കര്‍ഷക പെന്‍ഷന്‍ : അക്ഷയ കേന്ദ്രങ്ങളിൽ മസ്റ്ററിങ്ങ് നടത്താം

Monday, 1st March 2021

കര്‍ഷക പെന്‍ഷന്‍ ലഭിച്ചു കൊണ്ടിരിക്കുന്ന കര്‍ഷകരില്‍ അക്ഷയ സെന്ററുകള്‍ വഴി മസ്റ്ററിങ്ങ് നടത്താന്‍ സാധിക്കാത്തവര്‍ക്ക് ജൂണ്‍ 16 വരെയുള്ള തിയതികളില്‍ അതാത് അക്ഷയ സെന്ററുകള്‍ വഴി മസ്റ്ററിങ്ങ് നടത്താം. മസ്റ്ററിംഗ് നടത്തിയ കര്‍ഷകര്‍ക്ക് മാത്രമേ സേവനാ പോര്‍ട്ടല്‍ വഴി പെന്‍ഷന്‍ ലഭിക്കുകയുള്ളൂവെന്ന് കല്‍പറ്റ കൃഷി അസിസ്റ്റന്റ് ഡയറക്ടര്‍ അറിയിച്ചു

Also read:

കൃഷിയിടങ്ങളിലെ വെട്ടുകിളിസാന്നിദ്ധ്യം : അതീവ ജാഗ്രത വേണം

കാലിത്തീറ്റ സബ്സിഡി 100 രൂപയായി ഉയര്‍ത്തി മില്‍മ ഫെബ്രുവരി 13 മുതല്‍ പ്രാബല്യത്തില്‍

കാപ്പി തോട്ടത്തിൽ മഴക്കാല രോഗ നിയന്ത്രണങ്ങൾ പാലിക്കണം.

പ്രളയബാധിതരായ വയനാട്ടിലെ ക്ഷീര കർഷകർക്ക് കൈത്താങ്ങുമായി കേരള ഫീഡ്സ്

Leave a Reply Cancel reply

സംസ്ഥാനം പാലുത്പ്പാദനത്തില്‍ സ്വയംപര്യാപ്തത നേടി; മന്ത്രി കെ രാജു
മില്‍മ മലപ്പുറം ഡെയറി പ്രൊജക്ട് ഒന്നാംഘട്ട സമര്‍പ്പണം, പാല്‍പ്പൊടി ഫാക്ടറി ശിലാസ്ഥാപനം, വയനാട് ഡെയറിയിലെ കണ്ടന്‍സിംഗ് പ്ലാന്‍റ് ഉദ്ഘാടനവും ഫെബ്രുവരി 9 ന് തിരുവനന്തപുരം: സംസ്ഥാനം പാലുത്പ്പാദനത്തില്‍ സ്വയംപര്യാപ്തത നേടിയതായി ക്ഷീര വികസന വകുപ്പ് മന്ത്രി അഡ്വ. കെ. രാജു പ്രഖ്യാപിച്ചു. 2020-21 സാമ്പത്തിക വര്‍ഷത്തിലെ ജനുവരിവരെയുള്ള കണക്കനുസരിച്ച് 14.20 ലക്ഷം ലിറ്റര്‍ പാലാണ് പ്രതിദിനം മില്‍മ സംഭരിക്കുന്നതെന്നും കൊവിഡ് കാല പ്രതിസന്ധിയെ അതിജീവിച്ചാണ് ഈ നേട്ടം കൈവരിക്കാനായതെന്നും മന്ത്രി വ്യക്തമാക്കി. നിലവിലെ വിപണനം പ്രതിദിനം ശരാശരി 13.25 ലക്ഷം ലിറ്ററില്‍ എത്തി നില്‍ക്കുകയാണ്. 2019-20 സാമ്പത്തിക വര്‍ഷം കേരളത്തില്‍ മില്‍മ സംഭരിച്ചിരുന്നത് ശരാശരി പ്രതിദിനം 12.5 ലക്ഷം ലിറ്റര്‍ പാലായിരുന്നു. പ്രതിദിന വിപണന ശരാശരി 13.37 ലക്ഷം ലിറ്ററുമായിരുന്നു. വിപണനത്തിനുവേണ്ട അധിക പാലിനായി തമിഴ്നാട്, കര്‍ണാടക സംസ്ഥാനങ്ങളിലെ ആവിന്‍, കെ.എം.എഫ് പോലെയുള്ള സഹകരണ സ്ഥാപനങ്ങളെയാണ് ആശ്രയിച്ചിരുന്നതെന്നും വാര്‍ത്താസമ്മേളനത്തില്‍ മന്ത്രി അറിയിച്ചു. സംസ്ഥാനത്തെ ഏറ്റവും വലിയ ക്ഷീര വ്യവസായ പദ്ധതിയിലുള്‍പ്പെടുത്തി മലപ്പുറത്തെ മൂര്‍ക്കനാട് നിര്‍മ്മിക്കുന്ന പാല്‍പ്പൊടി നിര്‍മ്മാണ ഫാക്ടറിയുടെ ശിലാസ്ഥാപനവും മലപ്പുറം ഡെയറി പ്രൊജക്ടിന്‍റെ ഒന്നാം ഘട്ട സമര്‍പ്പണവും വയനാട് ഡെയറിയിലെ മില്‍ക്ക് കണ്ടന്‍സിംഗ് പ്ലാന്‍റിന്‍റെ ഉദ്ഘാടനവും ഫെബ്രുവരി 9 ചൊവ്വാഴ്ച നടക്കുമെന്ന് മന്ത്രി അറിയിച്ചു. മലപ്പുറം ജില്ലയിലെ മൂര്‍ക്കനാട് ഡെയറി കോമ്പൗണ്ടില്‍ വച്ച് ഉച്ചയ്ക്ക് 2 മണിക്ക് ബഹു. ക്ഷീര വികസന വകുപ്പ് മന്ത്രി അഡ്വ. കെ. രാജു ഉദ്ഘാടനങ്ങള്‍ നിര്‍വ്വഹിക്കും. ഉന്നത വിദ്യാഭ്യാസ വകുപ്പ് മന്ത്രി കെ.ടി. ജലീല്‍, പികെ കുഞ്ഞാലിക്കുട്ടി എംപി, മങ്കട എം.എല്‍.എ. ടി. എ. അഹമ്മദ് കബീര്‍ എന്നിവര്‍ സന്നിഹിതനായിരിക്കും. അതേ വേദിയില്‍ വീഡിയോ കൊണ്‍ഫെറന്‍സിലൂടെയാണ് വയനാട് ഡെയറിയിലെ കണ്ടന്‍സിംഗ് പ്ലാന്‍റിന്‍റെ ഉദ്ഘാടനവും നടക്കുക. കഴിഞ്ഞ സാമ്പത്തിക വര്‍ഷം മലബാറിലെ പാല്‍ സംഭരണം വിപണനത്തേക്കാള്‍ 1.26 ലക്ഷം കൂടുതലായിരുന്നു. മലബാറിലെ അധികമുള്ള പാല്‍ തിരുവനന്തപുരം, എറണാകുളം യൂണിയനുകള്‍ക്ക് നല്‍കുകയായിരുന്നു പതിവ്. എന്നാല്‍ ഈ വര്‍ഷം സര്‍ക്കാര്‍ പ്രോത്സാഹനം കൊണ്ടുള്ള ക്ഷീരമേഖലയിലെ ഉണര്‍വ്വ്, മറ്റു തൊഴില്‍ മേഖലയിലെ പ്രതിസന്ധികള്‍ എന്നിവയാല്‍ മലബാര്‍ മേഖലാ യൂണിയനില്‍ പാല്‍ സംഭരണം വര്‍ദ്ധിച്ച് പ്രതിദിനം 2.12 ലക്ഷം ലിറ്റര്‍ പാല്‍ അധികമുള്ള സ്ഥിതിയാണ്. ഈ അവസ്ഥയിലാണ് മില്‍മയ്ക്ക് സ്വന്തമായി മലബാറില്‍ പാല്‍പ്പൊടി ഫാക്ടറിയെന്നത് പ്രസക്തമാകുന്നത്. വ്യാവസായികമായി പിന്നാക്കം നില്‍ക്കുന്ന മലപ്പുറം ജില്ലയിലെ വികസന പദ്ധതിയുടെ ഭാഗമായാണ് പാല്‍പ്പൊടി നിര്‍മ്മാണ ഫാക്ടറി സ്ഥാപിക്കുന്നത്. സംസ്ഥാനത്ത് പൊതുമേഖലയിലെ ആദ്യ ബൃഹദ് സംരംഭമാണിത്. ആധുനിക രീതിയിലുളള യന്ത്രങ്ങളും ഏറ്റവും പുതിയ തെര്‍മല്‍ വേപ്പര്‍ റീകംപ്രെഷന്‍ ടെക്നോളജിയും ഉപയോഗിച്ച് ഒരു വര്‍ഷത്തിനകം 10 മെട്രിക് ടണ്‍ ഉല്പാദനശേഷിയുളള പാല്‍പ്പൊടി നിര്‍മ്മാണശാല സ്ഥാപിക്കുന്നതിനാണ് സംസ്ഥാന സര്‍ക്കാര്‍ അംഗീകാരം നല്‍കിയിരിക്കുന്നത്. 53.93 കോടി രൂപ ആകെ ചിലവ് പ്രതീക്ഷിക്കുന്ന പദ്ധതിയില്‍ 15.50 കോടി രൂപ സംസ്ഥാന ക്ഷീര വികസന വകുപ്പ് വിഹിതമായും 32.72 കോടി രൂപ ആര്‍.ഐ.ഡി.എഫ് പദ്ധതിയില്‍ ഉള്‍പ്പെടുത്തി നബാര്‍ഡ് വിഹിതമായും 5.17 കോടി രൂപ മലബാര്‍ മേഖലാ യൂണിയന്‍ വിഹിതമായും വകയിരുത്തിയിട്ടുണ്ട്. മലപ്പുറം ഡെയറി പ്രോജക്റ്റിന് 1 ലക്ഷം ലിറ്റര്‍ ശേഷിയാണുള്ളത്. ഇതിന്‍റെ ഒന്നാം ഘട്ടം പൂര്‍ത്തീകരിച്ചിട്ടുണ്ട്. ഈ ഫാക്ടറിയുടെ സൗകര്യങ്ങള്‍ പാല്‍പ്പൊടി ഫാക്ടറിക്ക് സംയുക്തമായി പങ്കിട്ട് ഉപയോഗിക്കാനാകുമെന്നതിനാല്‍ നിര്‍മാണ ചിലവ് കുറയ്ക്കാനാകും. കേരളത്തില്‍ പാലുല്‍പ്പാദനം ഏറ്റവും കൂടുതലുളള ജില്ലകളിലൊന്നും കേന്ദ്ര സര്‍ക്കാര്‍ ക്ഷീര സൗഹൃദ ജില്ലകളിലൊന്നായി സംസ്ഥാനത്തു നിന്നും തെരഞ്ഞെടുത്തതുമായ വയനാട് ജില്ലയില്‍ മണിക്കൂറില്‍ 3000 ലിറ്റര്‍ ശേഷിയുളള മില്‍ക്ക് കണ്ടന്‍സിംഗ് പ്ലാന്‍റാണ് സ്ഥാപിച്ചിരിക്കുന്നത്. രാഷ്ട്രീയ കൃഷി വികാസ് യോജനയില്‍ നിന്നും 310 ലക്ഷം രൂപയും കേന്ദ്ര-സംസ്ഥാന സര്‍ക്കാര്‍ ധനസഹായമായി യൂണിയന് അനുവദിച്ച തുകയും യൂണിയന്‍റെ സ്വന്തം ഫണ്ടായി 120 ലക്ഷം രൂപയും ഉപയോഗിച്ചാണ് വയനാട് ഡെയറിയില്‍ മില്‍ക്ക് കണ്ടന്‍സിംഗ് പ്ലാന്‍റിന്‍റെ ജോലികള്‍ പൂര്‍ത്തീകരിച്ചിട്ടുളളത്. ഈ മില്‍ക്ക് കണ്ടന്‍സിംഗ് പ്ലാന്‍റില്‍ ഉല്പാദിപ്പിക്കുന്ന കണ്ടന്‍സ്ഡ് മില്‍ക്ക് ഉപയോഗിച്ച് മില്‍ക്ക് പേഡ പോലുളള മൂല്യവര്‍ദ്ധിത ഉല്പന്നങ്ങളുടെ ഉല്പാദനം ത്വരിതപ്പെടുത്താന്‍ കഴിയും. കേരളത്തില്‍ സഹകരണ മേഖലയില്‍ ആദ്യമായി സ്ഥാപിച്ചിട്ടുളള കണ്ടന്‍സിംഗ് പ്ലാന്‍റാണിത്. ഈ സര്‍ക്കാരിന്‍റെ കാലയളവില്‍ തന്നെ പാലുത്പ്പാദനത്തില്‍ സംസ്ഥാനത്തിന് സ്വയം പര്യാപ്തത നേടാനായതായും മടങ്ങിയെത്തിയ പ്രവാസികളും ക്ഷീര മേഖലയുടെ മഹത്വം തിരിച്ചറിഞ്ഞ് മേഖലയിലേക്ക് പ്രവേശിച്ചതിനാല്‍ സ്വയംപര്യാപ്തത നിലനിര്‍ത്താന്‍ കഴിയുമെന്നാണ് പ്രതീക്ഷയെന്നും മില്‍മ ചെയര്‍മാന്‍ പി.എ. ബാലന്‍ മാസ്റ്റര്‍ പറഞ്ഞു. കര്‍ഷകര്‍ക്ക് പാലിന് ഏറ്റവും കൂടുതല്‍ വില നല്‍കുന്ന സംസ്ഥാനമാണ് കേരളമെന്നും മലപ്പുറത്തെ മൂര്‍ക്കനാട് നിര്‍മ്മിക്കുന്ന പാല്‍പ്പൊടി നിര്‍മ്മാണശാല കേരളത്തിന്‍റെ അഭിമാന പദ്ധതിയാണെന്നും മില്‍മ മലബാര്‍ മേഖലാ ക്ഷീരോത്പ്പാദക യൂണിയന്‍ ചെയര്‍മാന്‍ കെ. എസ്. മണി പറഞ്ഞു. മില്‍മ മാനേജിംഗ് ഡയറക്ടര്‍ ഡോ.പാട്ടീല്‍ സുയോഗ് സുഭാഷ് റാവുവും വാര്‍ത്താസമ്മേളനത്തില്‍ പങ്കെടുത്തു.
സ്റ്റേറ്റ് ഹോർട്ടികൾച്ചർ മിഷൻ മുഖേന വയനാട് ജില്ലയിൽ നടപ്പിലാക്കുന്ന പദ്ധതികളിൽ അപേക്ഷ ക്ഷണിച്ചു.
സ്റ്റേറ്റ് ഹോർട്ടികൾച്ചർ മിഷൻ പദ്ധതി പ്രകാരം വയനാട് ജില്ലയില കൃഷിഭവനുകൾ മുഖേന നടപ്പിലാക്കുന്ന വിവിധ കൃഷി വികസന പദ്ധതികൾക്ക്’ എല്ലാ വിഭാഗം കർഷകരിൽ നിന്നും അപേക്ഷ കമണിക്കുന്നു. സ്റ്റോബറി, വാഴ, പപ്പായ ക്യഷിയക്ക് ഒരു ഏക്കറിന് 40% വരെ സബ്സിഡിയും ഫലവ്യക്ഷ തൈകൾ, പച്ചക്കറി (ഫൈബ്രിഡ്), ഇഞ്ചി, മഞ്ഞൾ കുരുമുളക് എന്നിവ കൃഷി ചെയ്യുന്നതിനും മുതൽ മുടക്കിന്റെ 40%, ജലസേചന കുളം നിർമ്മാണത്തിന് 1200 ക്യുബിക് മീറ്റർ വരയുളളയ്ക്ക് രൂപ. 90000/- വരെയും, കാട് വെട്ടി യന്ത്രം, ചെയിൻസോ, പവർ ടില്ലർ, പവർ സപ്രെയർ തുടങ്ങിയവയ്ക്ക് 50% വരെയും, ഒരു ലക്ഷം രൂപ മുതൽ മുതൽ മുടക്കുളള ആന്തൂറിയം, ഓർക്കിഡ് തുടങ്ങിയ പുഷ്പകൃഷി യൂണിറ്റിന് രൂപ, 40000/ 18400/- പദ്ധതിയുടെ മാർഗ നിർദ്ദേശം പാലിച്ചു കൊണ്ട് ലഭിക്കും. ധനസഹായം ലഭിക്കുന്നതിന് അപേക്ഷ ജില്ലയിലെ അതാത് ക്യഷിഭവനിൽ 2021 ജനുവരി 30 നുളളിൽ സമർപ്പിക്കാവുന്നതാണ്.
ക്ഷാമകാലത്തേക്ക് സൈലേജ്
സീസണില്‍ അധികമുള്ള പച്ചപ്പുല്ല് പോഷകമൂല്യം നഷ്ടപ്പെടാതെ വായു കടക്കാത്തവിധം സൂക്ഷിച്ചു പച്ചപ്പുല്ലു കിട്ടാത്ത കാലത്തു കന്നുകാലികള്‍ക്ക് തീറ്റയായി നല്‍കാവുന്ന ഉല്‍പന്നമാണ് സൈലേജ്. തീറ്റപ്പുല്ലിന്‍റെ സംസ്കരിച്ച രൂപം എന്നുപറയാം.സൈലേജ് എന്തിന്?കാലാവസ്ഥാ വ്യതിയാനവും പ്രത്യേകതയും നിമിത്തം വര്‍ഷം മുഴുവനും പച്ചപ്പുല്ല് സുലഭമാകണമെന്നില്ല. അതിനാല്‍ വൈക്കോല്‍, പിണ്ണാക്ക്, കാലിത്തീറ്റ തുടങ്ങിയ മറ്റു തീറ്റകളെ ആശ്രയിക്കേണ്ടി വരികയും പാലുല്‍പാദനം ലാഭമല്ലാതാവുകയും ചെയ്യും. ഇതിന് ഒരു പരിധിവരെ പരിഹാരമാണു സൈലേജ് നിര്‍മ്മാണം. മഴക്കാലത്ത് ഈര്‍പ്പത്തോടെ സൈലേജായും വേനല്‍ക്കാലത്ത് ഉണക്കിയും തീറ്റപ്പുല്ല് സൂക്ഷിക്കാം.ഏതൊക്കെ ഇനങ്ങള്‍?പയറുവര്‍ഗ ചെടികളും തീരെ നാരു കുറഞ്ഞു ജലാംശം കൂടിയ ഇനം ചെടികളും സൈലേജുണ്ടാക്കാന്‍ നന്നല്ല. ഇവ വേഗം അഴുകുന്നതിനാലാണിത്. ഖരാവശിഷ്ടങ്ങളും വളരെ കുറവായിരിക്കും. സങ്കര നേപ്പിയര്‍, ഗിനി, ചോളം മുതലായവ സൈലേജിന് പറ്റിയതാണ്.പുല്ല് എപ്പോള്‍ മുറിക്കാം?സാധാരണ സംസ്കരിച്ചെടുക്കുന്ന പുല്ലിനു പച്ചപ്പുല്ലിനേക്കാള്‍ മേന്മ കുറയും. അതിനാല്‍ പോഷകമൂല്യം ഉറപ്പുവരുത്താന്‍ പുല്ല് ഏറ്റവും പോഷക സമ്പന്നമായിരിക്കുന്ന സമയം വേണം മുറിക്കാന്‍. സൈലേജ് രൂപപ്പെടുത്തുന്നതു പുല്ലില്‍ തന്നെയുള്ള സൂക്ഷ്മ ജീവികളാണ്. സംസ്കരിക്കുന്ന പുല്ലിന്‍റെ പി.എച്ച്.മൂല്യം എപ്പോഴും 4-5 ആയിരിക്കണം. ക്ഷാരഗുണമാകുകയാണെങ്കില്‍ സൈലേജിന് അരുചി വരും. ഇതു കന്നുകാലിക്ക് ഇഷ്ടപ്പെടില്ല. പോഷകഗുണവും കുറയും.എങ്ങനെ സൈലോ ഒരുക്കാം?സൈലേജുണ്ടാക്കുന്നത് അറകളിലോ കുഴികളിലോ ആണ്. ഇവയെ സൈലോ എന്നു പറയും. പിറ്റ്, ടവര്‍, ട്രഞ്ച്, ബങ്കര്‍ എന്നിങ്ങനെ സൈലോ പല ആകൃതിയിലും വലിപ്പത്തിലുമുണ്ട്. നമ്മുടെ കാലാവസ്ഥയ്ക്ക് അനുയോജ്യം ട്രഞ്ച് സൈലോ ആണ്. മഴയ്ക്കു വെള്ളം കെട്ടാത്ത, അധികം ഉറവയില്ലാത്ത, ഉറച്ച മണ്ണുള്ള സ്ഥലമാണ് സൈലോ ഉണ്ടാക്കാന്‍ നന്ന്. എത്രമാത്രം പുല്ല് സൈലേജാക്കണമെന്നതനുസരിച്ച് വലുപ്പമുള്ള കുഴിയെടുക്കണം. 2.5 ടണ്‍ ശേഷിയുള്ള സൈലോയ്ക്ക് ഏകദേശം രണ്ടര മീറ്റര്‍ നീളവും ഒന്നര മീറ്റര്‍ വീതം വീതിയും താഴ്ചയും ഉണ്ടായിരിക്കണം.
പഴവര്‍ഗ്ഗ തോട്ടം പദ്ധതിയയിലേക്ക് അപേക്ഷിക്കാം
സംസ്ഥാന കൃഷി വകുപ്പിന്റെ പഴവര്‍ഗ കൃഷി വികസന പദ്ധതിയുടെ ഭാഗമായി ജില്ലയില്‍ 1750 ഏക്കര്‍ സ്ഥലത്ത് വിവിധ പഴവര്‍ഗ്ഗങ്ങളുടെ തോട്ടങ്ങള്‍ വച്ചു പിടിപ്പിക്കുന്നതിനുള്ള പദ്ധതിയിലേക്ക് കര്‍ഷകര്‍ക്ക് ജനുവരി 20 വരെ അപേക്ഷിക്കാം. റംബുട്ടാന്‍, മാംഗോസ്റ്റിന്‍, പുലാസാന്‍, ലിച്ചി തുടങ്ങിയ പത്തോളം ജനപ്രിയ ഇനങ്ങളാണ് പദ്ധതിയുടെ ഭാഗമായി വച്ചു പിടിപ്പിക്കുന്നത്. വയനാട്ടിലെ സമശീതോഷ്ണ കാലാവസ്ഥയും മണ്ണും ഇവയുടെ വളര്‍ച്ചയ്ക്കും മികച്ച വിളവിന്നും അനുകൂല ഘടകങ്ങളാണ്. ഏക്കറിന് തൈകളുടെ വിലയായി 10,600 രൂപ കര്‍ഷകര്‍ക്ക് ലഭിക്കും മൂന്നു വര്‍ഷംകൊണ്ട് കായ്ഫലം ലഭിച്ചു തുടങ്ങുന്ന മികച്ച ഒട്ടു തൈകള്‍ ഈ പദ്ധതിയിലൂടെ കര്‍ഷകര്‍ക്ക് ലഭ്യമാക്കും. രണ്ട് കോടി രൂപയാണ് പദ്ധതിക്ക് ചെലവഴിക്കുന്നതെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു.
പൂവ് കൊഴിച്ചില്‍ കുറയ്ക്കാനും കൂടുതല്‍ കായ്കള്‍ക്കും മുട്ടലായനി
അടുക്കളത്തോട്ടമൊരുക്കുന്ന എല്ലാവരെയും വിഷമിപ്പിക്കുന്ന പ്രശ്നമാണ്. ഇതിനായി പലതരത്തിലുള്ള പ്രതിവിധികളും പരീക്ഷിച്ചുനോക്കിയിട്ടുമുണ്ടാകും. മുട്ടകൊണ്ടു നിര്‍മിക്കുന്ന ലായനി ഉപയോഗിച്ചു ചെടികളുടെ വളര്‍ച്ച വേഗത്തിലാക്കി നല്ല കായ്ഫലം നേടാം മുട്ട, ചെറുനാരങ്ങ നീര്, ശര്‍ക്കരപ്പൊടി എന്നിവയാണ് ഇതു നിര്‍മിക്കാന്‍ ആവശ്യമുള്ള സാധനങ്ങള്‍.മുട്ടലായനി നിര്‍മ്മിക്കുന്ന രീതിV ആകൃതിയിലുള്ള ഒരു പാത്രത്തില്‍ 12 മുട്ട അടുക്കിവയ്ക്കുക. മുട്ട മുങ്ങി നില്‍ക്കത്തക്ക രീതിയില്‍ ചെറുനാരങ്ങ നീര് ഒഴിക്കുക വായു കടക്കാത്ത രീതിയില്‍ അടച്ച് 15 ദിവസം തണലത്ത് വയ്ക്കുക. പത്തുദിവസം കഴിയുമ്പോള്‍ മുട്ടത്തോട് മുഴുവന്‍ ദ്രവിച്ചിട്ടുണ്ടാവും. ഈ മിശ്രിതം നന്നായി ഇളക്കി ഇതിലേക്ക് 300 ഗ്രാം ശര്‍ക്കരപ്പൊടി ചേര്‍ത്ത് വീണ്ടും നന്നായി ഇളക്കുക. 10 ദിവസം കൂടി അടച്ചു തണലില്‍ സൂക്ഷിക്കുക.ഉപയോഗിക്കുന്ന വിധം150 മില്ലി ലിറ്റര്‍ മുട്ടലായനി എടുത്ത് അതിലേക്ക് അഞ്ചു ലിറ്റര്‍ വെള്ളം ചേര്‍ത്താണ് ചെടികളില്‍ പ്രയോഗിക്കേണ്ടത്. ഇതു ചുവട്ടില്‍ ഒഴിച്ചു കൊടുക്കുകയും തളിക്കുകയും ചെയ്യാം.
നെയ്യും പാല്‍പ്പൊടിയും സൗജന്യകിറ്റില്‍ ഉള്‍പ്പെടുത്തണമെന്ന് മില്‍മ
റേഷന്‍ കടകള്‍ വഴി വിതരണം ചെയ്യുന്ന സൗജന്യ കിറ്റില്‍ മില്‍മ നെയ്യും പാല്‍പ്പൊടിയും കൂടി ഉള്‍പ്പെടുത്തണമെന്ന് മില്‍മ സംസ്ഥാന സര്‍ക്കാരിന് ശുപാര്‍ശ നല്‍കി. 100 ഗ്രാം നെയ്യും 200 ഗ്രാം പാല്‍പ്പൊടിയും വീതം നല്‍കുന്നതിന് അധികമായി സംഭരിക്കുന്ന പാല്‍ ഉപയോഗപ്പെടുത്താനാണ് മില്‍മയുടെ പദ്ധതി.മലബാര്‍ മേഖലാ യൂണിയനില്‍ ശരാശരി ഒരു ദിവസം ഒന്നേകാല്‍ ലക്ഷത്തിലധികം ലിറ്റര്‍ പാല്‍ അധികമായി സംഭരിക്കുന്നു. എറണാകുളം മേഖലയില്‍ ഇപ്പോള്‍ വിതരണത്തിനാവശ്യമായ മുഴുവന്‍ പാലും അവിടെ തന്നെ സംഭരിക്കുന്നുണ്ട്. തിരുവനന്തപുരത്തെ സംഭരണത്തിന്റെ കുറവ് മലബാര്‍ മേഖലയില്‍ നിന്നുമാണ് ഇപ്പോള്‍ നികത്തുന്നത്. എങ്കിലും അധികമായി സംഭരിക്കുന്ന മുഴുവന്‍ പാലും വിതരണം ചെയ്യാന്‍ സാധിക്കുന്നില്ല. ഈ പ്രതിസന്ധി പരിഹരിക്കുന്നത് കൂടി ലക്ഷ്യം വച്ചാണ് റേഷന്‍ കട വഴി നല്‍കുന്ന സൗജന്യ കിറ്റില്‍ 100 ഗ്രാം നെയ്യും 200 ഗ്രാം പാല്‍പ്പൊടിയും വീതം ഉള്‍പ്പെടുത്തണമെന്ന ശുപാര്‍ശ സര്‍ക്കാരിലേക്ക് സമര്‍പ്പിച്ചതെന്ന് മില്‍മ ചെയര്‍മാന്‍ പി.എ. ബാലന്‍ മാസ്റ്റര്‍ പറഞ്ഞു. നിലവില്‍ പാലുല്‍പ്പന്നങ്ങളൊന്നും തന്നെ കിറ്റില്‍ ലഭ്യമല്ല. മില്‍മ ഉല്‍പ്പന്നങ്ങള്‍ കൂടി അടങ്ങുന്നതോടെ കിറ്റ് സമഗ്രമാകുമെന്നും ബാലന്‍ മാസ്റ്റര്‍ പറഞ്ഞു. മില്‍മ ടെട്രാപാക്ക് പാല്‍ വിതരണം ചെയ്യുന്നതിന് തീരുമാനിച്ചിട്ടുണ്ടെന്നും തുടക്കത്തില്‍ കസ്റ്റം പാക്ക് വഴിയാണ് വിതരണം ചെയ്യുകയെന്നും മില്‍മ ചെയര്‍മാന്‍ വ്യക്തമാക്കി.മലബാര്‍ മേഖലയില്‍ ഒന്നകോല്‍ ലക്ഷം ലിറ്ററോളം പാല്‍ അധികമായി സംഭരിക്കുന്നുണ്ടെന്ന് മില്‍മ മലബാര്‍ മേഖലാ യൂണിയന്‍ ചെയര്‍മാന്‍ കെ.എസ്.മണി പറഞ്ഞു. അതിനാല്‍ തന്നെ സാധാരണ പാലുല്‍പ്പന്നങ്ങളുടെ വില്‍പന കൂട്ടാനാണ് ശ്രമിക്കുന്നത്. കൊവിഡ് പ്രതിസന്ധിക്കുശേഷം വിപണി പൂര്‍ണ്ണമായും തിരികെ വന്നിട്ടില്ലെന്നും അദ്ദേഹം പറഞ്ഞു. ആരോഗ്യ പരിരക്ഷ പദ്ധതി വഴിയാണ് അംഗന്‍വാടികളിലേക്ക് മില്‍മ പാല്‍ നല്‍കുന്നത്. 90 ദിവസം വരെ കേടുകൂടാതെ ഇരിക്കുന്ന രീതിയിലാണ് ഈ പാല്‍ തയ്യാറാക്കിയിരിക്കുന്നത്. തുടക്കത്തില്‍ മലബാറില്‍ ആരംഭിച്ച ഈ പദ്ധതി ഇപ്പോള്‍ എറണാകുളം ജില്ല വരെ എത്തി നില്‍ക്കുന്നു. മില്‍മയുടെ വിതരണ ശൃംഖല വഴിയാണ് ഇത് അംഗനവാടി ജില്ല കോഓര്‍ഡിനേറ്റര്‍മാരില്‍ എത്തിക്കുന്നതെന്ന് എറണാകുളം മേഖലാ യൂണിയന്‍ ചെയര്‍മാന്‍ ജോണ്‍ തെരുവത്ത് പറഞ്ഞു.തിരുവനന്തപുരം മേഖലയില്‍ ദിവസം ശരാശരി 40000 ലിറ്റര്‍ പാലിന്റെ കുറവാണ് സംഭരണത്തിലുളളതെന്ന് തിരുവനന്തപുരം മേഖലാ യൂണിയന്‍ ചെയര്‍മാന്‍ കല്ലട രമേശ് പറഞ്ഞു. പ്രതിദിനം 5000 ലിറ്റര്‍ കര്‍ണ്ണാടക ഫെഡറേഷനില്‍ നിന്നും സംഭരിക്കുമ്പോള്‍ ബാക്കി മുഴുവന്‍ മലബാര്‍ മേഖലാ യൂണിയനില്‍ നിന്നുമാണ് സംഭരിക്കുന്നതെന്നും അദ്ദേഹം പറഞ്ഞു.
കൃഷിയന്ത്രങ്ങള്‍ക്ക് 40% മുതല്‍ 80% വരെ സബ്സിഡി: ഓണ്‍ലൈന്‍ രജിസ്ട്രേഷന്‍ ആരംഭിച്ചു.
കാര്‍ഷിക യന്ത്രങ്ങള്‍ വാങ്ങാനായി കൃഷിവകുപ്പ് 40% മുതല്‍ 80% വരെ സബ്സിഡി നല്‍കുന്നതിനുള്ള ഓണ്‍ലൈന്‍ രജിസ്ട്രേഷന്‍ ആരംഭിച്ചു. കൊയ്ത്ത് മുതല്‍ സംസ്കരണം വരെയുള്ള യന്ത്രങ്ങളും ഉപകരണങ്ങളും 40% മുതല്‍ 80% വരെ സബ്സിഡി നിരക്കില്‍ കര്‍ഷകര്‍ക്ക് ലഭ്യമാവും. ആദ്യം അപേക്ഷിക്കുന്നവര്‍ക്ക് ആദ്യം എന്ന രീതിയിലാണ് സഹായം ലഭ്യമാക്കുന്നത്. അപേക്ഷയുടെ നിജസ്ഥിതി ട്രാക്ക് ചെയ്യുവാനുള്ള സംവിധാനവും വെബ്സൈറ്റില്‍ ലഭ്യമാക്കിയിട്ടുണ്ട്. കര്‍ഷക സംഘങ്ങള്‍, സ്വയംസഹായ സംഘങ്ങള്‍, കര്‍ഷക തൊഴിലാളികള്‍, സഹകരണ സംഘങ്ങള്‍ എന്നിവര്‍ക്കും സഹായം ലഭിക്കും. ആധാര്‍കാര്‍ഡ്, പാസ്പോര്‍ട്ട് സൈസ് ഫോട്ടോ, ബാങ്ക് പാസ്ബുക്ക് തുടങ്ങിയ അനുബന്ധ രേഖകളും സമര്‍പ്പിക്കേണ്ടതാണ്. ഉത്പാദകര്‍ക്കും സ്വയം സഹായ സംഘങ്ങള്‍ക്കും ഉത്പാദക കമ്പനികള്‍ക്കും രജിസ്ട്രേഷന് പ്രത്യേക ഓപ്ഷനുണ്ട്. വെബ്സൈറ്റില്‍ രജിസ്റ്റര്‍ ചെയ്തിട്ടുള്ള നിര്‍മ്മാതാക്കളുടെയും ഡീലര്‍മാരുടെയും കയ്യില്‍ നിന്നും താല്‍പര്യമുള്ള യന്ത്രം തിരഞ്ഞെടുക്കുവാന്‍ സൗകര്യമുണ്ട്. ഇതിനായി www.agrimachinery.nic.in എന്ന വെബ്സൈറ്റില്‍ രജിസ്റ്റര്‍ ചെയ്യാം. ഓണ്‍ലൈന്‍ രജിസ്ട്രേഷന്‍ സംബന്ധിച്ച് കൂടുതല്‍ വിവരങ്ങള്‍ അതാത് ജില്ലകളിലെ അസിസ്റ്റന്‍റ് എക്സി.എഞ്ചിനിയറുടെ കാര്യാലയത്തില്‍ നിന്നും ലഭ്യമാണ്. 15 എച്ച്.പി.വരെയുള്ള പോര്‍ട്ടബിള്‍ ഇറിഗേഷന്‍ പമ്പ്സെറ്റുകള്‍ 1 എച്ച്.പിക്ക് 0.018 ലക്ഷം എന്ന നിരക്കില്‍ സബ്വേഴ്സബിള്‍ പമ്പുകള്‍ക്കും ഇലക്ട്രിക് പമ്പുസെറ്റുകളുടെ റിമോട്ട് മോട്ടോര്‍ ഓപ്പറേറ്റര്‍മാര്‍ക്കും ധനസഹായമുണ്ട്. തിരുവനന്തപുരം : 0471 2482022, കൊല്ലം : 0474 2795434, പത്തനംതിട്ട : 0473 4252939, ആലപ്പുഴ : 0477 2268098, ഇടുക്കി : 0484 2228522, കോട്ടയം : 0481 2561585, എറണാകുളം : 0484 2301751, തൃശൂര്‍ : 0487 2325208, പാലക്കാട് : 0491 2816028, മലപ്പുറം : 0483 2848127, കോഴിക്കോട് : 0495 2723766, വയനാട് : 0493 6202747, കണ്ണൂര്‍ : 0497 2725229, കാസര്‍കോട് : 0499 4225570.
കുട്ടനാട്ടിലേക്ക് വിത്ത് നൽകി വയനാട്ടിലെ നെൽകർഷകർ
കേരളത്തിൻ്റെ നെല്ലറയായ കുട്ടനാട്ടിലേക്ക് ജൈവീക ഗുണങ്ങൾ ഏറെയുള്ളതും ഗുണമേന്മയുള്ളതുമായ നെൽവിത്ത് നൽകി വയനാട്ടിലെ കർഷകർ. മുത്തങ്ങയിലെ വനാതിർത്തിയിലാണ് 50-ലധികം വ്യത്യസ്ത ഇനം നെല്ല് കൃഷി ചെയ്ത് കുട്ടനാട്ടിലെ കർഷകർക്ക് എത്തിച്ചു നൽകുന്നത്. കുട്ടനാട്ട് ഐമനത്തെ ആറുപറയിൽ എ.കെ. സേവ്യർ എന്ന പാപ്പച്ചൻ്റെ നേതൃത്വത്തിലാണ് മുത്തങ്ങയിലെ കൃഷിയിടത്തിൽ നിന്നുള്ള നെൽവിത്തുകൾ കുട്ടനാട്ടിലെത്തിച്ചത് . 18 ഏക്കർ സ്ഥലത്താണ് മുത്തങ്ങയിൽ 50 ലധികം ഇനം കൃഷി ചെയ്തത്. ഒറ്റാൽ പോലെ വംശനാശ ഭീഷണി നേരിടുന്ന നെൽവിത്തിനങ്ങളും ക്ലീരോ പോലെ ഏറെ പ്രിയമുള്ള ഇനങ്ങളും ഇവിടെ കൃഷിയിറക്കിയിട്ടുണ്ട് . മൈക്കര പാടശേഖര സമിതിയുടെ നേതൃത്വത്തിൽ നടത്തുന്ന കൃഷിയിൽ മൈക്കര ആദിവാസി കോളനിയിലെ പത്തിലധികം പേരും പങ്കാളികളായി. വയനാട്ടിൽ 125 ദിവസത്തിലധികം മൂപ്പുള്ള പല ഇനങ്ങളും കുട്ടനാട്ടിൽ കൃഷി ചെയ്തപ്പോൾ 60 ദിവസം കൊണ്ട് കതിരുടകയും 90 ദിവസം കൊണ്ട് മൂപ്പെത്തി കൊയ്യാനും കഴിയുന്നുണ്ടന്ന് സേവ്യർ പറഞ്ഞു. വനമേഖലയോട് ചേർന്നുള്ള കൃഷിയായതിനാലും ജൈവ രീതിയിൽ മാത്രം കൃഷി ചെയ്യുന്നതിനാലും വിത്തിന് ഗുണമേന്മയും രോഗ പ്രതിരോധ ശേഷിയും ഉല്പാദന ക്ഷമതയും കൂടുതലാണ്. 64 ഇനം പച്ചിലകളും പഞ്ചഗവ്യം ചാണകം തുടങ്ങിയവ ചേർത്തുള്ള മിശ്രിതം കൊണ്ടുണ്ടാക്കിയ ചിറ്റുണ്ടയിൽ മുളപ്പിച്ച ശേഷമാണ് നാട്ടി നടത്തുന്നത്. അതു കൊണ്ട് തന്നെ, പെട്ടന്ന് ഞാറ് വളരുകയും നെല്ലിൻ്റെ ചുവിടന് കരുത്ത് കൂടുകയും ചെയ്യുന്നുണ്ട്. വന്യ മൃഗ ശല്യവും വെള്ളപ്പൊക്കവും കാരണം ഏറെ പ്രതിസന്ധികളെ മറികടന്നാണ് മൈക്കര പാടശേഖരത്തിൽ കർഷകർ നെൽകൃഷിയിറക്കിയത്.ആറുപറയിൽ റൈസ് പാർക്ക് കാണാനും നെൽ വിത്ത് വാങ്ങാനും ധാരാളം പേർ മുത്തങ്ങയിൽ എത്തുന്നുണ്ട്.
കാര്‍ഷിക വ്യവസായ സംരംഭങ്ങളുടെ വിവരശേഖരണം നടത്തുന്നു.
കേരള കാര്‍ഷിക വികസന കര്‍ഷക ക്ഷേമ വകുപ്പ് കാര്‍ഷികോല്പന്നങ്ങളുടെ സംസ്കരണം, മൂല്യ വര്‍ദ്ധനവ്, കയറ്റുമതി എന്നിവ പ്രോത്സാഹിപ്പിക്കുന്നതിനായി പ്രസ്തുത മേഖലയില്‍ പ്രവര്‍ത്തിക്കുന്ന വ്യവസായങ്ങളുടെ വിവരശേഖരണം നടത്തുന്നു. അഗ്രോ പ്രോസസ്സിംഗ്, വാല്യൂ അഡിഷന്‍, മാര്‍ക്കറ്റിംഗ്, എക്സ്പോര്‍ട്ട് എന്നീ മേഖലകളില്‍ നൂതന പദ്ധതികള്‍ ആവിഷ്കരിക്കുന്നതിനും പ്രസ്തുത മേലെകള്‍ അഭിമുഖീകരിക്കുന്ന പ്രശ്നങ്ങള്‍ക്ക് പരിഹാരം കാണുന്നതിനും, കയറ്റുമതി, വിപണന രംഗത്തു പ്രവര്‍ത്തിക്കുന്ന വിവിധ സ്ഥാപനങ്ങളുമായി ബിസിനസ് ടു ബിസിനസ് മീറ്റുകള്‍ നടത്തുന്നതിനുമായാണ് വിവര ശേഖരണം ലക്ഷ്യമിടുന്നത്. താല്പര്യമുളള സംരംഭകര്‍ 8547641200 എന്ന വാട്ട്സാപ്പ് നമ്പരിലോ https://forms.gle/64A93jGiu12bMgR36 എന്ന ലിങ്കിലോ രജിസ്റ്റര്‍ ചെയ്യേണ്ടതാണ്.

കര്‍ഷക പെന്‍ഷന്‍ : അക്ഷയ കേന്ദ്രങ്ങളിൽ മസ്റ്ററിങ്ങ് നടത്താം

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives