയുടെ കാര്‍ഷിക കോളേജ് വെളളായണിയില്‍ വിളപരിപാലന വിഭാഗം ശാസ്ത്രജ്ഞര്‍ വികസിപ്പിച്ച കളനിയന്ത്രണ യന്ത്രമായ വീല്‍ ഹോ വീഡറിന് കേമ്പ്രസര്‍ക്കാരിന്റെ ഡിസൈന്‍ പേറ്റന്റ് ലഭിച്ചു. ഒരു ചക്രവും ബ്ലേഡും ഉപയോഗിച്ച് വിളകളുടെ ഇടയില്‍ നടന്നു നീങ്ങി കളകളെ നിയന്ത്രിക്കാന്‍ സഹായിക്കുന്ന ഈ യന്ത്രം സ്ത്രീകള്‍ക്കും അനായാസം പ്രവര്‍ത്തിക്കാവുന്ന തരത്തിലാണ്
രൂപ കല്‍പ്പന ചെയ്തിട്ടുളളത്. വിളകളുടെ ഇടയകലത്തിനു അനുസൃതമായി വിവിധ വലുപ്പത്തിലുളള ( 15
മുതല്‍ 30 സെ.മീ) ബ്ലേഡുകള്‍ ഘടിപ്പിക്കാവുന്നതാണ്. ഒരു മണിക്കൂറില്‍ 0.015 ഹെക്ടര്‍ (3.7 സെന്റ്) സ്ഥലത്തെ കളകള്‍ നിയന്ത്രിക്കുവാന്‍ ഈ യന്ത്രം ഉപയോഗിച്ച് സാധിക്കും. ബ്ലേഡ് മണ്ണില്‍ 1.5 സെ.മീ. തുളച്ചു കയറുന്നതുവഴി കളകളെ വേരോടുകൂടി ചെത്തിമാറ്റുന്നതാണ് ഇതിന്റെ പ്രവര്‍ത്തനരീതി. ബ്ലേഡ് തിരശ്ചീനമായി 15 ഡിഗ്രി കോണില്‍ ചരിഞ്ഞിരിക്കുന്നതിനാല്‍ ബ്ലേഡിന് അനായാസം മണ്ണിലേക്ക് തുളച്ചുകയറാന്‍ സാധിക്കുന്നു. സ്‌ക്വയര്‍ ട്യൂബ് ആകൃതിയിലുളള ചട്ടക്കൂട് ആണ് ഈ യന്ത്രത്തിന്റെ സവിശേഷമായ ഘടകം. ഇതില്‍ യന്ത്രത്തിന്റെ മൂന്ന് പ്രധാന ഭാഗങ്ങളായ ഹാന്‍ഡില്‍ ബാര്‍, വീല്‍, ബ്ലേഡ്
എന്നിവ ഘിപ്പിച്ചിരിക്കുന്നു. ജൂലൈ 2021 മുതല്‍ പത്തു വര്‍ഷ കാലയളവിലേക്കാണ് ഡിസൈന്‍ പേറ്റന്റ് ലഭിച്ചിരിക്കുന്നത്. കൂടുതല്‍ വിവരങ്ങള്‍ക്ക് 9495121213 എന്ന നമ്പരില്‍ ബന്ധപ്പെടുക.

Leave a Reply

Leave a Reply

Your email address will not be published. Required fields are marked *