വൈഗകൃഷി ഉന്നതി മേള ക്വിസ് മത്സര വിജയികൾ

Sunday, 5th February 2023

വൈഗ 2018 നോടനുബന്ധിച്ചു ഫാം ഇൻഫർമേഷൻ ബ്യൂറോ ഹൈസ്കൂൾ, പ്ലസ് ടു വിഭാഗം വിദ്യാർത്ഥികൾക്കായി നടത്തിയ ക്വിസ് മത്സരത്തിൽ
വിവേകോദയം വി.ബി .എച് എസ് എസിലെ ഗ്രീഷ്മ വി എ യും സി എൻ എൻ ബി എച് എസ് എസിലെ അഭിനവ് കൃഷ്ണ പി എസും ഒന്നാം സ്ഥാനം പങ്കിട്ടു .ഗവ വി എച് എസ് എസ രാമവർമപുരം ലെ വിദ്യാർഥിനികളായ ഹിൽധ്യാ വര്ഗീസും അനീഷ സി എസും രണ്ടാം സ്ഥാനം നേടി.കാറളം വി എച് എസ്‌ എസിലെ എം ഹരികൃഷ്ണനും എം എസ് സോനു വും മൂന്നാം സ്ഥാനം കരസ്ഥമാക്കി

Also read:

തേനധിഷ്ഠിത ഉത്പന്ന നിര്‍മ്മാണവും പരിശീലനവും

വിത്ത് സംരംക്ഷണം ഉത്തരവാദിത്വം: വയനാട് വിത്തുത്സവം ഇന്ന് തുടങ്ങും.

അടുക്കളത്തോട്ടങ്ങള്‍ സജീവമാകുന്നു : · 2.5 ലക്ഷം പച്ചക്കറി തൈകളും 3 ലക്ഷം വിത്ത് പാക്കറ്റുകളും വിതരണം...

കാര്‍ഷിക നിര്‍ദ്ദേശങ്ങള്‍

Leave a Reply Cancel reply

കാര്‍ഷിക നിര്‍ദ്ദേശം
* പച്ചക്കറികളിലെ സൂക്ഷ്മ മൂലകങ്ങളുടെ കുറവ് പരിഹരിക്കുന്നതിനായി പച്ചക്കറിയുടെ സമ്പൂര്‍ണ്ണ 5 ഗ്രാം ഒരു ലിറ്റര്‍ വെള്ളത്തില്‍ കലക്കി തളിച്ചു കൊടുക്കാവുന്നതാണ്. * മുളകില്‍ ഇലപ്പേനിന്റെ ആക്രമണം കണ്ടാല്‍ 2% വീര്യമുള്ള വേപ്പെണ്ണ വെളുത്തുള്ളി എമല്‍ഷന്‍ തളിക്കുക. അല്ലെങ്കില്‍ 2ഗ്രാം തയോമെതോക്‌സാം 10 ലിറ്റര്‍ വെള്ളത്തില്‍ കലക്കി തളിക്കുക
ക്ഷീരവികസന വകുപ്പ് പടവ് 2023 പോസ്റ്റൽ സ്റ്റാമ്പ് പുറത്തിറക്കി
ക്ഷീരവികസന വകുപ്പിന്റെ സംസ്ഥാനക്ഷീരസംഗമം “പടവ് 2023” ന്റെ പ്രചരണ പരിപാടിയുടെ ഭാഗമായി പോസ്റ്റൽ സ്റ്റാമ്പ് റിലീസ് ഇന്ന് തിരുവനന്തപുരം നിയമസഭാ മന്ദിരത്തിൽ വച്ച് മൃഗസംരക്ഷണ-ക്ഷീരവികസന വകുപ്പ് മന്ത്രി ജെ ചിഞ്ചുറാണി നിർവഹിച്ചു. ചടങ്ങിൽ ക്ഷീര വികസന വകുപ്പ് ജോയിന്റ് ഡയറക്ടർമാരായ ബീന, സിൽവി മാത്യ, മൃഗസംരക്ഷണവകുപ്പ് ജോയിൻറ് ഡയറക്ടർ റെനി ജോസഫ്, ക്ഷീര വികസന വകുപ്പ് ഡെപ്യൂട്ടി ഡയറക്ടർമാരായ ശ്രീരാം ഗോപാൽ ആർ, ശാലിനി ഗോപിനാഥ്, രജിത ആർ, അസിസ്റ്റൻറ് ഡയറക്ടർ ജാക്വിലിൻ ക്ഷീര വികസന ഓഫീസർ ഷാജു ചന്ദ്രൻ, ഷീജ ആർ നായർ എന്നിവർ പങ്കെടുത്തു.
കോട്ടയം ഉദയനാപുരം പഞ്ചായത്തിൽ മാതൃകാ ഗ്രാമ പഞ്ചായത്ത് പദ്ധതി തുടങ്ങി
മൃഗസംരക്ഷണ വകുപ്പ് കോട്ടയം ജില്ലയിൽ മാതൃകാ ഗ്രാമപഞ്ചായത്ത് ആയി തിരഞ്ഞെടുത്ത ഉദയനാപുരം ഗ്രാമപഞ്ചായത്ത് പദ്ധതിയുടെ ഉൽഘാടനം വൈക്കം എംഎൽഎ സി.കെ ആശ നിർവഹിച്ചു . മൃഗസംരക്ഷണ വകുപ്പ് 5 ലക്ഷം രൂപയാണ് പദ്ധതിക്കായി ചിലവഴിക്കുന്നത്. തിരഞ്ഞെടുത്ത പതിനാല് സ്കൂൾ കുട്ടികൾക്ക് കറവയുള്ള ആട്, പഞ്ചായത്തിലെ പതിനേഴ് ബി.പി.എൽ വനിതാ ഗുണഭോക്തക്കൾക്ക് എരുമ കിടാവ്, തീറ്റ എന്നിവ നൽകുന്നപദ്ധതിയുടെ വിതരണോദ്ഘാടനമാണ് സി.കെ ആശ എം.എൽ. എ നിർവ്വഹിച്ചത്. പഞ്ചായത്ത് പ്രസിഡൻ്റ് ആനന്ദവല്ലി സ്വാഗതവും ചീഫ് വെറ്ററിനറി ഓഫീസർ ‍ഡോ.മനോജ് കുമാർ പദ്ധതി വിശദീകരണവും നടത്തി . ബ്ലോക്ക് പഞ്ചായത്ത് പ്രസിഡൻ്റ് അഡ്വ. കെ.കെ രഞ്ജിത്ത് എരുമ കിടാവ് വിതരണോദ്ഘാടനം നിർവഹിച്ചു. ജില്ലാ പഞ്ചായത്ത് മെമ്പർ പുഷ്പ മണി ആടുകൾക്കുള്ള തീറ്റ വിതരണം ചെയ്ത. ആട് വളർത്തൽ, എരുമ വളത്തൽ എന്നിവയെക്കുറിച്ച് തലയോലപ്പറമ്പ് മൃഗ സരക്ഷണ പരിശീലന കേന്ദ്രം ഫാക്കൽറ്റി ഡോ.പി.കെ ദാസൻ (റിട്ട. അസിസ്റ്റൻ്റ് ഡയറക്ടർ) ക്ലാസെടുത്തു. ഡോ. ശരത് കൃഷ്ണൻ കൃതജ്ഞത രേഖപ്പെടുത്തിയ പരിപാടിയിൽ ഗ്രാമപഞ്ചായത്ത് ബ്ലോക്ക് പഞ്ചായത്ത് അംഗങ്ങൾ മൃസംരക്ഷണവകുപ്പ് ഉദ്യോഗസ്ഥർ, ക്ഷീരകർഷകർ എന്നിവർ പങ്കെടുത്തു.
മട്ടുപ്പാവ് കൃഷി
പച്ചക്കറികൃഷി വീടുകളില്‍ തുടങ്ങുവാന്‍ ആഗ്രഹിക്കുന്ന പലരും ഉന്നയിക്കുന്ന ഒരു ചോദ്യമുണ്ട്. ഞങ്ങളുടെ വീട്ടില്‍ വേണ്ടത്ര സ്ഥലമില്ല. അല്ലെങ്കില്‍ ഫ്‌ളാറ്റിലാണ് ജീവിക്കുന്നു. ഒരു പ്രശ്‌നവുമില്ല. 300 മുതല്‍ 400 സ്‌ക്വയര്‍ഫീറ്റ് തുറന്ന ടെറസ്സ് ഉണ്ടെങ്കില്‍ നല്ലരീതിയില്‍ പച്ച ക്കറി കൃഷി ചെയ്യാം. ചെടിച്ച ട്ടികളിലോ പ്ലാസ്റ്റിക് ചാക്കുക ളിലോ, പഴയ ടയറിലോ ഒക്കെ മട്ടുപ്പാവില്‍ പച്ചക്കറി നടാം. പച്ചക്കറികള്‍ കൃഷിചെയ്യുന്ന തിലൂടെ നമ്മുടെ വീട്ടിലുണ്ടാവുന്ന അടുക്കള മാലിന്യങ്ങള്‍ നമുക്ക് ഉപകാരപ്രദമായ രീതിയില്‍ സംസ്‌ക്കരിക്കാനും സാധിക്കുന്നു. നഗരപ്രദേശങ്ങളില്‍ മട്ടുപ്പാവില്‍ പച്ചക്കറി കൃഷിചെയ്യുന്നതിനായി വിവിധ സര്‍ക്കാര്‍ ഏജന്‍സികള്‍ സഹായം നല്‍കിവരുന്നു. കൃഷി വകുപ്പിന്റെ നഗരത്തില്‍ ഒരു നാട്ടിന്‍പുറം, വെജിറ്റബിള്‍ ആന്റ് ഫ്രാട്ട് പ്രമോഷന്‍ കൗണ്‍സി ലിന്റെ ഹരിതനഗരി തുടങ്ങിയ പദ്ധതികള്‍ ഇതില്‍ ഉള്‍പ്പെടുന്നു. ഈ പദ്ധതികള്‍ വഴി വീട്ടിലോ ടെറസ്സിലോ കൃഷി ചെയ്യുന്നതിന് സാമ്പത്തികസഹായവും സാങ്കേതിക ഉപദേശവും ലഭി ക്കുന്നു. വിത്ത്, തൈ, ചെടി ച്ചട്ടികള്‍, വളങ്ങള്‍, മണ്ണിരക്ക മ്പോസ്റ്റ് യൂണിറ്റ് എന്നിവയും ഈ പദ്ധതികളില്‍ ലഭ്യമാക്കുന്നുണ്ട്. വി.എഫ്.പി.സി.കെ.യുടെ ഹരിതനഗരി പദ്ധതി എല്ലാ ജില്ലകളിലും നടപ്പിലാക്കിവരു ന്നുണ്ട്. ടെറസ്സില്‍ പച്ചക്കറികൃഷി നടത്തുമ്പോള്‍ ഒട്ടേറെ കാര്യങ്ങള്‍ ശ്രദ്ധിക്കാനുണ്ട്. ചെടിച്ചട്ടികള്‍, പ്ലാസ്റ്റിക് ചാക്കുകള്‍, പഴയ ടയര്‍ എന്നിവയെല്ലാം പച്ചക്കറികള്‍ വളര്‍ത്തുന്നതിനായി ഉപയോഗ പ്പെടുത്താം. ഏതിലാണെങ്കിലും മണ്ണ്, മണല്‍, ചാണകപ്പൊടി എന്നിവ തുല്യ അളവിലെടുത്ത് ഇവയില്‍ നിറയ്ക്കണം. ചട്ടിയാ ണെങ്കില്‍ ഏറ്റവും കുറഞ്ഞത് ഒരടി വലിപ്പമുള്ളവയെങ്കിലും എടുക്കണം. പ്ലാസ്റ്റിക് ചാക്കു കളാണെങ്കില്‍ മണ്ണു നിറയ്ക്കു മ്പോള്‍ അതിന്റെ മൂലകള്‍ ഉള്ളിലേക്ക് കയറ്റിവച്ചാല്‍ ചാക്ക് മറിഞ്ഞുവീഴാതിരിക്കാന്‍ നല്ലതാണ്. സാധാരണ പ്ലാസ്റ്റിക് ചാക്കുകള്‍ക്കു പുറമേ ചെടികള്‍ നടാന്‍ മാത്രമായി ഉണ്ടാക്കിയ ചാക്കുകള്‍ അഥവാ ഗ്രോബാഗു കള്‍ ഇന്നു ലഭ്യമാണ്. അവയ്ക്ക് കൂടുതല്‍ ബലം ഉണ്ടെന്നതിനു പുറമേ വശങ്ങളില്‍ ജൈവവള ക്കൂട്ടുകള്‍ നിക്ഷേപിക്കാനുള്ള പോക്കറ്റുകളുമുണ്ട്. ടെറസ്സില്‍ കൈവരിയോടു ചേര്‍ത്ത് അടിയില്‍ ചുവരു വരുന്ന ഭാഗത്തിന് മുകളിലായും വരിയായി ചട്ടികളോ ചാക്കുകളോ വയ്ക്കാവു ന്നതാണ്. ഇവ നേരെ തറയില്‍ വയ്ക്കുന്നതിനുപകരം രണ്ട് ഇഷ്ടികകള്‍ വെച്ച് അതിനുമുകളില്‍ വച്ചാല്‍ മഴവെള്ളത്തിന്റെ ഒഴുക്ക് തടസ്സപ്പെടാതിരിക്കുന്നതിനും ചെളി കെട്ടാതിരിക്കുന്നതിനും സഹായിക്കും. തുടര്‍ച്ചയായി നാലോ അഞ്ചോതവണ ചാക്കു കളില്‍ പച്ചക്കറി നടാം. എന്നാല്‍ ചട്ടികള്‍ കൂടുതല്‍ തവണ ഉപയോഗിക്കാം. ഓരോ തവണ കൃഷി ചെയ്തശേഷവും നന്നായി മണ്ണിളക്കിക്കൊടുത്ത് ജൈവവളം ചേര്‍ത്ത് വീണ്ടും കൃഷിയിറക്കാം. ഒരേ കുടുംബത്തില്‍പെട്ട വിള കളോ ഒരേയിനം വിളകളോ തുടര്‍ച്ചയായി ഒരു ചട്ടി/ചാക്കില്‍ കൃഷിചെയ്യുന്നത് ഒഴിവാക്കണം. ടെറസ്സില്‍ വളര്‍ത്തുന്ന പച്ചക്കറികള്‍ക്ക് മിതമായ നന മാത്രമേ പാടുള്ളൂ. അമിതമായി നനച്ചാല്‍ വളം ഒലിച്ചുപോകുന്ന തിനിടയാക്കും. കുറച്ചു ദിവസ ങ്ങള്‍ തുടര്‍ച്ചയായി വീട്ടില്‍ നിന്നു മാറിനില്‍ക്കേണ്ടിവരുന്ന അവസര ങ്ങളില്‍ ചെടിച്ചട്ടികളില്‍ ചെറിയ പ്ലാസ്റ്റിക് കവറില്‍ വെള്ളം നിറച്ച് മൊട്ടുസൂചികൊണ്ട് ചെറിയ ദ്വാരമിട്ട് ചെടിയുടെ ചുവട്ടില്‍ വച്ചുകൊടുത്താല്‍ നിയന്ത്രിതമായ തുള്ളിനനയുമായി. ഇത് ചെടി യുടെ ചുവട്ടില്‍ ഈര്‍പ്പം നിലനിര്‍ത്തുന്നതിന് നല്ലതാണ്. അമിതമായ നനയെപ്പോലെ രാസ വളപ്രയോഗവും ടെറസ്സിലെ പച്ചക്കറികൃഷിക്ക് ഒട്ടും നല്ലതല്ല. അവ ടെറസ്സിനു കേടുവരുത്തു ന്നതോടൊപ്പം ചെടിയുടെ നൈസ ര്‍ഗ്ഗികമായ വളര്‍ച്ചയെ തടസ്സ പ്പെടുത്തും. ടെറസ്സില്‍ പച്ചക്കറിച്ചെടികളെ ക്രമീകരിക്കുമ്പോള്‍ നന്നായി സൂര്യപ്രകാശം ലഭിക്കുവാന്‍ കഴിയുന്ന സ്ഥലങ്ങളാവണം തെരഞ്ഞെടുക്കേണ്ടത്. അല്ലെങ്കില്‍ വളര്‍ച്ച കുറയുകയും ചെടികള്‍ സൂര്യപ്രകാശം ലഭിക്കു ന്നിടത്തേക്ക് വളഞ്ഞുവരുകയും ചെയ്യും.
കാലാവസ്ഥാ വ്യതിയാനത്തെ പ്രതിരോധിക്കാം, കാപ്പികൃഷിയില്‍ വിളവ് വര്‍ദ്ധിപ്പിക്കാം.
കാലാവസ്ഥാ വ്യതിയാനത്തിന്റെ ബുദ്ധിമുട്ടുകള്‍ക്കിടയിലും കാപ്പികര്‍ഷകര്‍ക്ക് പ്രതീക്ഷയായി വില വര്‍ദ്ധിക്കുന്നുണ്ട്. ഉല്‍പാദന വര്‍ദ്ധനവ് കൂടി ലക്ഷ്യമിട്ട് കോഫി ബോര്‍ഡ് പുതിയ പദ്ധതികള്‍ ആവിഷ്‌ക്കരിച്ച് വരികയാണ്. ഇതിന്റെ ഭാഗമായി കോഫി ബോര്‍ഡിന്റെ ആഭിമുഖ്യത്തില്‍ കല്‍പ്പറ്റ ഓണിവയലിലുള്ള കാപ്പിത്തോട്ടത്തില്‍ വെച്ച് ഫീല്‍ഡ് ഡേ നടത്തുകയാണ്. 25 വര്‍ഷത്തിന് ശേഷം ആദ്യമായാണ് ഫീല്‍ഡ് ഡേ നടത്തുന്നത്. എസ്റ്റേറ്റ് സന്ദര്‍ശനം, കാപ്പികൃഷിയുമായി ബന്ധപ്പെട്ട വിവിധ സെഷനുകള്‍ എന്നിവയാണ് വിഭാവനം ചെയ്തിട്ടുള്ളത്. കാപ്പികൃഷി മേഖലയില്‍ പുതിയ കൃഷിരീതികളും സാങ്കേതിക വിദ്യകളും പ്രയോഗിച്ച് ഉന്നത നേട്ടം കൈവരിക്കുകയാണ് പരിപാടിയുടെ ലക്ഷ്യം. കോഫി ബോര്‍ഡ് സെക്രട്ടറിയും സി.ഇ.ഒ.യുമായ ഡോ.കെ.ജി. ജഗദീശ ഐ.എ.എസ്. വിശിഷ്ടാതിഥിയായി പരിപാടിക്കെത്തും. വയനാട് ജില്ലാ കലക്ടര്‍ എ.ഗീത, സി.സി.ആര്‍.ഐ. റിസര്‍ച്ച് ഡയറക്ടര്‍ ഡോ. എം.സെന്തില്‍ കുമാര്‍, കോഫിബോര്‍ഡ് ജോയിന്റ് ഡയറക്ടര്‍ ഡോ. എം.കറുത്തമണി, കോഫി ബോര്‍ഡ് മെമ്പര്‍മാരായ ഇ.ഉണ്ണികൃഷ്ണന്‍, സിബി വര്‍ഗ്ഗീസ്, കെ.കെ.മനോജ്കുമാര്‍, മുന്‍ വൈസ് ചെയര്‍മാന്‍മാരായ അഡ്വ. വെങ്കിടസുബ്രഹ്മണ്യം, അഡ്വ. മൊയ്തു, എം.ആര്‍.ഗണേഷ്, പ്രൊഫ. കെ.പി.തോമസ്, മോഹനന്‍ മാസ്റ്റര്‍, വയനാട് കോഫി ഗ്രോവേഴ്‌സ് അസോസിയേഷന്‍ പ്രസിഡന്റ് അനൂപ് പാലുകുന്ന്, സൗത്ത് ഇന്ത്യന്‍ കോഫി ഗ്രോവേഴ്‌സ് അസോസിയേഷന്‍ പ്രസിഡന്റ് കെ.ജെ.ദേവസ്യ, കോഫി ബോര്‍ഡ് റിസര്‍ച്ച് വിഭാഗം ജോയിന്റ് ഡയറക്ടര്‍ ഡോ. ജെ.എസ്. നാഗരാജ്, എം.എസ്.എസ്.ആര്‍.എഫ്. ഡയറക്ടര്‍ ഡോ. വി. ഷക്കീല, നബാര്‍ഡ് ഡിസ്ട്രിക്ട് മാനേജര്‍ വി.ജിഷ, ബ്രഹ്മഗിരി ഡവലപ്‌മെന്റ് സൊസൈറ്റി ചെയര്‍മാന്‍ പി.കെ.സുരേഷ് തുടങ്ങിയവര്‍ സംബന്ധിക്കും. മികച്ച കാപ്പികര്‍ഷകരായ മുട്ടില്‍ പാറക്കല്‍ അശോക് കുമാര്‍, മേപ്പാടി റോസ് ഗാര്‍ഡന്‍ കുരുവിള ജോസഫ്, മേപ്പാടി ഹോപ്പ് എസ്റ്റേറ്റ് സീനിയര്‍ പ്ലാന്റര്‍ ജോര്‍ജ് പോത്തന്‍, ചോലപ്പുറം മാധവന്‍ നായര്‍, വനമൂലിക ഹെര്‍ബല്‍ സിലെ പി.ജെ.ചാക്കോച്ചന്‍, ബയോവിന്‍ ചെയര്‍മാന്‍ ഫാ. ജോണ്‍ ചൂരപ്പുഴ തുടങ്ങിയവരെ ചടങ്ങില്‍ ആദരിക്കും. ടെക്‌നിക്കല്‍ സെഷനില്‍ കാപ്പി കൃഷിയിലെ വൈവിധ്യവത്ക്കരണം എന്ന വിഷയത്തില്‍ ഡോ. രാജേന്ദ്രനും, പോസ്റ്റ് ഹാര്‍വെസ്റ്റ് ടെക്‌നോളജി എന്ന വിഷയത്തില്‍ ഡോ. ജെ.എസ്.നാഗരാജും കോഫി കള്‍ട്ടിവേഷന്‍ എന്ന വിഷയത്തില്‍ ജോര്‍ജ് ഡാനിയലും, കാപ്പി സംസ്‌ക്കരണത്തില്‍ എഫ്.പി.ഒ. എഫ്.പി.സി. പങ്കിനെക്കുറിച്ച് കേരള എഫ്.പി.ഒ. കണ്‍സോര്‍ഷ്യം സ്റ്റേറ്റ് സെക്രട്ടറി സി.വി.ഷിബുവും, കാപ്പികൃഷി വ്യാപന പദ്ധതികളെക്കുറിച്ച് ഡോ. എം.കറുത്തമണിയും സംസാരിക്കും.
പേവിഷബാധ പോലുള്ള വാക്‌സിനേഷന്‍ നടപടികള്‍ തുടര്‍ന്നും ശക്തമാക്കും: മന്ത്രി ജെ.ചിഞ്ചുറാണി.
സംസ്ഥാനത്ത് നടന്നു വരുന്ന പേവിഷബാധ പോലുള്ള വാക്‌സിനേഷന്‍ നടപടികള്‍ തുടര്‍ന്നും ശക്തമാക്കുമെന്ന് മൃഗസംരക്ഷണ വകുപ്പ് മന്ത്രി ജെ.ചിഞ്ചുറാണി. മൃഗങ്ങളോട് സമൂഹത്തിന്റെ അനുകമ്പയോടെയുള്ള ഇടപെടല്‍ മാത്രമാണ് ജന്തുക്ഷേമം ഉറപ്പിക്കാനുള്ള നടപടികളിലൊന്ന് എന്നും മന്ത്രി അറിയിച്ചു. മൃഗങ്ങളോട് മനുഷ്യത്വപരമായി പെരുമാറുന്നതിനായി പൗരസമൂഹത്തില്‍ അവബോധം സൃഷ്ടിക്കുക, മൃഗപരിപാലനത്തിനും മൃഗക്ഷേമത്തിനും വേണ്ടി രൂപീകരിച്ചിട്ടുള്ള നിയമങ്ങളെക്കുറിച്ചും ചട്ടങ്ങളെക്കുറിച്ചും വിപുലമായ ബോധവല്‍ക്കരണം നടത്തുക, മൃഗങ്ങളോടുളള ക്രൂരത വര്‍ദ്ധിച്ചുവരുന്ന സാഹചര്യം തടയുന്നത് വഴി അവയുടെ അവകാശങ്ങളും ക്ഷേമവും ഉറപ്പാക്കുക, എന്നീ ലക്ഷ്യങ്ങളോടെ എല്ലാ വര്‍ഷവും ജനുവരി മാസം 15 മുതല്‍ 31 വരെ സംസ്ഥാന മൃഗസംരക്ഷണ വകുപ്പ് ആചരിച്ചു വരുന്ന ജന്തുക്ഷേമ ദ്വൈവാരത്തിന്റെ സമാപന സമ്മേളനം തിരുവനന്തപുരം മഹാത്മാ അയ്യങ്കാളി ഹാളില്‍ വെച്ച് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
റബ്ബര്‍പാലില്‍നിന്നുള്ള ഉത്പന്നനിര്‍മ്മാണത്തില്‍ റബ്ബര്‍ബോര്‍ഡ് പരിശീലനം
റബ്ബര്‍പാലില്‍നിന്നുള്ള ഉത്പന്നനിര്‍മ്മാണത്തില്‍ റബ്ബര്‍ബോര്‍ഡ് പരിശീലനം നല്‍കുന്നു. റബ്ബര്‍പാല്‍സംഭരണം; സാന്ദ്രീകരണം; ലാറ്റക്‌സ് കോമ്പൗണ്ടിങ്; ഉത്പന്നങ്ങളുടെ രൂപകല്‍പന; ഗുണമേന്മാനിയന്ത്രണം; റബ്ബര്‍ബാന്‍ഡ്, കൈയ്യുറ, റബ്ബര്‍നൂല്‍, ബലൂണ്‍, റബ്ബര്‍പശ തുടങ്ങിയ ഉത്പന്നങ്ങളുടെ നിര്‍മ്മാണം എന്നിവയിലുള്ള പരിശീലനം ഫെബ്രുവരി 06 മുതല്‍ 10 വരെ കോട്ടയത്തുള്ള നാഷണല്‍ ഇന്‍സ്റ്റിറ്റ്യൂട്ട് ഫോര്‍ റബ്ബര്‍ ട്രെയിനിങ്ങില്‍ വച്ച് നടക്കും. കൂടുതല്‍ വിവരങ്ങള്‍ക്ക് 04812353127 എന്ന ഫോണ്‍ നമ്പരിലോ 04812353201 എന്ന വാട്ട്‌സ്ആപ്പ് നമ്പരിലോ ബന്ധപ്പെടേണ്ടതാണ്.
കാര്‍ഷിക നിര്‍ദ്ദേശം
* ചീരയില്‍ ജലസേചനം നടത്തുമ്പോള്‍ വെളളം ഇലകളുടെ മുകളില്‍ വീഴാതെ തടത്തില്‍ ഒഴിച്ചുകൊടുക്കുക. ഇല കരിച്ചില്‍ രൂക്ഷമായാല്‍ ചാണകത്തളി (ഒരു കി.ഗ്രാം ചാണകം 10 ലിറ്റര്‍ വെളളത്തില്‍ കലക്കി അരിച്ചു തെളി എടുക്കുക) തളിച്ച് കൊടുക്കുക. കൂടാതെ 2 ശതമാനം വീര്യത്തില്‍ സ്യൂഡോമോണാസ് ട്രൈക്കോഡെര്‍മ മണ്ണില്‍ ഒഴിച്ച് കൊടുക്കുക. * വഴുതനയില്‍ കാണപ്പെടുന്ന തണ്ടു തുരപ്പന്റെ ആക്രമണം നിയന്ത്രിക്കുന്നതിനായി 5 ശതമാനം വീര്യമുളള വേപ്പിന്‍കുരുസത്ത് 10 ദിവസം ഇടവിട്ട് തളിച്ചുകൊടുക്കാവുന്നതാണ്. അല്ലെങ്കില്‍ ബാസ്സിലസ് തുറിഞ്ചിയന്‍സിസ് ഫോര്‍മുലേഷനുകള്‍ ശര്‍ക്കരകൂടിചേര്‍ത്ത് ഉപയോഗിക്കാവുന്നതാണ്.
കേരള ചിക്കൻ സാമൂഹികാരോഗ്യം ഉറപ്പ് നൽകും : ഡോ.എ കൌശിഗൻ ഐ.എ.എസ്
കേരളത്തിൽ സുരക്ഷിതവും സ്ഥായിയും ആരോഗ്യകരവുമായ കോഴിയിറച്ചി ഉൽപ്പാദിപ്പിക്കുന്നതിന്റെ ഭാഗമായി തുടങ്ങിയ കേരള ചിക്കൻ പദ്ധതി വഴി സാമൂഹികാരോഗ്യം ഉറപ്പ് നൽകുമെന്ന് മൃഗസംരക്ഷണ വകുപ്പ് ഡയറക്ടർ ഡോ.എ കൌശിഗൻ ഐ.എ.എസ്. കുടുംബശ്രീയും മൃഗസംരക്ഷണ വകുപ്പും സംയുകതമായി തിരുവനന്തപുരത്ത് സംഘടിപ്പിച്ച വർക്ക്ഷോപ്പിനെ സ്വാഗതം ചെയ്തു സംസാരിക്കുകയായിരുന്നു അദ്ദേഹം. മുതൽമുടക്കിനേക്കാൾ ലാഭം കിട്ടുന്ന ഉൽപ്പാദന മേഖല കൂടിയാണ് ബ്രോയിലർ ചിക്കനെങ്കിലും കേരള ചിക്കൻ ഉൽപ്പാദന ചെലവിൽ മാത്രമല്ല ഗുണമേൻമയിലും ഏറെ മുന്നിലാണെന്ന് വർക്ക്ഷോപ്പ് ഉദ്ഘാടനം ചെയ്ത് കുടുംബശ്രീ എക്സിക്യൂട്ടീവ് ഡയറക്ടറും കുടുംബശ്രീ ബ്രോയിലർ ഫാർമേഴ്സ് പ്രൊഡ്യൂസർ കമ്പനി ലിമിറ്റഡ് ചെയമാൻ & മാനേജിംഗ് ഡയറക്ടർ കൂടിയായ ജാഫർ മാലിക്ക് ഐ.എ.എസ് പറഞ്ഞു. ഭക്ഷ്യസുരക്ഷ മുൻനിർത്തി സുരക്ഷിത ചിക്കൻ ഉൽപ്പാദിപ്പിച്ച് നൽകുന്നതിലൂടെ സാമൂഹികാരോഗ്യത്തിനൊപ്പം കുടുംബശ്രീയ്ക്ക് വരുമാനം കൂടിയാണ് ലക്ഷ്യമിടുന്നതെന്നും ജാഫർ മാലിക്ക് ഐ.എ.എസ് പറഞ്ഞു. സൂക്ഷ്മാണുക്കൾക്കെതിരെയുള്ള ചെറുത്തുനിൽപ്പ് എന്ന വിഷയത്തിൽ സംവാദങ്ങൾ വർക്ക്ഷോപ്പിന്റെ ഭാഗമായി നടന്നു. ആന്റി മൈക്രോബിയൽ റെസിസ്റ്റൻസ് എന്നത് ഭാവിയിലെ പ്രശ്നമല്ല ,വർത്തമാന കാലത്തെ പ്രശ്നമാണെന്ന് തിരുവനന്തപുരം മെഡിക്കൽ കോളേജിലെ അണുബാധാ രോഗവിഭാഗം തലവൻ ഡോ.അരവിന്ദ് ആർ പറഞ്ഞു. നിലവിൽ ആന്റിബയോട്ടിക്കുകളുടെ അമിതോപയോഗം കാരണം ലോകത്ത് ഒരു കോടി മരണങ്ങൾ സംഭവിക്കുന്നു എന്നാണ് റിപ്പോർട്ടുകൾ. മൽസ്യ-മാംസാദികൾ, പച്ചക്കറികൾ എന്നിവ കഴിക്കുന്നതിലൂടെ മാത്രമല്ല ഡോക്ടറുടെ കുറിപ്പ് ഇല്ലാതെ ഓൺലൈൻ വഴി വാങ്ങുന്ന വേദനസംഹാരികളും മറ്റ് മരുന്നുകളും വഴിയുമാണ് 50-60 ശതമാനം രോഗങ്ങളും വരുന്നതെന്നും അദ്ദേഹം പറഞ്ഞു. പൌൾട്രി റെഗുലേഷൻ ആക്ടു് പോലുളള നിയമങ്ങും ചട്ടങ്ങളും നിലവിൽ വന്നാൽ ഇത്തരം പ്രത്യാഘാതങ്ങൾ കുറയ്ക്കാനാകുമെന്നും അദ്ദേഹം പറഞ്ഞു. ആന്റിബയോട്ടിക്കുകളുടെ അതിപ്രസരം നിറഞ്ഞ ഇക്കാലത്ത്, ഏറെ ആരോഗ്യവും സുരക്ഷിതവുമായ ജൈവ രീതിയിൽ വളർത്തുന്ന കേരള ചിക്കന് വിപണിയിൽ വലിയ പ്രാധാന്യം ലഭിക്കുമെന്ന് വെറ്ററിനറി സർവ്വകലാശാലയുടെ ഏവിയൻ സയൻസസ് കോളേജ് സ്പെഷ്യൽ ഓഫീസർ ഡോ.എസ് ഹരികൃഷ്ണൻ പറഞ്ഞു. കോഴികളെ വളർത്തുന്നവർ ബയോസെക്യൂരിറ്റി രീതിയിൽ പക്ഷികളെ വളർത്താൻ ശ്രദ്ധിക്കണം. സന്ദർശകർക്ക് കർശന നിയന്ത്രണം, കോഴിഫാം പരിസരം, വാഹനങ്ങൾ ,വെള്ളം, പൌൾട്രി ഉപകരണങ്ങൾ തുടങ്ങിയവ വൃത്തിയായി സൂക്ഷിക്കുന്നതിലൂടെ പക്ഷികളുടെ അസുഖങ്ങൾ ഒരു പരിധി വരെ തടഞ്ഞു നിർത്താനാകുമെന്നതിനാൽ എല്ലാ കോഴികർഷകരും ഇവ കർശനമായും പിന്തുടരണമെന്നും ഡോ.എസ് ഹരികൃഷ്ണൻ പറഞ്ഞു. സ്ഥായിയായ ആരോഗ്യ സുരക്ഷ ഉറപ്പുവരുത്തി എങ്ങനെ ബ്രോയിലർ കോഴികളെ ഉൽപ്പാദിപ്പിക്കാം എന്ന വിഷയത്തെ ആസ്പദമാക്കി നടന്ന വർക്ക്ഷോപ്പിൽ ഡോ.ഹരികൃഷ്ണൻ എസ് ,ഡോ. സൂര്യ ശങ്കർ, ഡോ.ജെസ്സ് ജോർജ്, ഡോ.പുണ്യമൂർത്തി, ഡോ.ശ്രീനിവാസ് ഗുപ്ത, ഡോ.നൌഷാദ് അലി ,ഡോ.ടോണി ജോസ്, ഡോ.നടരാജൻ , ഡോ.ഈപ്പൻ ജോൺ, ഡോ.സെൽവകുമാർ, ഡോ.റാണാ രാജ് , ഡോ. ചന്ദ്രപ്രസാദ്, ഡോ.സ്വപ്ന സൂസൻ എബ്രഹാം, ഡോ.ബിജുലാൽ, ഡോ.സജീവ് കുമാർ, ഡോ.സുനിൽ കുമാർ, ഡോ.അനുരാജ്, ഡോ.സുധി ആർ, ഡോ.ടി.എം ബീനാ ബീവി, ഡോ.റെനി ജോസഫ്, ഡോ.ബേബി കെ കെ,ഡോ.ബിനോജ് ചാക്കോ, എന്നിവർ പങ്കെടുത്തു സംവദിച്ചു. മൃഗസംരക്ഷണ വകുപ്പ് അഡീഷണൽ ഡയറക്ടർ ഡോ.കെ സിന്ധു നന്ദി പ്രകാശിപ്പിച്ചു.
ഡ്രാഗണ്‍ ഫ്രൂട്ട് :ന്യൂജനറേഷന്‍ പഴവര്‍ഗ്ഗം
രവീന്ദ്രന്‍ തൊടീക്കളം കള്ളിച്ചെടിയുടെ കുടുംബാംഗ മായ ഈ മധുരക്കനി കേരളത്തില്‍ എത്തിയത് അടുത്തകാലത്താണ്. തായ് ലാന്റ്, ശ്രീലങ്ക, ഇന്തോ നേഷ്യ, ഫിലിപ്പൈന്‍സ്, മലേഷ്യ തുടങ്ങിയ രാജ്യങ്ങളില്‍ ഇത് ധാരാളമായി കൃഷി ചെയ്യുന്നു. ഹെലോസെറിയസ് അണ്‍ ഡേറ്റസ് എന്ന സസ്യനാമത്തോടു കൂടിയ ഈ സസ്യം ചുവന്ന പിത്തായാ, കോസ്റ്റോറിക്ക പിത്തായ, മഞ്ഞ പിത്തായ എന്നിങ്ങനെ മൂന്ന് തരത്തില്‍ കാണപ്പെടുന്നു. 10 – 15 സെ.മീ. നീളമുള്ള വള്ളിത്തണ്ടാണ് നടീല്‍ വസ്തു ജൈവ വളങ്ങളും മണലും കൂട്ടിചേര്‍ത്ത മിശ്രിതം തടത്തിലിട്ട്, മൂന്ന് – നാല് തണ്ടുകള്‍ നടണം. പഴത്തിനകത്തുള്ള വിത്തുകള്‍ പാകി മുളപ്പിച്ച് കൃഷി ചെയ്യുന്ന രീതിയും ചിലയിടങ്ങളില്‍ നിലവിലുണ്ട്. താങ്ങു കാലായി രണ്ട് മീറ്റര്‍ ഉയരമുള്ള കോണ്‍ക്രീറ്റ് കാലുകള്‍ തയ്യാറാക്കി സ്ഥാപിച്ച് അരമീറ്റര്‍ താഴ്ചയില്‍ തടത്തിന് സമീപം സ്ഥാപിച്ച് നട്ട തണ്ട് ഇതിനോട് ചേര്‍ത്ത് കെട്ടണം. തണ്ടില്‍ വേര് പിടിക്കുന്നതോടെ തണ്ടില്‍ തായ് വേരുകള്‍ ഉണ്ടാവു കയും താങ്ങു കാലില്‍ പറ്റി പിടിച്ചു കയറുകയും ചെയ്യും. ചെടി ഒന്നിന് നാല് കി.ഗ്രാം ജൈവവളവും നൂറ് ഗ്രാം രാസവളമിശ്രിതവും വര്‍ഷം തോറും ചേര്‍ത്ത് കൊടുക്കണം. ഒന്നര മീറ്റര്‍ വളരുമ്പോള്‍ വള്ളി ത്തലപ്പുകള്‍ താഴേക്ക് തൂക്കിയിട്ടു കൊടുക്കാം. ഇങ്ങിനെ ചെയ്യുന്ന തിന് കോണ്‍ക്രീറ്റ് കാലുകള്‍ക്ക് മുകളില്‍ വട്ടത്തിലുള്ള ഒരു ടയര്‍ കെട്ടിവെച്ച് ഇതിലൂടെ തണ്ട് പടര്‍ത്തി താഴേക്ക് തൂക്കിയിടാം. നാലാം വര്‍ഷം 100-130 തലപ്പുകള്‍ വരെ കാണാം. നന്നായി പരിപാ ലിച്ചാല്‍ ഒരു വര്‍ഷം കൊണ്ട് പൂവിട്ട് കായ പിടിക്കാന്‍ തുടങ്ങും. സുഗന്ധവാഹിയായ പൂക്കള്‍ക്ക് 35 സെ.മീ. നീളം കാണും. ഒരു രാത്രിയാണിതിന്റെ ആയുസ്സ്. വാവലുകളും – നിശാ ശലഭങ്ങളു മാണ് പരാഗണം നടത്തുന്നത്. കായ രൂപാന്തരപ്പെട്ട് വിളവെടുപ്പി നുള്ള കാലദൈര്‍ഘ്യം 35 -40 ദിവസമാണ്. ഒരു വര്‍ഷം അഞ്ചാറ് തവണ വിളവെടുക്കാമെന്നതാണ് പ്രത്യേകത. പത്ത് സെന്റ് സ്ഥലത്ത് നിന്ന് 500 കി.ഗ്രാം വരെ വിളവ് ലഭിക്കും കി.ഗ്രാമിന് 400 – 500 രൂപ വിലയുമുണ്ട്. ജീവകം സി.യുടെ കലവറ യായ ഈ പഴത്തില്‍ മറ്റു ജീവകങ്ങള്‍, ഇരുമ്പ്, കാല്‍സ്യം, ഫോസ്ഫറസ്, നാര്, കരോട്ടിന്‍, നിയാസിന്‍, റിബോഫ്ളേവിന്‍. തുടങ്ങി അനേകം പോഷകങ്ങള്‍ അടങ്ങിയിട്ടുണ്ട്. ചീത്ത കൊളസ്ട്രോളിനെ കുറക്കാനും രക്തസ മ്മര്‍ദ്ദം നിയന്ത്രിക്കാനും പഞ്ചസാര യുടെ അളവ് നിയന്ത്രിക്കുവാനും ഈ പഴത്തിന് കഴിയും.

വൈഗകൃഷി ഉന്നതി മേള ക്വിസ് മത്സര വിജയികൾ

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives