കാർഷിക ഇന്നവേറ്റേഴ്‌സ് മീറ്റ് 6-ന് കാസർഗോഡ്.

Saturday, 19th September 2020

ഭാരതീയ കാർഷിക ഗവേഷണ സ്ഥാപനത്തിന്റെ കീഴിൽ കാസർഗോഡ്

ആസ്ഥാനമായുളള കേന്ദ്രതോട്ടവിള ഗവേഷണ സ്ഥാപനം (CPCRI) ൽ വച്ച്

ഒക്‌ടോബർ 6-ന് ഇന്നവേറ്റേഴ്‌സ് മീറ്റ് എന്ന പേരിൽ കാർഷിക

സംരംഭകർക്കായി ഒരു സംഗമം നടത്തുന്നു. കാർഷിക മേഖലയിൽ സംരംഭം

തുടങ്ങുവാൻ ആഗ്രഹിക്കുന്നവർക്കും സംരംഭകർക്കും വ്യാവസായിക വളർച്ച

കൈവരിക്കാൻ സഹായമായിട്ടുളള ഈ മീറ്റിൽ എക്‌സിബിഷനുകൾ,

സംരംഭകരും ശാസ്ത്രജ്ഞരുമായുളള അഭിമുഖം, വിജയമാതൃകകളുടെ

അവതരണം എന്നിവ സംഘടിപ്പിച്ചിരിക്കുകയാണ്. ബഹു. കേരളഗവർണർ

റിട്ട.ജസ്റ്റിസ് പി. സദാശിവം തദവസരത്തിൽ മികച്ച സംരംഭകരെ

അനുമോദിക്കുകയും ചെയ്യുന്നതാണ്. പങ്കെടുക്കുന്നതിന് താത്പര്യമുളളവർ

CPCRI യുടെ www.cpcriagribiz.in എന്ന വെബ്‌സൈറ്റ് മുഖാന്തിരം

മുൻകൂട്ടി രജിസ്റ്റർ ചെയ്യേതാണ്. താമസസൗകര്യം ആവശ്യമുളളവർ മുൻകൂട്ടി

അപേക്ഷിക്കേണ്ടതും ഫീസ് അടയ്‌ക്കേണ്ടതുമാണ്.

Also read:

പുലാസാൻ: കേരള കർഷകരുടെ അതിഥി

അമ്പലവയൽ കാർഷിക കോളേജ് ഉദ്ഘാടനം 16-ന്

തേങ്ങ പിഴിഞ് പാലെടുക്കാൻ കേര ധാര: സാങ്കേതിക വിദ്യ കൈമാറി.

കിസ്സാന്‍ ക്രെഡിറ്റ് കാര്‍ഡ് സാച്ചുറേഷന്‍ സ്‌കീം ജില്ലയില്‍ നടപ്പാക്കും.

Leave a Reply Cancel reply

വെളിച്ചെണ്ണയെന്ന മൃതസഞ്ജീവനി
കെ.എം. സുനില്‍ ഞാന്‍ ഷേവ് ചെയ്തശേഷം ആഫ്റ്റര്‍ ഷേവ് ലോഷനായി ഉപയോഗിക്കുന്നത് വെളിച്ചെണ്ണയാണ്. എന്‍റെ കുഞ്ഞുനാളില്‍ അമ്മ, ഞങ്ങള്‍ മക്കളുടെ ശരീരത്തില്‍ വെന്ത വെളിച്ചെണ്ണയാണ് തേച്ചു കുളിപ്പിച്ചിരുന്നത്. ഞങ്ങള്‍ ധാരാളംവെളിച്ചെണ്ണ നേരിട്ട് ഉള്ളില്‍ കഴിച്ചിട്ടുമുണ്ട്. വെളിച്ചെണ്ണയില്‍ പാചകം ചെയ്ത ഭക്ഷണത്തിന്‍റെ സ്വാദ് നാവില്‍ നിന്നും മായില്ല… ബഹുമാനപ്പെട്ട മുന്‍ കേരള കൃഷിവകുപ്പ് മന്ത്രി ശ്രീ. കെ.പി.മോഹനന്‍ ഒരു ചടങ്ങില്‍ അഭിമാനത്തോടെ പറഞ്ഞ വാചകങ്ങളാണിത്. വെളിച്ചെണ്ണയിലെ കൊളസ്ട്രോളിനേയും മറ്റ് ഘടകങ്ങളേയും കുറിച്ച് അസത്യങ്ങള്‍ മാത്രം വിളമ്പുന്ന പാം ഓയില്‍ ഇറക്കുമതി മാഫിയയുടെയും ബ്രാന്‍ഡഡ് പാം ഓയില്‍ ഉത്പാദകരുടെയും മറ്റു സസ്യ എണ്ണ ഉത്പാദകരുടെയും ദിവസേനയുള്ള പ്രചരണങ്ങള്‍ക്കിടയിലാണ് ഈ പ്രഖ്യാപനം കുളിര്‍തെന്നല്‍പോലെ കേരത്തേയും വെളിച്ചെണ്ണയേയും സ്നേഹിക്കുന്നവരുടെ മുന്നിലേക്കെത്തുന്നത്. ഇത് കേവലം ഒരാളുടെയോ ചിലരുടെ മാത്രമോ വാക്കുകളല്ല. മറിച്ച് ജനനം മുതല്‍ കേരളീയരില്‍ ബഹുഭൂരിപക്ഷവും അമ്മയുടെ മുലപ്പാല്‍പോലെ അമൃത തുല്യമായി സ്നേഹിക്കുന്നതും സേവിക്കുന്നതുമാണ് വെളിച്ചെണ്ണ. ഭക്ഷണത്തില്‍ നിരന്തരം വെളിച്ചെണ്ണ ഉള്‍പ്പെടുത്തുന്നവര്‍ക്ക് ഹൃദ്രോഗം, കാന്‍സര്‍ ഇവ വരാനുള്ള സാധ്യത തുലോം കുറവാണെന്ന് ശാസ്ത്രീയ പഠനങ്ങള്‍ തെളിയിക്കുന്നു. ഗര്‍ഭിണികളുടെ ആരോഗ്യസംരക്ഷണത്തിനും ഗര്‍ഭസ്ഥ ശിശുവിന്‍റെ വളര്‍ച്ചയ്ക്കും അലോപ്പതി ഡോക്ടര്‍മാര്‍ പോലും ഇളനീര്‍ നിര്‍ദ്ദേശിക്കുന്നുണ്ട്. ഇത് പ്രകൃതിദത്തമായ ഏറ്റവും പോഷകഗുണമുള്ള പാനീയമാണ്. വയറിളക്ക രോഗമുള്ളവര്‍ക്ക് ഇളനീര്‍ കൊടുത്താല്‍ ശരീരത്തില്‍ നിന്നുമുള്ള ലവണനഷ്ടം നികത്താനാവും. കോളറ, ചിക്കന്‍ പോക്സ് രോഗികള്‍ക്ക് ഇത് കണ്‍കണ്ട ഔഷധമാണ്.തേങ്ങയും വെളിച്ചെണ്ണയും സ്ഥിരമായുപയോഗിച്ചുകൊണ്ടിരുന്ന പഴയ തലമുറയില്‍ ഹൃദ്രോഗം വളരെ കുറവായിരുന്നു. എന്നാലിന്ന് സ്ഥിതി മാറി. ഫാസ്റ്റ് ഫുഡിന്‍റേയും നിറം ചേര്‍ത്ത പാനീയങ്ങളുടെയും പിന്നാലെ പായുന്ന പുതിയ തലമുറ ഹൃദ്രോഗത്തിന് അടിമകളാവുന്നു. വെളിച്ചെണ്ണ രക്തത്തിലെ നല്ല കൊളസ്ട്രോളിനെ സംരക്ഷിക്കുകയും ചീത്ത കൊളസ്ട്രോളിനെ കുറയ്ക്കുകയും ചെയ്യും.വെളിച്ചെണ്ണ ചേര്‍ത്ത് പാകം ചെയ്യുന്ന ആഹാരത്തില്‍ നിന്നും എല്ലുകളുടെ വളര്‍ച്ചയ്ക്കാവശ്യമായ ധാതുക്കളെ എളുപ്പത്തില്‍ ആഗിരണം ചെയ്യാനാകും. പണ്ടുകാലത്തെ ജനങ്ങള്‍ ശരീരത്തില്‍ വെളിച്ചെണ്ണ തേച്ചുപിടിപ്പിച്ച് ഇളംവെയില്‍ കൊള്ളുന്ന പതിവുണ്ടായിരുന്നു. ഇത് സൂര്യപ്രകാശത്തില്‍ നിന്നും വിറ്റമിന്‍ ഡി ആഗിരണം ചെയ്യുന്നത് വേഗത്തിലാക്കുമെന്ന് അവര്‍ക്കറിയാമായിരുന്നു. എണ്ണ തേച്ചുകുളി തലയ്ക്കും മുടിയ്ക്കും ഒരുപോലെ ഗുണം പകരുന്നതാണ്. സ്ഥിരമായി വെളിച്ചെണ്ണ തേച്ചുകുളിക്കുന്നവര്‍ക്ക് മുടികൊഴിച്ചില്‍, അകാലനര, മുടിപൊട്ടിപോകല്‍, മുടിക്കായ, താരന്‍ തുടങ്ങിയ ശിരോരോഗങ്ങളുണ്ടാവുന്നില്ല.വെര്‍ജിന്‍ വെളിച്ചെണ്ണയാകട്ടെ നിരവധി ഗുണങ്ങളടങ്ങിയ, പ്രകൃതിയുടെ ദിവ്യ ഔഷധമാണ്. പച്ചത്തേങ്ങയില്‍ നിന്നും നേരിട്ടുല്‍പാദിപ്പിക്കുന്നതിനാല്‍ പ്രകൃത്യാ തേങ്ങയിലുള്ള ഘടകങ്ങളൊന്നും നഷ്ടപ്പെടുന്നില്ല. നിരന്തരമായി വെര്‍ജിന്‍ വെളിച്ചെണ്ണ ഉപയോഗിക്കുന്നത് ജരാനരയില്‍ നിന്നും മോചനം നല്‍കും. വിവിധ രോഗകാരികളായ സൂക്ഷ്മാണുക്കളെ തടയുകയും ചെയ്യും. ശിശുക്കളെ തേച്ചുകുളിപ്പിക്കാന്‍ വെര്‍ജിന്‍ വെളിച്ചെണ്ണ ഉപയോഗിക്കുന്നത് അവരുടെ ചര്‍മ്മത്തിന് മൃദുത്വവും കാന്തിയും നല്‍കും.മലയാളക്കരയാകെ മരതകപ്പട്ടുടുപ്പിച്ച് പ്രകൃതിയുടെ വരദാനമായ നിധികുംഭങ്ങളും പേറി നില്‍ക്കുന്ന കേരത്തെ സംരക്ഷിക്കുകവഴി നമുക്ക് പ്രകൃതി കനിഞ്ഞു നല്‍കിയിട്ടുള്ള ആരോഗ്യസംരക്ഷണം ഉറപ്പാക്കുകയാണ് നാം ചെയ്യുന്നത്. ഉയര്‍ന്ന വില നല്‍കി പച്ചത്തേങ്ങ സര്‍ക്കാര്‍ നേരിട്ട് സംഭരിച്ച് അതുകൊണ്ടുണ്ടാക്കുന്ന ഉത്പന്നങ്ങള്‍ ന്യായവിലയ്ക്ക് ജനങ്ങള്‍ക്ക് നല്‍കുന്നത് തെങ്ങുകൃഷിയേയും കര്‍ഷകരേയും ഈ മേഖലയില്‍ നിലനിര്‍ത്താനും പ്രോത്സാഹിപ്പിക്കാനും ഗുണകരമായിട്ടുണ്ട്.
ഇഞ്ചിയിലെ ജൈവ-കീട-രോഗ നിയന്ത്രണ മാര്‍ഗങ്ങള്‍
പുകയിലക്കഷായംഅര കിലോഗ്രാം പുകയിലയോ, പുകയില ഞെട്ടോ ചെറുതായി അരിഞ്ഞ് നാലര ലിറ്റര്‍ വെള്ളത്തില്‍ മുക്കി ഒരു ദിവസം വയ്ക്കുക. വെള്ളത്തില്‍ മുക്കിവച്ച പുകയില കഷണങ്ങള്‍ പിഴിഞ്ഞ് പുകയിലച്ചണ്ടി മാറ്റുക. 120 ഗ്രാം ബാര്‍ സോപ്പ് അര ലിറ്റര്‍ വെള്ളത്തില്‍ ചെറുതായരിഞ്ഞ് ലയിപ്പിച്ചെടുത്ത ലായനി പുകയിലച്ചാറുമായി ചേര്‍ത്ത് നന്നായി ഇളക്കുക. ഈ മിശ്രിതം 6-7 ഇരട്ടി വെള്ളം ചേര്‍ത്ത് തളിച്ചാല്‍ മൃദുല ശരീരികളായ കീടങ്ങളെ നിയന്ത്രിക്കാം.വേപ്പിന്‍കുരു മിശ്രിതം10 ഗ്രാം വേപ്പിന്‍കുരു നന്നായി അരച്ചോ, പൊടിച്ചോ തുണിക്കിഴിയില്‍ കെട്ടി 12 മണിക്കൂര്‍ നേരം ഒരു ലിറ്റര്‍ വെള്ളത്തില്‍ മുക്കിവയ്ക്കുക. കുരുവിന്‍റെ സത്ത് നന്നായി ഊറി ഇറങ്ങത്തക്കവണ്ണം കിഴി ഞെക്കി പിഴിയണം. ഇങ്ങനെ കിട്ടുന്ന 0.1% വീര്യമുള്ള വേപ്പിന്‍മിശ്രിതം നല്ലൊരു കീടനാശിനിയാണ്. ഇലതീനിപ്പുഴുക്കള്‍, തുള്ളന്‍ എന്നിവയെ നിയന്ത്രിക്കാന്‍ നല്ലതാണ്.മണ്ണെണ്ണക്കുഴമ്പ്ബാര്‍സോപ്പ്, മണ്ണെണ്ണ എന്നിവയാണ് ഇതിലെ പ്രധാന ചേരുവകള്‍ 500 ഗ്രാം സാധാരണ ബാര്‍ സോപ്പ് അരിഞ്ഞ് നാലര ലിറ്റര്‍ വെള്ളത്തില്‍ ചെറുതായി ചൂടാക്കി ലയിപ്പിക്കുക. ലായനി തണുത്തുകഴിയുമ്പോള്‍ ഇതിലേക്ക് 9 ലിറ്റര്‍ മണ്ണെണ്ണ നന്നായി ഇളക്കിക്കൊണ്ട് പകരുക. ഇതില്‍ 15-20 ഇരട്ടി വെള്ളം ചേര്‍ത്ത് ഇളക്കിയശേഷം ചെടികളില്‍ തളിക്കാം. നീരൂറ്റിക്കുടിക്കുന്ന പ്രാണികളെ നിയന്ത്രിക്കാന്‍ സഹായിക്കും.വേപ്പെണ്ണ-വെളുത്തുള്ളി മിശ്രിതംരണ്ടു ശതമാനം വീര്യത്തില്‍ 10 ലിറ്റര്‍ വേപ്പെണ്ണ-വെളുത്തുള്ളി മിശ്രിതം ഉണ്ടാക്കുന്നതിന് 200 മി.ലിറ്റര്‍ വേപ്പെണ്ണ, 200 ഗ്രാം വെളുത്തുള്ളി, 50 ഗ്രാം ബാര്‍ സോപപ് എന്നിവ വേണ്ടിവരും. ബാര്‍സോപ്പ് ചീകിയെടുത്ത്, 500 മി.ലിറ്റര്‍ ഇളം ചൂടുവെള്ളത്തില്‍ നല്ലതുപോല ലയിപ്പിച്ച്, 200 മി.ലിറ്റര്‍ വേപ്പെണ്ണയുമായി ചേര്‍ത്ത് ഇളക്കി പതപ്പിക്കണം. വെളുത്തുള്ളി നല്ലപോലെ അരച്ച് സത്ത് പിഴിഞ്ഞെടുത്ത് വെള്ളം ചേര്‍ത്ത് 300 മി.ലിറ്റര്‍ ആക്കി വേപ്പെണ്ണ സോപ്പുമായി ഇളക്കുക. ഇങ്ങനെ തയ്യാറാക്കിയ ഒരു ലിറ്റര്‍ മിശ്രിതത്തിലേക്ക് 9 ലിറ്റര്‍ വെള്ളം ചേര്‍ത്ത് നേര്‍പ്പിച്ച് നീരൂറ്റിക്കുടിക്കുന്ന പ്രാണികളെ നിയന്ത്രിക്കാന്‍ തളിച്ചുകൊടുക്കാവുന്നതാണ്. ഇഞ്ചിയിലെ തണ്ടുതുരപ്പനെ നിയന്ത്രിക്കാന്‍ ഫലപ്രദമാണ്.ബോര്‍ഡോ മിശ്രിതം100 ഗ്രാം തുരിശ് പൊടിച്ച് 5 ലിറ്റര്‍ വെള്ളത്തില്‍ ലയിപ്പിക്കുക. 100 ഗ്രാം നീറ്റുകക്ക 5 ലിറ്റര്‍ വെള്ളത്തില്‍ വേറെലയിപ്പിക്കുക. തുരിശുലായനി ചുണ്ണാമ്പുലായനിയിലേക്ക് ഒഴിച്ച് നല്ലതുപോലെ ഇളക്കി ചേര്‍ക്കുക. ഈ ലായനിയില്‍ തേച്ചുമിനുക്കിയ ഒരു ഇരുമ്പുകത്തി കുറച്ചുനേരം മുക്കിവയ്ക്കുക. കത്തിമുനയില്‍ ചെമ്പിന്‍റെ പൊടി അടിയുന്നതായി കാണുന്നുവെങ്കില്‍ കുറച്ചുകൂടി ചുണ്ണാമ്പുലായനി അല്‍പ്പാല്‍പ്പമായി ചേര്‍ക്കുക. നല്ലതുപോലെ തയ്യാര്‍ ചെയ്ത ബോര്‍ഡോമിശ്രിതത്തിന് നല്ല നീലനിറമായിരിക്കും. ബോര്‍ഡോമിശ്രിതം തയ്യാറാക്കാന്‍ ചെമ്പുപാത്രങ്ങളോ, മണ്‍പാത്രങ്ങളോ, പ്ലാസ്റ്റിക് പാത്രങ്ങളോ ഉപയോഗിക്കണം. മാത്രമല്ല മിശ്രിതം ഉണ്ടാക്കിയാലുടന്‍ അന്നുതന്നെ ഉപയോഗിക്കുകയും വേണം.
റിച്ചീസ് : പാഷന്‍ ഫ്രൂട്ടിന്‍റെ ലോകം
സി.വി.ഷിബു പാഷന്‍ ഫ്രൂട്ട് കൃഷിയുടെ വ്യാപനത്തിന് വേണ്ടി കഠിനാധ്വാനം ചെയ്യുന്ന കര്‍ഷകനാണ് എടവക പുതിയിടംകുന്നിലുള്ള കൊച്ചുകുടിയില്‍ വിന്‍ സെന്‍റ്. കഴിഞ്ഞ ഒരു പതിറ്റാണ്ടിലേറെയായി പാഷന്‍ ഫ്രൂട്ടിനെക്കുറിച്ച് കൃഷി ചെയ്തുകൊണ്ടുതന്നെ പഠനവും ഗവേഷണവും നടത്തിവരികയാണ് ഇദ്ദേഹം. സ്വന്തം സ്ഥലത്തും ഭൂമി പാട്ടത്തിനെടുത്തും പാഷന്‍ ഫ്രൂട്ട് കൃഷിചെയ്തുവരുന്നുണ്ട്. ആഭ്യന്തര വിപണിയില്‍ പാഷന്‍ ഫ്രൂട്ടിന് ഡിമാന്‍റ് വര്‍ദ്ധിച്ചതോടെ ഈ കൃഷിയില്‍ ആവേശത്തോടെയാണ് വിന്‍സെന്‍റ് ഇറങ്ങിത്തിരിച്ചത്. ഇതിനിടയ്ക്ക് ഉത്പാദനം വര്‍ദ്ധിക്കുകയും ചില സമയങ്ങളില്‍ തീരെ വില ലഭിക്കാതെ വരികയും ചെയ്തതോടെയാണ് പാഷന്‍ ഫ്രൂട്ടില്‍ നിന്ന് മൂല്യവര്‍ദ്ധിത ഉത്പന്നങ്ങള്‍ എങ്ങനെ നിര്‍മ്മിക്കാമെന്ന ആലോചന തുടങ്ങിയത്. ഇതിന്‍റെ ഭാഗമായി കേരള കാര്‍ഷിക സര്‍വകലാശാലയും സംസ്ഥാന കൃഷിവകുപ്പും നടത്തിയ വിവിധ സെമിനാറുകളിലും പരിശീലന പരിപാടികളിലും സംബന്ധിച്ചു. ഒടുവില്‍ മൈസൂര്‍ ആസ്ഥാനമായ കേന്ദ്ര സര്‍ക്കാര്‍ സ്ഥാപനമായ സി.എഫ്.ടി.ആര്‍.ഐയില്‍ നിന്ന് പാഷന്‍ ഫ്രൂട്ടില്‍ നിന്നുള്ള മൂല്യവര്‍ദ്ധിത ഉത്പന്നങ്ങള്‍ നിര്‍മ്മിക്കുന്നതിനുള്ള സാങ്കേതികവിദ്യ സ്വന്തമാക്കി.ആദ്യഘട്ടത്തില്‍ വീടിനടുത്തുതന്നെ ചെറിയ തോതില്‍ സ്ക്വാഷ്, ജാം, അച്ചാര്‍ എന്നിവ ഉണ്ടാക്കിത്തുടങ്ങി. പദ്ധതി വിപുലമാക്കുന്നതിന്‍റെ ഭാഗമായാണ് കേണിച്ചിറ താഴമുണ്ട സ്വദേശിയായ മാലിയില്‍ ജോര്‍ജ്ജ് സൈമണുമായി ചേര്‍ന്ന് ഉത്പന്ന നിര്‍മ്മാണം വിപുലപ്പെടുത്താന്‍ തീരുമാനിച്ചത്. ഇരുവരും ചേര്‍ന്ന് കേണിച്ചിറയില്‍ പുതിയൊരും സംസ്കരണകേന്ദ്രം തന്നെ ആരംഭിച്ചിട്ടുണ്ട്. ജ്യൂസ്, സ്ക്വാഷ്, അച്ചാര്‍, ജാം എന്നിവയാണ് കൂടുതലായി ഉത്പാദിപ്പിക്കുന്നത്. ആറ് തൊഴിലാളികള്‍ ഇപ്പോള്‍ സംസ്കരണകേന്ദ്രത്തില്‍ ഇവരോടൊപ്പം ജോലിചെയ്തുവരുന്നു. പ്രതിദിനം അഞ്ഞൂറ് ലിറ്ററാണ് ഉത്പാദനം.വരും നാളുകളില്‍ പ്രതിദിന ഉത്പാദനം അമ്പതിനായിരം ലിറ്റര്‍ ആക്കാനുള്ള ഒരുക്കത്തിലാണ് ജോര്‍ജ്ജും വിന്‍സെന്‍റും. പാഷന്‍ ഫ്രൂട്ട് കൃഷിചെയ്യുന്ന കര്‍ഷകരെ ഉള്‍പ്പെടുത്തി കൂട്ടായ്മ രൂപീകരിച്ച് നാല്‍പത് രൂപമുതല്‍ അമ്പത്തിയഞ്ച് രൂപവരെ കിലോയ്ക്ക് നല്‍കി പാഷന്‍ ഫ്രൂട്ട് സംഭരിച്ചുവരുന്നുണ്ട്.മനുഷ്യശരീരത്തിന്‍റെ രോഗപ്രതിരോധ ശേഷി വര്‍ദ്ധിപ്പിക്കുന്നതില്‍ പാഷന്‍ ഫ്രൂട്ടിന് നിര്‍ണായകമായ പങ്കുണ്ട്. കോവിഡ് എന്ന മഹാമാരി വന്നപ്പോള്‍ ആദ്യം ഒന്ന് പകച്ചെങ്കിലും പാഷന്‍ ഫ്രൂട്ടിന്‍റെ ഔഷധഗുണവും മൂല്യവര്‍ദ്ധിത ഉത്പന്നങ്ങള്‍ക്കുള്ള ഡിമാന്‍റും കണക്കിലെടുത്ത് കോവിഡ് കാലത്തുതന്നെ പുതിയ സംരംഭം ആരംഭിക്കാന്‍ തീരുമാനമെടുക്കുകയായിരുന്നു.കാര്‍ഷിക സര്‍വകലാശാലയുടെ അമ്പലവയല്‍ കൃഷിവിജ്ഞാന്‍ കേന്ദ്രയുടെ മേധാവി ഡോ. അലന്‍ തോമസാണ് ഇവര്‍ക്ക് പിന്തുണയുമായി ആദ്യം രംഗത്തുവന്നത്. വേവിന്‍ പ്രൊഡ്യൂസര്‍ കമ്പനിയുടെ ഓഹരി ഉടമകളാണ് വിന്‍സെന്‍റും, ജോര്‍ജ്ജും. വേവിന്‍ പ്രൊഡ്യൂസര്‍ കമ്പനിയുടെ സഹകരണത്തോടെ റിച്ചി എന്ന പേരിലാണ് ഇവര്‍ പുതിയ ബ്രാന്‍റ് പുറത്തിറക്കുന്നത്. പെട്ടെന്നു തന്നെ ആഭ്യന്തര വിപണിയിലും വിദേശ വിപണിയിലും വിജയം കൊയ്യാനാകുന്നതാണ് റിച്ചി പാഷന്‍ ഫ്രൂട്ട് ഉത്പന്നങ്ങള്‍ എന്നതാണ് ഇവരുടെ പ്രതീക്ഷ.രോഗപ്രതിരോധത്തില്‍ പാഷന്‍ ഫ്രൂട്ടിന്‍റെ പ്രാധാന്യംപ്രത്യേകതകള്‍നല്ല മണവും രുചിയും ഔഷധമൂല്യവും ഉള്ള ഫലമാണ് പാഷന്‍ ഫ്രൂട്ട്. ഏത് പഴജ്യൂസുമായി പാഷന്‍ ഫ്രൂട്ട് കൂട്ടിച്ചേര്‍ക്കാവുന്നതാണ്. ധാരാളം പൊട്ടാസ്യം, നിയാസിന്‍, ജീവകം സി, നാരുകള്‍ എന്നിവ പാഷന്‍ഫ്രൂട്ടില്‍ അടങ്ങിയിരിക്കുന്നു. വിവിധ ആല്‍ക്കലോയ്ഡുകള്‍, ഗ്ലൈക്കോസൈഡുകള്‍, ഗ്ലൂക്കണോയ്ഡുകള്‍ എന്നിവയും അടങ്ങിയിട്ടുണ്ട്. പാഷന്‍ ഫ്രൂട്ടിലെ പാസിഫ്ളോറിന്‍ എന്ന ഘടകം വേദന ശമിപ്പിച്ച് ശരീരത്തിന് ഉന്മേഷം നല്‍കുന്നു. തലവേദന, ചുമ, ഉറക്കമില്ലായ്മ, മാനസിക സംഘര്‍ഷം എന്നിവ ശമിപ്പിക്കുന്നു. ദഹനക്കേടുകള്‍, ആര്‍ത്തവ പ്രശ്നങ്ങള്‍, വിരശല്യം , ഹൃദയനാഡി രോഗങ്ങള്‍ എന്നിവയും ശമിപ്പിക്കും. രക്തത്തില്‍ കൗണ്ട് കൂട്ടി ഡെങ്കിപ്പനി, പക്ഷിപ്പനി, പന്നിപ്പനി , കുരങ്ങ്പനി, ചിക്കുന്‍ഗുനിയ, ക്യാന്‍സര്‍ മുതലായവ ശമിപ്പിക്കുന്നു. സ്വാദിഷ്ടമായ ഭക്ഷണപാനീയങ്ങള്‍, ഐസ്ക്രീം, കേക്ക്, സാലഡ്, ജാം, ജെല്ലി, പഞ്ച്, കാന്‍ഡി, വൈന്‍ മുതലായവ പാഷന്‍ഫ്രൂട്ടില്‍ നിന്ന് ഉണ്ടാക്കാം.ദിവസവും ഒരു പാഷന്‍ഫ്രൂട്ട് ശീലമാക്കിയാല്‍ ഡോക്ടറെ കാണേണ്ട ആവശ്യം വരില്ല.ലോകത്ത് പാഷന്‍ ഫ്രൂട്ട്600ല്‍പരം ഇനങ്ങള്‍ ലോകവ്യാപകമായി കാണപ്പെടുന്നുണ്ട്. ഏറ്റവും പ്രധാന ഇനം പാഷന്‍ഫ്രൂട്ട് എഡുലിസ് സിന്‍സ് എന്നതാണ്. കേരളത്തില്‍ കാവേരി, 134 പി എന്നീ ഇനങ്ങളാണ് കൂടുതലായും കൃഷിചെയ്തുവരുന്നത്.കേരളം, തമിഴ്നാട്, കര്‍ണാടക, ഉത്തരകിഴക്ക് സംസ്ഥാനങ്ങളായ മിസോറാം, നാഗാലാന്‍ഡ്, മണിപ്പൂര്‍, സിക്കിം എന്നിവിടങ്ങളില്‍ പാഷന്‍ ഫ്രൂട്ട് ഉത്പാദിപ്പിച്ച് വരുന്നുണ്ട്. പാഷന്‍ ഫ്രൂട്ടിന്‍റെ ജന്മദേശമായ ബ്രസീലിലാണ് ഏറ്റവും കൂടുതല്‍ ഉത്പാദനമുള്ളത്. ഓസ്ട്രേലിയ, കൊളമ്പിയ എന്നിവിടങ്ങളിലും പാഷന്‍ഫ്രൂട്ട് കൂടുതലായി കൃഷിചെയ്തുവരുന്നു.നാട്ടറിവുകളുടെയും പരിചയസമ്പത്തിന്‍റെയും അടിസ്ഥാനത്തില്‍ പലരും പാഷന്‍ ഫ്രൂട്ടിന്‍റെ പ്രാധാന്യവും ഔഷധഗുണവും തിരിച്ചറിഞ്ഞ് വാമൊഴിയായി പ്രചരിപ്പിക്കുന്നുണ്ടെങ്കിലും ശാസ്ത്രീയമായും ആധികാരികമായും ഇത് സംബന്ധിച്ച പഠനങ്ങളൊന്നും നടന്നിട്ടില്ല. ഇതിനെക്കുറിച്ച് കൂടുതല്‍ ശാസ്ത്രീയമായ പഠനം നടത്തേണ്ടത് കാലഘട്ടത്തിന്‍റെ ആവശ്യമാണെന്ന് പൈനാപ്പിള്‍ റിസര്‍ച്ച് സ്റ്റേഷന്‍ മുന്‍ മേധാവിയും പാഷന്‍ ഫ്രൂട്ട് ഗവേഷകനുമായ ഡോ. പി.പി. ജോയി കൃഷിദീപത്തോട് പറഞ്ഞു.കേരളത്തില്‍ പാഷന്‍ ഫ്രൂട്ടിന് അനന്ത സാധ്യതകളാണ് ഉള്ളത്. ഇവിടത്തെ കാലാവസ്ഥ തന്നെയാണ് ഇതിന്‍റെ പ്രത്യേകത. ഒരു ചെടിയില്‍ നിന്ന് പത്ത് കിലോ വരെ ഒരുപ്രാവശ്യം വിളവെടുക്കാം. ശരാശരി അഞ്ച് വര്‍ഷം മുതല്‍ എട്ട് വര്‍ഷം വരെ ചെടികള്‍ വിളവ് നല്‍കിക്കൊണ്ടിരിക്കും. കേരളത്തില്‍ പാഷന്‍ ഫ്രൂട്ട് കര്‍ഷകരുടെ ഒരു വാട്സ് ആപ് കൂട്ടായ്മ രൂപീകരിച്ച് അറിവുകള്‍ പരസ്പരം കൈമാറിക്കൊണ്ടിരിക്കുന്നുണ്ട്. ഡോ. പി.പി. ജോയി തന്നെയാണ് ഇതിന് നേതൃത്വം നല്‍കുന്നത്.
വര്‍ഗീസിന്‍റെ കൃഷിക്കെല്ലാം 21 ക്യാരറ്റ് തിളക്കമാണ്
സി.വി.ഷിബു, സി.ഡി.സുനീഷ് റേഡിയോ മെക്കാനിക്ക് എന്ന ജോലിയില്‍ നിന്നും മാറി പതിറ്റാണ്ടുകളായി കാര്‍ഷിക മേഖലയില്‍ നിലയുറപ്പിച്ച പുല്‍പ്പള്ളി ചെറിയതോട്ടില്‍ സി.വി.വര്‍ഗീസിന്‍റെ കൃഷിക്കെല്ലാം ഇന്ന് 21 ക്യാരറ്റിന്‍റെ തിളക്കമാണ്. കഴിഞ്ഞ കുറെ വര്‍ഷങ്ങളായി പലതരം വിളകളും കൃഷിരീതികളും പരീക്ഷിച്ച് വിജയിച്ചിട്ടുണ്ടെങ്കിലും ലോക്ക്ഡൗണ്‍ കാലത്ത് ചെയ്ത ക്യാരറ്റ് കൃഷിയാണ് ഇദ്ദേഹത്തെ ശ്രദ്ധേയനാക്കിയത്. വെല്‍ഡ്മെഷ് കൊണ്ട് ഉണ്ടാക്കിയ കൂടയില്‍ 21 ക്യാരറ്റുകള്‍ കൃഷിചെയ്ത് വിളവെടുത്തതും കൃഷിരീതിയും ഉത്പാദനരീതിയും ഇന്ന് സോഷ്യല്‍ മീഡിയയില്‍ വൈറലായിരിക്കുകയാണ്. വലക്കൂട്ടിനുള്ളിലെ കൃഷിയുടെ വീഡിയോ പുറത്തുവന്ന് ആഴ്ചകള്‍കൊണ്ട് കൃഷിമന്ത്രി വി.എസ്.സുനില്‍കുമാര്‍ ഉള്‍പ്പെടെ നിരവധി പേരാണ് വര്‍ഗീസിനെ ഫോണില്‍ വിളിച്ച് രീതികള്‍ മനസ്സിലാക്കിയത്.മണ്ണില്ലാ കൃഷിജൈവരീതിയിലാണ് വര്‍ഗീസിന്‍റെ കൃഷി. ഒന്നര ഏക്കര്‍ ഭൂമി സ്വന്തമായുണ്ടെങ്കിലും മണ്ണില്ലാതെ എങ്ങനെ കൃഷിചെയ്യാമെന്നാണ് വര്‍ഗീസ് ഗവേഷണം നടത്തിക്കൊണ്ടിരിക്കുന്നത്. അതിന്‍റെ ഫലം വര്‍ഗീസിന്‍റെ വീട്ടുമുറ്റത്തെത്തിയാല്‍ കാണാം. വഴിയരികില്‍ നിറയെ ഇരുമ്പുവല കൂടുകളില്‍ ക്യാരറ്റും കൂര്‍ക്കലും, മുറ്റം നിറയെ ഗ്രോബാഗുകളില്‍ ചീനിയും മറ്റ് വിളകളും, പറമ്പില്‍ നിന്ന് ശേഖരിക്കുന്ന കരിയിലകളും റോഡരികില്‍ നിന്നും മറ്റും ശേഖരിക്കുന്ന എക്കലുമാണ് മണ്ണിന് പകരമായി ഉപയോഗിക്കുന്നത്. കമ്പോസ്റ്റ് വളവും പോത്തിന്‍റെ ചാണകവും ജീവാമൃതവുമൊക്കെയാണ് വളമായി നല്‍കന്നത്. ഒരു വിളയുടെ വിളവെടുപ്പ് കഴിഞ്ഞാല്‍ തൊട്ടടുത്ത ദിവസം തന്നെ രണ്ടാമത്തെ വിളയും കൃഷിയിറക്കും. ഇങ്ങനെ ഒരേ മിശ്രിതത്തില്‍ രണ്ടോ മൂന്നോ തവണ കൃഷിചെയ്യാം. വെള്ളം കുറച്ച് മതിയെന്നതും വിളവെടുപ്പ് സുഗമമാക്കാനും ഈ രീതി നല്ലതാണ്. മുറ്റത്ത് ഗ്രോബാഗുകള്‍ക്കടുത്തായി ഇഷ്ടികകൊണ്ട് വലിയൊരു തടമുണ്ടാക്കി കാച്ചില്‍, ചേന എന്നിവ കൃഷിചെയ്തിട്ടുണ്ട്.തടത്തില്‍ ആദ്യം ഒരു പൈപ്പ് വെക്കും. പിന്നീട് കരിയിലയും എക്കലും കുത്തിനിറയ്ക്കും. അതിന് ശേഷം പൈപ്പ് ഊരി മാറ്റി അതില്‍ കാച്ചിലോ, ചേനയോ, തൈകളോ നടുന്നത്. വിളവ് കൂടുതല്‍ കിട്ടുമെന്നതാണ് പ്രത്യേകത. മുമ്പ് പി.വി.സി. പൈപ്പിനുള്ളില്‍ ആരംഭിച്ച കൃഷി ഇപ്പോഴും തുടരുന്നുണ്ട്. ഡ്രമ്മിലും ഇതേ തരത്തില്‍ കൃഷിചെയ്ത് വരുന്നു.വലക്കൂട്ടിലെ ക്യാരറ്റ് കൃഷിനാലടി ഉയരത്തിലാണ് വെല്‍ഡ് മെഷ് ഉപയോഗിച്ച് വലക്കൂട് നിര്‍മ്മിക്കുന്നത്. ഇതിനായി ആദ്യം 60 സെന്‍റീമീറ്റര്‍ നീളത്തില്‍ വല മുറിച്ചെടുക്കണം. തുടര്‍ന്ന് പെയിന്‍റ് ചെയ്യണം. തുരുമ്പെടുക്കാതിരിക്കാനാണ് ഇങ്ങനെ ചെയ്യുന്നത്. പെയിന്‍റ് ഉണങ്ങിയശേഷം വട്ടത്തിലാക്കി പ്ലാസ്റ്റിക് വള്ളി ഉപയോഗിച്ച് കെട്ടി കുടയാക്കണം. നേരത്തെ തയ്യാറാക്കിയ മിശ്രിതം ഈ കൂടയില്‍ നിറയ്ക്കണം. വിത്തിട്ടശേഷം നനയ്ക്കുമ്പോള്‍ പ്രത്യേ കം ശ്രദ്ധിക്കണം. വെള്ളം സ്പ്രേ ചെയ്ത് കൊടുക്കാനേ പാടുള്ളൂ. തുടര്‍ന്നുള്ള ജലസേചനത്തിനമായി തിരിനന പരീക്ഷിച്ചെങ്കിലും വിജയിച്ചില്ല. ഡ്രിപ്പ് പൈപ്പ് കൊടുത്ത് അതില്‍ ഒരു വാല്‍വ് ഘടിപ്പിച്ചാണ് നനയ്ക്കുന്നത്. ഒരു വലക്കൂടില്‍ 21 ക്യാരറ്റ് വിളയും. ശരാശരി മൂന്ന് കിലോ ഒരു കൂടയില്‍ നിന്ന് ആദായം കിട്ടും. ഒരു വലക്കൂട നിര്‍മ്മിക്കാന്‍ പണിക്കൂലിയടക്കം 600 രൂപ ചിലവ് വരും. ഒരു വല പത്ത് വര്‍ഷത്തിന് മുകളില്‍ ഉപയോഗിക്കാം. ആദ്യഘട്ടത്തില്‍ 21 കൂടുകളാണ് ഇങ്ങനെ നിര്‍മ്മിച്ചത്. അടുത്തഘട്ടത്തില്‍ 22 എണ്ണം കൂടി നിര്‍മ്മിച്ചു. ക്യാരറ്റ് വിളവെടുത്താല്‍ പിന്നെ കൂര്‍ക്ക ലും അതിന് ശേഷം മുള്ളങ്കിയും കൃഷിചെയ്യും.സമ്മിശ്ര കൃഷിയിലൂടെ വരുമാനംഒന്നര ഏക്കറില്‍ സമ്മിശ്ര കൃഷിയാണ് വര്‍ഗീസിന്‍റേത്. തെങ്ങ്, കവുങ്ങ്, കുരുമുളക് എന്നിവയ്ക്ക് പുറമെ റെഡ് ലേഡി പപ്പായ, പാഷന്‍ഫ്രൂട്ട്, കപ്പ, വാനില, അവക്കാഡോ, ലിച്ചി, മാംഗോസ്റ്റിന്‍, കാന്താരി, മറ്റ് പച്ചക്കറികള്‍ എന്നിവയും കൃഷി ചെയ്യുന്നുണ്ട്. സംസ്ഥാന കൃഷിവകുപ്പ് കഴിഞ്ഞവര്‍ഷം ഇന്‍റര്‍ഗ്രേറ്റഡ് ഫാം സ്കൂ ള്‍ പദ്ധതിയില്‍ ഉള്‍പ്പെടുത്തി അരലക്ഷം രൂപയുടെ സഹായം വര്‍ഗീസിന് നല്‍കിയിട്ടുണ്ടെന്ന്കൃഷി ഓഫീസര്‍ അനു ജോര്‍ജ്ജ് പറഞ്ഞു: മഴമറക്കകത്ത് പ്രത്യേക രീതിയിലാണ് വാനില കൃഷി. ആക്രിക്കടയില്‍ നിന്ന് വാങ്ങുന്ന പി.വി.സി.പൈപ്പ് മണ്ണില്‍ കുഴിച്ചിട്ട് പൈപ്പില്‍ ചകിരിക്കയര്‍ ചുറ്റി അതില്‍ ചാണകം പേസ്റ്റ് രൂപത്തിലാക്കി തേച്ച് പിടിപ്പിക്കും. വാനില വേര് പിടിച്ച് കയറാനും തഴച്ച് വളരാനും ഈ താങ്ങ് സഹായകമാണെന്നാണ് വര്‍ഗീസിന്‍റെ സാക്ഷ്യം. 60 ചുവട് വാനിലക്ക് ഇടവിളയായി പച്ചക്കറികളും കൃഷിചെയ്തിട്ടുണ്ട്. തൊഴുത്തില്‍ നിന്നുള്ള വെള്ളം കൃഷിയിടത്തിലേക്കാണ് ഒഴുക്കിവിടുന്നത്.ജലസംരക്ഷണത്തിന് നല്ലമാതൃകഏറ്റവും കൂടുതല്‍ വരള്‍ച്ച അനുഭവപ്പെടുന്ന സ്ഥലമാണ് പുല്‍പ്പള്ളി. ജലദൗര്‍ലഭ്യമാണ് വര്‍ഗീസിന്‍റെ കൃഷിക്ക് പ്രധാന വെല്ലുവിളി. ഇത് പരിഹരിക്കാന്‍ നിരവധി ശ്രമങ്ങള്‍ നടത്തി. ഇതിന്‍റെ ഭാഗമായി ടെറസിന് മുകളിലെ വെള്ളവും ബാത്ത്റൂമിലെയും അടുക്കളയിലെയും അഴുക്ക് വെള്ളവും പ്രത്യേകമായി ഫില്‍ട്ടര്‍ ചെയ്ത് കൃഷിക്ക് ഉപയോഗിക്കുന്നുണ്ട്. പ്ലാസ്റ്റിക് ടാങ്കില്‍ മുകളില്‍ മെറ്റലും അതിന് താഴെ ചിരട്ടകരിയും ഏറ്റവും അടിയിലായി ഇഷ്ടികയും വെച്ചാണ് ഫില്‍ട്ടര്‍ ചെയ്യുന്നത്. ഇങ്ങനെ ഫില്‍ട്ടര്‍ ചെയ്യുന്ന വെള്ളം മറ്റൊരു ടാങ്കിലേക്ക് ഒഴുക്കും. അവിടെനിന്ന് പമ്പ് ചെയ്ത് വീടിന് മുകളിലെ ടാങ്കില്‍ നിറച്ച് കൃഷിക്ക് ഉപയോഗിക്കുന്നതാണ് രീതി.കാര്‍ഷിക വിദഗ്ധരുടെ സാങ്കേതിക സഹായംകൃഷിവകുപ്പിലെ ഉദ്യോഗസ്ഥര്‍, മറ്റ് വിദഗ്ധര്‍, കേരള കാര്‍ഷിക സര്‍വകലാശാലയുടെ അമ്പലവയല്‍ കൃഷി വിജ്ഞാന്‍ കേന്ദ്രത്തിലെ ശാസ്ത്രജ്ഞര്‍ എന്നിവര്‍ വര്‍ഗീസിന്‍റെ കൃഷിയിടം സന്ദര്‍ശിച്ച് നിര്‍ദ്ദേശങ്ങളും സാങ്കേതിക സഹായങ്ങളും നല്‍കിവരുന്നുണ്ട്.ഗവേഷണ തല്‍പ്പരനായ സി.വി.വര്‍ഗീസിന്‍റെ കാര്‍ഷികമേഖലയിലെ വിജയഗാഥകള്‍ മറ്റ് ജില്ലകളിലേക്ക് വ്യാപിപ്പിക്കാനുള്ള ഒരുക്കത്തിലാണ് കൃഷിവകുപ്പ്ഫോണ്‍ : 9744367439
ബാണാസുര സാഗര്‍ അണക്കെട്ടില്‍ കൂട് മത്സ്യകൃഷി പദ്ധതി തുടങ്ങി
കാരാപ്പുഴ അണക്കെട്ടിലും ഫിഷറീസ് വകുപ്പിന്റെ കൂടു മത്സ്യകൃഷി പദ്ധതി നടപ്പാക്കുന്നതിന് നടപടി സ്വീകരിച്ചു വരുന്നതായി ഫിഷറീസ് വകുപ്പ് മന്ത്രി ജെ.മേഴ്‌സികുട്ടിയമ്മ പറഞ്ഞു. റീ ബില്‍ഡ് കേരളയുടെ ഭാഗമായി ബാണാസുര സാഗര്‍ അണക്കെട്ടില്‍ ആരംഭിച്ച കൂട് മത്സ്യകൃഷി പദ്ധതിയുടെ ഉദ്ഘാടനം ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു മന്ത്രി. മത്സ്യോല്‍പാദനത്തില്‍ സമുദ്ര മേഖലയെ മാത്രം ആശ്രയിക്കുന്ന രീതി മാറി ഉള്‍നാടന്‍ മത്സ്യകൃഷിയെ പ്രോത്സാഹിപ്പിക്കേണ്ട സാഹചര്യമാണുള്ളതെന്ന് മന്ത്രി പറഞ്ഞു. സംസ്ഥാനത്ത് ധാരാളം അണക്കെട്ടുകളും തടാകങ്ങളും മറ്റ് ജലസ്രോതസ്സുകളും ഉണ്ടെങ്കിലും ഇവിടങ്ങളില്‍ ഫലപ്രദമായ മത്സ്യകൃഷിയില്ല. ജലം കൊണ്ട് സമ്പന്നമായ നാം ജലകൃഷിയുടെ കാര്യത്തില്‍ പിന്നിലാണ്. ശുദ്ധജലത്തില്‍ ശാസ്ത്രീയമായ രീതിയില്‍ മത്സ്യകൃഷി നടത്തിയാലേ നമുക്ക് ഭക്ഷ്യസുരക്ഷ ഉറപ്പാക്കാന്‍ കഴിയൂ. അണക്കെട്ടുകള്‍ വിവിധ വകുപ്പുകളുടെ കൈവശമായതിനാല്‍ എല്ലാ വകുപ്പുകളുടെയും ഏകോപനത്തോടെയാണ് ഇത്തരം പദ്ധതികള്‍ നടപ്പാക്കാനാകുക. ഇക്കാര്യത്തില്‍ വൈദ്യുതി വകുപ്പ് ഉള്‍പ്പെടെ മികച്ച സഹകരണം നല്‍കുന്നതായി മന്ത്രി പറഞ്ഞു. ജില്ലയിലെ 90 ആദിവാസികള്‍ക്ക് സ്വയംതൊഴില്‍ ലഭ്യമാവുകയും അതുവഴി അവരുടെ ജീവിതനിലവാരം മെച്ചപ്പെടുത്തുകയും ചെയ്യുന്ന മികച്ച പദ്ധതിയാണ് ബാണാസുര സാഗര്‍ അണക്കെട്ടിലെ കൂട് മത്സ്യകൃഷി. ഫിഷറീസ് വകുപ്പിന്റെ ജനകീയ മത്സ്യകൃഷി, മത്സ്യ സമൃദ്ധി പദ്ധതികളുടെ ഭാഗമായാണ് ബാണാസുര സാഗര്‍ അണക്കെട്ടില്‍ പദ്ധതി നടപ്പാക്കുന്നത്. തദ്ദേശീയ പട്ടികവര്‍ഗ അംഗങ്ങളെ സംഘടിപ്പിച്ചു കൊണ്ടുള്ള പങ്കാളിത്ത പദ്ധതി ഏജന്‍സി ഫോര്‍ ഡവലപ്‌മെന്റ് ഓഫ് അക്വാകള്‍ച്ചര്‍, കേരള (അഡാക്) വഴിയാണ് നടപ്പാക്കുന്നത്. 3.2 കോടിയുടേതാണ് പദ്ധതി. ജലാശയത്തില്‍ പ്രത്യേകം കൂടുകള്‍ സ്ഥാപിച്ച് അതില്‍ മത്സ്യ കുഞ്ഞുങ്ങളെ നിക്ഷേപിച്ച് വളര്‍ത്തുന്നതാണ് രീതി. ബാണാസുര സാഗര്‍ പട്ടിക വര്‍ഗ മത്സ്യത്തൊഴിലാളി റിസര്‍വോയര്‍ സഹകരണ സംഘത്തിലെ അംഗങ്ങളാണ് പദ്ധതിയുടെ ഗുണഭോക്താക്കള്‍. അംഗങ്ങളെ 10 പേര്‍ വീതമുളള ഒമ്പത് ഗ്രൂപ്പുകളാക്കി തിരിച്ചാണ് പദ്ധതി നടപ്പാക്കുന്നത്. ഒരു ഗ്രൂപ്പിന് 6*4*4 സൈസിലുളള 10 കൂടുകള്‍ വീതം ആകെ 90 കൂടുകളാണ് നല്‍കുന്നത്. ഒരു കൂട്ടില്‍ 3840 മത്സ്യകുഞ്ഞുങ്ങളെ വളര്‍ത്താനാകും. ഇത്തരത്തില്‍ ആകെ 3,45,600 മത്സ്യകുഞ്ഞുങ്ങളെയാണ് ഫിഷറീസ് വകുപ്പ് വിവിധ ഘട്ടങ്ങളാലായി നിക്ഷേപിക്കുന്നത്. ഗിഫ്റ്റ് തിലാപ്പിയ ഇനത്തില്‍പ്പെട്ട മത്സ്യകുഞ്ഞുങ്ങളെയാണ് ആദ്യഘട്ടത്തില്‍ നിക്ഷേപിക്കുന്നത്. വര്‍ഷത്തില്‍ രണ്ട് തവണ വിളവെടുപ്പ് നടത്താനാകും. വര്‍ഷം 1.35 ലക്ഷം കിലോഗ്രാം അധിക മത്സ്യോദ്പാദനമാണ് ലക്ഷ്യമിടുന്നത്. കൂടൊന്നിന് 3 ലക്ഷം പ്രകാരം 2.7 കോടി രൂപ വരുമാനം പ്രതീക്ഷിക്കുന്നു. അണക്കെട്ട് പരിസരത്തെ കുറ്റിയാംവയലില്‍ നടന്ന പ്രാദേശിക ഉദ്ഘാടന ചടങ്ങില്‍ സി.കെ ശശീന്ദ്രന്‍ എം.എല്‍.എ അധ്യക്ഷനായി. ജില്ലാ പഞ്ചായത്ത് പ്രസിഡന്റ് കെ.ബി നസീമ, പടിഞ്ഞാറത്തറ ഗ്രാമപഞ്ചായത്ത് പ്രസിഡന്റ് കെ.പി നൗഷാദ് എന്നിവര്‍ സംസാരിച്ചു. ഫിഷറീസ് ഡയറക്ടര്‍ എം.ജി രാജമാണിക്യം സ്വാഗതവും അഡാക് എക്‌സിക്യൂട്ടീവ് ഡയറക്ടര്‍ ഡോ. ദിനേശന്‍ ചെറുവാട്ട് നന്ദിയും പറഞ്ഞു. കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ഉഷാ തമ്പി, തരിയോട് ഗ്രാമപഞ്ചായത്ത് പ്രസിഡന്റ് ഷീജ ആന്റണി്, പടിഞ്ഞാറത്തറ പഞ്ചായത്ത് വൈസ് പ്രസിഡന്റ് നസീമ പൊന്നാണ്ടി, ബ്ലോക്ക് ഡിവിഷന്‍ മെമ്പര്‍ ജിന്‍സി സണ്ണി, പഞ്ചായത്ത് വികസന സ്ഥിരംസമിതി അധ്യക്ഷ ചാന്ദിനി ഷാജി, റിസര്‍ച്ച് ആന്‍ഡ് ഡാം സേഫ്റ്റി സബ്ഡിവിഷന്‍ ഇ.ഇ ശ്രീധരന്‍ കെ., എ.എക്‌സി. മനോഹരന്‍ പി., ഫിഷറീസ് ജോ. ഡയറക്ടര്‍ ബി.കെ. സുധീര്‍ കിഷന്‍, അസി. ഡയറക്ടര്‍ ചിത്ര എം. എന്നിവര്‍ പങ്കെടുത്തു. ഉദ്ഘാടന ചടങ്ങിനു ശേഷം അണക്കെട്ടിലെ കൂടുകൃഷി പദ്ധതി പ്രദേശത്ത് ബോട്ടിലെത്തിയ എം.എല്‍.എയും ജില്ലാ പഞ്ചായത്ത് പ്രസിഡന്റും മറ്റ് ജനപ്രതിനിധികളും മത്സ്യക്കുഞ്ഞുങ്ങളെ നിക്ഷേപിച്ചു.
വയല്‍ നെല്‍കൃഷിക്ക് റോയല്‍റ്റി 2000 രൂപ : അപേക്ഷകള്‍ സെപ്തംബര്‍ 11 മുതല്‍
നെല്‍കൃഷിക്ക് അനുയോജ്യമായ വയലുകളുടെ ഉടമകള്‍ക്ക് സര്‍ക്കാര്‍ നല്‍കുന്ന റോയല്‍റ്റിക്കായി സെപ്തംബര്‍ 11 മുതല്‍ ഓണ്‍ലൈനായി അപേക്ഷിക്കാം. ഹെക്ടറിന് 2000 രൂപ നിരക്കില്‍ ഗുണഭോക്താക്കളുടെ ബാങ്ക് അക്കൗണ്ടിലേക്ക് നേരിട്ട് തുക നല്‍കുമെന്ന് മന്ത്രി വി.എസ്. സുനില്‍കുമാര്‍ അറിയിച്ചു. 40 കോടി രൂപ ഇതിനായി വകയിരുത്തി.ഭുവിസ്തൃതി, കൃഷിസ്ഥലം എന്നിവ അടിസ്ഥാനമാക്കിയാണ് ഗുണഭോക്താക്കളെ തിരഞ്ഞെടുക്കുക.www.aims.kerala.gov.in പോര്‍ട്ടലിലൂടെ സ്വന്തമായോ അക്ഷയ കേന്ദ്രം വഴിയോ അപേക്ഷിക്കാം. കരമടച്ച രശീത്, കൈവശാവകാശ സര്‍ട്ടിഫിക്കറ്റ്, ആധാര്‍ അല്ലെങ്കില്‍ തിരിച്ചറിയല്‍ കാര്‍ഡ്, ഡ്രൈവിംഗ് ലൈസന്‍സോ പാന്‍കാര്‍ഡോ പോലെ മറ്റേതെങ്കിലും തിരിച്ചറിയല്‍ രേഖ, ബാങ്ക് ശാഖയുടെ പേരും അക്കൗണ്ട് നമ്പറും ഐ.എഫ്.എസ്.സി. കോഡും മറ്റും ഉള്‍പ്പെടുന്ന ബാങ്ക് പാസ്ബുക്കിന്‍റെ പേജ്, കാന്‍സല്‍ ചെയ്ത ചെക്ക് ലീഫ് എന്നിവയും അപ്ലോഡ് ചെയ്യണം.ഒക്ടോബര്‍ ആദ്യം നെല്ലുസംഭരണംസപ്ലൈകോ മുഖേനയുള്ള ഒന്നാം വിള നെല്ലുസംഭരണം ഒക്ടോബര്‍ ആദ്യം ആരംഭിക്കും. കിലോയ്ക്ക് 27.48 രൂപ നിരക്കിലാണ് സംഭരണം. പുതുതായി രജിസ്റ്റര്‍ ചെയ്യേണ്ടവര്‍ക്ക് ഓണ്‍ലൈന്‍ രജിസ്ട്രേഷന്‍ സൗകര്യം നിലവില്‍ വന്നു.കഴിഞ്ഞവര്‍ഷം ഒന്നാംവിള നെല്ലു സംഭരണത്തിനു സപ്ലൈകോയില്‍ രജിസ്റ്റര്‍ ചെയ്ത കൃഷിക്കാര്‍ വീണ്ടും രജിസ്റ്റര്‍ ചെയ്യേണ്ടതില്ല. ഇവരുടെ രജിസ്ട്രേഷന്‍ പുതുക്കി നല്‍കും. മുന്‍വര്‍ഷം നല്‍കിയ വിശദാംശങ്ങളില്‍ തിരുത്തോ മാറ്റമോ ഉണ്ടെങ്കില്‍ അതതു കൃഷിഭവനുകളില്‍ നേരിട്ടോ ഇമെയിലിലോ അപേക്ഷ നല്‍കാമെന്ന് സപ്ലൈകോ മാനേജിംഗ് ഡയറക്ടര്‍ അലി അസ്കര്‍ പാഷ അറിയിച്ചു. നെല്ലെടുപ്പു മാര്‍ഗനിര്‍ദ്ദേശങ്ങള്‍ ഉടന്‍ പുറത്തിറക്കും.
ക്ഷീരമേഖലയ്ക്ക് പ്രതീക്ഷയായി ഡോ. പ്രസൂണ്‍
കോവിഡ് കാലത്ത് ക്ഷീര മേഖലക്ക് പ്രതീക്ഷയായി പുതിയ സംരംഭം. പള്ളിക്കുന്നില്‍ സജ്ജീകരിച്ച വയനാട് സുപ്രീം ഡയറി കമ്പനി വസുധയുടെ പ്ലാന്‍റ് പ്രവര്‍ത്തന സജ്ജമായി.മികച്ച ഡയറി ഫാമുകളി ലൊന്നാണ് പനമരം അമ്പലക്കര ഡോ. പ്രസൂണിന്‍റേത്. ഗുണമേന്മയും ശുദ്ധി യുമുള്ള പാല്‍ ഉപഭോക്താക്കള്‍ക്ക് എത്തിച്ചു നല്‍കുകയാണ് ചെയ്യുന്നത്. ഈ പ്രവര്‍ത്തനം വ്യാപിപ്പിക്കുന്നതിന്‍റെ ഭാഗമായാണ് വസുധഎന്ന പേരില്‍ ഒരു സംരംഭം ക്ഷീര-കാര്‍ഷിക മേഖലയില്‍ ഡോ. പ്രസൂണ്‍ ആരംഭിച്ചത്. സമാനമായ മറ്റ് അഗ്രിസംരംഭകരില്‍ നിന്നും ഡയറി ഫാമുകളില്‍ നിന്നും പാല്‍ ശേഖരിച്ച് വസുധ യുടെ പേരില്‍ വിപണിയിലെത്തി ക്കാനാണ് ലക്ഷ്യമിടുന്നത്. പാല്‍ കൂടാതെ തൈര്, നെയ്യ് എന്നിവയും ആവശ്യക്കാര്‍ക്ക് എത്തിച്ചുനല്‍കും. പൂക്കോട് വെറ്ററിനറി സര്‍വക ലാശാലയിലെ ഡയറി ഡിപ്പാര്‍ട്ട് മെന്‍റിന്‍റേയും ക്ഷീരവികസന വകുപ്പിന്‍റേയും സാങ്കേതിക സഹാ യങ്ങളും വിദഗ്ധോപദേശവും ലഭിച്ചുവരുന്നുണ്ട്. ഇതിനായികഴിഞ്ഞ മാസങ്ങളിലാണ് പ്ലാന്‍റ് സജ്ജീകരിച്ചത്.കൊറോണ വൈറസ് വ്യാപ നവും ലോക്ക് ഡൗണ്‍ ക്ഷീര മേഖലയെ സാരമായി ബാധി ച്ചിട്ടുണ്ട് . ഈ പ്രതിസന്ധി ചെറുതായെങ്കിലും മറികടക്കുന്നതിനുള്ള ശ്രമമാണ് പള്ളിക്കുന്നില്‍ തുടങ്ങുന്നതെന്ന് അദ്ദേഹം പറഞ്ഞു.പള്ളിക്കുന്നില്‍ പ്രവര്‍ത്തി ക്കുന്ന പാല്‍ സംസ്ക്കരണ കേന്ദ്രത്തില്‍ മണിക്കൂറില്‍ അ ഞ്ഞൂറ് ലിറ്റര്‍ പാല്‍ സംസ്കരിക്കാന്‍ കഴിയും. ജില്ലയിലെ പാല്‍ ജില്ലയില്‍ തന്നെ ആദ്യ ഘട്ടത്തില്‍ വിറ്റഴിക്കാനാണ് പദ്ധതിയിടുന്നത്. വസുധയുടെ പ്രച രണത്തിനും മാര്‍ക്കറ്റിംഗിനും മറ്റുമായി ഇതിനോടകം തന്നെ ആറോളം ജീവനക്കാരെ നിയമിച്ചു. ഇവര്‍ക്ക് വിദഗ്ധ പരിശീലനവും നല്‍കികഴിഞ്ഞു. പ്രതിദിനം 2,30,000 ലിറ്റര്‍ പാല്‍ ഉല്പാദി പ്പിക്കുന്ന ജില്ലയില്‍ കാല്‍ ലക്ഷ ത്തോളം പേര്‍ ക്ഷീര മേഖലയെ മാത്രം ആശ്രയിച്ചാണ് ഉപജീവനം നടത്തുന്നത്. അവര്‍ക്ക് താങ്ങായി വയനാടിന്‍റെ സ്വന്തം കാര്‍ഷിക സംരംഭകനായി മാറാന്‍ ഒരുങ്ങു കയാണ് ഡോ. പ്രസൂണ്‍ പൂതേരി.വാസ്തു കലയില്‍ പ്രാവീ ണ്യവും നാലുകെട്ടിനെക്കുറിച്ച് പഠനം നടത്തി ഡോക്ടറേറ്റും നേടിയ ശേഷം പാരമ്പര്യമായി ലഭിച്ച അറിവുകളും ശാസ്ത്രീയ അറിവുകളും സമന്വയിപ്പിച്ച കാര്‍ഷിക അനുബന്ധ സംരംഭക മേഖലയിലേക്ക് തിരിയുകയാ യിരുന്നുഡയറി ഫാം ഓണേഴ്സ് അസോസിയേഷന്‍ ജനറല്‍ സെക്രട്ടറി കൂടിയാണ് ഡോക്ടര്‍ പ്രസൂണ്‍ പൂതേരി.
ആടുകള്‍
ഓരോ സ്ഥലത്തുമുള്ള ആടുകള്‍ക്ക് പൊതുവായ ആകൃതിയും നിറങ്ങളും സ്വഭാവങ്ങളും കാണുവാന്‍ സാധിക്കുന്നുണ്ട് ആയതിനുള്ള പ്രധാനപ്പെട്ട കാരണം ഭൂപ്രകൃതിയിലുള്ള പ്രത്യേകതകളിലുള്ള വേര്‍തിരിവ് കാരണവും ഓരോ പ്രദേശങ്ങളിലുള്ള ആടുകള്‍ ഇണചേരുകയും അങ്ങനെ ലഭിക്കുന്ന ആടുള്‍ പ്രത്യേക വിഭാഗങ്ങളിലായിമാറുകയും ചെയ്യുന്നു. ഇങ്ങനെ സാമ്യമുള്ള ആടുകളെ ജനുസ്സ് എന്നാണ് വിളിക്കപ്പെടുന്നത്. ബീറ്റല്‍, ജമുനാപ്യാരി, ബാര്‍ബറി, സിരോഹി, മലബാറി, ഝാക്കറാന, എന്നിവയാണ് പ്രധാന ജനുസ്സുകള്‍.മലബാറി ആടുകള്‍മലബാറിലുണ്ടായിരുന്ന ആടുകളുടേയും അറേബ്യന്‍ കച്ചവടക്കാര്‍ കൊണ്ടുവന്ന ആടുകളുടേയും സങ്കരസന്തതികളാണ് മലബാറി ആടുകള്‍. തവിട്ടും വെളുപ്പും കലര്‍ന്നതും വെളുപ്പും കറുപ്പും ചേര്‍ന്നവയും വെളുപ്പ്, കറുപ്പ്, തവിട്ട് എന്നീ നിറങ്ങളിലും പൊതുവെ ഇവയെ കാണാവുന്നതാണ്. ഈ ഇനത്തില്‍പ്പെട്ട ആടുകള്‍ക്ക് കുറ്റിരോമമുള്ളതും ചിലതിന് നീണ്ട രോമമുള്ളവയായും കാണുവാന്‍ സാധിക്കും.തലശ്ശേരി, വടകര എന്നീ പ്രദേശങ്ങളിലാണ് ഈ ഇനത്തില്‍പെട്ടവയെ കണ്ടുവരുന്നത്. തലശ്ശേരി ആടുകള്‍ എന്ന പേരിലും ഇവ അറിയപ്പെടുന്നു. ഇതേ ജനുസ്സില്‍തന്നെ കൊമ്പില്ലാത്ത ഒരിനത്തെക്കൂടി കാണുന്നുണ്ട്.ഒറ്റപ്രസവത്തില്‍ ഒന്നിലധികം കുട്ടികള്‍ ലഭിക്കുന്ന ഇവയ്ക്ക് കറവകാലയളവില്‍ ശരാശരി 110-130 ലിറ്റര്‍ പാല്‍ ലഭിക്കുന്നുണ്ട്. ആണാടുകള്‍ക്ക് 45 കിലോഗ്രാം വരെയും പെണ്ണാടുകള്‍ക്ക് 35 കിലോഗ്രാം വരേയും തൂക്കമുണ്ട്.ജമുനാപ്യാരിമുന്നിലേക്ക് തള്ളിനില്‍ക്കുന്ന വളഞ്ഞ നാസിക, നീണ്ട് പാര്‍ശ്വങ്ങളിലേക്ക് തൂങ്ങിക്കിടക്കുന്ന ചെവി എന്നിവ ഈ ഇനത്തില്‍പെട്ടവയുടെ ശാരീരിക പ്രത്യേകതകളാണ്. മഞ്ഞകലര്‍ന്ന വെള്ളനിറമോ, തൂവെള്ളനിറമോ ഉള്ള ഇവയ്ക്ക് ശരീരത്തില്‍ കറുപ്പോ, ചുവപ്പോ നിറത്തിലുള്ള പുള്ളികള്‍ ഉണ്ട്. ഇവയുടെ കറവകാലം പൊതുവെ 240 ദിവസങ്ങളാണ്. 170 ലിറ്റര്‍ മുതല്‍ 210 ലിറ്റര്‍ വരെ ശരാശരി ലഭിക്കുന്നുണ്ട്. ശരീരവളര്‍ച്ചയും നല്ല ഉയരവും ഉള്ള മുട്ടനാടുകള്‍ക്ക് 75 മുതല്‍ 95 കിലോഗ്രാം വരെയും പെണ്ണാടുകള്‍ക്ക് 55 മുതല്‍ 80 കിലോഗ്രാം വരെയും തൂക്കം ലഭിക്കുന്നുണ്ട്.ഗംഗ, യമുന, ചാമ്പല്‍ എന്നീ നദികള്‍ക്കിടയിലുള്ള സ്ഥലങ്ങളിലും ഉത്തര്‍പ്രദേശിലെ ആഗ്രഹ, ഈത്താവ, മഥുര എന്നീ ജില്ലകളിലും ഇവയെ കാണപ്പെടുന്നുണ്ട്.ബീറ്റല്‍കറുപ്പ്, വെള്ള, തവിട്ട് എന്നീ നിറങ്ങളില്‍ ഇവയെ പ്രധാനമായും കണ്ടുവരുന്നുണ്ട്. തലയും മൂക്കും ജമുനാപ്യാരിയെപ്പോലെ ആണെങ്കിലും ചെവിയൂടെ നീളം ജമുനാപ്യാരിയെ അപേക്ഷിച്ച് കുറവാണ്.പഞ്ചാബിലാണ് ഇവയെ പ്രധാനമായും കണ്ടുവരുന്നത്. 185 ദിവസം കറവക്കാലമുള്ള ഇവയ്ക്ക് 180 ലിറ്റര്‍ പാല്‍വരെ ലഭിക്കും. പെണ്ണാടുകള്‍ക്ക് 45 കിലോഗ്രാമും മുട്ടനാടുകള്‍ക്ക് 70 കിലോഗ്രാം തൂക്കവും ലഭിക്കും.സിരോഹിരാജസ്ഥാനിലെ സിരോഹി ജില്ലയിലാണ് ഇവയുടെ സ്വദേശം. എങ്കിലും രാജസ്ഥാനിലും ഗുജറാത്തിലും പ്രധാനമായും ഇവയെ കണ്ടുവരുന്നുണ്ട്. തവിട്ടുനിറത്തിലുള്ള ശരീരത്തില്‍ ഇളംതവിട്ടോ കടും തവിട്ടോ നിറത്തിലുള്ള പാണ്ടുകള്‍ കാണപ്പെടും. കഴുത്തില്‍ 2 ഉപാംഗങ്ങള്‍ തൂങ്ങിക്കിടക്കുന്ന ഇവയ്ക്ക് കൊമ്പുകള്‍ ചെറുതും മേല്‍പ്പോട്ടും പിന്നോട്ടും വളഞ്ഞതുമായിരിക്കും. 180 ദിവസം നീണ്ടുനില്‍ക്കുന്ന കറവക്കാലത്ത് 250 ലിറ്റര്‍ പാല്‍ ലഭിക്കും. ആണാടിനും പെണ്ണാടിനും യഥാക്രമം 60 കിലോഗ്രാം, 40 കിലോഗ്രാം എന്നീ തൂക്കം ലഭിക്കും.ബാര്‍ബറിമുന്നോട്ട് എഴുന്നേറ്റ് നില്‍ക്കുന്ന കുഴല്‍പോലെ തോന്നിക്കുന്ന ചെറിയ ചെവികളാണ് ഇതിന്‍റെ സവിശേഷത. ഉത്തര്‍പ്രദേശിലും ഡല്‍ഹിയിലും ഇവയെ പ്രധാനമായും കണ്ടുവരുന്നു. വെള്ള നിറത്തിലുള്ള ശരീരത്തില്‍ ചാരനിറത്തിലുള്ള പുള്ളികള്‍ കാണപ്പെടുന്നു. ദിവസേന ശരാശരി 1 മുതല്‍ ഒന്നേകാല്‍ ലിറ്റര്‍ പാല്‍ വരെ ലഭിക്കുന്ന ഇവയ്ക്ക് ഒന്നിലധികം കുട്ടികള്‍ ലഭിക്കുന്നതോടൊപ്പം ഇവയുടെ കൊറ്റനാടുകള്‍ക്ക് 50 കിലോഗ്രാം വരെയും പെണ്ണാടുകള്‍ക്ക് 40 കിലോഗ്രാം വരെയും തൂക്കം ലഭിക്കുന്നുണ്ട്.ഝാക്കറാനഝാക്കറാന, രാജസ്ഥാന്‍ എന്നിവിടങ്ങളിലാണ് പ്രധാനമായും കണ്ടുവരുന്നത്. നാസികാഗ്രത്തിലും ചെവിയിലും വെളുത്തപുള്ളികള്‍ കാണുവാന്‍ സാധിക്കും. മുഖം വീതികുറഞ്ഞ് ലേശം മുന്നോട്ട് തള്ളിയിരിക്കും. ആണാടിന് 60 കിലോഗ്രാം പെണ്ണാടിന് 40 കിലോഗ്രാം തൂക്കം ലഭിക്കും. പ്രതിദിനം ഓരോ ലിറ്റര്‍ പാല്‍ ലഭിക്കുന്ന ഇവയുടെ കറവക്കാലം 115 ദിവസമാണ്. ഇവയെക്കൂടാതെ ഏകദേശം ഇരുപത്തിയഞ്ചോളം ജനുസ്സുകള്‍ ഭാരതത്തില്‍ തന്നെ കാണുവാന്‍ സാധിക്കുന്നുണ്ട്.ബ്ലാക്ക് ബംഗാള്‍, ആസ്സാംഹില്‍, ഗഞ്ചം എന്നിവ മാംസാവശ്യത്തിന് മാത്രം ഉപയോഗിക്കുന്നവയാണ്.മെഹ്ഡാന, സൂര്‍ത്തിസലാവാഡി, മാര്‍വാരി, കച്ചി എന്നിവയും ഒസ്മാനബാദി അഥവാ ഡക്കാനി ആടുകള്‍ എന്നിവ പാലിനും ഇറച്ചിക്കും അനുയോജ്യമാണ്. തമിഴ്നാട്ടില്‍ നിന്ന് കാണപ്പെടുന്ന കണ്ണയാട്, ഹിമാലയസാനുക്കളല്‍ കാണപ്പെടുന്ന ചാങ്താങ്ങ്, ചെഗു, ഗദ്ദി, കാശ്മീരി എന്നിവ വിവിധ ഇനങ്ങളില്‍പ്പെട്ട ആടുകളാണ്. വിദേശജനുസ്സായ സാനന്‍, ആല്‍പ്പയിന്‍, ആംഗ്ജോനുബിയന്‍, അങ്കോറ എന്നിവ വിദേശ രാഷ്ട്രങ്ങളല്‍ മാംസത്തിനും പാലിനും ഉപയോഗിക്കുന്ന പ്രധാന ഇനങ്ങളാണ്.
ആനത്തൊട്ടാവാടി കന്നുകാലികള്‍ക്ക് മാരകം!
ഡോ. പി.കെ. മുഹ്സിന്‍ റോഡരികിലും പറമ്പിലും മറ്റു പുറമ്പോക്കിലും സാധാരണയായി കണ്ടുവരുന്ന ഒരു ചെടിയാണ് ആനത്തൊട്ടാവാടി. കേരളത്തിലെ വടക്കന്‍ ജില്ലകളിലാണ് വിദേശിയായ ഈ ചെടികള്‍ കൂടുതല്‍ കണ്ടുവരുന്നത്. ഇതിന്‍റെ വിഷബാധ വൃക്കകളെയും രക്തധമനികളെയുമാണ് ബാധിക്കുന്നത്. ചെടി മാത്രമായി തിന്നുന്നതുകൊണ്ടോ പച്ചപ്പുല്ലിനോടൊപ്പം വെട്ടിയിട്ട് കൊടുക്കുന്നത് മൂലമോ കന്നുകാലികള്‍ക്ക് വിഷബാധയുണ്ടാവാം.വിഷച്ചെടിയുടെ തോതനുസരിച്ച് രോഗത്തിന്‍റെ കാഠിന്യം കൂടിയും കുറഞ്ഞുമിരിക്കും. കൂടുതല്‍ ചെടികള്‍ തിന്നുമ്പോള്‍ കന്നുകാലികളുടെ മരണം പെട്ടെന്ന് സംഭവിക്കുന്നു. വിഷബാധമൂലം വിവിധ അവയവങ്ങളില്‍ രക്തസ്രാവത്തിനും രക്തംകെട്ടലിനും കാരണമാകുന്നു. വിഷവസ്തുക്കള്‍ രക്ത ധമനികളിലുണ്ടാക്കുന്ന ക്ഷതികങ്ങള്‍ മൂലമാണ് ഇങ്ങനെ സംഭവിക്കുന്നത്.സാധാരണഗതിയില്‍ വിഷച്ചെടികള്‍ കഴിച്ചാല്‍ മൂന്നോ നാലോ ദിവസങ്ങള്‍ക്കുള്ളില്‍തന്നെ രോഗലക്ഷണങ്ങള്‍ കണ്ടുതുടങ്ങുന്നു. വിശപ്പില്ലായ്മ, താഴ്ന്ന താപനില, തുറിച്ച് നോട്ടം എന്നിവ പ്രാരംഭത്തില്‍ കാണാം. വായില്‍ നിന്ന് ഉമിനീര്‍ പതഞ്ഞ് പുറത്തേക്ക് പ്രവഹിക്കുന്നു. മൂത്രം ഒഴിക്കുമ്പോള്‍ വേദനയുണ്ടാവും. ഈ അവസരത്തില്‍ മൂത്രം തുള്ളിയായിട്ടാണ് പുറത്തേക്ക് വരിക. മൂത്രത്തിന് മഞ്ഞനിറമോ മഞ്ഞയും ചുവപ്പും കൂടിയ നിറമോ ഉണ്ടായിരിക്കും. യോനീദളങ്ങള്‍ വീര്‍ത്ത് തടിച്ച് തൂങ്ങി നില്‍ക്കുന്നതായും കാണാം. പ്രാരംഭത്തില്‍ വയര്‍ സ്തംഭനവും പിന്നീട് വയറിളക്കവുമാണ് കാണപ്പെടുക. വിഷബാധ മാരകമെങ്കില്‍ മൂന്ന് ദിവസത്തിനകവും മാരകമല്ലെങ്കില്‍ 10 മുതല്‍ 12 ദിവസത്തിനുള്ളിലും മൃഗങ്ങള്‍ ചത്തുപോകുന്നു.മരണാനന്തര പരിശോധന നടത്തിയാല്‍ വൃക്കകളില്‍ രക്തസ്രാവം, നിര്‍ജ്ജീവമായ വെളുത്ത പാടുകള്‍, വൃക്കകളിലും കരളിലും രക്തം കെട്ടല്‍, പിത്തസഞ്ചിയുടെ വീക്കം, ഹൃദയവെന്‍ട്രിക്കുകളുടെ വികാസം, ശ്വാസകോശങ്ങളലെ നീര്‍ക്കെട്ട് എന്നിവ കാണാം.രോഗാരംഭത്തില്‍ വിദഗ്ധ ചികിത്സ നടത്തുന്നപക്ഷം കന്നുകാലികളെ മരണത്തില്‍ നിന്നും രക്ഷപ്പെടുത്താം. വിഷബാധയ്ക്കുള്ള പൊതുചികിത്സാക്രമം ഒരു പരിധിവരെ ഈ രോഗത്തിനും ഫലപ്രദമാണ്.
സസ്യസംരക്ഷണത്തിന് മണ്ണെണ്ണ കുഴമ്പും പുകയില കഷായവും
അനില്‍ ജേക്കബ് കീച്ചേരിയില്‍ മണ്ണെണ്ണക്കുഴമ്പ്നീരൂറ്റിക്കുടിക്കുന്ന പല പ്രാണികളേയും മണ്ണെണ്ണക്കുഴമ്പ് ഉപയോഗിച്ച് ഫലപ്രദമായി നിയന്ത്രിക്കാം. ഇത് തയ്യാറാക്കാനായി 500 ഗ്രാം ബാര്‍ സോപ്പ് നേര്‍ത്ത ചീളുകളായി 4.5 ലിറ്റര്‍ വെള്ളം തിളപ്പിച്ച് അതില്‍ ലയിപ്പിക്കുക. തണുത്തശേഷം സോപ്പുലായനിയിലേക്ക് 9 ലിറ്റര്‍ മണ്ണെണ്ണ ചേര്‍ത്ത് നേര്‍പ്പിച്ചശേഷം ചെടികളില്‍ തളിക്കാവുന്നതാണ്.പുകയില കഷായംപച്ചക്കറികളിലെ ഇലപ്പേന്‍ തുടങ്ങിയ കീടങ്ങളെ നിയന്ത്രിക്കാന്‍ വളരെ സുരക്ഷിതമായി ഉപയോഗിക്കാവുന്ന കീടനാശിനിയാണ് പുകയില കഷായം. വെറ്റില മുറുക്കുന്നതിന് ഉപയോഗിക്കാന്‍ കൊള്ളാത്ത 500 ഗ്രാം പുകയില നാലര ലിറ്റര്‍ വെള്ളത്തില്‍ 24 മണിക്കൂര്‍ കുതിര്‍ത്ത് വച്ചശേഷം അരിച്ചെടുക്കുക. 120 ഗ്രാം ബാര്‍ സോപ്പ് നേര്‍ത്ത ചീളുകളാക്കി മറ്റൊരു പാത്രത്തിലെ വെള്ളത്തില്‍ ലയിപ്പിക്കുക. ഈ സോപ്പുലായനി നേരത്തെ തയ്യാറാക്കിയ പുകയില ലായനിയില്‍ ഒഴിച്ച് നന്നായി ഇളക്കുക. ഇങ്ങനെ തയ്യാറാക്കിയ ലായനി ആറോ ഏഴോ മടങ്ങു വെള്ളം ചേര്‍ത്ത് ചെടികളില്‍ തളിക്കാവുന്നതാണ്.വേപ്പിന്‍കുരു മിശ്രിതംതുള്ളന്‍, വെട്ടുകിളി മുതലായവയുടെ ആക്രമണത്തില്‍ നിന്നും ചെടികളെ രക്ഷിക്കാന്‍ ഈ കീടനാശിനി ഉപയോഗിക്കാം. പഴുത്ത വേപ്പിന്‍കായ്കളുടെ കുരു വേര്‍പ്പെടുത്തി നല്ലവണ്ണം പൊടിച്ചെടുക്കണം. (0.1 മുതല്‍ 0.3 ശതമാനം വരെ വീര്യത്തില്‍ ഈ ലായനി തയ്യാറാക്കി കീടനാശിനിയായി ഉപയോഗിക്കാം) 0.1 ശതമാനം വീര്യത്തില്‍ ഈ ലായനി തയ്യാറാക്കാനായി ഒരു നേര്‍ത്ത തുണിയില്‍ 1 ഗ്രാം വേപ്പിന്‍കുരുപൊടി കിഴിയാക്കി ഒരു ലിറ്റര്‍ വെള്ളത്തില്‍ 12 മണിക്കൂര്‍ നേരം മുക്കിവെയ്ക്കുക. അതിനുശേഷം കിഴി നല്ലതുപോലെ വെള്ളത്തില്‍ ഞെക്കിപ്പിഴിയണം. ഈ മിശ്രിതം അതേപടി തന്നെ കീടനാശിനിയായി ചെടികളില്‍ തളിക്കാവുന്നതാണ്.ബോര്‍ഡോ മിശ്രിതംപല കുമിള്‍ രോഗങ്ങള്‍ക്കുമെതിരെ ഫലപ്രദമായി ഉപയോഗിക്കാന്‍ കഴിയുന്ന ഒരു കുമിള്‍നാശിനിയാണ് ബോര്‍ഡോമിശ്രിതം. ഇത് തയ്യാറാക്കാനായി ഒരുകിലോ തുരിശ് ഒരു പാത്രത്തിലെ 50 ലിറ്റര്‍ വെള്ളത്തില്‍ ലയിപ്പിക്കുക. വേറൊരു പാത്രത്തിലെ 50 ലിറ്റര്‍ വെള്ളത്തില്‍ ചുണ്ണാമ്പും ലയിപ്പിക്കണം. തുരിശ് ലായനി ചുണ്ണാമ്പുലായനിയിലേക്ക് ഒഴിച്ച് നല്ലതുപോലെ ഇളക്കുക. ഈ ലായനി ചെടികളില്‍ തളിക്കുന്നതിന് മുമ്പ് അതിലെ ചെമ്പിന്‍റെ അംശം കൃത്യമായിട്ടുണ്ടോ എന്നുപരിശോധിക്കണം. ഇതിനായി നല്ലതുപോലെ മിനുക്കിയ ഒരു ഇരുമ്പുകത്തി തയ്യാറാക്കിയ ലായനിയില്‍ കുറച്ചുനേരം മുക്കിവെയ്ക്കുക. കത്തിയില്‍ ചെമ്പിന്‍റെ അംശം പറ്റിയിരിക്കുന്നുണ്ടെങ്കില്‍ ലായനിയില്‍ അല്‍പം ചുണ്ണാമ്പു ചേര്‍ത്ത് വീണ്ടും കത്തിമുക്കിവെച്ച് പരിശോധിക്കുക. കത്തിയില്‍ ചെമ്പുനിറം വരാതിരിക്കുന്നതുവരെ ചുണ്ണാമ്പ് ചേര്‍ക്കേണ്ടതാണ്. ബോര്‍ഡോ മിശ്രിതം തയ്യാറാക്കാനായി തടികൊണ്ടോ മണ്ണുകണ്ടോ ചെമ്പുകൊണ്ടോ പ്ലാസ്റ്റിക്കുകൊണ്ടോ നിര്‍മ്മിച്ച പാത്രങ്ങള്‍ ഉപയോഗിക്കാവുന്നതാണ്.

കാർഷിക ഇന്നവേറ്റേഴ്‌സ് മീറ്റ് 6-ന് കാസർഗോഡ്.

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives