ഓരോ സീസണിലും കാലാവസ്ഥക്കും ഡിമാൻഡിനും അനുസരിച്ചാണ്  വ്യത്യസ്ത ഇനം ഓർക്കിഡുകൾ കൃഷി ചെയ്യുന്നത്. പുഷ്പകൃഷി കൂടുതലുള്ള സിക്കിമിൽ അതുവഴിയുള്ള  വരുമാനത്തിന്റെ   എഴുപത് ശതമാനവും ഓർക്കിഡ് കൃഷിയിലൂടെയാണ്.ഇവിടെ നിന്നുള്ള പൂക്കൾ പ്രധാനമായും ഡൽഹിയിലാണ്  വിറ്റഴിക്കപ്പെടുന്നത്.  സിക്കിം സർക്കാർ കൃഷിക്ക് വലിയ പ്രോത്സാഹനവും സഹായവും നൽകുന്നുണ്ടന്നും കൂടുതൽ അവസരങ്ങൾ ഒരുക്കുന്നുണ്ടന്നും ബി.ബി.ഗൂരുംഗ് പറഞ്ഞു. കാർഷിക ഉല്പന്നങ്ങളും പൂക്കളും വില്ക്കുന്നതിന് സർക്കാർ ഉടമസ്ഥതയിലുള്ള സിക്കിം സ്റ്റേറ്റ് കോപ്പറേറ്റീവ് സപ്ലൈ ആന്റ് മാർക്കറ്റിംഗ് ഫെഡറേഷൻ ലിമിറ്റഡ് എന്ന സ്ഥാപനം കർഷകരെ സഹായിക്കുന്നുണ്ട്.