കേരള കര്‍ഷക കടാശ്വാസ കമ്മീഷന്‍ പണം അനുവദിച്ചു.

കുളമ്പുരോഗ നിയന്ത്രണ പ്രതിരോധ കുത്തിവെയപ്പ്
തിരുവനന്തപുരം ജില്ലയില്‍ ദേശീയ ജന്തുരോഗ നിയന്ത്രണ പദ്ധതി മൂന്നാംഘട്ടത്തിന്റെ ഭാഗമായി കുളമ്പുരോഗ നിയന്ത്രണ പ്രതിരോധ കുത്തിവെയപ്പ് ഡിസംബര്‍ 09 വരെ നടത്തുന്നു. കര്‍ഷകര്‍ ഈ അവസരം പ്രയോജനപ്പെടുത്തി നാല് മാസത്തിനു മേല്‍ പ്രായമുളള കന്നുകാലികളേയും എരുമകളേയും പ്രതിരോധ കുത്തിവെയ്പ്പിനു വിധേയമാക്കണമെന്ന് മൃഗസംരക്ഷണ വകുപ്പ് അറിയിച്ചു. കുത്തിവെയ്പ്പിനായി കര്‍ഷകരുടെ വീട്ടുപടിക്കല്‍ മൃഗസംരക്ഷണ വകുപ്പിലെ അംഗീകൃത വാക്‌സിനേറ്റര്‍മാര്‍ എത്തുന്നതാണ്. പ്രതിരോധ കുത്തിവയ്പ് സൗജന്യമായിരിക്കുമെന്നും വകുപ്പ് അറിയിച്ചു.
കാര്‍ഷിക നിര്‍ദ്ദേശങ്ങള്‍
* വഴുതന വര്‍ക്ഷ വിളകളില്‍ (വഴുതന, തക്കാളി, മുളക്) നട്ടു ഒരു മാസത്തിനു ശേഷം ഒരു സെന്റിന് 170 ഗ്രാം യൂറിയ, 80 ഗ്രാം പൊട്ടാഷ് എന്നിവ മേല്‍വളമായി നല്‍കാവുന്നതണ്. * വെണ്ടയില്‍ ഇലപ്പുള്ളിരോഗം കണ്ടുവരുന്നുണ്ട്. ഇത് നിയന്ത്രിക്കുന്നതിനായി ട്രൈക്കോഡെര്‍മ 20 ഗ്രാം ഒരു ലിറ്റര്‍ വെളളത്തില്‍ എന്ന തോതില്‍ തളിച്ച് കൊടുക്കുക. രോഗം മൂര്‍ച്ഛിക്കുകയാണെങ്കില്‍ മാങ്കോസെബ് 3 ഗ്രാം ഒരു ലിറ്റര്‍ വെള്ളത്തില്‍ എന്ന തോതില്‍ കലക്കി തളിച്ചുകൊടുക്കുക. * ശീതകാല പച്ചക്കറി വിളയായ സവാള കൃഷിയ്ക്കായി തയ്യാറെടുക്കുന്ന കര്‍ഷകര്‍ 45 മുതല്‍ 60 ദിവസം പ്രായമായതും 0.6 സെ.മീ മുതല്‍ 0.8 സെ.മീ വരെ വണ്ണവും 15 സെന്റിമീറ്റര്‍ വരെ ഉയരവും ഉള്ള തൈകള്‍ നഴ്‌സറിയില്‍ നിന്നും പ്രധാന കൃഷിയിടത്തിലേക്ക് ഡിസംബര്‍ ആദ്യ വാരത്തോടെ പറിച്ചു നടേണ്ടതാണ്. 15 സെന്റിമീറ്ററിനു മുകളില്‍ ഉയരമുള്ള തൈകളുടെ തലപ്പ് നുള്ളി കൊടുത്തതിനു ശേഷം പറിച്ചു നടീലിനായി അവ ഉപയോഗിക്കുക. പകലിന്റെ ദൈര്‍ഘ്യവും ചൂടും കുറഞ്ഞു നില്‍ക്കുന്ന സമയത്താണ് സവാള പറിച്ചു നടേണ്ടത്. നടുന്ന സമയത്തു തണുപ്പ് കാലാവസ്ഥയും വിളവെടുപ്പിന്റെ സമയത്തു ചൂടുള്ള കാലാവസ്ഥയുമാണ് പൊതുവെ സവാള കൃഷിയ്ക്ക് ആവശ്യം.
ക്ഷീരോല്‍പന്ന നിര്‍മ്മാണത്തില്‍ പരിശീലന പരിപാടി
തിരുവനന്തപുരം, പട്ടത്തുള്ള ക്ഷീരപരിശീലന കേന്ദ്രത്തില്‍ വച്ച് ഡിസംബര്‍ 5 മുതല്‍ ഡിസംബര്‍ 16 വരെയുള്ള 10 പ്രവൃത്തി ദിവസങ്ങളില്‍ സ്വയം തൊഴില്‍ സംരംഭകര്‍ക്കും വീട്ടമ്മമാര്‍ക്കുമായി ക്ഷീരോല്‍പന്ന നിര്‍മ്മാണത്തില്‍ പരിശീലന പരിപാടി സംഘടിപ്പിക്കുന്നു. താല്പര്യമുള്ളവര്‍ ഇന്ന് (ഡിസംബര്‍ 3-ാം തിയതി) വൈകുന്നേരം 5 മണിക്കു മുമ്പായി ഈ പരിശീലന കേന്ദ്രത്തില്‍ ഫോണ്‍ മുഖേനയോ, നേരിട്ടോ പേര് രജിസ്റ്റര്‍ ചെയ്യേണ്ടതാണ്. രജിസ്‌ട്രേഷന്‍ ഫീസ് 135 രൂപ. കൂടുതല്‍ വിവരങ്ങള്‍ക്ക് ക്ഷീരപരിശീലന കേന്ദ്രം, പൊട്ടക്കുഴി റോഡ്, പട്ടം, പട്ടം പി.ഒ. തിരുവനന്തപുരം – 695004 എന്ന മേല്‍വിലാസത്തിലോ, principaldtctvm@gmail.com എന്ന ഇ-മെയില്‍ വിലാസത്തിലോ, 0471 – 2440971 എന്ന ഫോണ്‍ നമ്പരിലോ ബന്ധപ്പെടുക.
കേരഗ്രാമം പദ്ധതി : പഞ്ചായത്ത് തല ഉദ്ഘാടനം
കരകുളം ഗ്രാമപഞ്ചായത്തിന്റെ നാളികേര വികസന പദ്ധതിയുടെ കീഴില്‍ തെങ്ങിന്റെ ഉല്‍പാദനവും ഉല്‍പാദനക്ഷമതയും ബന്ധിപ്പിക്കുന്നതിനായി സംയോജിത കീടരോഗ നിയന്ത്രണം, സംയോജിത വളപ്രയോഗം, ഇടവിള കൃഷി, ജലസേചന സൗകര്യങ്ങള്‍ രോഗം ബാധിച്ച് ഉത്പാദനക്ഷമത കുറഞ്ഞ തെങ്ങുകള്‍ മുറിച്ചുമാറ്റി അത്യുല്‍പാദനശേഷിയുള്ള തെങ്ങിന്‍തൈകള്‍ വച്ച് പിടിപ്പിക്കല്‍, മൂല്യവര്‍ദ്ധിത ഉത്പന്നങ്ങളുടെ പ്രോത്സാഹനം മുതലായ പ്രവര്‍ത്തനങ്ങള്‍ ലക്ഷ്യമിട്ടുകൊണ്ട് 100 ഹെക്ടര്‍ സ്ഥലത്ത് കേരഗ്രാമം പദ്ധതി തുടര്‍ച്ചയായി മൂന്ന് വര്‍ഷം നടപ്പിലാക്കുന്നു. ഈ പദ്ധതിയുടെ പഞ്ചായത്ത് തല ഉദ്ഘാടനം ഡിസംബര്‍ ആറിന് ഭക്ഷ്യ സിവില്‍ സപ്ലൈസ് വകുപ്പ് മന്ത്രി അഡ്വക്കേറ്റ് ജി ആര്‍ അനിലിന്റെ അധ്യക്ഷതയില്‍ കൃഷിവകുപ്പ് മന്ത്രി പി പ്രസാദ് നിര്‍വഹിക്കും.
വിള ഇന്‍ഷുറന്‍സ് വാരാചരണം
ആസാദി കാ അമൃത് മഹോത്സവത്തിന്റെ ഭാഗമായി കേന്ദ്ര സംസ്ഥാന സര്‍ക്കാരുകള്‍ ഡിസംബര്‍ ഒന്നു മുതല്‍ ഏഴ് വരെ വിള ഇന്‍ഷുറന്‍സ് വാരാചരണം സംഘടിപ്പിക്കുന്നു ഇതിന്റെ ഭാഗമായി കേന്ദ്രാവിഷ്‌കൃത വിള ഇന്‍ഷുറന്‍സ് പദ്ധതികള്‍ ആയ പ്രധാനമന്ത്രി ഫസല്‍ ബീമാ യോജന കാലാവസ്ഥാ അധിഷ്ഠിത വിള ഇന്‍ഷുറന്‍സ് പദ്ധതി എന്നിവയില്‍ കര്‍ഷകര്‍ക്ക് അംഗത്വം എടുക്കാം. കൂടുതല്‍ വിവരങ്ങള്‍ക്ക് 180-425-7064 എന്ന നമ്പരില്‍ ബന്ധപ്പെടുക. രജിസ്‌ട്രേഷനുള്ള അവസാന തീയതി 2022 ഡിസംബര്‍ 31 .
ഉണക്കറബ്ബറില്‍നിന്നുള്ള ഉത്പന്നനിര്‍മ്മാണം : അഞ്ചു ദിവസത്തെ പരിശീലനം
റബ്ബര്‍ബോര്‍ഡിന്റെ കീഴിലുള്ള നാഷണല്‍ ഇന്‍സ്റ്റിറ്റ്യൂട്ട് ഫോര്‍ റബ്ബര്‍ ട്രെയിനിങ് (എന്‍.ഐ.ആര്‍.റ്റി.) ഉണക്കറബ്ബറില്‍നിന്നുള്ള ഉത്പന്നനിര്‍മ്മാണത്തില്‍ ഡിസംബര്‍ 05 മുതല്‍ 09 വരെ അഞ്ചു ദിവസത്തെ പരിശീലനം നല്‍കുന്നു. മോള്‍ഡഡ്, എക്‌സ്ട്രൂഡഡ്, കാലെന്‍ഡേര്‍ഡ് ഉത്പന്നങ്ങളുടെ നിര്‍മ്മാണം, റബ്ബര്‍കോമ്പൗണ്ടിങ്, പ്രോസസ്സ് കണ്‍ട്രോള്‍, വള്‍ക്കനൈസേറ്റ് പരിശോധനകള്‍; എം.എസ്.എം.ഇ. (മൈക്രോ, സ്‌മോള്‍ & മീഡിയം എന്റര്‍പ്രൈസസ്) പദ്ധതികള്‍ തുടങ്ങിയവ വിഷയങ്ങളിലാണ് പരിശീലനം. കൂടുതല്‍ വിവരങ്ങള്‍ക്ക് 0481 2353127 എന്ന ഫോണ്‍ നമ്പരിലോ 04812353201 എന്ന വാട്‌സ്ആപ്പ് നമ്പരിലോ ബന്ധപ്പെടാം.
കാര്‍ഷിക നിര്‍ദ്ദേശങ്ങള്‍
പയറില്‍ കായ്തുരപ്പന്റെ ആക്രമണം നിയന്ത്രിക്കാനായി വേപ്പിന്‍ കുരുസത്ത് 5% വീര്യത്തില്‍ തയ്യാറാക്കി തളിക്കുക. ആക്രമണം രൂക്ഷമാണെങ്കില്‍ രണ്ട് മില്ലി ഫ്‌ളൂബെന്റാമൈഡ് 10 ലിറ്റര്‍ വെള്ളത്തില്‍ എന്ന തോതിലോ അല്ലെങ്കില്‍ ക്ലോറാന്‍ട്രാനിലിപ്രോള്‍ മൂന്ന് മില്ലി 10 ലിറ്റര്‍ വെള്ളത്തില്‍ എന്ന് തോതിലോ തളിച്ചു കൊടുക്കാവുന്നതാണ്. വെള്ളരി വര്‍ഗ്ഗ പച്ചക്കറികളില്‍ കായീച്ചയുടെ ആക്രമണം നിയന്ത്രിക്കാനായി കേടുവന്ന കായകള്‍ പറിച്ച് നീക്കം ചെയ്ത് നശിപ്പിക്കുക. പച്ചക്കറികളിലെ കായീച്ചകളെ നിയന്ത്രിക്കാനുള്ള പ്രത്യേകമായ ഫിറോമോണ്‍ കെണിയായ ക്യുലൂര്‍ ആറ് എണ്ണം ഒരു ഏക്കറിന് അല്ലെങ്കില്‍ പാളയങ്കോടന്‍ പഴക്കണികള്‍ ഉപയോഗിക്കുക. എന്നിട്ടും കുറവില്ലെങ്കില്‍ രണ്ട് മില്ലി സായാന്‍ഡ്രനിലിപ്രോള്‍ ഒരു ലിറ്റര്‍ വെള്ളത്തില്‍ കലക്കി തളിക്കുക.
പി. ആർ. ഓ മാർക്ക് മോജോ പരിശീലനം
മൃഗസംരക്ഷണ വകുപ്പിലെ പി.ആർ.ഓ മാർക്കായി തിരുവനന്തപുരം കുടപ്പനക്കുന്ന് ലൈവ്സ്റ്റോക്ക് മാനേജ്മെന്റ് ട്രെയിനിംഗ് സെന്ററിൽ, ഇൻഫോർമേഷൻ ആൻഡ് പബ്ലിക് റിലേഷൻ ഡിപ്പാ‍‍ർട്ട്മെന്റിന്റെ സഹകരണത്തോടെ NEW MEDIA COMMUNICATION THROUGH MOBILE JOUNALISM എന്ന വിഷയത്തിൽ പരിശീലനം നടത്തുന്നു. കുടപ്പനക്കുന്ന് എൽ.എം.ടി.സി ക്യാമ്പസിൽ വെച്ച് നടക്കുന്ന പരിശീലന പരിപാടിയുടെ ഉദ്ഘാടനം പ്രിൻസിപ്പൽ ട്രെയിനിംഗ് ഓഫീസർ ഡോ.റെനി ജോസഫ് ഉദ്ഘാടനം ചെയ്തു. മൃഗസംരക്ഷണ വകുപ്പിലെ പദ്ധതികളും സേവനങ്ങളും സമയബന്ധിതമായി ജനങ്ങളിലേക്കെത്തിക്കാൻ ഉദ്യോഗസ്ഥരെ സജ്ജമാക്കുന്നതിന്റെ ഭാഗമായാണ് പരിശീലനം നൽകുന്നത്. ഇൻഫോർമേഷൻ ആൻഡ് പബ്ലിക് റിലേഷൻ അഡീഷണൽ ഡയറക്ടർ കെ.അബ്ദുൾ റഷീദ് ,മൃഗസംരക്ഷണ വകുപ്പ് സംസ്ഥാന പബ്ലിക് റിലേഷൻ ഓഫീസർ ഡോ.ശ്യാംലാൽ, ഇൻഫോർമേഷൻ ഓഫീസർ കെ.ജയകുമാർ തുടങ്ങിയവർ പങ്കെടുത്തു.
പാൽ ഇൻസന്റീവ് തുക അടുത്ത വർഷം കൂട്ടും : മന്ത്രി ജെചിഞ്ചുറാണി
ക്ഷീര കർഷകർക്ക് നൽകി വരുന്ന നാല് രൂപ ഇൻസന്റീവ് തുക അടുത്ത വർഷം മുതൽ കൂട്ടുമെന്ന് മൃഗസംരക്ഷണ,ക്ഷീര വികസന വകുപ്പ് മന്ത്രി ജെ.ചിഞ്ചുറാണി .തദ്ദേശ സ്വയംഭരണസ്ഥാപനങ്ങളുമായി കൈകോർത്ത് നടപ്പിലാക്കുന്ന പാൽ ഇൻസന്റീവ് പദ്ധതിയ്ക്ക് കർഷകരുടെ പട്ടിക തരാത്ത പഞ്ചായത്തുകൾക്കെതിരെ നടപടിയുണ്ടാകുമെന്നും മന്ത്രി പറഞ്ഞു. തിരുവനന്തപുരം പോത്തൻകോട് പഞ്ചായത്തിൽ നടപ്പിലാക്കിയ മാതൃകാ മൃഗസംരക്ഷണ പഞ്ചായത്ത് പദ്ധതി ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.ഡിസംബർ ഒന്നു മുതൽ കൂട്ടിയ പാൽവില കർഷകർക്കാണ് ഗുണകരം. 80 ശതമാനത്തിലേറെ തുകയും കർഷകന് കിട്ടുന്ന തരത്തിൽ വിഭാവനം ചെയ്ത വിലവർധനയാണെന്നും മന്ത്രി കൂട്ടിച്ചേർത്തു.
അവാര്‍ഡ് ദാനവും കാര്‍ഷിക സെമിനാറും
കൊല്ലം ജില്ലയിലെ കാര്‍ഷിക മേഖലയില്‍ വിവിധ തലങ്ങളില്‍ മികച്ച നേട്ടം കൈവരിച്ചവര്‍ക്കുള്ള അവാര്‍ഡ് ദാനവും കാര്‍ഷിക സെമിനാറും ഈ മാസം 29ന് (നവംബര്‍ 29) രാവിലെ 9 മണി മുതല്‍ ഏരൂര്‍, ഓയില്‍പാം, പാം വ്യൂ കണ്‍വെന്‍ഷന്‍ സെന്ററില്‍ വെച്ച് നടത്തുന്നു. ഇതിന്റെ ഉദ്ഘാടനം പൂനലൂര്‍ എം.എല്‍.എ പി.എസ് സുപാലിന്റെ അദ്ധ്യക്ഷതയില്‍ കൂടുന്ന യോഗത്തില്‍ കൃഷിവകുപ്പ് മന്ത്രി പി. പ്രസാദ് നിര്‍വഹിക്കും.

കേരള കര്‍ഷക കടാശ്വാസ കമ്മീഷന്‍ പണം അനുവദിച്ചു.

Hello

Also read:

Leave a Reply

Leave a Reply Cancel reply

Most read in a month

Most read in a year

Navigate

Date

Trending this month

Archives