ശാസ്ത്രീയമായ കശുമാവ് കൃഷി വ്യാപനത്തിന്റെ ഭാഗമായി കർഷകർക്ക് പരിശീലനം നൽകി.

Wednesday, 23rd September 2020

കശുമാവ് കർഷകർക്ക് പരിശീലനം നല്‍കി
മാനന്തവാടി: സംസ്ഥാന കശുമാവ് കൃഷി വികസന ഏജൻസി ശാസ്ത്രീയമായ കശുമാവ് കൃഷി വ്യാപനത്തിന്റെ ഭാഗമായി കർഷകർക്ക് പരിശീലനം നൽകി. തവിഞ്ഞാൽ സെയ്‌ന്റ് മേരീസ് ഇടവക വികാരി ഫാ. ആന്റോ മമ്പള്ളിൽ ഉദ്ഘാടനം ചെയ്തു. തോമസ് കറുത്തേടം അധ്യക്ഷത വഹിച്ചു. ഡോ. പി.എസ്. ജോൺ ക്ളാസ് നയിച്ചു.
തവിഞ്ഞാൽ കൃഷി ഓഫീസർ കെ.ജി. സുനിൽ, കശുമാവ് കൃഷി വികസന ഏജൻസ് വടക്കൻമേഖലാ കോ- ഓർഡിനേറ്റർ എ. പത്മനാഭൻ, ഫീൽഡ് ഓഫീസർ ഇ.കെ. സോണി എന്നിവർ സംസാരിച്ചു.

Also read:

ഒരു വയസ്സുള്ള നായകുട്ടിക്ക് വിജയകരമായി നേത്ര ശസ്ത്രക്രിയ നടത്തി.

വെള്ളമുണ്ടയിൽ ഞാറ്റുവേല ചന്തയും തൈ വിതരണവും നടത്തി.

ലോകത്താദ്യമായി മുടി മികച്ച ജൈവവള ദ്രാവകമാക്കി കേരള കാർഷിക സർവ്വകലാശാല.

പ്രളയബാധിതരായ വയനാട്ടിലെ ക്ഷീര കർഷകർക്ക് കൈത്താങ്ങുമായി കേരള ഫീഡ്സ്

Leave a Reply Cancel reply

ചെമ്മീന്‍ ഇളവന്‍ തേങ്ങ
ആവശ്യമുള്ള ചേരുവകള്‍കരിക്ക് – 2 എണ്ണംചെമ്മീന്‍ – 120 ഗ്രാംസവാള – 80 ഗ്രാംഇഞ്ചി – 5 ഗ്രാംവെളുത്തുള്ളി – 5 ഗ്രാംപച്ചമുളക് – 2 എണ്ണംകറിവേപ്പില – 5 ഗ്രാംമല്ലിയില – 5 ഗ്രാംവെളിച്ചെണ്ണ – 3 ടേബിള്‍ സ്പൂണ്‍ഉപ്പ് – ആവശ്യത്തിന്കാഷ്മീരി മുളകുപൊടി – 2 ടേബിള്‍ സ്പൂണ്‍മഞ്ഞള്‍പൊടി – 1 ടീസ്പൂണ്‍മല്ലിപൊടി – 1 ടേബിള്‍ സ്പൂണ്‍ തയ്യാറാക്കുന്ന വിധംഎണ്ണ ചൂടാക്കുക, അതിലേയ്ക്ക് ഇഞ്ചി, പച്ചമുളക്, കറിവേപ്പില എന്നിവ ഇട്ട് വഴറ്റുക. ഇത് നന്നായി വഴന്നു കഴിയുമ്പോള്‍ സവാള കൂടി ചേര്‍ത്ത് വീണ്ടും വഴറ്റുക. തുടര്‍ന്ന് ഇതിലേയ്ക്ക് മസാല പൊടികള്‍ ചേര്‍ക്കുക. അത് ചൂടായ ശേഷം ചെമ്മീന്‍ ചേര്‍ത്ത് പാകത്തിന് വെള്ളം ചേര്‍ത്ത് വേവിക്കുക. ഈ കറിക്കൂട്ട് വെന്ത് പാകമാകുമ്പോള്‍ കഷണങ്ങളാക്കിവച്ചിരിക്കുന്ന് കരിക്ക് ചേര്‍ത്ത് അടുപ്പില്‍ നിന്ന് മാറ്റുക.
ജൈവകൃഷിക്ക് വെര്‍ട്ടിലീസിയം കുമിള്‍
സുജിത്ത്.പി.ജി. ജൈവകൃഷിക്ക് ഇന്ന് പലതരം ഗുണകരമായ കുമി ളുകള്‍ ഉപയോഗിച്ചുവരുന്നുണ്ട്. ഇതില്‍ വ്യാപകമായി ഉപയോ ഗിക്കുന്ന ഒരു കുമിളാണ് ട്രൈക്കോഡെര്‍മ്മ. ഈ കുമിള്‍ ചെടികള്‍ക്കുണ്ടാകുന്ന കുമിള്‍ രോഗങ്ങള്‍ക്കെതിരായാണ് ഉപയോഗിക്കുന്നത്. ഇതുപോലെ തന്നെ വിവിധതരം വിളകള്‍ക്കു ണ്ടാകുന്ന നീരൂറ്റിക്കുടിക്കുന്ന കീടങ്ങള്‍ക്കെതിരെയും ഫലപ്രദ മായി ഒരു കുമിളിനെ ബയോ ടെക്നോളജി വഴി വേര്‍തിരിച്ചെ ടുത്തിട്ടുണ്ട്. അതാണ് വെര്‍ട്ടി ലീസിയം കുമിള്‍. വെര്‍ട്ടിലീ സിയം ലകാനി എന്ന ശാസ്ത്രീയ നാമത്തിലറിയുന്ന ഈ കുമിള്‍ പ്രകൃതിയില്‍ സാധാരണ കാണുന്നതാണ്. സംയോജിത കീടരോഗനിയന്ത്രണ സംവി ധാനത്തില്‍ ഫലപ്രദമായി ഉപ യോഗിക്കാവുന്ന ഈ കുമിള്‍ പ്രകൃതിക്ക് ഹാനികരമല്ല. മുന്തി രി, പേരയ്ക്ക, സപ്പോട്ട, നാരങ്ങ, മാങ്ങ, മാതളനാരങ്ങ തുടങ്ങിയ ഫലവൃക്ഷങ്ങളിലും തക്കാളി, മുളക്, വഴുതന, വെണ്ട തുട ങ്ങിയ പച്ചക്കറികളിലും നെല്ല്, കാപ്പി, തേയില, ഏലം, തെങ്ങ്, പൂച്ചെടികള്‍ തുടങ്ങിയവയില്‍ കാണുന്ന നീരൂറ്റിക്കുടിക്കുന്ന മൂഞ്ഞകള്‍, മീലിമുട്ടകള്‍, വെള്ളീ ച്ചകള്‍, സ്കെയിലുകള്‍ (ശല്‍ക്ക കീടം), എല്ലാതരം മണ്ഡരികള്‍ തുടങ്ങിയ കീടങ്ങള്‍ക്കെതിരെ പ്രയോഗിക്കാവുന്നതാണ്.പൗഡര്‍ രൂപത്തില്‍ ലഭി ക്കുന്ന വെര്‍ട്ടിസീലിയസ്പോറു കള്‍ തണുത്തതും നനവില്ലാത്ത തുമായ സ്ഥലത്ത് സൂക്ഷിക്ക ണം. ഈ കുമിള്‍, കീടങ്ങളുടെ പുറത്തുള്ള ആവരണമായ ക്യൂട്ടിക്കിള്‍ രാസവസ്തുക്കളു പയോഗിച്ച് തുളച്ച് അകത്തു കടക്കുന്നു. തുടര്‍ന്ന് കുമിള്‍ വളര്‍ച്ച പ്രാപിച്ച് കീടങ്ങളുടെ ശരീരഭാഗങ്ങള്‍ നശിപ്പിക്കുന്നു. ഇതിനായി കുമിള്‍ ഉണ്ടാക്കുന്ന ബാസിയനോകലെസ് എന്ന വിഷമാണ് കാരണം. ഇപ്രകാരം 4 മുതല്‍ 6 ദിവസംകൊണ്ട് കീടം നശിക്കുന്നു.കീടത്തിന്‍റെ പുഴുദശയും സമാധിദശയും നശിപ്പിക്കുന്ന തിന് ഈ കുമിളിന് കഴിവുണ്ട്. കുമിളിന്‍റെ പ്രവര്‍ത്തനശേഷം ചത്ത പുഴുക്കളുടേയും സമാ ധിദശയുടെയും ഉണങ്ങിയ ഭാഗങ്ങള്‍ ചെടികളില്‍ കാണാം. അതിനുമുകളിലായി ഈ വെളു ത്ത കുമിളിന്‍റെ വളര്‍ച്ചയും (നാരുകള്‍) അനുകൂല സാഹ ചര്യങ്ങളില്‍ കാണാം. കേരളത്തി ലെ കാലാവസ്ഥയ്ക്ക് ഈ കുമിള്‍ നല്ലതുപോലെ വളരുന്ന താണ്. പ്രത്യേകിച്ചും 20-30 ഡിഗ്രി ഊഷ്മാവില്‍ 65% ആര്‍ദ്രതയും ഇതിന്‍റെ വളര്‍ച്ചയെ ത്വരിതപ്പെടുത്തും.വെര്‍ട്ടിസീലിയം പല പേരുകളില്‍ ഇന്ന് മാര്‍ക്കറ്റില്‍ ലഭ്യമാണ്. 1 ലിറ്റര്‍ വെള്ളത്തിന് 2-3 ഗ്രാം എന്ന തോതില്‍ ഇത് ഉപയോഗിക്കാം. കുമിളിന്‍റെ പൊടി വെള്ളം ചേര്‍ത്ത് കുഴ മ്പാക്കിയ ശേഷം നന്നായി അടിച്ച് ഇളക്കി ചേര്‍ക്കുക. ഉണ്ടാക്കിയ ഉടന്‍ തന്നെ സ്പ്രേ ചെയ്യുക. വൈകുന്നേരങ്ങളിലോ, പ്രഭാത സമയത്തോ ഇത് സ്പ്രേ ചെയ്യ ണം. സ്പ്രേ ചെയ്യുമ്പോള്‍ ഇലക ളുടെ ഇരുവശവും നനയണം. കൂടുതല്‍ കീടാക്രമണമുള്ള സാഹചര്യത്തില്‍ 4-5 ഗ്രാം/ലിറ്റര്‍ എന്ന തോതില്‍ ഉപയോഗിക്കാം. കൂടുതല്‍ ഗുണത്തിനായി പ്രകൃ തിദത്തമായ വെറ്റിംഗ് ഏജന്‍റുക ള്‍ ഉപയോഗിക്കാം.കീടനാശിനികളുടെ കൂടെ പ്രയോഗിക്കുമ്പോള്‍ ഈ കുമിള്‍ കൂടുതല്‍ ഗുണപ്രദമായി കാണു ന്നു. കുമിള്‍ ഉണഅടാക്കുന്ന സുഷിരങ്ങളിലൂടെ കീടനാശി നിക്ക് എളുപ്പം കീടത്തിനുള്ളില്‍ പ്രവേശിക്കാന്‍ കഴിയുന്നതാണ് ഇതിന് കാരണം. ജൈവകീടനാ ശിനികളുമായി ചേര്‍ത്ത് ഈ കുമിളിനെ ചെടികളില്‍ പ്രയോ ഗിക്കാം. രാസകുമിള്‍ നാശിനിക ളുമായി ചേര്‍ത്ത് ഇത് പ്രയോഗി ക്കുന്നത് മാത്രമല്ല, വെര്‍ട്ടിസീലി യം പ്രയോഗിച്ച് 3-5 ദിവസം മുമ്പോ ശേഷമോ രാസകുമിള്‍ നാശിനി ഉപയോഗിക്കരുത്. മാര്‍ക്കറ്റില്‍ ലഭ്യമായ ഇത്തരം ഒരു ഉല്പന്നമാണ് വെര്‍ട്ടിസെല്‍.ജൈവകൃഷി വ്യാപകമാ കുന്ന ഈ സാഹചര്യത്തില്‍ പ്രകൃതിയുടെ സന്തുലിതാവസ്ഥ യ്ക്ക് കോട്ടം തട്ടാതെ കിടാ ക്രമണങ്ങളെ നിയന്ത്രിക്കാന്‍ വെര്‍ട്ടിസീലിയം പോലുള്ള കുമിളുകള്‍ ഒരനുഗ്രഹമാണ്.
പണം കായ്ക്കും മരം പതുമുഖം
രവീന്ദ്രന്‍ തൊടീക്കളം ഔഷധ സസ്യകൃഷി യില്‍ പ്രമുഖമായ സ്ഥാനമാണ് പതുമുഖത്തിനുള്ളത്. ചപ്പങ്ങമെ ന്നും ഇംഗ്ലീഷില്‍ സപ്പന്‍വുഡ് എന്നും പറയുന്ന ഫാബിയേസി കുടുംബത്തില്‍പ്പെട്ട സിസാല്‍പി യേന്നി ശാസ്ത്രനാമധാരിയായ ഈ ചെടിയുടെ വേര്, കാതല്‍, പൂവ് എന്നിവ ഔഷധപ്രധാന മാണ്. തൊലിക്ക് ചാരനിറവും കാതലിന് ചുവപ്പ് നിറവുമുള്ള ഈ മരം പത്തുമീറ്റര്‍വരെ ഉയര ത്തില്‍വളരും. ദാഹശമനികളില്‍ പതുമുഖത്തിന് പ്രമുഖ സ്ഥാനമാ ണുള്ളത്. ഹൃദയസംബന്ധമായ രോഗങ്ങള്‍, മൂത്രാശയ രോഗങ്ങ ള്‍, ശ്വാസകോശ രോഗങ്ങള്‍, വയ റിളക്കം, ചര്‍മ്മരോഗം എന്നിവക്ക് അത്യുത്തമ ഔഷധമാണിത്. രക്തശുചീകരണത്തിന് ഇത് ഉപയോഗിക്കുന്നു.രാസഘടകങ്ങളായി ടാനി ന്‍ 40%, സിസാന്‍പിന്‍-ജെ, സിസാ ന്‍പിന്‍ -പി, പ്രോട്ടോസാപ്പാനിന്‍, പ്രേസ്ലിന്‍, ചുവന്ന ചായം എന്നി വയാണ് ഇതില്‍ അടങ്ങിയിരിക്കു ന്നത്. മദ്യം, തുണിത്തരങ്ങള്‍ എന്നിവക്ക് നിറം നല്‍കുന്നതിനും ഇത് ഉപയോഗിക്കുന്നു. ഈ ചെടിയുടെ ഗുണഗണങ്ങളെക്കു റിച്ച് സാമാന്യ ജനങ്ങള്‍ വേണ്ടത്ര ബോധവാന്മാരല്ല. വേണ്ടവിധം പരിപാലിച്ചാല്‍ പണം കായ്ക്കും മരമായി ഇതിനെ വളര്‍ത്തിയെ ടുക്കാം. ഇതിന്‍റെ കൃഷിരീതികളെ നമുക്ക് പരിചിതമാക്കാം.കൃഷിരീതിനല്ല ജൈവാംശമുള്ള നീര്‍വാര്‍ച്ചാ സൗകര്യമുള്ള ഏത് മണ്ണിലും പതുമുഖം നന്നായി വളരും. വിത്താണ് നടീല്‍ വസ്തു. ജനുവരി, ഫെബ്രുവരി മാസങ്ങളി ല്‍ വിത്ത് പറിച്ചെടുത്ത് വെയില ത്ത് നന്നായി ഉണക്കി തണലില്‍ സൂക്ഷിക്കണം. കാലവര്‍ഷാരംഭ ത്തിന് ഒരു മാസം മുന്‍പില്‍ വിത്തുകള്‍ വെള്ളത്തില്‍ കുതി ര്‍ത്ത് മണലില്‍ പാകാം. രണ്ടാ ഴ്ചകൊണ്ട് മുളവരും. രണ്ടില പരുവമാകുമ്പോള്‍ ഇവയെല്ലാം പോര്‍ട്ടിംഗ് മിശ്രിതം നിറച്ച ബാഗുകളിലേക്ക് മാറ്റി നടണം. വ്യാവസായികാടിസ്ഥാനത്തില്‍ കൃഷി ചെയ്യുന്നതിന് 60ഃ60ഃ45 സെ.മീ. ക്രമത്തില്‍ 3ഃ3 മീറ്റര്‍ അകലത്തില്‍ കുഴികളെടുത്ത് മൂന്നില്‍ രണ്ട് ഭാഗം മേല്‍മണ്ണിട്ട് കുഴി ഒന്നിന് അഞ്ച് കി.ഗ്രാം. ഉണക്ക ചാണകപ്പൊടിയിട്ട് മൂടിയശേഷം കുഴികള്‍ മൂടണം. മൂടിയ കുഴിയുടെ നടുവശത്തായി തൈകള്‍ നടാം. മഴക്കാലത്ത് ചെടിയുടെ ചുവട്ടില്‍ വെള്ളം കെട്ടിനില്‍ക്കാതിരിക്കാനും, മഴവെള്ളത്തില്‍ തെറിച്ച് മണ്ണ് ചെടികളിലും ഇലകളിലും പതിക്കാതിരിക്കാന്‍ ശ്രദ്ധിക്കണം. ചെടിയുടെ ചുവട്ടില്‍ ജൈവ വസ്തുക്കള്‍ ഉപയോഗിച്ച് പുത യിടണം. വശങ്ങളിലേക്ക് വളരുന്ന ചില്ലകള്‍ ഒന്നാം വര്‍ഷവും, രണ്ടാം വര്‍ഷവും വെട്ടിമാറ്റണം. ഒന്നോ രണ്ടോ ശിഖരങ്ങള്‍ മാത്രം വളര്‍ത്തുന്നതാണ് നല്ലത്. വേനല്‍ ക്കാലത്ത് നനയും, കളനിയന്ത്ര ണവും ആവശ്യമാണ്.നടീലിന് ശേഷം ആവശ്യ മായ പരിപാലനമുറകള്‍ കൃത്യ മായി ചെയ്താല്‍ 7-8 വര്‍ഷത്തിന് ശേഷം വിളവെടുക്കാം. ഒരു മരത്തില്‍ നിന്നും ശരാശരി 20 കി.ഗ്രാം കാതല്‍ ലഭിക്കും. കാതലിന്‍റെ വില കാലാക്കാ ലങ്ങളില്‍ മാറ്റമുണ്ടാവുമെങ്കിലും നല്ല വിലയാണ് കഴിഞ്ഞ കുറച്ചു വര്‍ഷങ്ങളായി നിലവിലുള്ളത്. രണ്ടാം വര്‍ഷംമുതല്‍ ലഭിക്കുന്ന വിത്ത് മുളപ്പിച്ച് തൈകള്‍ ഉണ്ടാക്കി വില്‍ക്കുന്നതും ഒരു നല്ല വരുമാനമാര്‍ഗ്ഗമാണ്. മലയോര മേഖലയില്‍ വന്യമൃഗങ്ങളെ ഒരു പരിധിവരെ നിയന്ത്രിക്കുന്നതിന് മുള്ളുവേലി വിളയായി ഇത് വളര്‍ത്താം.
കര്‍ഷക ഭവനങ്ങളില്‍ പുതിയ കൃഷിക്കാര്‍ ഉണ്ടാകുന്നില്ല
കെ.എസ്.ഉദയകുമാര്‍ എല്ലാവരും കൃഷി ചെയ്യണമെന്നും, അതും ജൈവകൃഷി തന്നെ ആകണമെന്നും വാദിക്കുന്നവരാണ് 80% മലയാളികളും. വിഷലിപ്തമായ അന്യംസ്ഥാന പച്ചക്കറികള്‍ കഴിക്കരുതെന്നും ഇവിടുന്ന് വരുന്ന മുട്ടയും, പാലും, ഇറച്ചിയും കര്‍ശന ഗുണനിലവാര പരിശോധനകള്‍ക്ക് വിധേയമാക്കണമെന്നും വാദിക്കുന്ന ഇവര്‍ കൈയ്യടി വാങ്ങിയ ശേഷം കര്‍ട്ടന് പിന്നിലേക്ക് മറയുകയാണ് പതിവ്. സ്വന്തം വീട്ടുമുറ്റത്തും കൃഷിയിടങ്ങളിലും പതിക്കുന്ന മഴവെള്ളം അല്പംപോലും മണ്ണിലേക്ക് താഴാന്‍ അനുവദിക്കാതെ ഓടകളിലൂടെ – നദികളിലേക്കും അവിടുന്ന് അറബിക്കടലിലേക്കും നാം ഒഴുക്കി വിടുന്നു. ലഭിക്കുന്ന വെള്ളം പ്രകൃതി നല്‍കുന്നത് അല്പം പോലും സംരക്ഷിക്കാതെ മുഴുവന്‍ ആവശ്യമുണ്ട് എന്നു പറയുന്നത് തികച്ചും നീതിയ്ക്ക് നിരക്കുന്നതല്ല. വെള്ളത്തിന്‍റെ കാര്യത്തില്‍ പൊതുവെ ധാരാളികളാണ് മലയാളികളായ നാം. ഇനി മുല്ലപ്പെരിയാറിലെ വെള്ളംകൂടി കിട്ടിയാല്‍ തമിഴ്നാ ട്ടിലേക്ക് പച്ചക്കറി കയറ്റി അയക്കാമെന്നുപോലും പറയുന്നവരുണ്ട് നമ്മുടെ ഇടയില്‍.കൃഷിയുടെ കാര്യത്തില്‍ എവിടെയാണ് നമുക്ക് തിരുത്തലുകള്‍ ആവശ്യമായി വരുന്നത്. ഗവേഷണ സ്ഥാപനങ്ങളുടെ എണ്ണത്തിലും – ശാസ്ത്രജ്ന്മാരുടെ ശതമാനത്തിലും കേരളം ഒട്ടും പിന്നിലല്ല. എന്നാല്‍ ഇതിനുവേണ്ടി നിയോഗിക്കപ്പെട്ടവരുടെ ആത്മാര്‍ത്ഥ തയാണ് പ്രധാനം. കാര്‍ഷിക മേഖലയ്ക്കും, കൃഷിക്കാര്‍ക്കും ഗുണം ചെയ്യാന്‍ കഴിയുന്നില്ലെങ്കില്‍ ഇവയുടെ നിലനില്‍പ്പ് ചോദ്യം ചെയ്യപ്പെടും. പുതിയ പേരുകളിലും പുതിയ ആശയങ്ങളിലും കാര്‍ഷിക അനുബന്ധ ഗവേഷണങ്ങള്‍ ധാരാളം നടക്കുമ്പോഴും നമ്മള്‍ മണ്ണിനേയും അവിടെ ജോലിചെയ്യുന്ന പാവം കര്‍ഷകനെ ആരും മനസ്സിലാക്കുന്നില്ല. ഇതിന്‍റെ പ്രതിഫലനമാണ് നാം ഇന്ന് കാണുന്നത്. ഡോക്ട ര്‍മാരുടെ കുടുംബത്തില്‍ പുതിയ ഡോക്ടര്‍മാരുണ്ടാ കുന്നു. എഞ്ചിനിയര്‍മാര്‍ അവരുടെ പുതുതലമുറയെ സൃഷ്ടിക്കുന്നു. എന്നാല്‍ കര്‍ഷകഭവനങ്ങളില്‍ പുതിയ കര്‍ഷകര്‍ ജനിക്കുന്നില്ല.കൃഷിക്കാരുടെ മക്കള്‍ പുതിയ തൊഴില്‍ മേഖലയിലേയ്ക്ക് ചുവടു മാറ്റുന്നു എന്ന സത്യം നാം മനസ്സിലാക്കണം. എവിടെയാണ് കൃഷിക്കാരന് പരാജയം സംഭവിക്കുന്നത് എന്ന് കൃത്യമായി വിലയിരു ത്തണം. ഏറ്റവും കൂടുതല്‍ ജനങ്ങള്‍ക്ക് തൊഴില വസരങ്ങള്‍ ലഭ്യമാ ക്കിക്കൊണ്ടിരിക്കുന്നതും എന്നാല്‍ ആധുനികമായ അറിവുകളും കണ്ടെത്തലുകളും ഏറ്റവും കുറച്ചുമാത്രം ലഭ്യമാകുന്നതുമായ തൊഴി ല്‍മേഖലയാണ് കാര്‍ഷിക മേഖല.കേരളത്തിലെ കൃഷിക്കാ രുടെ ശരാശരി പ്രായം ഇന്ന് 55 വയസ്സിന് മുകളിലാണ്. യുവാക്കള്‍ കൃഷിയിലേക്ക് കടന്നുവരുന്നില്ലാ എന്ന കാര്യം ഇതില്‍നിന്നും നമുക്ക് മനസ്സിലാക്കാം. വ്യക്തമായി പറഞ്ഞാല്‍ യുവാക്കളെ ആകര്‍ഷിക്കാന്‍ പോന്ന ഒന്നും കാര്‍ഷിക തൊഴില്‍മേഖലയില്‍ നിന്ന് ലഭ്യമാകുന്നില്ല എന്ന തോന്നല്‍ അവരുടെ ഇടയില്‍ വ്യാപകമാണ്. എല്ലാ യുവാക്കളും കൃഷിക്കാരാക ണമെന്ന് ഇതിന് അര്‍ത്ഥമില്ല. മറിച്ച് കൃഷി ചെയ്യുന്നവര്‍ക്ക് ഇവിടെ മാന്യമായി ജീവിക്കാന്‍ കഴിയണം.കാര്‍ഷികമേഖല ആധുനികവും ആകര്‍ഷകവും ആകണമെങ്കില്‍ പുതിയ അറിവുകളും സാങ്കേതിക വിദ്യകളും കൃഷിയിടങ്ങളില്‍ എത്തണം. ഉല്‍പാദനം വര്‍ദ്ധിപ്പിക്കാതെ കൃഷി ലാഭകരമാകുകയില്ല. കാര്‍ഷിക യന്ത്രവല്‍ക്കരണം, മണ്ണുസംരക്ഷണവും മണ്ണ് പരിശോധനയും, ജലസേചനം, കൃഷിയിടങ്ങളു ടെ വൈവിധ്യവല്‍ക്കരണം, മൂല്യവര്‍ദ്ധിത കാര്‍ഷിക ഉല്‍പന്നങ്ങളുടെ നിര്‍മ്മാണം, പുത്തന്‍ കാര്‍ഷിക വിപണന തന്ത്രങ്ങള്‍, ഫാം ടൂറിസം എന്നിവ ഉപയോഗ പ്പെടുത്തിക്കൊണ്ടുള്ള ആധുനികവല്‍ക്കരണമാണ് ഇനി കൃഷിയിടങ്ങളില്‍ ആവശ്യം.ദീര്‍ഘവീക്ഷണത്തോടെ അടുത്ത ഇരുപതു വര്‍ഷത്തെ ആവശ്യങ്ങള്‍ മുന്നില്‍ കണ്ടുകൊണ്ടുള്ള ഒരു വികസന നയമാണ് കാര്‍ഷിക മേഖലയുടെ ശോഭനമായ നിലനില്‍പ്പിന് അത്യന്താപേക്ഷിതം.
ബക്കറ്റ് കണികാ ജലസേചനം
ജോണി പാറ്റാനി കണികാ ജലസേചനത്തിന്‍റെ ഒരു ചെറുപതിപ്പാണ് ബക്കറ്റ് ഉപയോഗിച്ചുകൊണ്ടുള്ള കണികാ ജലസേചന സംവിധാനം. ഇത് വളരെ ചെലവ് കുറഞ്ഞതും വളരെ വേഗത്തില്‍ പ്രവര്‍ത്തിപ്പിക്കാവുന്നതുമാണ്. പ്രധാനമായും ഇതിന് ആവശ്യമുള്ളത് ഒരു ബക്കറ്റ്/ഡ്രം, ഡ്രിപ്പ് ടേപ്പ് എന്നിവയാണ്. ബക്കറ്റ് ഇവിടെ സംഭരണിയായി പ്രവര്‍ത്തിക്കുന്നു. ജലത്തിലുള്ള മാലിന്യങ്ങളെ നീക്കം ചെയ്യാനുള്ള അരിപ്പയ്ക്ക് പകരം ഈ സംവിധാനത്തില്‍ ബക്കറ്റിന് മുകളില്‍ ഒരു കോട്ടണ്‍ തുണി കെട്ടിക്കൊടുത്താല്‍ മതി. ഇത്തരത്തിലുള്ള കണികാജലസേചന സംവിധാനം ഉപയോഗിക്കുന്നതുവഴി ഏകദേശം 60 ശതമാനത്തോളം ജലം ലാഭിക്കുവാന്‍ കഴിയും. ജലസേചനത്തിനുള്ള കൂലിച്ചെലവ് കുറയ്ക്കുവാനും കളകളെ ഫലപ്രദമായി നിയന്ത്രിക്കുവാനും ഈ സംവിധാനത്തിലൂടെ സാധ്യമാകുന്നു. വേനല്‍ക്കാലത്തും പൂച്ചെടികള്‍ നനയ്ക്കാന്‍ ഈ മാര്‍ഗ്ഗം അവലംബിക്കാം.ജലസേചന സംവിധാനങ്ങള്‍ക്ക് വേണ്ട മൂന്ന് പ്രധാന ഭാഗങ്ങളാണ് 1) ജലസ്രോതസ്, 2) മര്‍ദ്ദനിയന്ത്രണ സംവിധാനം, 3) ജലനിര്‍ഗ്ഗമന പാതകള്‍ബക്കറ്റ് കണികാ ജലസേചനമാര്‍ഗത്തില്‍ ബക്കറ്റ് ജലസ്രോതസ്സായി പ്രവര്‍ത്തിക്കുന്നു. ഗുരുത്വാകര്‍ഷണ ബലമാണ് ഇവിടെ മര്‍ദ്ദത്തെ നിയന്ത്രിക്കുന്നത്. ജലനിര്‍ഗ്ഗമന പാതകള്‍ ഡ്രിപ്പ് ടേപ്പുകളാണ്. ബക്കറ്റ് കണികാ ജലസേചനകിറ്റില്‍ 16 മില്ലി മീറ്റര്‍ വ്യാസമുള്ള 30 മീറ്റര്‍ ഡ്രിപ്പ് ടേപ്പും, ഡ്രം കണിക ജലസേചന കിറ്റാണെങ്കില്‍ 16 മില്ലി മീറ്റര്‍ വ്യാസമുള്ള 100 മീറ്റര്‍ ഡ്രിപ്പ് ടേപ്പുമാണ് നല്‍കുന്നത്. ബക്കറ്റോ, ഡ്രമ്മോ കിറ്റില്‍ ഉള്‍പ്പെടുത്തിയിട്ടില്ല. 20 ലിറ്റര്‍ ബക്കറ്റാണ് സാധാരണയായി ഉപയോഗിക്കുന്നത്. ഇത് തറനിരപ്പില്‍ നിന്നും ഏകദേശം 1 മീറ്റര്‍ ഉയരത്തില്‍ സ്ഥാപിക്കേണ്ടതാണ്. ബക്കറ്റില്‍ നിന്നും വരുന്ന ഡ്രിപ്പ് ടേപ്പില്‍ ഒടിവുകള്‍ ഉണ്ടാകുവാന്‍ പാടുള്ളതല്ല. ടേപ്പുകള്‍ മണ്ണിനടിയില്‍ കൂടി കൊടുക്കുകയാണെങ്കില്‍ ബാഷ്പീകരണം ഒഴിവാക്കി കൂടുതല്‍ ജലത്തെ സംരക്ഷിക്കാം. ഡ്രിപ്പ് ടേപ്പുകള്‍ മണ്ണിനുമുകളില്‍ കൂടിയും കൊടുക്കാവുന്നതാണ്.തൈചെടികള്‍ നടുന്നതിന് മുമ്പായി നടുന്നതിന് നിശ്ചയിച്ചിരിക്കുന്ന സ്ഥലം നനയ്ക്കേണ്ടതാണ്. അതിനുശേഷം നനവ് നിലനില്‍ക്കുന്നതുനോക്കി തൈ ചെടികള്‍ നടുകയാണെങ്കില്‍ തൈകള്‍ക്ക് കൂടുതല്‍ ജലത്തെ വലിച്ചെടുക്കുവാന്‍ സാധിക്കും. ബക്കറ്റ് രാവിലെയും വൈകീട്ടും ഓരോ പ്രാവശ്യം നനയ്ക്കുമ്പോള്‍ ഏകദേശം 40 ലിറ്ററോളം ജലം അതിലൂടെ വിവിധ ചെടികള്‍ക്ക് ലഭിക്കുന്നു. ശരിയായ ജലത്തിന്‍റെ ഉപയോഗം ഓരോ സ്ഥലത്തിലേയും മണ്ണിനേയും ഊഷ്മാവിനേയും അനുസരിച്ചിരിക്കും.രണ്ട് അടി അകലത്തില്‍ നില്‍ക്കുന്ന തക്കാളി കൃഷിക്കുവേണ്ടി ഇത് കൃഷിക്കാര്‍ ഉപയോഗിക്കുന്നുണ്ട്. ഇതില്‍ 50 ചെടിയില്‍ നിന്നും 300 കിലോ വരെ ഉത്പാദനം ലഭിക്കുന്നു. സ്ത്രീകള്‍ക്ക് തന്നെ പ്രവര്‍ത്തിപ്പിക്കാവുന്ന ഈ കിറ്റ് ഉപയോഗിച്ച് വീട്ടമ്മമാര്‍ക്ക് സ്വയം അടുക്കളത്തോട്ടങ്ങള്‍ നനയ്ക്കാവുന്നതാണ്. ഇത് സ്വന്തമായി അവരെ കൂടുതല്‍ കൃഷിചെയ്യാന്‍ പ്രാപ്തരാക്കുന്നു. ഇതുവഴി അവര്‍ക്ക് ഒരു അധികവരുമാനമാര്‍ഗ്ഗം ലഭിക്കുന്നു. ഇത് ചെറുകിട കര്‍ഷകര്‍ക്കും വളരെ അനുയോജ്യമായ ഒരു സാങ്കേതിക വിദ്യയാണ്. നിരപ്പായ സ്ഥലത്താണ് ഇത് ചെയ്യുന്നതെങ്കില്‍ ചെടികള്‍ക്കെല്ലാം ജലം തുല്യ അളവില്‍ ലഭിക്കുന്നു.ജെയിന്‍ ഇറിഗേഷന്‍ കമ്പനി ഈ സംവിധാനം വികസിപ്പിച്ചെടുത്ത് കൃഷിക്കാര്‍ക്കും വീട്ടമ്മമാര്‍ക്കും എത്തിച്ചുകൊടുക്കുന്നു. ഇത് ചെറുകിട കര്‍ഷകര്‍ക്കും അടുക്കളതോട്ടമുള്ള വീട്ടമ്മമാര്‍ക്കും മട്ടുപ്പാവ് കൃഷി നടത്തുന്നവര്‍ക്കും വളരെ ഉപകാരപ്രദമാണ്.
ആടുകളുടെ തീറ്റക്രമം
ഡോ. പി.കെ.മുഹ്സിന്‍ പാവപ്പെട്ടവന്‍റെ പശു എന്ന അപരനാമധേയത്തിലാണ് ആട് അറിയപ്പെടുന്നത്. പാലിനും ഇറച്ചിയ്ക്കും പുറമെ തുകല്‍, രോമം, ജൈവവളം എന്നിവയും ആടുകളില്‍ നിന്നും ലഭിക്കുന്നു. ആട്ടിറച്ചിയുടെ വില ദിനംപ്രതി കൂടിക്കൊണ്ടിരിക്കുകയാണ്. നല്ല ജനുസ്സില്‍പ്പെട്ട ഒരാടിന് നിശ്ചിത അളവ് തീറ്റയില്‍നിന്നും ഒരു പശു ഉല്‍പാദിപ്പിക്കുന്ന പാലിന്‍റെ അളവിനേക്കാള്‍ പാല്‍ ഉല്‍പാദിപ്പിക്കുവാന്‍ കഴിവുണ്ട്. പലതരത്തിലുള്ള സസ്യവസ്തുക്കളെ പോഷകമേന്മയേറിയ ആഹാരപദാര്‍ത്ഥങ്ങളായി മാറ്റാനും ആടുകള്‍ക്ക് മറ്റ് മൃഗങ്ങളേക്കാള്‍ കൂടുതല്‍ കഴിവുണ്ട്. സസ്യങ്ങളുടെ ഇലകള്‍ തൊട്ട് മരത്തിന്‍റെ പുറംതോട് വരെ ഇവ തീറ്റയായി ഉപയോഗിക്കുന്നു. താരതമ്യേന കുറഞ്ഞ അളവില്‍ ജലാംശം അടങ്ങിയ പച്ചിലത്തീറ്റയാണ് ജലാംശമുള്ള പരുഷാഹാരങ്ങളേക്കാള്‍ ആടുകള്‍ക്ക് കൂടുതല്‍ ഇഷ്ടം. മൊത്തം തീറ്റയുടെ എണ്‍പത് ശതമാനത്തിലധികവും ഇത്തരം തീറ്റയാണ്.ആടുകള്‍ക്ക് സാധാരണ കൊടുക്കുന്ന തീറ്റകളെ സാന്ദ്രിതാഹാരങ്ങള്‍ എന്നും പരുഷാഹാരങ്ങള്‍ എന്നും രണ്ടായി തരംതിരിക്കാം. വിവിധതരം പിണ്ണാക്കുകള്‍, ധാന്യങ്ങള്‍, ധാന്യ ഉല്‍പന്നങ്ങള്‍, പയറുവര്‍ഗങ്ങള്‍, അവയുടെ ഉല്‍പന്നങ്ങള്‍ എന്നിവ സാന്ദ്രിതാഹാര ഇനത്തില്‍ പെടുന്നു. ഇവയില്‍ പിണ്ണാക്കുകള്‍, പയറുവര്‍ഗങ്ങള്‍ എന്നിവ മാംസ്യ പ്രധാനവും ധാന്യങ്ങള്‍ അവയുടെ ഉല്‍പന്നങ്ങള്‍ എന്നിവ ഊര്‍ജപ്രധാനവുമായ ഇനങ്ങളാണ്. വിവിധ ഇനം പുല്ലുകള്‍, പയറുവര്‍ഗ ചെടികള്‍, പച്ചിലതീറ്റകള്‍ വൃക്ഷ ഇലകള്‍ എന്നിവ സരസ പരുഷാഹാരങ്ങളും, ഉണക്കപുല്ല്, വൈക്കോല്‍ എന്നിവ ശുഷ്ക പരുഷാഹാരങ്ങളാണ്.ആടുകള്‍ക്ക് ദിനംപ്രതി കൊടുക്കുന്ന ആഹാരത്തിന്‍റെ അളവ് അവയുടെ ശരീരഭാരം, ശാരീരികാവസ്ഥ, ഉല്‍പാദനശേഷി എന്നിവയെ ആശ്രയിച്ചിരിക്കുന്നു. സാധാരണയായി ഇവ ശരീരഭാരത്തിന്‍റെ മൂന്ന് മുതല്‍ എട്ട് ശതമാനം വരെ ഭക്ഷണം കഴിക്കുന്നു. ഏകദേശം മുപ്പത് കിലോഗ്രാമോളം തൂക്കം വരുന്ന ഒരാടിന് സംരക്ഷണാവശ്യത്തിനായി നാല് കിലോഗ്രാമോളം പച്ചപ്പുല്ലോ മൂന്ന് കിലോഗ്രാം വൃക്ഷ ഇലകളോ മതിയാവും. പുല്ലുകള്‍, പയറുവര്‍ഗ്ഗചെടി, പച്ചിലതീറ്റകള്‍, പാഴ്ചെടികള്‍, പ്ലാവ്, കൈനി, വാഴയില തുടങ്ങിയവ പരുഷാഹാരമായി ഉപയോഗിക്കാം.വൃക്ഷ ഇലകളില്‍ പൊതുവെ മാംസ്യവും കാല്‍സ്യവും മെച്ചപ്പെട്ട അളവില്‍ അടങ്ങിയിരിക്കുന്നു. പക്ഷേ ഫോസ്ഫറസ് വൃക്ഷ ഇലകളില്‍ കുറവാണ്. പച്ചിലതീറ്റയുടെ പോഷകഗുണവും ലഭ്യതയും മോശമാണെങ്കില്‍ സംരക്ഷണാവശ്യത്തിനായി മുന്നൂറ് ഗ്രാംവരെ സാന്ദ്രിതാഹാരം വളര്‍ച്ചയെത്തിയ ആടുകള്‍ക്ക് നല്‍കണം. പച്ചിലതീറ്റ വേണ്ടത്ര കൊടുക്കുന്നുണ്ടെങ്കിലും കറവയാടുകള്‍ക്കും മുട്ടനാടുകള്‍ക്കും ആട്ടിന്‍കുട്ടികള്‍ക്കും സാന്ദ്രിതാഹാരവും നല്‍കേണ്ടതാകുന്നു. താഴെ കൊടുക്കുന്ന ഘടകങ്ങള്‍ ചേര്‍ത്ത് ആടുകള്‍ക്കാവശ്യമായ ഒരു സാന്ദ്രിതാഹാരം ഉണ്ടാക്കാം.നിലക്കടല പിണ്ണാക്ക് 25%, തേങ്ങാപിണ്ണാക്ക് 10%, അരിത്തവിട് 27%, ചോളം പൊടിച്ചത് 15%, മുതിര 10%, കപ്പപ്പൊടി 10%, ധാതുമിശ്രിതം 2%, കറിയുപ്പ് 1%മുകളില്‍ പറഞ്ഞ തീറ്റകള്‍ക്ക് പുറമെ റബ്ബര്‍കുരു പിണ്ണാക്ക്, പഞ്ഞിക്കുരു, പുളിങ്കുരു, ഉണക്കിയ കപ്പയില എന്നിവയും ചെറിയ തോതില്‍ സന്ദ്രിതാഹാരം മിശ്രിതത്തില്‍ ചേര്‍ക്കാം. കന്നുകാലികള്‍ക്ക് കൊടുക്കുന്ന വിവിധ കാലിത്തീറ്റകളും ആടിന് നല്‍കാവുന്നതാണ്. പാലുല്‍പാദനത്തിനായി ഒരു കിലോഗ്രാം പാലുല്‍പാദനത്തിന് 400 ഗ്രാം തീറ്റ എന്ന കണക്കിന് കൂടുതലായി കൊടുക്കാം.ഗര്‍ഭമുള്ള ആടുകള്‍ക്ക് അവസാനത്തെ രണ്ട് മാസങ്ങളല്‍ സംരക്ഷണത്തിന് പുറമെ 100 മുതല്‍ 200 ഗ്രാം വരെ തീറ്റ മിശ്രിതം കൂടുതല്‍ കൊടുക്കാം. മുട്ടനാടുകള്‍ക്കാകട്ടെ നല്ല പച്ചിലത്തീറ്റക്ക് പുറമെ 200 മുതല്‍ 300 ഗ്രാം വരെ സന്ദ്രിതാഹാരം നല്‍കണം. പൊതുവെ ആടുകള്‍ക്ക് തീറ്റയുടെ മൂന്നില്‍ രണ്ട് ഭാഗം പരുഷാഹാരവും ഒരു ഭാഗം സാന്ദ്രിതാഹാരവും കൊടുക്കുകയാണ് നല്ലത്.ആടുകള്‍ക്ക് വെള്ളത്തിന്‍റെ ആവശ്യകത താരതമ്യേന കുറവാണ്. ദിനംപ്രതി 1 മുതല്‍ 5 ലിറ്റര്‍ വെള്ളം ആവശ്യമാണ്. കറവയുള്ളപ്പോള്‍ ഒരു ലിറ്റര്‍ പാല്‍ ഉല്‍പാദിപ്പിക്കുവാന്‍ മൂന്ന് ലിറ്റര്‍ വെള്ളം കൂടുതല്‍ കൊടുക്കണം. ഗര്‍ഭിണികള്‍ക്കും ഒരു ലിറ്റര്‍ വെള്ളം അധികം വേണം.
തേനീച്ചകളേയും തേനിനേയും സ്നേഹിക്കുന്ന ഫിലിപ്പച്ചന്‍
അനില്‍ ജേക്കബ് കീച്ചേരിയില്‍ തേനീച്ചകളേയും തേനിനേയും സ്നേഹിച്ച് ജീവിതം മധുരതരമാക്കിയ കഥ. സ്വന്തം ജീവിതകഥ മാത്രമല്ലിത്. നൂറുകണക്കിനുപേര്‍ക്ക് ഉപജീവനമാര്‍ഗ്ഗമൊരുക്കിയും കുമളി വട്ടതൊട്ടിയില്‍ ഫിലിപ് മാത്യു എന്ന ഫിലിപ്പച്ചന്‍ പലരുടെ വഴികാട്ടിയായി. ദേശീയതലത്തില്‍വരെ ശ്രദ്ധിക്കപ്പെട്ട ഫിലിപ്പച്ചന്‍റെ കഥ ഇനി അറിയാത്തവര്‍ കൃഷിയെ സ്നേഹിക്കുന്നവരില്‍ കുറവായിരിക്കും. അത്രമാത്രം മാധ്യമശ്രദ്ധയും കര്‍ഷക ശ്രദ്ധയും നേടിയാണ് ഫിലിപ്പച്ചന്‍ തേനീച്ചകളുടെ തോഴനായത്. എന്നാല്‍ കുമളിയില്‍ ആര്‍ക്കും വട്ടത്തൊട്ടിയില്‍ ഫിലിപ്പ് മാത്യുവിനെ അറിഞ്ഞെന്നുവരില്ല. എന്നാല്‍ തേനീച്ച ഫിലിപ്പിനെ അറിയാം. 1993ല്‍ കുമളിയിലേക്ക് കുടിയേറി ഫിലിപ്പച്ചന്‍ ഇന്ന് കേരളത്തിലെ ഏറ്റവും മികച്ച തേന്‍ ഉല്പാദകരില്‍ ഒരാളാണ്. കേരളത്തിലങ്ങോളമിങ്ങോളമുള്ള തേന്‍ കൂടുകള്‍ സ്ഥാപിച്ച ഇദ്ദേഹത്തിന് പ്രതിവര്‍ഷം 20000 ലിറ്ററിലധികം തേന്‍ വിപണിയിലെത്തിക്കാന്‍ കഴിയുന്നു. ഫിലിപ്പ്സ് നാച്വറല്‍ ഹണി ബീ ഫാമില്‍ നിന്നുള്ള തേനിന് സ്വദേശത്തും വിദേശത്തും ആവശ്യക്കാര്‍ ഏറെയാണ്. പല വിദേശികളും ഫിലിപ്പിന്‍റെ തേന്‍ഫാമുകളില്‍ നേരിട്ട് സന്ദര്‍ശനം നടത്തി തേന്‍ ആവശ്യപ്പെടുന്ന സന്ദര്‍ഭം വരെ ഉണ്ടായി. ഫിലിപ്പിന്‍റെ പുരയിടത്തിലും പരിസരത്തുമായി 200ലധികം പെട്ടികള്‍ ഉണ്ട്. ഇതിനുപുറമെ 100ലധികം ചെറുതേനീച്ച കൂടുകളുമുണ്ട്. ചെറുതേനിന് ഔഷധഗുണവും അതനുസരിച്ച് വിലയും വളരെ കൂടുതലാണ്. കിലോക്ക് 1000 രൂപയിലധികം വരും. ഒരു വന്‍ തേനീച്ചയുടെ കൂടില്‍ നിന്ന് പ്രതിവര്‍ഷം ശരാശരി 20 കിലോഗ്രാമും ചെറുതേനീച്ചയുടെ കൂടില്‍ നിന്ന് ശരാശരി 750 ഗ്രാം തേനും കിട്ടും. ആവശ്യക്കാര്‍ക്ക് കൂടുകള്‍ അതത് സ്ഥലത്ത് എത്തിച്ചു സ്ഥാപിച്ചുകൊടുക്കും. കൂടാതെ തേനീച്ച വളര്‍ത്തലിനാവശ്യമായ ഉപകരണങ്ങളും ഉപദേശങ്ങളും നല്‍കുന്നു. തേനീച്ച വളര്‍ത്തലിന് താല്പര്യമുള്ളവരുടെ സംഘങ്ങള്‍ക്ക് ക്ലാസ്സുകള്‍ നല്‍കാനും ഫിലിപ്പ് സമയം കണ്ടെത്തുന്നു. പത്താം വയസ്സുമുതല്‍ പിതാവ് വട്ടംതൊട്ടിയില്‍ മാത്യുവില്‍ നിന്ന് കിട്ടിയ പാഠങ്ങള്‍ പ്രായോഗികാനുഭവത്തിലൂടെയും നിരീക്ഷണത്തിലൂടെയും വികസിപ്പിച്ചാണ് ഫിലിപ്പ് തേനീച്ചകളുടെ ലോകത്ത് എത്തിയത്. ഈ ജീവിതമാണ് ഈ വര്‍ഷത്തെ മികച്ച തേനീച്ച കര്‍ഷകനുള്ള ദേശീയ അവാര്‍ഡിന് ഫിലിപ്പച്ചനെ പ്രാപ്തനാക്കിയത്. കേരളത്തിലും തമിഴ്നാട്ടിലും കര്‍ണാടകത്തിലും ആന്ധ്രയിലും ഒരു സീസണില്‍ 40000 തേനീച്ചപ്പെട്ടികളുടെ വിതരണമാണ് നടക്കുന്നത്. ഇതിനൊക്കെ പിന്നില്‍ ശമ്പളമില്ലാതെ ജോലിചെയ്യുന്ന കോടിക്കണക്കിന് തേനീച്ച തൊഴിലാളികളുണ്ട്. അവ ഓരോ സീസണിലും ശേഖരിച്ച് നല്‍കുന്ന തേനില്‍ നിന്നും ലക്ഷങ്ങളുടെ വരുമാനമാണ് ഫിലിപ്പച്ചനെ വേറിട്ട വ്യക്തിത്വമാക്കുന്നത്. ഫിലിപ്പ്സ് നാച്വറല്‍ ഹണി എന്നാണ് ഫിലിപ്പച്ചന്‍റെ സംരംഭത്തിന്‍റെ പേര്. ഹൈറേഞ്ചിലെ വനഭൂമിയിലെയും കൃഷിയിടങ്ങളിലെയും വ്യത്യസ്ത ഇനം പൂക്കളുടെ മധുവടങ്ങിയതിനാല്‍ ഔഷധഗുണമേറിയ ഫിലിപ്പ്സ് ഹണിക്ക് ആവശ്യക്കാര്‍ ഏറെയാണ്. പ്രകൃതിക്ക് ദോഷമുണ്ടാക്കാതെ മലയോരങ്ങളിലെ ജൈവവൈവിധ്യസമ്പത്ത് പ്രയോജനപ്പെടുത്തുന്നതെങ്ങനെയെന്ന് ഫിലിപ്പച്ചന്‍ കാണിച്ചുതരുന്നു.2013-ലെ ശ്രീചിത്തിര തിരുനാള്‍ സ്മാരക കര്‍ഷകരത്ന അവാര്‍ഡ്, മലയാളം ഡോട്ട്കോം മലയാളശ്രീ അവാര്‍ഡ് എന്നിങ്ങനെ നിരവധി അവാര്‍ഡുകള്‍ ഫിലിപ്പച്ചനെ തേടിയെത്തിയിട്ടുണ്ട്. ഭാര്യ ജെയ്മോള്‍, മക്കളായ മിഥു, നീതു, ബോണിമോന്‍ എന്നിവരും ഫിലിപ്പച്ചന്‍റെ സഹായികളായി തേനീച്ചകളെ പരിചരിക്കുന്നുണ്ട്.ഫോണ്‍ :9961462885, 9744413142
വെളിച്ചെണ്ണയെന്ന മൃതസഞ്ജീവനി
കെ.എം. സുനില്‍ ഞാന്‍ ഷേവ് ചെയ്തശേഷം ആഫ്റ്റര്‍ ഷേവ് ലോഷനായി ഉപയോഗിക്കുന്നത് വെളിച്ചെണ്ണയാണ്. എന്‍റെ കുഞ്ഞുനാളില്‍ അമ്മ, ഞങ്ങള്‍ മക്കളുടെ ശരീരത്തില്‍ വെന്ത വെളിച്ചെണ്ണയാണ് തേച്ചു കുളിപ്പിച്ചിരുന്നത്. ഞങ്ങള്‍ ധാരാളംവെളിച്ചെണ്ണ നേരിട്ട് ഉള്ളില്‍ കഴിച്ചിട്ടുമുണ്ട്. വെളിച്ചെണ്ണയില്‍ പാചകം ചെയ്ത ഭക്ഷണത്തിന്‍റെ സ്വാദ് നാവില്‍ നിന്നും മായില്ല… ബഹുമാനപ്പെട്ട മുന്‍ കേരള കൃഷിവകുപ്പ് മന്ത്രി ശ്രീ. കെ.പി.മോഹനന്‍ ഒരു ചടങ്ങില്‍ അഭിമാനത്തോടെ പറഞ്ഞ വാചകങ്ങളാണിത്. വെളിച്ചെണ്ണയിലെ കൊളസ്ട്രോളിനേയും മറ്റ് ഘടകങ്ങളേയും കുറിച്ച് അസത്യങ്ങള്‍ മാത്രം വിളമ്പുന്ന പാം ഓയില്‍ ഇറക്കുമതി മാഫിയയുടെയും ബ്രാന്‍ഡഡ് പാം ഓയില്‍ ഉത്പാദകരുടെയും മറ്റു സസ്യ എണ്ണ ഉത്പാദകരുടെയും ദിവസേനയുള്ള പ്രചരണങ്ങള്‍ക്കിടയിലാണ് ഈ പ്രഖ്യാപനം കുളിര്‍തെന്നല്‍പോലെ കേരത്തേയും വെളിച്ചെണ്ണയേയും സ്നേഹിക്കുന്നവരുടെ മുന്നിലേക്കെത്തുന്നത്. ഇത് കേവലം ഒരാളുടെയോ ചിലരുടെ മാത്രമോ വാക്കുകളല്ല. മറിച്ച് ജനനം മുതല്‍ കേരളീയരില്‍ ബഹുഭൂരിപക്ഷവും അമ്മയുടെ മുലപ്പാല്‍പോലെ അമൃത തുല്യമായി സ്നേഹിക്കുന്നതും സേവിക്കുന്നതുമാണ് വെളിച്ചെണ്ണ. ഭക്ഷണത്തില്‍ നിരന്തരം വെളിച്ചെണ്ണ ഉള്‍പ്പെടുത്തുന്നവര്‍ക്ക് ഹൃദ്രോഗം, കാന്‍സര്‍ ഇവ വരാനുള്ള സാധ്യത തുലോം കുറവാണെന്ന് ശാസ്ത്രീയ പഠനങ്ങള്‍ തെളിയിക്കുന്നു. ഗര്‍ഭിണികളുടെ ആരോഗ്യസംരക്ഷണത്തിനും ഗര്‍ഭസ്ഥ ശിശുവിന്‍റെ വളര്‍ച്ചയ്ക്കും അലോപ്പതി ഡോക്ടര്‍മാര്‍ പോലും ഇളനീര്‍ നിര്‍ദ്ദേശിക്കുന്നുണ്ട്. ഇത് പ്രകൃതിദത്തമായ ഏറ്റവും പോഷകഗുണമുള്ള പാനീയമാണ്. വയറിളക്ക രോഗമുള്ളവര്‍ക്ക് ഇളനീര്‍ കൊടുത്താല്‍ ശരീരത്തില്‍ നിന്നുമുള്ള ലവണനഷ്ടം നികത്താനാവും. കോളറ, ചിക്കന്‍ പോക്സ് രോഗികള്‍ക്ക് ഇത് കണ്‍കണ്ട ഔഷധമാണ്.തേങ്ങയും വെളിച്ചെണ്ണയും സ്ഥിരമായുപയോഗിച്ചുകൊണ്ടിരുന്ന പഴയ തലമുറയില്‍ ഹൃദ്രോഗം വളരെ കുറവായിരുന്നു. എന്നാലിന്ന് സ്ഥിതി മാറി. ഫാസ്റ്റ് ഫുഡിന്‍റേയും നിറം ചേര്‍ത്ത പാനീയങ്ങളുടെയും പിന്നാലെ പായുന്ന പുതിയ തലമുറ ഹൃദ്രോഗത്തിന് അടിമകളാവുന്നു. വെളിച്ചെണ്ണ രക്തത്തിലെ നല്ല കൊളസ്ട്രോളിനെ സംരക്ഷിക്കുകയും ചീത്ത കൊളസ്ട്രോളിനെ കുറയ്ക്കുകയും ചെയ്യും.വെളിച്ചെണ്ണ ചേര്‍ത്ത് പാകം ചെയ്യുന്ന ആഹാരത്തില്‍ നിന്നും എല്ലുകളുടെ വളര്‍ച്ചയ്ക്കാവശ്യമായ ധാതുക്കളെ എളുപ്പത്തില്‍ ആഗിരണം ചെയ്യാനാകും. പണ്ടുകാലത്തെ ജനങ്ങള്‍ ശരീരത്തില്‍ വെളിച്ചെണ്ണ തേച്ചുപിടിപ്പിച്ച് ഇളംവെയില്‍ കൊള്ളുന്ന പതിവുണ്ടായിരുന്നു. ഇത് സൂര്യപ്രകാശത്തില്‍ നിന്നും വിറ്റമിന്‍ ഡി ആഗിരണം ചെയ്യുന്നത് വേഗത്തിലാക്കുമെന്ന് അവര്‍ക്കറിയാമായിരുന്നു. എണ്ണ തേച്ചുകുളി തലയ്ക്കും മുടിയ്ക്കും ഒരുപോലെ ഗുണം പകരുന്നതാണ്. സ്ഥിരമായി വെളിച്ചെണ്ണ തേച്ചുകുളിക്കുന്നവര്‍ക്ക് മുടികൊഴിച്ചില്‍, അകാലനര, മുടിപൊട്ടിപോകല്‍, മുടിക്കായ, താരന്‍ തുടങ്ങിയ ശിരോരോഗങ്ങളുണ്ടാവുന്നില്ല.വെര്‍ജിന്‍ വെളിച്ചെണ്ണയാകട്ടെ നിരവധി ഗുണങ്ങളടങ്ങിയ, പ്രകൃതിയുടെ ദിവ്യ ഔഷധമാണ്. പച്ചത്തേങ്ങയില്‍ നിന്നും നേരിട്ടുല്‍പാദിപ്പിക്കുന്നതിനാല്‍ പ്രകൃത്യാ തേങ്ങയിലുള്ള ഘടകങ്ങളൊന്നും നഷ്ടപ്പെടുന്നില്ല. നിരന്തരമായി വെര്‍ജിന്‍ വെളിച്ചെണ്ണ ഉപയോഗിക്കുന്നത് ജരാനരയില്‍ നിന്നും മോചനം നല്‍കും. വിവിധ രോഗകാരികളായ സൂക്ഷ്മാണുക്കളെ തടയുകയും ചെയ്യും. ശിശുക്കളെ തേച്ചുകുളിപ്പിക്കാന്‍ വെര്‍ജിന്‍ വെളിച്ചെണ്ണ ഉപയോഗിക്കുന്നത് അവരുടെ ചര്‍മ്മത്തിന് മൃദുത്വവും കാന്തിയും നല്‍കും.മലയാളക്കരയാകെ മരതകപ്പട്ടുടുപ്പിച്ച് പ്രകൃതിയുടെ വരദാനമായ നിധികുംഭങ്ങളും പേറി നില്‍ക്കുന്ന കേരത്തെ സംരക്ഷിക്കുകവഴി നമുക്ക് പ്രകൃതി കനിഞ്ഞു നല്‍കിയിട്ടുള്ള ആരോഗ്യസംരക്ഷണം ഉറപ്പാക്കുകയാണ് നാം ചെയ്യുന്നത്. ഉയര്‍ന്ന വില നല്‍കി പച്ചത്തേങ്ങ സര്‍ക്കാര്‍ നേരിട്ട് സംഭരിച്ച് അതുകൊണ്ടുണ്ടാക്കുന്ന ഉത്പന്നങ്ങള്‍ ന്യായവിലയ്ക്ക് ജനങ്ങള്‍ക്ക് നല്‍കുന്നത് തെങ്ങുകൃഷിയേയും കര്‍ഷകരേയും ഈ മേഖലയില്‍ നിലനിര്‍ത്താനും പ്രോത്സാഹിപ്പിക്കാനും ഗുണകരമായിട്ടുണ്ട്.
ഇഞ്ചിയിലെ ജൈവ-കീട-രോഗ നിയന്ത്രണ മാര്‍ഗങ്ങള്‍
പുകയിലക്കഷായംഅര കിലോഗ്രാം പുകയിലയോ, പുകയില ഞെട്ടോ ചെറുതായി അരിഞ്ഞ് നാലര ലിറ്റര്‍ വെള്ളത്തില്‍ മുക്കി ഒരു ദിവസം വയ്ക്കുക. വെള്ളത്തില്‍ മുക്കിവച്ച പുകയില കഷണങ്ങള്‍ പിഴിഞ്ഞ് പുകയിലച്ചണ്ടി മാറ്റുക. 120 ഗ്രാം ബാര്‍ സോപ്പ് അര ലിറ്റര്‍ വെള്ളത്തില്‍ ചെറുതായരിഞ്ഞ് ലയിപ്പിച്ചെടുത്ത ലായനി പുകയിലച്ചാറുമായി ചേര്‍ത്ത് നന്നായി ഇളക്കുക. ഈ മിശ്രിതം 6-7 ഇരട്ടി വെള്ളം ചേര്‍ത്ത് തളിച്ചാല്‍ മൃദുല ശരീരികളായ കീടങ്ങളെ നിയന്ത്രിക്കാം.വേപ്പിന്‍കുരു മിശ്രിതം10 ഗ്രാം വേപ്പിന്‍കുരു നന്നായി അരച്ചോ, പൊടിച്ചോ തുണിക്കിഴിയില്‍ കെട്ടി 12 മണിക്കൂര്‍ നേരം ഒരു ലിറ്റര്‍ വെള്ളത്തില്‍ മുക്കിവയ്ക്കുക. കുരുവിന്‍റെ സത്ത് നന്നായി ഊറി ഇറങ്ങത്തക്കവണ്ണം കിഴി ഞെക്കി പിഴിയണം. ഇങ്ങനെ കിട്ടുന്ന 0.1% വീര്യമുള്ള വേപ്പിന്‍മിശ്രിതം നല്ലൊരു കീടനാശിനിയാണ്. ഇലതീനിപ്പുഴുക്കള്‍, തുള്ളന്‍ എന്നിവയെ നിയന്ത്രിക്കാന്‍ നല്ലതാണ്.മണ്ണെണ്ണക്കുഴമ്പ്ബാര്‍സോപ്പ്, മണ്ണെണ്ണ എന്നിവയാണ് ഇതിലെ പ്രധാന ചേരുവകള്‍ 500 ഗ്രാം സാധാരണ ബാര്‍ സോപ്പ് അരിഞ്ഞ് നാലര ലിറ്റര്‍ വെള്ളത്തില്‍ ചെറുതായി ചൂടാക്കി ലയിപ്പിക്കുക. ലായനി തണുത്തുകഴിയുമ്പോള്‍ ഇതിലേക്ക് 9 ലിറ്റര്‍ മണ്ണെണ്ണ നന്നായി ഇളക്കിക്കൊണ്ട് പകരുക. ഇതില്‍ 15-20 ഇരട്ടി വെള്ളം ചേര്‍ത്ത് ഇളക്കിയശേഷം ചെടികളില്‍ തളിക്കാം. നീരൂറ്റിക്കുടിക്കുന്ന പ്രാണികളെ നിയന്ത്രിക്കാന്‍ സഹായിക്കും.വേപ്പെണ്ണ-വെളുത്തുള്ളി മിശ്രിതംരണ്ടു ശതമാനം വീര്യത്തില്‍ 10 ലിറ്റര്‍ വേപ്പെണ്ണ-വെളുത്തുള്ളി മിശ്രിതം ഉണ്ടാക്കുന്നതിന് 200 മി.ലിറ്റര്‍ വേപ്പെണ്ണ, 200 ഗ്രാം വെളുത്തുള്ളി, 50 ഗ്രാം ബാര്‍ സോപപ് എന്നിവ വേണ്ടിവരും. ബാര്‍സോപ്പ് ചീകിയെടുത്ത്, 500 മി.ലിറ്റര്‍ ഇളം ചൂടുവെള്ളത്തില്‍ നല്ലതുപോല ലയിപ്പിച്ച്, 200 മി.ലിറ്റര്‍ വേപ്പെണ്ണയുമായി ചേര്‍ത്ത് ഇളക്കി പതപ്പിക്കണം. വെളുത്തുള്ളി നല്ലപോലെ അരച്ച് സത്ത് പിഴിഞ്ഞെടുത്ത് വെള്ളം ചേര്‍ത്ത് 300 മി.ലിറ്റര്‍ ആക്കി വേപ്പെണ്ണ സോപ്പുമായി ഇളക്കുക. ഇങ്ങനെ തയ്യാറാക്കിയ ഒരു ലിറ്റര്‍ മിശ്രിതത്തിലേക്ക് 9 ലിറ്റര്‍ വെള്ളം ചേര്‍ത്ത് നേര്‍പ്പിച്ച് നീരൂറ്റിക്കുടിക്കുന്ന പ്രാണികളെ നിയന്ത്രിക്കാന്‍ തളിച്ചുകൊടുക്കാവുന്നതാണ്. ഇഞ്ചിയിലെ തണ്ടുതുരപ്പനെ നിയന്ത്രിക്കാന്‍ ഫലപ്രദമാണ്.ബോര്‍ഡോ മിശ്രിതം100 ഗ്രാം തുരിശ് പൊടിച്ച് 5 ലിറ്റര്‍ വെള്ളത്തില്‍ ലയിപ്പിക്കുക. 100 ഗ്രാം നീറ്റുകക്ക 5 ലിറ്റര്‍ വെള്ളത്തില്‍ വേറെലയിപ്പിക്കുക. തുരിശുലായനി ചുണ്ണാമ്പുലായനിയിലേക്ക് ഒഴിച്ച് നല്ലതുപോലെ ഇളക്കി ചേര്‍ക്കുക. ഈ ലായനിയില്‍ തേച്ചുമിനുക്കിയ ഒരു ഇരുമ്പുകത്തി കുറച്ചുനേരം മുക്കിവയ്ക്കുക. കത്തിമുനയില്‍ ചെമ്പിന്‍റെ പൊടി അടിയുന്നതായി കാണുന്നുവെങ്കില്‍ കുറച്ചുകൂടി ചുണ്ണാമ്പുലായനി അല്‍പ്പാല്‍പ്പമായി ചേര്‍ക്കുക. നല്ലതുപോലെ തയ്യാര്‍ ചെയ്ത ബോര്‍ഡോമിശ്രിതത്തിന് നല്ല നീലനിറമായിരിക്കും. ബോര്‍ഡോമിശ്രിതം തയ്യാറാക്കാന്‍ ചെമ്പുപാത്രങ്ങളോ, മണ്‍പാത്രങ്ങളോ, പ്ലാസ്റ്റിക് പാത്രങ്ങളോ ഉപയോഗിക്കണം. മാത്രമല്ല മിശ്രിതം ഉണ്ടാക്കിയാലുടന്‍ അന്നുതന്നെ ഉപയോഗിക്കുകയും വേണം.
റിച്ചീസ് : പാഷന്‍ ഫ്രൂട്ടിന്‍റെ ലോകം
സി.വി.ഷിബു പാഷന്‍ ഫ്രൂട്ട് കൃഷിയുടെ വ്യാപനത്തിന് വേണ്ടി കഠിനാധ്വാനം ചെയ്യുന്ന കര്‍ഷകനാണ് എടവക പുതിയിടംകുന്നിലുള്ള കൊച്ചുകുടിയില്‍ വിന്‍ സെന്‍റ്. കഴിഞ്ഞ ഒരു പതിറ്റാണ്ടിലേറെയായി പാഷന്‍ ഫ്രൂട്ടിനെക്കുറിച്ച് കൃഷി ചെയ്തുകൊണ്ടുതന്നെ പഠനവും ഗവേഷണവും നടത്തിവരികയാണ് ഇദ്ദേഹം. സ്വന്തം സ്ഥലത്തും ഭൂമി പാട്ടത്തിനെടുത്തും പാഷന്‍ ഫ്രൂട്ട് കൃഷിചെയ്തുവരുന്നുണ്ട്. ആഭ്യന്തര വിപണിയില്‍ പാഷന്‍ ഫ്രൂട്ടിന് ഡിമാന്‍റ് വര്‍ദ്ധിച്ചതോടെ ഈ കൃഷിയില്‍ ആവേശത്തോടെയാണ് വിന്‍സെന്‍റ് ഇറങ്ങിത്തിരിച്ചത്. ഇതിനിടയ്ക്ക് ഉത്പാദനം വര്‍ദ്ധിക്കുകയും ചില സമയങ്ങളില്‍ തീരെ വില ലഭിക്കാതെ വരികയും ചെയ്തതോടെയാണ് പാഷന്‍ ഫ്രൂട്ടില്‍ നിന്ന് മൂല്യവര്‍ദ്ധിത ഉത്പന്നങ്ങള്‍ എങ്ങനെ നിര്‍മ്മിക്കാമെന്ന ആലോചന തുടങ്ങിയത്. ഇതിന്‍റെ ഭാഗമായി കേരള കാര്‍ഷിക സര്‍വകലാശാലയും സംസ്ഥാന കൃഷിവകുപ്പും നടത്തിയ വിവിധ സെമിനാറുകളിലും പരിശീലന പരിപാടികളിലും സംബന്ധിച്ചു. ഒടുവില്‍ മൈസൂര്‍ ആസ്ഥാനമായ കേന്ദ്ര സര്‍ക്കാര്‍ സ്ഥാപനമായ സി.എഫ്.ടി.ആര്‍.ഐയില്‍ നിന്ന് പാഷന്‍ ഫ്രൂട്ടില്‍ നിന്നുള്ള മൂല്യവര്‍ദ്ധിത ഉത്പന്നങ്ങള്‍ നിര്‍മ്മിക്കുന്നതിനുള്ള സാങ്കേതികവിദ്യ സ്വന്തമാക്കി.ആദ്യഘട്ടത്തില്‍ വീടിനടുത്തുതന്നെ ചെറിയ തോതില്‍ സ്ക്വാഷ്, ജാം, അച്ചാര്‍ എന്നിവ ഉണ്ടാക്കിത്തുടങ്ങി. പദ്ധതി വിപുലമാക്കുന്നതിന്‍റെ ഭാഗമായാണ് കേണിച്ചിറ താഴമുണ്ട സ്വദേശിയായ മാലിയില്‍ ജോര്‍ജ്ജ് സൈമണുമായി ചേര്‍ന്ന് ഉത്പന്ന നിര്‍മ്മാണം വിപുലപ്പെടുത്താന്‍ തീരുമാനിച്ചത്. ഇരുവരും ചേര്‍ന്ന് കേണിച്ചിറയില്‍ പുതിയൊരും സംസ്കരണകേന്ദ്രം തന്നെ ആരംഭിച്ചിട്ടുണ്ട്. ജ്യൂസ്, സ്ക്വാഷ്, അച്ചാര്‍, ജാം എന്നിവയാണ് കൂടുതലായി ഉത്പാദിപ്പിക്കുന്നത്. ആറ് തൊഴിലാളികള്‍ ഇപ്പോള്‍ സംസ്കരണകേന്ദ്രത്തില്‍ ഇവരോടൊപ്പം ജോലിചെയ്തുവരുന്നു. പ്രതിദിനം അഞ്ഞൂറ് ലിറ്ററാണ് ഉത്പാദനം.വരും നാളുകളില്‍ പ്രതിദിന ഉത്പാദനം അമ്പതിനായിരം ലിറ്റര്‍ ആക്കാനുള്ള ഒരുക്കത്തിലാണ് ജോര്‍ജ്ജും വിന്‍സെന്‍റും. പാഷന്‍ ഫ്രൂട്ട് കൃഷിചെയ്യുന്ന കര്‍ഷകരെ ഉള്‍പ്പെടുത്തി കൂട്ടായ്മ രൂപീകരിച്ച് നാല്‍പത് രൂപമുതല്‍ അമ്പത്തിയഞ്ച് രൂപവരെ കിലോയ്ക്ക് നല്‍കി പാഷന്‍ ഫ്രൂട്ട് സംഭരിച്ചുവരുന്നുണ്ട്.മനുഷ്യശരീരത്തിന്‍റെ രോഗപ്രതിരോധ ശേഷി വര്‍ദ്ധിപ്പിക്കുന്നതില്‍ പാഷന്‍ ഫ്രൂട്ടിന് നിര്‍ണായകമായ പങ്കുണ്ട്. കോവിഡ് എന്ന മഹാമാരി വന്നപ്പോള്‍ ആദ്യം ഒന്ന് പകച്ചെങ്കിലും പാഷന്‍ ഫ്രൂട്ടിന്‍റെ ഔഷധഗുണവും മൂല്യവര്‍ദ്ധിത ഉത്പന്നങ്ങള്‍ക്കുള്ള ഡിമാന്‍റും കണക്കിലെടുത്ത് കോവിഡ് കാലത്തുതന്നെ പുതിയ സംരംഭം ആരംഭിക്കാന്‍ തീരുമാനമെടുക്കുകയായിരുന്നു.കാര്‍ഷിക സര്‍വകലാശാലയുടെ അമ്പലവയല്‍ കൃഷിവിജ്ഞാന്‍ കേന്ദ്രയുടെ മേധാവി ഡോ. അലന്‍ തോമസാണ് ഇവര്‍ക്ക് പിന്തുണയുമായി ആദ്യം രംഗത്തുവന്നത്. വേവിന്‍ പ്രൊഡ്യൂസര്‍ കമ്പനിയുടെ ഓഹരി ഉടമകളാണ് വിന്‍സെന്‍റും, ജോര്‍ജ്ജും. വേവിന്‍ പ്രൊഡ്യൂസര്‍ കമ്പനിയുടെ സഹകരണത്തോടെ റിച്ചി എന്ന പേരിലാണ് ഇവര്‍ പുതിയ ബ്രാന്‍റ് പുറത്തിറക്കുന്നത്. പെട്ടെന്നു തന്നെ ആഭ്യന്തര വിപണിയിലും വിദേശ വിപണിയിലും വിജയം കൊയ്യാനാകുന്നതാണ് റിച്ചി പാഷന്‍ ഫ്രൂട്ട് ഉത്പന്നങ്ങള്‍ എന്നതാണ് ഇവരുടെ പ്രതീക്ഷ.രോഗപ്രതിരോധത്തില്‍ പാഷന്‍ ഫ്രൂട്ടിന്‍റെ പ്രാധാന്യംപ്രത്യേകതകള്‍നല്ല മണവും രുചിയും ഔഷധമൂല്യവും ഉള്ള ഫലമാണ് പാഷന്‍ ഫ്രൂട്ട്. ഏത് പഴജ്യൂസുമായി പാഷന്‍ ഫ്രൂട്ട് കൂട്ടിച്ചേര്‍ക്കാവുന്നതാണ്. ധാരാളം പൊട്ടാസ്യം, നിയാസിന്‍, ജീവകം സി, നാരുകള്‍ എന്നിവ പാഷന്‍ഫ്രൂട്ടില്‍ അടങ്ങിയിരിക്കുന്നു. വിവിധ ആല്‍ക്കലോയ്ഡുകള്‍, ഗ്ലൈക്കോസൈഡുകള്‍, ഗ്ലൂക്കണോയ്ഡുകള്‍ എന്നിവയും അടങ്ങിയിട്ടുണ്ട്. പാഷന്‍ ഫ്രൂട്ടിലെ പാസിഫ്ളോറിന്‍ എന്ന ഘടകം വേദന ശമിപ്പിച്ച് ശരീരത്തിന് ഉന്മേഷം നല്‍കുന്നു. തലവേദന, ചുമ, ഉറക്കമില്ലായ്മ, മാനസിക സംഘര്‍ഷം എന്നിവ ശമിപ്പിക്കുന്നു. ദഹനക്കേടുകള്‍, ആര്‍ത്തവ പ്രശ്നങ്ങള്‍, വിരശല്യം , ഹൃദയനാഡി രോഗങ്ങള്‍ എന്നിവയും ശമിപ്പിക്കും. രക്തത്തില്‍ കൗണ്ട് കൂട്ടി ഡെങ്കിപ്പനി, പക്ഷിപ്പനി, പന്നിപ്പനി , കുരങ്ങ്പനി, ചിക്കുന്‍ഗുനിയ, ക്യാന്‍സര്‍ മുതലായവ ശമിപ്പിക്കുന്നു. സ്വാദിഷ്ടമായ ഭക്ഷണപാനീയങ്ങള്‍, ഐസ്ക്രീം, കേക്ക്, സാലഡ്, ജാം, ജെല്ലി, പഞ്ച്, കാന്‍ഡി, വൈന്‍ മുതലായവ പാഷന്‍ഫ്രൂട്ടില്‍ നിന്ന് ഉണ്ടാക്കാം.ദിവസവും ഒരു പാഷന്‍ഫ്രൂട്ട് ശീലമാക്കിയാല്‍ ഡോക്ടറെ കാണേണ്ട ആവശ്യം വരില്ല.ലോകത്ത് പാഷന്‍ ഫ്രൂട്ട്600ല്‍പരം ഇനങ്ങള്‍ ലോകവ്യാപകമായി കാണപ്പെടുന്നുണ്ട്. ഏറ്റവും പ്രധാന ഇനം പാഷന്‍ഫ്രൂട്ട് എഡുലിസ് സിന്‍സ് എന്നതാണ്. കേരളത്തില്‍ കാവേരി, 134 പി എന്നീ ഇനങ്ങളാണ് കൂടുതലായും കൃഷിചെയ്തുവരുന്നത്.കേരളം, തമിഴ്നാട്, കര്‍ണാടക, ഉത്തരകിഴക്ക് സംസ്ഥാനങ്ങളായ മിസോറാം, നാഗാലാന്‍ഡ്, മണിപ്പൂര്‍, സിക്കിം എന്നിവിടങ്ങളില്‍ പാഷന്‍ ഫ്രൂട്ട് ഉത്പാദിപ്പിച്ച് വരുന്നുണ്ട്. പാഷന്‍ ഫ്രൂട്ടിന്‍റെ ജന്മദേശമായ ബ്രസീലിലാണ് ഏറ്റവും കൂടുതല്‍ ഉത്പാദനമുള്ളത്. ഓസ്ട്രേലിയ, കൊളമ്പിയ എന്നിവിടങ്ങളിലും പാഷന്‍ഫ്രൂട്ട് കൂടുതലായി കൃഷിചെയ്തുവരുന്നു.നാട്ടറിവുകളുടെയും പരിചയസമ്പത്തിന്‍റെയും അടിസ്ഥാനത്തില്‍ പലരും പാഷന്‍ ഫ്രൂട്ടിന്‍റെ പ്രാധാന്യവും ഔഷധഗുണവും തിരിച്ചറിഞ്ഞ് വാമൊഴിയായി പ്രചരിപ്പിക്കുന്നുണ്ടെങ്കിലും ശാസ്ത്രീയമായും ആധികാരികമായും ഇത് സംബന്ധിച്ച പഠനങ്ങളൊന്നും നടന്നിട്ടില്ല. ഇതിനെക്കുറിച്ച് കൂടുതല്‍ ശാസ്ത്രീയമായ പഠനം നടത്തേണ്ടത് കാലഘട്ടത്തിന്‍റെ ആവശ്യമാണെന്ന് പൈനാപ്പിള്‍ റിസര്‍ച്ച് സ്റ്റേഷന്‍ മുന്‍ മേധാവിയും പാഷന്‍ ഫ്രൂട്ട് ഗവേഷകനുമായ ഡോ. പി.പി. ജോയി കൃഷിദീപത്തോട് പറഞ്ഞു.കേരളത്തില്‍ പാഷന്‍ ഫ്രൂട്ടിന് അനന്ത സാധ്യതകളാണ് ഉള്ളത്. ഇവിടത്തെ കാലാവസ്ഥ തന്നെയാണ് ഇതിന്‍റെ പ്രത്യേകത. ഒരു ചെടിയില്‍ നിന്ന് പത്ത് കിലോ വരെ ഒരുപ്രാവശ്യം വിളവെടുക്കാം. ശരാശരി അഞ്ച് വര്‍ഷം മുതല്‍ എട്ട് വര്‍ഷം വരെ ചെടികള്‍ വിളവ് നല്‍കിക്കൊണ്ടിരിക്കും. കേരളത്തില്‍ പാഷന്‍ ഫ്രൂട്ട് കര്‍ഷകരുടെ ഒരു വാട്സ് ആപ് കൂട്ടായ്മ രൂപീകരിച്ച് അറിവുകള്‍ പരസ്പരം കൈമാറിക്കൊണ്ടിരിക്കുന്നുണ്ട്. ഡോ. പി.പി. ജോയി തന്നെയാണ് ഇതിന് നേതൃത്വം നല്‍കുന്നത്.

ശാസ്ത്രീയമായ കശുമാവ് കൃഷി വ്യാപനത്തിന്റെ ഭാഗമായി കർഷകർക്ക് പരിശീലനം നൽകി.

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives