കാര്‍ഷിക മേഖലയില്‍ അവാര്‍ഡ്

Thursday, 20th January 2022

കൃഷി വകുപ്പ് വിവിധ അവാര്‍ഡുകള്‍ക്ക് അപേക്ഷ ക്ഷണിച്ചു. കര്‍ഷകന്‍, മികച്ച പാടശേഖര സമിതി, കര്‍ഷക തൊഴിലാളികള്‍, ശാസ്ത്രജ്ഞന്‍മാര്‍, പത്രപ്രവര്‍ത്തകര്‍, കാര്‍ഷിക മേഖലയില്‍ മികച്ച പ്രകടനം കാഴ്ചവെച്ചവര്‍ എന്നിവര്‍ക്കാണ് അവാര്‍ഡ് നല്‍കുന്നത്. അപേക്ഷ ജൂണ്‍ 25 നകം അതത് കൃഷി ഭവനുകളില്‍ ലഭിക്കണം. കൂടുതല്‍ വിവരങ്ങള്‍ക്ക് കൃഷി ഭവനുകളുമായി ബന്ധപ്പെടാം

Also read:

കര്‍ഷക ക്ഷേമനിധി ബോര്‍ഡില്‍ അംഗത്വമെടുക്കാം

കൃഷിനാശം 3.3 കോടി രൂപയുടെ നഷ്ടപരിഹാരം വിതരണം ചെയ്യും

കൃഷിപാഠം പദ്ധതി ഉദ്ഘാടനം ചെയ്തു.

വേനൽ മഴ : വയനാട്ടിൽ നശിച്ചത് 100 കോടി രൂപയുടെ വാഴ കൃഷി

Leave a Reply Cancel reply

ചീരയിലെ ഇലപ്പുള്ളിരോഗത്തെ നിയന്ത്രിക്കാം
മഴക്കാലത്തും മഞ്ഞുകാലത്തും വ്യാപകമായി ചീരയില്‍ കാണാന്‍ സാധ്യതയുളള ഒരു രോഗമാണ് ഇലപ്പുളളി രോഗം. ഇലകളില്‍ വെളള നിറത്തോടു കൂടിയ പൊട്ടുകള്‍ പ്രത്യക്ഷപ്പെടുന്നതാണ് ആരംഭലക്ഷണം. രോഗം വരാതെ പ്രതിരോധിക്കുന്നതിനായി പച്ചയും ചുവപ്പും ചീരകള്‍ ഇടകലര്‍ത്തി നടുക. സ്യൂഡോമോണാസ് 20 ഗ്രാം ഒരു ലിറ്റര്‍ വെളളത്തില്‍ ചേര്‍ത്ത് 10 ദിവസത്തെ ഇടവേളകളിലായി തളിച്ച് കൊടുക്കുക. ട്രൈക്കോഡെര്‍മ സമ്പുഷ്ടീകരിച്ച് ചാണകം മണ്ണില്‍ ചേര്‍ത്ത് കൊടുക്കുക. 40 ഗ്രാം പാല്‍ക്കായം, 8 ഗ്രാം അപ്പക്കാരം, 32 ഗ്രാം മഞ്ഞള്‍പൊടി എന്നിവ 10 ലിറ്റര്‍ വെളളത്തില്‍ ചേര്‍ത്ത് ഇലകളില്‍ തളിച്ച് കൊടുക്കുന്നതും രോഗ പ്രതിരോധ ശേഷിയ്ക്ക് ഉപകരിക്കും. രോഗം നിയന്ത്രിക്കുന്നതിനായി പുതിയ ചാണകത്തിന്റെ തെളിഞ്ഞ ലായനിയില്‍ 20 ഗ്രാം സ്യൂഡോമോണാസ് ഒരു ലിറ്ററിന് എന്ന തോതില്‍ ഇലകളില്‍ തളിച്ച് കൊടുക്കുക.
ഉരുളക്കിഴങ്ങ് കൃഷിയുടെ ആദ്യപാഠങ്ങള്‍
ഉരുളക്കിഴങ്ങ് കൃഷിചെയ്യുന്നതിനായി നീര്‍വാര്‍ച്ചയുള്ളതും ഫലഭൂയിഷ്ടവുമായ സ്ഥലം കിളച്ചൊരുക്കി തയ്യാറാക്കേണ്ടതാണ്. കേരളത്തിലെ മലയോര പ്രദേശങ്ങളില്‍ പ്രത്യേകിച്ച് ഇടുക്കി ജില്ലയിലെ കാന്തല്ലൂര്‍, വട്ടവട എന്നീ പ്രദേശങ്ങളില്‍ ഉരുളക്കിഴങ്ങ് കൃഷിചെയ്തുവരുന്നു. കുഫ്രിജ്യോതി, കുഫ്രി ചന്ദ്രമുഖി, കുഫ്രി ഗിരിധാരി, കുഫ്രി ഹിമാലിനി എന്നിവയാണ് അനുയോജ്യമായ ഇനങ്ങള്‍. രണ്ടടി ഉയരത്തില്‍ തടങ്ങള്‍ തയ്യാറാക്കിയശേഷം സെന്റൊന്നിന് നൂറ് കിലോഗ്രാം ചാണകം 200 ഗ്രാം യൂറിയ ഒരുകിലോഗ്രാം സൂപ്പര്‍ഫോസ്‌ഫേറ്റ് 700 ഗ്രാം പൊട്ടാഷ് എന്നിവ ചേര്‍ത്ത് നന്നായി ഇളക്കണം. ഒരു സെന്റിന് ഏകദേശം 8 കിലോഗ്രാം വിത്ത് വേണ്ടിവരും. കുമിള്‍നാശിനിയില്‍ മുക്കിയ വിത്തുകള്‍ നടുന്നത് മണ്ണിലൂടെയും കിഴങ്ങിലൂടെയും പടരുന്ന രോഗങ്ങളെ നിയന്ത്രിക്കാന്‍ സാധിക്കും. ഒരു മാസം കഴിയുമ്പോള്‍ സെന്റൊന്നിന് 700 ഗ്രാം യൂറിയ നല്‍കി മണ്ണ് കയറ്റിക്കൊടുക്കണം. കളനീക്കല്‍, ജലസേചനം എന്നിവയാണ് മറ്റ് കൃഷിമുറകള്‍. ചെടികള്‍ മഞ്ഞളിച്ച് ഉണങ്ങാന്‍ തുടങ്ങുമ്പോള്‍ നന നിര്‍ത്തണം. നാല് മാസമാകുമ്പോള്‍ വിളവെടുക്കാം. വിളവെടുത്ത് കിഴങ്ങ് കുറച്ച് ദിവസം തണലില്‍ വച്ച് ഉണക്കിയശേഷം ആവശ്യാനുസരണം ഉപയോഗിക്കുകയും സൂക്ഷിച്ചുവയ്ക്കുകയും ചെയ്യാം. ശരാശരി 100 കിലോഗ്രാം വരെ ഒരു സെന്റില്‍ നിന്ന് വിളവ് ലഭിക്കും.
സാവള നമുക്കും കൃഷിചെയ്യാം
നീര്‍വാര്‍ച്ചയുള്ളതും ഫലഭൂയിഷ്ടവുമായ മണ്ണാണ് സവാള കൃഷിക്കായി തെരഞ്ഞെടുക്കേണ്ടത്. നമ്മുടെ കാലാവസ്ഥയിലും സവാള തഴച്ചുവളരുമെന്ന് തെളിഞ്ഞിട്ടുണ്ട്. അഗ്രി ഫൗണ്ട് റെഡ്, അര്‍ക്ക കല്യാണ്‍, അര്‍ക്ക നികേതന്‍, എന്‍ 53 എന്നിവയാണ് ഈ കാലാവസ്ഥയ്ക്ക് അനുയോജ്യമായ വിത്തിനങ്ങള്‍. ഒരേക്കര്‍ കൃഷി ചെയ്യുന്നതിന് നാലുകിലോ വിത്തോളം വേണ്ടിവരും. വിത്ത് പാകിമുളപ്പിച്ച് തൈകളാക്കിയശേഷം പറിച്ചുനട്ടാണ് കൃഷിചെയ്യുന്നത്. വിത്ത് പാകുന്നതിനായി പോട്രേ ഉപയോഗിക്കാം. നമുക്കാവശ്യമായ നീളത്തിലും വീതിയിലും 20 സെ.മീ. നീളത്തില്‍ വാരങ്ങളെടുത്ത് അതിലേക്ക് തൈകള്‍ നടാവുന്നതാണ്. തൈകള്‍ നടുമ്പോള്‍ രണ്ട് വരികള്‍ തമ്മില്‍ 15 സെ.മീറ്ററും ചെടികള്‍ തമ്മില്‍ 10 സെ.മീറ്ററും അകലമുണ്ടായിരിക്കേണ്ടതാണ്. കൃഷിയുടെ ആദ്യഘട്ടത്തില്‍ ജൈവവളം നല്‍കേണ്ടതും കൂടാതെ യൂറിയ, രാജ്‌ഫോസ് പൊട്ടാഷ് എന്നിവയും നല്‍കാവുന്നതാണ്. യൂറിയയും പൊട്ടാഷും ഒരു മാസം ഇടവിട്ട് നല്‍കാവുന്നതാണ്. തൈകള്‍ നട്ടശേഷം മൂന്ന് മാസം കഴിയുമ്പോള്‍ സവാള വിളവെടുക്കാന്‍ സാധിക്കും. ഇലകള്‍ ഉണങ്ങാന്‍ തുടങ്ങുന്ന സമയത്ത് നന നിര്‍ത്തേണ്ടതും അതിനുശേഷം 15 ദിവസം കഴിയുമ്പോള്‍ ഉണങ്ങിയ ഇലയോടുകൂടി വിളവെടുത്ത് ഇത് ഉണക്കണം.
ഗോള്‍ഡന്‍ ബെറി, മൊട്ടമ്പുളി, ഞൊട്ടാഞൊടിയന്‍
മൊട്ടമ്പുളി എന്ന പേരില്‍ നമ്മുടെ വീടിന്റെ പരിസരങ്ങളില്‍ കാണുന്ന ഈ പഴം ഗോള്‍ഡന്‍ ബെറി, ഞൊട്ടാഞൊടിയന്‍ എന്നീ പേരുകളിലും അറിയപ്പെടുന്നു. നാട്ടിന്‍ പുറങ്ങളില്‍ കാണുന്ന ഈ ചെടി എല്ലാവര്‍ക്കും പരിചിതമുള്ളതാണ്. ഇതിന്റെ ഗുണമറിയുന്നവര്‍ക്ക് ഇതുകൊണ്ടുള്ള പ്രാധാന്യം വളരെയാണെന്ന് മനസ്സിലാക്കാന്‍ സാധിക്കും. സ്‌ക്വാഷ്, ജാം, വൈന്‍ എന്നിവ ഇതില്‍ നിന്ന് നമുക്കുണ്ടാക്കാന്‍ സാധിക്കും. ജീവകം എ, ജീവകം സി, ആന്റി ഓക്‌സിഡന്റുകള്‍, ആന്റി ഇന്‍ഫ്‌ളമേറ്ററി ധാതുക്കള്‍, അയണ്‍ തുടങ്ങിയവ ഇതില്‍ അടങ്ങിയിട്ടുണ്ട്. സന്ധിവാതം സംബന്ധമായ പ്രശ്‌നങ്ങള്‍, പ്രമേഹരോഗങ്ങള്‍, പൊണ്ണത്തടി കുറയ്ക്കല്‍, കൊളസ്‌ട്രോള്‍, ഹൃദയാരോഗ്യം എന്നീ അസുഖങ്ങള്‍ക്ക് മൊട്ടമ്പുളി പ്രധാന ഔഷധമാണ്. വിത്തില്‍ നിന്നാണ് ഇതിന്റെ തൈകള്‍ ഉണ്ടാക്കുന്നത്. സാധാരണ രോഗകീടങ്ങളില്ലാത്ത കൃഷിയാണിത്. ഒരു കായില്‍ തന്നെ നൂറ്റമ്പതോളം വിത്തുകളുണ്ട്. പഴുത്ത പഴം വെള്ളത്തിലിട്ട് വിത്തുകള്‍ വേര്‍തിരിച്ചെടുക്കുകയും പിന്നീട് തുണിയില്‍ അരിച്ചെടുത്ത് ഉണങ്ങാന്‍ വയ്ക്കുന്നു. മണ്ണ് നല്ലവണ്ണം കിളച്ച് പൊടിയാക്കിയശേഷം ചാണകപ്പൊടി ചേര്‍ത്ത് വിത്തിടാന്‍ പാകത്തിന് മണ്ണ് തയ്യാറാക്കുന്നു. ചാലുകളെടുത്ത് വിത്തിടാം. ഇരുപത് ദിവസത്തിനുള്ളില്‍ പറിച്ച് നടുവാനായി സാധിക്കും. പുതയിടുന്നത് നല്ലതാണ്. ഇലതീനി പുഴുവിന്റെ ശല്യം സാധാരണയായിട്ട് ഉണ്ടാവാറുണ്ട്. 45 ദിവസം കഴിയുമ്പോള്‍ ചെടി പൂര്‍ണ്ണമായ വളര്‍ച്ചയിലെത്തുന്നു. മൂപ്പെത്താത്ത പഴത്തിന് ചവര്‍പ്പ് കൂടിയ കയ്പുരസവും മൂപ്പെത്തിയതിന് പുളിരസമടങ്ങിയ മധുരവുമാണുള്ളത്. ഞൊട്ടാഞൊടിയന്‍ പഴം പച്ചനിറത്തിലുള്ള ഒരു കൂടിനുള്ളിലുള്ളതുപോലെയാണ് കാണുന്നത്.
മൂഞ്ഞ, വെള്ളീച്ച, ഇലത്തുളളന്‍ തുടങ്ങിയവയുടെ ആക്രമണം നിയന്ത്രിക്കാം
ദൈനംദിന അന്തരീക്ഷ ഊഷ്മാവ് വര്‍ധിച്ചു വരുന്ന സാഹചര്യത്തില്‍ നീരൂറ്റി കുടിക്കുന്ന പ്രാണികളായ മൂഞ്ഞ, വെള്ളീച്ച, ഇലത്തുളളന്‍ തുടങ്ങിയവയുടെ ആക്രമണം രൂക്ഷമാകാന്‍ സാധ്യതയുണ്ട്. ഇവയെ നിയന്ത്രിക്കുന്നതിനായി ആഴ്ചയിലൊരിക്കല്‍ വേപ്പധിഷ്ഠിത കീടനാശിനിയായ കെ വി കെ രക്ഷ 6 ഗ്രാം ഒരു ലിറ്റര്‍ വെളളത്തില്‍ ചേര്‍ത്ത് തളിക്കാവുന്നതാണ്. അല്ലെങ്കില്‍ ലക്കാനിസീലിയം ലക്കാനി 20 ഗ്രാം ഒരു ലിറ്റര്‍ വെളളത്തില്‍ ചേര്‍ത്ത് തളിക്കുക. മരുന്ന് തളിക്കുമ്പോള്‍ വെയില്‍ താഴ്ന്നു നില്‍ക്കുന്ന സമയങ്ങളില്‍ ഇലയുടെ ഇരു വശങ്ങളിലുമായി തളിക്കാന്‍ ശ്രദ്ധിക്കേണ്ടതാണ്.
പശുവളര്‍ത്തല്‍, മുട്ടക്കോഴി വളര്‍ത്തല്‍ : ക്ലാസ് റൂം പരിശീലനം
തലയോലപ്പറമ്പ് മൃഗസംരക്ഷണ പരിശീലന കേന്ദ്രത്തില്‍ വച്ച് ഈ മാസം 19,20 തീയതികളില്‍ പശുവളര്‍ത്തല്‍, 27,28 തീയതികളില്‍ മുട്ടക്കോഴി വളര്‍ത്തല്‍ എന്നീ വിഷയങ്ങളില്‍ ക്ലാസ് റൂം പരിശീലനം സംഘടിപ്പിച്ചിരിക്കുന്നു. താല്‍പര്യമുളളവര്‍ 04829-234323 എന്ന ഫോണ്‍ നമ്പരില്‍ വിളിച്ച് പേര് രജിസ്റ്റര്‍ ചെയ്യേതാണ്.
കാടവളര്‍ത്തല്‍ : പരിശീലനം
ചെങ്ങന്നൂര്‍ സെന്‍ട്രല്‍ ഹാച്ചറിയോടനുബന്ധിച്ച് പ്രവര്‍ത്തിക്കുന്ന പരിശീലന കേന്ദ്രത്തില്‍ വച്ച് ഈ മാസം 24-ന് കാടവളര്‍ത്തല്‍ എന്ന വിഷയത്തില്‍ പരിശീലനം സംഘടിപ്പിച്ചിരിക്കുന്നു. കൂടുതല്‍ വിവരങ്ങള്‍ക്കും പേര് രജിസ്റ്റര്‍ ചെയ്യുന്നതിനുമായി 0479-2457778 എന്ന ഫോണ്‍ നമ്പരില്‍ ബന്ധപ്പെടുക.
തെങ്ങിന്‍തൈകള്‍ വില്‍പ്പനയ്ക്ക്
നാളികേര വികസന ബോര്‍ഡിന്റെ കീഴില്‍ പ്രവര്‍ത്തിക്കുന്ന നേര്യമംഗലം ഡി.എസ്.പി ഫാമില്‍ വിവിധ ഇനം തെങ്ങിന്‍തൈകള്‍ വില്‍പ്പനയ്ക്കു ലഭ്യമാണ്. തെങ്ങിന്‍തൈകള്‍ ആവശ്യമുളള കര്‍ഷകര്‍ 0485-2554240 എന്ന ഫാം ഓഫീസ് നമ്പരില്‍ പ്രവര്‍ത്തി ദിവസങ്ങളില്‍ രാവിലെ 8 മണിക്കും വൈകിട്ട് 5 മണിക്കും ഇടയില്‍ ബന്ധപ്പെടുക.
നവീന കാര്‍ഷിക യന്ത്രങ്ങള്‍ വികസിപ്പിക്കുന്നതില്‍ വ്യാപൃതരായവരുടെ സമാഗമം
കേരളത്തിന്റെ ഭൂപ്രകൃതിക്കും, കൃഷിക്കും, കാലാവസ്ഥയ്ക്കും അനുയോജ്യമായ നവീന കാര്‍ഷിക യന്ത്രങ്ങള്‍ വികസിപ്പിക്കുന്നതില്‍ വ്യാപൃതരായവരുടെ സമാഗമം മണ്ണുത്തി കാര്‍ഷിക ഗവേഷണ കേന്ദ്രത്തില്‍ വച്ച് 2022 ഫെബ്രുവരി മാസം സംഘടിപ്പിക്കുന്നു. ഇതിനോടനുബന്ധിച്ച് ഇവര്‍ വികസിപ്പിച്ചെടുത്ത നൂതന കാര്‍ഷിക യന്ത്രങ്ങളുടെ പ്രദര്‍ശനവും സംഘടിപ്പിക്കുന്നതാണ്. ഈ സമാഗമത്തില്‍ പങ്കെടുക്കുവാന്‍ താല്പര്യമുള്ള ഉപജ്ഞാതാക്കള്‍, നൂതന ആശയങ്ങളില്‍ പ്രവര്‍ത്തിക്കുന്നവര്‍ ഈ മാസം 20 നു (ജനുവരി 20 നു) മുമ്പായി മേല്‍വിലാസം, പ്രവര്‍ത്തനത്തിന്റെ വിവരണവും കാര്‍ഷിക യന്ത്രവല്‍ക്കരണ മിഷനിലേക്ക് spokksasc1@gmail.com എന്ന ഇമെയില്‍ വിലാസത്തിലോ 8281200673 എന്ന വാട്ട്‌സ് അപ്പ് നമ്പരിലോ ബന്ധപ്പെടുക.
കമുകിന്റെ മണ്ടമറിച്ചില്‍ നിയന്ത്രിക്കാം
കമുകിന് മണ്ടമറിച്ചില്‍ ലക്ഷണം കണ്ടുവരുന്നു. ഇത് നിയന്ത്രിക്കാനായി ഓരോ കമുകിനു ചുറ്റും 250 ഗ്രാം വീതം കുമ്മായം ഇട്ട് നനച്ചുകൊടുക്കണം. ഒരാഴ്ച കഴിഞ്ഞ് ബോറാക്‌സ് പൗഡര്‍ 25 ഗ്രാം വീതം കമുകിന്റെ വേരിന്റെ ഭാഗത്ത് ഇട്ടു കൊടുക്കാം. കൂടാതെ ഫൈറ്റോലാന്‍ 3 ഗ്രാം ഒരു ലിറ്റര്‍ വെളളത്തില്‍ കലക്കി ഓലകളില്‍ തളിയ്ക്കുന്നതും നല്ലതാണ്. തെക്കന്‍ വെയിലിന്റെ ചൂടു കൊണ്ട് പൊളളല്‍ ഏല്‍ക്കാതിരിക്കാന്‍ തടിക്കു ചുറ്റും ഓല കെട്ടുകയോ വെളള പൂശുകയോ ചെയ്യാം. ചെറുതൈകള്‍ക്ക് പ്രത്യേക ശ്രദ്ധ കൊടുക്കണം. വിത്തടക്ക ശേഖരിക്കുകയും പാകുകയും ചെയ്യുന്നത് തുടരാം.

കാര്‍ഷിക മേഖലയില്‍ അവാര്‍ഡ്

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives