ലോക ക്ഷീരദിനം: ഫെയ്‌സ്ബുക്ക് ലൈവ്

Tuesday, 21st March 2023

ജൂണ്‍ 1 ലോക ക്ഷീരദിനമായി ആചരിക്കുന്നതിന്റെ ഭാഗമായി രാവിലെ 9 മുതല്‍ ക്ഷീര വികസന വകുപ്പ് മന്ത്രി അഡ്വ. കെ.രാജു, ക്ഷീര വികസന വകുപ്പ് സെക്രട്ടറി ടിങ്കു ബിശ്വാസ് എന്നിവര്‍ ഫെയ്‌സ്ബുക്ക് ലൈവില്‍ സംസാരിക്കും. ക്ഷീരമേഖലയുടെ പ്രസക്തി ലോകമെമ്പാടും ഓര്‍മ്മിപ്പിക്കുന്നതിന്റെ ഭാഗമായാണ് ഫെയ്‌സ്ബുക്ക് ലൈവ്. ജില്ലയിലെ എല്ലാ ക്ഷീരസംഘം ജീവനക്കാരും സഹകാരികളും ക്ഷീരകര്‍ഷകരും ഫെയ്‌സ്ബുക്ക് ലൈവില്‍ പങ്കെടുക്കണമെന്നും ജില്ലാ ഡെപ്യൂട്ടി ഡയറക്ടര്‍ അറിയിച്ചു.

Also read:

കാര്‍ഷിക പമ്പുകള്‍ സൗരോര്‍ജ്ജത്തിലേക്ക് : പദ്ധതിയൊരുക്കി അനര്‍ട്ട്

കല്ലോടി സെന്റ് ജോസഫ് യു.പി.സ്കൂളിലെ കിസാൻ ക്ലബിന്റെ പ്രവർത്തനങ്ങൾ മാതൃകയാകുന്നു

തായണ്ണൻ കുടി: ചെറു ധാന്യങ്ങളുടെ സംരക്ഷിത ഗ്രാമം

കാര്‍ഷിക നിര്‍ദ്ദേശങ്ങള്‍

Leave a Reply Cancel reply

എന്‍.ഐ.ആര്‍.റ്റി. ത്രിദിന സര്‍ട്ടിഫിക്കറ്റ് കോഴ്‌സ്
റബ്ബര്‍ബോര്‍ഡിന്റെ കീഴിലുള്ള നാഷണല്‍ ഇന്‍സ്റ്റിറ്റ്യൂട്ട് ഫോര്‍ റബ്ബര്‍ ട്രെയിനിങ് (എന്‍.ഐ.ആര്‍.റ്റി.) റബ്ബര്‍പാലിന്റെ ഉണക്കത്തൂക്കം (ഡി.ആര്‍.സി.) നിര്‍ണയിക്കുന്നതില്‍ ത്രിദിന സര്‍ട്ടിഫിക്കറ്റ് കോഴ്‌സ് നടത്തുന്നു. കോട്ടയത്ത് എന്‍.ഐ.ആര്‍.റ്റി.-യില്‍ വെച്ച് 2023 മാര്‍ച്ച്്് 27 മുതല്‍ 29 വരെയുള്ള തീയതികളില്‍ നടക്കുന്ന കോഴ്‌സില്‍ പ്ലസ്ടുവിനോ ബിരുദത്തിനോ രസതന്ത്രം ഒരു വിഷയമായി പഠിച്ചിട്ടുള്ളവര്‍ക്ക് ചേരാം. താല്‍പര്യമുള്ളവര്‍ക്ക് https://bit.ly/3feCcVj എന്ന ലിങ്കില്‍ രജിസ്റ്റര്‍ ചെയ്യാം. കൂടുതല്‍ വിവരങ്ങള്‍ക്ക് 0481 2353127, 7306464582 എന്നീ ഫോണ്‍ നമ്പരുകളില്‍ ബന്ധപ്പെടാം.
മൃഗസംരക്ഷണം
പശുവിന്റെ വയറ്റില്‍ ഉണ്ടാകുന്ന അമ്ലതയും ദഹനക്കേടും ഒരു വേനല്‍ക്കാല പ്രശ്‌നം ആയതിനാല്‍, അത് ഒഴിവാക്കുന്നതിനായി 30 ഗ്രാം സോഡാപൊടിയും ഒരു ടീസ്പൂണ്‍ യീസ്റ്റ് കുതിര്‍ത്തതും പശു തീറ്റയില്‍ ചേര്‍ത്ത് നല്‍കുക
കാര്‍ഷിക നിര്‍ദ്ദേശങ്ങള്‍
* വരണ്ട അന്തരീക്ഷസ്ഥിതി തുടരുന്നതിനാല്‍, നെല്ലിനെ കുമിള്‍ രോഗങ്ങളില്‍ നിന്നും പൊതുവായി സംരക്ഷിച്ച് പ്രതിരോധ ശേഷി കൂട്ടാന്‍ 20 ഗ്രാം സ്യൂഡോമോണാസ് ഒരു ലിറ്റര്‍ വെള്ളത്തില്‍ എന്ന തോതില്‍ കലക്കി തളിക്കാവുന്നതാണ് * വരണ്ട അന്തരീക്ഷസ്ഥിതി തുടരുന്നതിനാല്‍, തെങ്ങുകള്‍ക്ക് ആവശ്യത്തിന് ജലസേചനം നല്‍കുക. തെങ്ങിന്‍ തടങ്ങളില്‍ ഈര്‍പ്പം നിലനിര്‍ത്തുന്നതിനായി പച്ചയോ ഉണങ്ങിയതോ ആയ ചകിരി ഇട്ടു മൂടുന്നത് നല്ലതാണ്. ശക്തമായ ചൂടില്‍ നിന്നും തെങ്ങിനെ സംരക്ഷിക്കുന്നതിനായി തടിയുടെ താഴത്തെ ഭാഗത്ത് കുമ്മായം പൂശിക്കൊടുക്കുന്നത് നല്ലതാണ്. * ചൂടുകൂടിയ അന്തരീഷസ്ഥിതി തുടരുന്നകാരണം മുളകില്‍ ഇലപ്പേനിന്റെ ആക്രമണം കാണാന്‍ സാധ്യതയുണ്ട്. ഇവയെ നിയന്ത്രിക്കാനായി 2% വീര്യമുള്ള വേപ്പെണ്ണ വെളുത്തുള്ളി മിശ്രിതം ഇലയുടെ അടിഭാഗത്ത് പതിയതക്കവിധം പത്ത് ദിവസം ഇടവേളകളിലായി ആവര്‍ത്തിച്ച് തളിക്കുക. ആക്രമണം രൂക്ഷമാണെങ്കില്‍ സ്‌പൈറോമെസിഫെന്‍ 8 മില്ലി പത്ത് ലിറ്റര്‍ വെള്ളത്തില്‍ കലക്കി തളിക്കുക.
കാര്‍ഷിക നിര്‍ദ്ദേശങ്ങള്‍
കുരുമുളക് നഴ്‌സറി തയ്യാറാക്കുന്നതിന് ഫെബ്രുവരി-മാര്‍ച്ച് മാസത്തില്‍ ചെന്തലകള്‍ മുറിച്ചെടുത്ത് നടാം. ഇതിനായി, മണ്ണ്, മണല്‍, കാലിവളം എന്നിവ 1:1:1 എന്ന അനുപാതത്തില്‍ ചേര്‍ത്ത് പൊളിത്തീന്‍ കൂടുകള്‍ നിറയ്ക്കാം. 18 ഃ 12 സെന്റിമീറ്റര്‍ വലുപ്പമുള്ള കവറുകളില്‍ 15-20 തുളകള്‍ ഇട്ടുകൊടുക്കുക. ചെന്തലകളുടെ അഗ്രഭാഗത്തു നിന്നും കടഭാഗത്തു നിന്നും കുറച്ച് ഭാഗം മുറിച്ചുമാറ്റി 2 മുട്ടുകളുള്ള കഷണങ്ങളാക്കാം.. ഇലകളുടെ കുറ്റി മാത്രം നിര്‍ത്തി, ഒരു കവറില്‍ 3 മുതല്‍ 4 കമ്പുകള്‍ വരെ നടാം.ഉടന്‍ തന്നെ തണല്‍ നല്‍കുകയും പുതയിടുകയും അല്പം നനയ്ക്കുകയും ചെയ്യുക. 3 മാസമാകുമ്പോള്‍ മാറ്റി നടാവുന്നതാണ്.
എന്‍.ഐ.ആര്‍.റ്റി. ഓണ്‍ലൈന്‍ പരിശീലനം
റബ്ബറുത്പാദനം സുസ്ഥിരമാക്കുന്നതിന് സഹായകമായ നൂതന കൃഷിരീതികളില്‍ റബ്ബര്‍ബോര്‍ഡിന്റെ പരിശീലനവിഭാഗമായ നാഷണല്‍ ഇന്‍സ്റ്റിറ്റ്യൂട്ട് ഫോര്‍ റബ്ബര്‍ ട്രെയിനിങ് (എന്‍.ഐ.ആര്‍.റ്റി.) ഓണ്‍ലൈന്‍ പരിശീലനം നല്‍കുന്നു. 2023 മാര്‍ച്ച് 16 -ന് ഉച്ചയ്ക്ക് 2.30 മുതല്‍ ഉച്ചയ്ക്ക് 4.30 വരെയാണ് പരിശീലനം. കൂടുതല്‍ വിവരങ്ങള്‍ക്ക് 04812353127 എന്ന ഫോണ്‍ നമ്പരിലോ 04812351313 എന്ന വാട്‌സ്ആപ്പ് നമ്പരിലോ ബന്ധപ്പെടാം.
തൃശൂർ ജില്ലാതല മൃഗസംരക്ഷണ കർഷക അവാ‍ർ‍ഡുകൾ സമ്മാനിച്ചു
മൃഗസംരക്ഷണ മേഖലയിലെ 2021-22 വർഷത്തെ തൃശൂർ ജില്ലാതല കർഷക അവാർ‍ഡുകൾ വിതരണം ചെയ്തു. ജില്ലയിലെ മികച്ച ക്ഷീരകർഷകനായി സജീഷ് കെ എസ്, മികച്ച സമ്മിശ്ര കർഷകനായി മാത്യൂസ് വർഗീസ് മികച്ച മൃഗക്ഷേമ പ്രവർത്തക ആയി തെരഞ്ഞെടുക്കപ്പെട്ട സുനിത എം എന്നിവ‍‍ർക്കാണ് അവാർഡുകൾ വിതരണം ചെയ്തത് . ചടങ്ങിനൊടനുബന്ധിച്ച് മൃഗക്ഷേമ സെമിനാറും നടന്നു. പറവട്ടാനിയിലെ ജില്ലാ വെറ്ററിനറി കേന്ദ്രത്തിൽ വച്ച് തൃശൂർ ജില്ല പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്സൺ കെ എസ് ജയ ടീച്ചറുടെ അധ്യക്ഷത വഹിച്ച പരിപാടിയിൽ ജില്ലാ പഞ്ചായത്ത് പ്രസിഡൻറ് ശ്രീ പി കെ ഡേവിസ് മാസ്റ്ററാണ് അവാർഡുകൾ നൽകിയത്.ജില്ലാ മൃഗസംരക്ഷണ ഓഫിസർ ഡോ.ഒ ജി സൂരജ പദ്ധതി വിശദീകരണം നടത്തി. ഡോ ലത മേനോൻ ചീഫ് വെറ്ററിനറി ഓഫിസർ സ്വാഗതം പറഞ്ഞു. യോഗത്തിൽ ഡോ ഫ്രാൻസിസ് ബാസ്ടിൻ ഡോ സുരേഷ് പി ഡീ ഡോ ഷിബു എ വി എന്നിവർ സംസാരിച്ചു. വെറ്ററിനറി കോളജിലെ അസ്സോസിയേറ്റ് പ്രൊഫസർ ഡോ ദീപു എം ടി സമ്പൂർണ കാലിത്തീറ്റ നിർമ്മാണം സാധ്യതകൾ എന്ന വിഷയത്തെ കുറിച്ച് കർഷകർക്ക് ക്ലാസ്സ് എടുത്തു.
പശുക്കളിലെ ചര്‍മ്മുഴ നഷ്ടപരിഹാരം 30000, 16000, 5000 രൂപ വീതം നൽകും: മന്ത്രി ജെ.ചിഞ്ചുറാണി
സ്കൂളുകളോട് ചേർന്ന് മിൽമ ഷോപ്പുകൾ തുറക്കും കേരളത്തിൽ നിലവിൽ കന്നുകാലികളെ ബാധിച്ച ചര്‍മ്മുഴ രോഗം മൂലം ചത്ത പശുക്കൾക്ക് നഷ്ടപരിഹാരത്തുക പ്രഖ്യാപിച്ച് മൃഗസംരക്ഷണ-ക്ഷീരവികസന വകുപ്പ് മന്ത്രി ജെ.ചിഞ്ചുറാണി. ചര്‍മമുഴ വന്ന് ചത്ത പശുക്കളുടെ ഉടമകള്‍ക്ക് ഏറെ ആശ്വാസം നൽകുന്ന നഷ്ടപരിഹാരത്തുകയായി വലിയ പശുവിന് മുപ്പതിനായിരം രൂപയും പ്രായം കുറഞ്ഞ കിടാരി പശുവിന് 16000 രൂപയും കന്നുക്കുട്ടിക്ക് 5000 രൂപയും നല്കുമെന്നാണ് മന്ത്രി നിയമസഭയിൽ അറിയിച്ചു. കൂടാത ചർമ്മമുഴ രോഗത്തിനുള്ള മരുന്നുകള്‍ മൃഗാശുപത്രി വഴി വിതരണം ചെയ്യാനുള്ള നടപടികളും ഇതിനോടകം സ്വീകരിച്ചുവെന്നും സഭയെ അറിയിച്ചു. മായം ചേര്‍ത്ത കാലിത്തീറ്റ ഉള്ളില്‍ചെന്ന് പശുക്കള്‍ ചത്ത സാഹചര്യങ്ങൾ റിപ്പോർട്ട് ചെയ്യുന്നത് കാരണം കാലിത്തീറ്റയിലെ മായം തടയാനുള്ള കാലിത്തീറ്റ നിയമം ഉടൻ കൊണ്ടുവരുമെന്നും നിയമം പ്രാബല്യത്തിലായാൽ മായം ചേര്‍ത്ത കാലിത്തീറ്റകള്‍ കേരളത്തിലേക്ക് കൊണ്ടുവരുന്നവര്‍ക്കതിരെ കര്‍ശന നടപടി സ്വീകരിക്കാന്‍ കഴിയുമെന്നും മന്ത്രി ജെ. ചിഞ്ചുറാണി അറിയിച്ചു. സ്കൂളുകളിലെ ലഹരിക്കതിരെ പോരാടാനുള്ള തയ്യാറെടുപ്പിന്റെ ഭാഗമായി സ്കൂളുകളോട് ചേർന്ന് മിൽമ ഷോപ്പുകൾ തുറക്കുമെന്ന് മന്ത്രി സഭയെ അറിയിച്ചു. ഇത്തരം ഷോപ്പുുകൾ സ്കൂൾ പിടിഎയുടെ സഹകരണത്തോടെയാണ് തുടങ്ങാൻ പദ്ധതി ആവിഷ്ക്കരിക്കുന്നത്. ഇതിലൂടെ സ്കൂൾകുട്ടികളെ അടിമകളാക്കുന്ന ലഹരിപദാർഥങ്ങളിൽ നിന്നുള്ള വിമുക്തി സാധ്യമാകുമെന്ന് മന്ത്രി പറഞ്ഞു. ക്ഷീരകര്‍ഷകരെ തൊഴിലുറപ്പ് പദ്ധതിയില്‍ ഉള്‍പ്പെടുത്താന്‍ സംസ്ഥാനം നിരന്തരമായി കേന്ദ്രത്തോട് ആവശ്യപ്പെടുന്നുണ്ടെങ്കിലും ഇതുവരെ അനുമതി ലഭിച്ചിട്ടില്ല. കേന്ദ്രത്തില്‍ നിന്ന് അനുകൂലമായ മറുപടി ലഭിക്കുമെന്നാണ് പ്രതീക്ഷയെന്നും കേരളത്തില്‍ നിന്നുള്ള എംപിമാര്‍ ഉൾപ്പെടെ ഈ വിഷയത്തിൽ പ്രത്യേകം സമ്മര്‍ദ്ദം ചെലുത്തണമെന്നും മന്ത്രി ആവശ്യപ്പെട്ടു. അതിർത്തി ചെക്പോസ്റ്റുകളിൽ നിലവിലുള്ള പാൽ ഗുണനിലവാര പരിശോധനാ സംവിധാനങ്ങൾ വിപുലപ്പെടുത്തുന്നതിന്റെ ഭാഗമായുള്ള തുടർചർച്ചകൾ നടക്കുകയാണ്. ക്ഷീരവികസന വകുപ്പിന് പാൽഗുണനിലവാര പരിശോധന കൂടാതെ പാലിലെ മായം, കൃത്രിമത്വം എന്നിവ കണ്ടെത്തിയാൽ തുടർനടപടികൾ സ്വീകരിക്കാനും കൂടി കഴിയുന്ന തരം നിയമ സംവിധാനങ്ങൾ പ്രാബല്യത്തിൽ കൊണ്ട് വരാനുള്ള ചർച്ചകൾ നടക്കുന്നുവെന്നും മന്ത്രി അറിയിച്ചു. നിലവിൽ ക്ഷീര വികസന വകുപ്പ് പാലിലെ മായം കണ്ടെത്തിയാൽ തുടർനടപടികൾ സ്വീകരിക്കേണ്ടത് ഭക്ഷ്യസുരക്ഷാ വകുപ്പാണ്. ശിക്ഷാ നടപടി പോലുള്ളവയിൽ കാലതാമസം ഉണ്ടാക്കാത്ത വിധം നടപടികളുമായി മുന്നോട്ടു പോകാൻ പരിശോധന നടത്തുവാനുള്ള സാമ്പിള്‍ എടുക്കുവാനുള്ള അധികാരം പങ്കുവയ്ക്കണമെന്ന ക്ഷീര വികസന വകുപ്പിന്റെ ആവശ്യത്തിൽ തുടർചർച്ചകൾ നടന്നുവരികയാണെന്നും മന്ത്രി ജെ.ചിഞ്ചുറാണി പറഞ്ഞു.
മില്ലറ്റ് ഫെസ്റ്റിവല്‍
അന്താരാഷ്ട്ര ചെറു ധാന്യ (മില്ലറ്റ് ) വര്‍ഷാചരണത്തിന്റെ ഭാഗമായി മാര്‍ച്ച് 13 മുതല്‍ 18 വരെ തിരുവനന്തപുരം, പാപ്പനംകോട് ഇന്‍ഡസ്ട്രിയല്‍ എസ്‌റ്റേറ്റില്‍ സ്ഥിതി ചെയ്യുന്ന പ്രമുഖ ഗവേഷണ സ്ഥാപനമായ CSIR-NIISTല്‍ മില്ലറ്റ് ഫെസ്റ്റിവല്‍ സംഘടിപ്പിക്കുന്നു. ഈ പരിപാടിയുടെ ഭാഗമായി മില്ലറ്റ് ഭക്ഷ്യോല്‍പന്നങ്ങളുടെ 60-ല്‍ പരം സ്റ്റാളുകളുടെ പ്രദര്‍ശനവും വില്പനയും ഒരുക്കിയിരിക്കുന്നു. ഈ അവസരത്തില്‍ മില്ലറ്റ് കൃഷി രീതികളെപ്പറ്റിയും തൊഴില്‍ സാധ്യതകളെപ്പറ്റിയും വിദഗ്ധരുടെ അവബോധ ക്ലാസുകള്‍ മില്ലറ്റ് ഭക്ഷ്യോപ്പന്നങ്ങളുടെ പ്രദര്‍ശനം, വില്പന, മില്ലറ്റ് വിത്ത് വിതരണം എന്നിവയും സംഘടിപ്പിച്ചിരിക്കുന്നു. കൂടാതെ മാര്‍ച്ച് 13-ആം തീയതി രാവിലെ 10:30 മുതല്‍ വൈകുന്നേരം 3 മണി വരെ കര്‍ഷകസംഗമവും നടക്കുന്നു. കര്‍ഷക സംഗമത്തില്‍ പങ്കെടുക്കുന്നതിനായി രജിസ്‌ട്രേഷന്‍ തികച്ചും സൗജന്യമായിരിക്കും. കൂടുതല്‍ വിവരങ്ങള്‍ക്കായി 9846777133, 9847032159, 9496100937 എന്നീ ഫോണ്‍ നമ്പറുകളില്‍ ബന്ധപ്പെടാവുന്നതാണ്.
ആണ്‍ ആടുകള്‍ വില്‍പ്പനയ്ക്ക്
പട്ടാമ്പിയില്‍ പ്രവര്‍ത്തിക്കുന്ന പാലക്കാട് കൃഷി വിജ്ഞാനകേന്ദ്രത്തില്‍ ആണ്‍ ആടുകള്‍ വില്‍പ്പനയ്ക്ക് തയ്യാറായിരിക്കുന്നു. താല്‍പ്പര്യമുളളവര്‍ 6282937809, 0466 2912008, 0466 2212279 എന്നീ ഫോണ്‍ നമ്പറില്‍ ബന്ധപ്പെടുക.
ടിഷ്യൂകള്‍ച്ചര്‍ വാഴതൈകള്‍ വില്പനക്ക്.
കേരള അഗ്രിക്കള്‍ച്ചറല്‍ യുണിവേഴ്‌സിറ്റിയിലെ ബയോടെക്‌നോളജി ഡിപ്പാര്‍ട്ട്‌മെന്റില്‍ 10000 ടിഷ്യൂകള്‍ച്ചര്‍ വാഴതൈകള്‍ വില്പനക്ക്. കൂടുതല്‍ വിവരങ്ങള്‍ക്ക് 9048178101, 9745884964 എന്നീ ഫോണ്‍ നമ്പറുകളില്‍ ബന്ധപ്പെടുക.

ലോക ക്ഷീരദിനം: ഫെയ്‌സ്ബുക്ക് ലൈവ്

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives